Jax sâu hnuz 12/8/2015:

Lào Cai: Phiv liv lok phax tar zax zênhz

 

 

10 six sơưr nzor hnuz 21/1/2015, sâuv txox cêr lox 4D đhâu thax tsav xã Cốc San, huyện Bát Xát, Công an tỉnh Lào Cai tưz cxov tâu Lầu A Su tsêhv taz tov thâux gra 30 thôngx zênhz đơưz chiê tâu thêv nhiêx côngz zos 200 triệu đêiv. Thâuv co, Su tsênhv zos iz lênhx cán bộ kiểm lâm huyện Tam Đường, tỉnh Lai Châu.

Lơưr co, thâuv 11 six tsâuk ntux hmo 22/4, Công an tỉnh Lào Cai tưz huiz tôngv tas nro lưx lươngv, cxov tâu 3 lênhx nênhs Lào đros 227 thôngx zênhz đơưz, ruôr tâu yênhx côngz trươk li luôs hâux lưv tso tươv 115N. No cux zos Lào Cai li luôs hâux lưv lox tiv zix, tâu tso tươv txix thâuv ntêx txos nhiv no. Thiêz hâur ntu nhiv kruôr đhâu tsik ntêr no, công an huyện Mường Khương cux cxov tâu oz lênhx nênhs Hmôngz tsênhv taz tov chêix luz yêz taxi thâux gra 40 thôngx zênhz đơưz chiê tâu thêv nhiêx côngz zos 50 triệu đêiv.

No zos chor txuz thâux gra zax zênhz, tâu công an tỉnh Lào Cai ruôr tâu yênhx côngz txix hâur shông txos nhiv no. hâur tas nro 3 txuz thâux gra zax zênhz, chor nênhs co nhoz ntâu tiv phaz thiêz nhoz saz đrâuv têz qơưk, puôr lênhx trâus cxov tâu trâu thâuv tsênhv taz tov thâux gra zax zênhz muk muôs. Chor nênhs no li huôx tôngv ziv hnuz ziv txơưr txar chiê khiêr đhâu chor nênhs muôx txơưx jênhv. Đại tá Giàng Ly Pao, phưv giám đốc công an tỉnh Lào Cai puz pâuz:

Băng: “Thâux gra zax zênhz tsik xưk li thâuv ntêx zos muôx zax zênhz mak thêv nhiêx. Nhiv no chor nênhs phamv cxâuv zax zênhz tsik so thêv nhiêx uô ntêx, đhâu co mak muk gra zax zênhz lok. Tiv chor nênhs co uô li co viv li chor lưx lươngv công an njiz lok six ntâu phiv liv”.

Zos lênhx nênhs muôx ntâu shông phax tar zax zênhz, Trung tá Trần Quốc Huy, trưởng công an huyện Mường Khương, zos kuz trưởng phongx cảnh sát qênhz yuôx phamv cxâuv lok zax zênhz, Công an tỉnh Lào Cai hêik: Phax tar zax zênhz, tsuv uô tiv zix, viv uô tsik jông, zuôr trâus njiz phiv liv ntâu. Viv li, chor cán bộ công an hâur phax tar phamv cxâuv zax zênhz tsuv muôx ntau tsưr ziv, cê muôx yênhx tưv, cê sir jos, txơưx xar tơưv thiêz truôx siêz bo uô:

Băng: “Phamv cxâuv lok zax zênhz mak huôx tôngv phiv liv. Tsik so hlôngr qơư cux xưk li têx zav chiê thâux gra zax zênhz, sir zôngv triêv fov thâuv trâus chor lưx lươngv txơưx jênhv zok cxov. Viv li, uô trâu côngz xưv tsav txênhz jiz ntâu phiv liv. Pêz tsuv uô jông njuôk xav cov truôx  chiê uô chak cov cxov tâu nênhs phamv cxâuv sik cux taz por ngaz tuk trâu chor nênhs muk cxov”.

Txix shông 2015 txos nhiv no, Công an tỉnh Lào Cai tưz ruôr tâu muôx 70 ntâu txuz zuôr muôs zax zênhz, cxov tâu yênhx puô lênhx nênhs, sâu tâu yênhx puô thôngx zênhz đơưz. Chiê uô tâu truôx têx luôs hâux lưv qênhz yuôx, zok nriêr chor nênhs fêv hêik sâu, tsuv truôx siêz sik côngv txix lênhx tov txos cán bộ Công an hâur tỉnh chiê tsav txênhz phax tar nênhs phamv cxâuv hêik cxuô thiêz nênhs phamv cxâuv lok zax zênhz hêik taz. Thiếu tá Nguyễn Vănd Dũng, phưv trưởng phongx cảnh sát qênhz yuôx lok phamv cxâuv zax zênhz, Công an tỉnh Lào Cai hêik:

Băng: “tas nro chor cán bộ, chiến sĩ hâur lưx lươngv tưz tsêx tsung siêz đros txơưx jênhv, yênhx hnuz hmo sêiz jor, sir zôngv têx tsưr ziv uô hâux lưv chiê cxov tâu chor nênhs phamv cxâuv zax zênhz lok trâu hâur Lào Cai, đros co cux taz por zoz qơưx lok chính trị, nghiệp vụ thiêz pháp luật”.

Lơưr thôngz sâu, chor nênhs phamv cxâuv thiêz chor zax zênhz tâu thâux gra muôs sâuv thax tsav tỉnh Lào Cai txix hâur shôngk shông txos nhiv no chuôz ndê 40 jiês pir li shông 2014. Đhâu chor txuz zuôr muôs zax zênhz, ruôr tâu hâur ntu đhâu, Lào Cai nhiv no tâu xav jênhv zos thax tsav “phiv liv” lok thâux gra zax zênhz sâuv thax tsav Tây Bắc-Trung Quốc. Viv li, côngz xưv tir tar zax zênhz tsuv tâu xav jênhv zos jênhv vưv tsênhv njiêz thiêz tsuv muôx tas nro xã hội li gôngr côngv./.

                                                           (An Kiên-Ly Thox cxêik nhênhv)

 

Phênhv “ Đas jos thiêz siv nênhx” thưr 4 hnuz 12.8.2015:

                     20  LUÔS HÂUX LƯV TSUV UÔ THÂUV NJIZ NTUX NAS

 

 

          Uô li chas thâuv njiz ntux nas ntơưv têx qơư tiêx đo?

          1. Têx hâux lưv tsuv uô:

          - Tsuv jav đêz têx chuôz zênhx tâu zôngv hlâu uô, viv zôngx ziv trâus xoz tuô.

          - tsir mul đreiv ntơưv têx tsêr tâu zôngv thưx chiz cxiv uô: zos tsêr siêz tsi muôx car hlâu txêik xoz trâu hâur ar mak tsi cxoz tis đraz kâuv iz faz nja tsêr lok sik ndêx tsêr.

          - Thâuv nriêr tsi tâu qơư đreiv, tsuv khôngx zưz tis njiê trâu hâur ar thiêz tsi mul cêr, tsi đrês nraz chês thiêx tsi trâus xoz tuô.

          - Yêz ô tô zos qơư đreiv xoz tuô jông tiv zix: zos yêz muôx trur, tsi zos trur tâu zôngv choz uô, tsuv tuô yêz thiêz tsi tso ăng ten tso Đeix.

          - Zôngv tâu điện thoại di động, taz sik tsi tso siêz đuô tâuz hâu, viv txơưv tiêk flâuz điện thoại tâu zôngv lok six zâu.

          2. Têx hâux lưv tsi tâu uô.

          - Zos iz paz nênhs sik đros mul uô cê, thâuv muôx ntux nas tsi cxoz gâuv uô iz qơư, iz lênhx kuôk iz lênhx 3 yiv ( 5 yiv mak ziv jông đuô) uô li ntơưv zos muôx iz lênhx trâus xoz tuô mak thiêx tsi txuôk trâu lênhx nênhs txơưr đuô.

          - Tsi trôngs câuk siêz, tsi chiê têx chuôz zênhx tâu zôngv hlâu uô siêz đuô tâuz hâu nênhs. Têx chuôz zênhx li hlâu, câuk, hlaz tris...tsuv muôz hlê tsês chiê.

          - Tsi cxoz jav ntux nas hâur qơư hu tênhv: viv thâuv trâus xoz tuô, tênhv txêik lok six sei uô ruôr hiêv txos lênhx nênhs...

          - Tsi đreiv ntux nas hâur hâur pâus ntông: viv zôngx ziv trâus xoz tuô zuôr ndê txos 50 jiês. Zos tsênhv mul har jôngr pov ntux lol nas mak tsuv jav đêz têx tsoz ntông ziv jông.

          Tsôngv box ...yuô! Hâur phênhv “ Đas jos thiêz siv nênhx” ciêz tov kaz pêz zuôr tror thôngz xor mông txos tsôngv cưr tix fôngx zưs lok têx tsưr ziv por vêv zuk thâuv njiz ntux nas pêv trôngz jôngr thiêz têx qơư muôx đêx. Zâuv tsôngv cưr tix fôngx zưs tos mnôngs./.

                                                   ( Thanh Thủy- Txâur Vax cxeik nhênhv)