Tsôngv pêx xênhv nhoz qơư yiêz luz nênhx tsâu sor khov huôv tsar uô qơư tu zus njêk

         Tas cik sơưr nzor, tix lâus Lò Văn Phát nhoz jok Khoang, xã Pá Ma Pha Khinh, huyện Quỳnh Nhai tưz zênhx max muk trâu chuôz zis qơư tu zus njêl. Tix lâus Phát heik, shông 2010, thâuv tâur pak đêx tênhv Sơn La, lok six jông huôv tsar xor thêir qơư tu zus njêl, taz sik iz tsưv cor cav khưr uô liêx têz viv li thâuv co tas nro jok tsi tâu muôx lênhx tưs xar txos zuôr tso têx liêx têz tsês, chiê xor their qơư tu zus njêl. Txos shông 2017, seiz pov pak đêx tênhv jông huôv tsar uô nox thiêz lar heik zos tsi xar cov luz nênhx txov nhêv, tix lâus Phát tưz zok nriêr, cơưv shâuv tsưr ziv tu zus njêl thiêz sir jos kêr txeik têx cưr tix nênhx tsa iz lênhs iz kro mê njik đros trâu txeik tsêr nhiêx li pênhr huôv tsar uô 10 qơư tu zus njêl nox jâuz, njêl pok nêiz: “Txix shông 2017-2018, chuôz zis yêik lol nhoz no thiêz zok nriêr nôngz njêl lok zus, zos chuôz zis xuz thơư xor thêir qơư huôv tsar tu zus njêl. Huôv tsar tu zus njêl txix thâuv co lok, cur pov chuôz zis luz nênhx tưz nhoz khênhr đuô lok six ntâu. Chuôz zis tsi tu zus li luôs lưv tus, puz jâuz, blôngx tsơưz, blôngx kok ntông xưz. Zos njêl trâul muôx moz mak muôz yuôx trâu”.

             Seiz pov tix lâus Phát chuôz zis huôv tsar xor thêir qơư tu zus njêl tâu trơưk tsưr ziv, ntâu ziv chuôz zis pêx xênhv hâur jok, hâur xã cux cơưv shâuv, uô trơưk. Lar heik li tix lâus Lò Văn Sơn nhoz xã Pá Ma Pha Khinh, thâuv ntêx zos chos poz cưk, kok ntông viv li luz nênhx txov nhêv, khưr uô tsi txâuk nox. Iz txix thâuv huôv tsar xor thêir qơư tu zus njêl, chuôz zis luz nênhx cux jux juk truôx tuk đuô. Tix lâus Lò Văn Sơn heik pâuz: “Iz shông sâu tâu 2, 3 châuv tsov đeiv xưz, viv tsi tâu muôx tsưr ziv zus tsênhv tu zus tsơưs xưz, taz sik uô luôs hâux lưv no truôx tuk đuô pir li uô liêx têz”.

            Huyện Quỳnh Nhai, tỉnh Sơn La nhiv no muôx 275 ha đêx tu zus shuôz njêl, đros thiêz 4 cxênhz ntâu qơư zus cxuô zav njêl. Xav hur si têx qơư tu zus njêl thiêz ntâuk muôz shuôz njêl tax 1.300 tênhr. Luôs hâux lưv xor thêir qơư tu zus njêl tưz yênhx iz hâur têx hâux lưv huôv tsar kinh tế chênhr, paz yênhx puô chuôz zis pêx xênhv hla đhâu cêr pluôs. Lơưr zơưv Cầm Văn Huy, Phưv Chủ tịch Ủy ban huyện Quỳnh Nhai, chiê muôz jông six hơưv, paz max tsôngv box thax tsav pak đêx sông Đax huôv tsar tu zus njêl truôx, huyện tưz yax kriê tsôngv box tso ntâu fâuv njêl, tsi zus iz fâuv, tso uô cê iz jiês chiê taz por muôx njêl muôs tsi so trâu luôs lưv tus, hâur ciêz đrôngs thiêz taz por tu zus cux li phênhv sâu tâu truôx tuk txix xor thêir qơư zus njêl. Iz chas ntơư, sir jos cxiv tsa, piêr kriê têx xiv huv shuôz njêl txos ciêz đrôngs hâur thiêz đrâuv luôs 2 chas tỉnh: “Txix têx shuôz njêl muôx hâur đêx Sông Đax, huyện hux jos đros iz cxiê tsưr tsix lênhx nênhs, doanh nghiệp chiê muôs hâur ciêz đrôngs têz qơưk. Txos nhiv no, têx xiv huv co cux tưz tâu ciêz đrôngs ntâuk grê siêz”.

          Luôs hâux lưv ntâuk muôz shuôz njêl thiêz xor thêir qơư tu zus njêl hâur pak đêx sông Đax, tưz thiêz tsênhv tso pov, huôv tsar uô tâu jông, paz tsi tsơưs trâu tsôngv pêx xênhv Quỳnh Nhai txo grêk cêr pluôs, tso siêz huôv tsar uô nox nhoz qơư yiêz./.

Trấn Long-Riê Lâux cxeik, nhênhv