Tsưr ziv kriê pêx xênhv uô kôngz

Nam: Kriê tsưr ziv phax tuô caz hmoz nox uô ruôr hiêv blôngx kok ntông

Nữ: Kriê tsưr ziv phax tuô caz hmoz nox uô ruôr hiêv blôngx kok ntông

Nam: Têx pov tâu thiêz uô ruôr hiêv:

Nữ: Têx pov tsênhz zos blôngx kok ntông đax. Têx tsoz trâul caz hmoz uô ruôr hiêv hnhar mak chor blôngx tsi jông gâux, chơưs, đaz tuôs. Caz hmoz muôx têx nox uô ruôr hiêv hur si thâuv ntu tsoz kok ntông nhiv kruôr tuôx txos trâu hloz lox.

Têx tsoz kok nhiv kruôr tuôx câuk trâul caz hmoz nox uô ruôr hiêv lok sik trâul cik tâu caz hmoz thâuv tsênhv nhoz hâur kror zuôr zôngx ziv khơưz sâu tsi tâu têx kok muôx 80% ntâu; têx tsoz kok tưz hloz lox li trâul caz hmoz nox uô ruôr hiêv mak khơưz sâu tsi yuô tâu nju thiêz têx zar kok cux tsi jông gâux, txơưv tsês car chiê chiv tov kaz tâu chos lok cux zuôr khơưz sâu tsi tâu kok trơưk li tsưr ziv xar.

Nam: Qir tiv

Nữ: Têx kok trâul caz hmoz nox uô ruôr hiêv li heik sâuv nưk muôx nưk iz zav caz hmoz. Tsi tâu muôx yuôx tsuôs tuô, lov chor caz heik co.

Nam: Tsưr ziv qênhz pov têx caz hmoz nox uô ruôr hiêv blôngx kok ntông

Nữ: Tsi so muk qênhz shuôs têx liêx têz:

-Txix thâuv kok ntông nhiv kruôr tuôx câuk txos thâuv tưz muôx 2 hlik: Tsơưs tsơưs iz ciêz iz jiês, viv têx kok ntông nhiv kruôr tuôx câuk tsuv muk ndis shuôs jông thiêx qênhz pov tâu caz hmoz tho nox uô ruôr hiêv.

-Đhâu 02 hlik: Thâuv têx kok ntông tưz hloz lox mê njik, zôngx ziv seiz njiê pov viv li muk iz lưv xưz muôx têx pov tâu đar têx liêx têz kok trâul caz nox.

Nam: Tsưr ziv phax tuô

Nữ: a. Tsưr ziv qênhz shuôs têx tsoz chos

-Txưr tsi khênhr fax thâux têx car, blôngx kok ntông txix thax tsav tsênhv muôx caz hmoz huôv xênhz nox uô ruôr hiêv ntơư muk trâu têx qơư tsi tâu muôx caz tho nox.

b.Tsưr ziv uô liêx têz:

Xeir car kok chiê chos:

-Xeir zuôr chor car kok tir tâuk caz hmoz nox uô ruôr hiêv li: HN3, HN5, tsơưs trâul caz tho nox li: KM94.

-Khơưz chos trâu têx luz kror jông, tsi muôx caz hmoz uz no, pâuz tsênhz qơư zuôr chor car kok co. Tsi zuôr têx car kok tâu xav tiêk zôngx ziv trâul caz hmoz nox uô ruôr hiêv lok chos.

-Tsi chos têx kok thâuv thax qơư ntơư tsênhv muôx caz hmoz.

c. Phax tuô têx caz uz no uô huôv xênhz caz hmoz nox uô ruôr hiêv kok

-Têx suôv qơư zôngx ziv muôx chor caz hmoz heik sâuv huôv xênhz tsuv tsuôs yuôx tuô lov thâuv nhiv kruôr uô kê caz.

-Chor yuôx tsuôs tuô, lov caz: Muôx têx zôngv iz hâur 2 zav yuôx li: Dinotefuran thiêz Pymetrozne. Thâuv zôngv chor yuôx heik sâuv tsuôs tuô caz mak sơưr đơưk tsuv uô trơưk li lênhx nênhs tsiv uô sâu sâuv luz hnaz yuôx.

-Tsưr ziv tsuôs: Tsuôs cov ntuz cxuô hur si têx blôngx kok ntông. Têx tsoz kok lox, siêz, muôx ntâu blôngx tsuv taz por chor đêx cuô yuôx ntuz txos tas nro 2 saz blôngx txix chor blôngx mok txos blôngx lâul, tsuôs tsơưs tsơưs 400 lir iz ha.

-Txiêr, khơưz por tsês têx tsoz kok trâul caz hmoz nox uô ruôr hiêv lok sik hur si thax têz kok (muôx car, blôngx thiêz kok) đhâu hlo thâuv tsuôs yuôx tuô, lov tas, tsi tâu tsês ntêr đhâu 7 hnuz.

Nam: Kriê tsưr ziv khơưk tsês thiêz zuôr muôs têx car kok ntông chiê chos

Nữ: Tsiv uô:

-Tsi tsês têx kok nhoz thax tsav trâul caz hmoz nox uô ruôr hiêv ntâu uô nôngz.

-Xeir zuôr chor car kok jông, pâuz tsênhz qơư.

-Tsuôs yuôx tuô, lov caz hmoz thiêz tsi so muôz têx tsoz kok tâu xav tiêk trâul caz tho nox ntơư txiêr, hlơưr por tsês đhâu ciês thâuv qênhz pov.

-Uô ntêx thâuv zuôr khơưz sâu tsuv muôz têx tsoz kok tâu xav zos trâul caz nox uô ruôr hiêv txiêr, khơưz por tsês.

-Qơư tsiv uô têx car kok chos tsuv zuôr chor tưz đhâu qênhz njuôk shuôs caz hmoz.

-Zuôr car kok:

Zuôr chor tsi trâul caz hmoz nox uô ruôr hiêv, pâuz tsênhz qơư.

Zos têx car kok tsênhv muôx blôngx mak seiz njiê jông luz njik, pov muôx caz hmoz tsuv muôz por tsês, tsi txiêr zuôr chor car co.

Nam: Phênhv kriê pêx xênhv tsưr ziv uô kôngz no zos Đeix nta suôz Việt Nam nhoz faz Tây Bắc đros tsênhv qơư cxiz kôngz têz qơưk uô./.

(VOV4-Riê Lâux cxeik, nhênhv)