Jax sâu thưr 4.19.8.2015:

CƠƯX MÊNHV  HLI 8- TAS NRO MÊNHX CXƯX SIK CÔNGV SIÊZ LI ZÊNHX LIV

 

 

          Shông no tưz muôx 90 shông, zơưv Vũ Oanh, kuz ủy viên Bôv chinhr triv, kuz Bir thư Trung ương Đảng khóa 6, kuz Tsar đoanx teiv plor cơưx mênhv Hà Nội mul dưv “ Quốc dân đại hôiv” ntơưv Tân Trào tsênhv ndo njôngr txos 70 shông đhâu đrav ntêx. Zơưv max mav piêr trâu pêz mnôngs lok têx hnuz cơưx mênhv hli 8. Thâuv co, tsi tâu heik pâuz lok Đảng seiz car thiêz thâuv ntươ, tsuôk muôx 5 cxênhz lênhx đảng viên, thôngz đhâu Mặt trận Việt Minh, chox car tâu 20 triệu ntâu lênhx tsôngv đros uô cươx mênhv. Cêr niêv côngz siêz tas nro mênhx cxưx tâu pov tsênhz hâur “Quốc dân đại hội” zos zơưv hloz Hôx sêiz car, tsuôk hâur 2 hnuz uô ntêx jiês sơưr tơưv txênhz hli 8. Nhoz co, pov têx teiv plor têx đangv pheir chinhr triv thiêz tsôngv box mênhx cxưx, tôn giáo, teiv plor 3 faz Bắc, Trung, Nam thiêz teiv plor zos nênhs Việt Nam nhoz đrâuv luôs oz chas têz qơưk. “Quốc dân đại hội” tưz thôngx ziv đros Đảng sơưr tơưv txênhz thiêz bâux xeir têz qơưs Việt Nam thax zênhz- Chính phủ kuz zos zơưv Hloz Hôx uô chủ tịch. Zơưv Vũ Oanh heik:

Băng: “ Đại hội Quốc dân Tân Trào zos Niêv côngv siêz li đại hội, niêv côngz siêz tas nro mênhx cxưx. Đrâuv Hà Nội, têx tiv phaz tưs muôx phongz yaox mak heik teiv plor tuôx dưv, hâur co muôx teiv plor nhoz đrâuv luôk oz chas têz qơưk. Hloz Hôx hu grus, tso tơưv vênhv thix niêv côngv siêz chiê tax tâu zênhx liv. Lo lul “ côngv siêz, côngv siêz, niêv côngv siêz, yênhx côngz, yênhx côngz, niêv yênhx côngz” thiêz tsuv khov txos tsôngv box, phuôx huiz tsôngv box li đas jos chiê zênhx liv, muôx tsôngv box paz max mak uô tul tsi cux yênhx côngz. Tsôngv box uô tsưr cơưx mênhv thiêz uô trâu cơưx jênhv tâu zênhx liv”.

          Cơưx mênhv hli 8 shông 1945 tâu zênhx liv zos hâux lưv giải phóng mênhx cxưx, lênhx nênhs li iz zênhx liv lox zos Đảng thiêz zơưv hloz Hôx lênhs tov. Zênhx liv no tso pov Đảng thiêz zơưv hloz Hôx li txơưx njê hâur lênhs tov, chox kriê. Tiv zix zos, pêz Đảng tưz cxiv tsa thiêz phuôx huiz jông cêr niêv côngv siêz tas nro mênhx cxưx. Viv li, cơưx mênhv 8 hli tâu krêz uô đêz đar, tâu chôngz lưx lươngv cxaz chuôz, tsi phênhz pêx mênhx cxưx, tôn giáo, têx cxênhx nênhs hâur têz qơưk. Cxiv tơưv txênhz co tso pov đas jos mênhx cxưx thiêz khôir niêv côngv siêz tas nro tsôngv box. Phưv giáo sư, cưk kriê Lê Mậu Hãn xar tiêk:

Băng: “Thâuv Nhật thiêz Pháp sik ntâus tsav mak phongz yaox cơưx mênhv ndê siêz. Zơưv Hloz Hôx seiz njôngr cxiv vênhv tôngv mênhx cxưx. Hâur six hơưv vênhv tôngv sik côngv siêz mênhx cxưx đros Mặt trận Việt Minh, Đảng li chox kriê, cxôngx co tso tơưv vênhv thix cơưx mênhv tsuv phuôx tôngv tas nro tsôngv box, huiz tôngv đas jos tsôngv box, lênhx tưs nhiêv têz nhiêv qơư puôr lênhx tôngv vênhx cxaz chuôz Việt Minh li têx huôx tôngv chơưv têz qơưk”.

          Zơưv Phạm Thế Duyệt, kuz chủ tịch Ủy ban TW MTTQ Việt Nam xar tiêk: Đros Đảng thiêz chủ tịch Hồ Chí Minh li lênhs tov, pêz tưz sik côngz siêz têx cxênhx nênhs, mênhx cxưx uô zênhx liv cxiv tơưv txênhz tir ntâus tros châuz Pháp thiêz Mỹ. Hâur hâux lưv cxiv tsa chủ nghĩa xã hội, hlôngr yiêz têz qơưk thiêz sik côngv đros ntiêx têz nhiv no, pêz muôx têx kror jông thiêz phêv liv. Hâur co, tsuv tsov cưv zos, têx nênhs fêv khênhr liv zôngv cxuô luôk hâux lưv chiê uô hiêv txos cêr niêv côngv siêz mênhx cxưx. Kror co tso tơưv têx zoz qơưx yiêz đros hâux lưv cxiv tsa khôir niêv côngv siêz, co zos, phuôx huiz đas jos tas nro mênhx cxưx chiê por vêv têz qơưk. Zơưv Phạm Thế Duyệt khav tênhv: Đảng thiêz têz qơưk tsuv tror muôz siêz hâux lưv niêv côngv siêz tas nro mênhx cxưx:

Băng: “ Cur xar zos phuôx huiz tâu đas jos niêv côngv siêz mênhx cxưx mak Đảng tsuv sik côngv siêz, lênhs tov Trung ương sik côngv siêz. Tsôngv box xar pêz Đảng tsuv uô tâu têx cêr chei, nghị quyết tso tơưv, uô jông kror co pêz tror phuôx huiz đas jos niêv côngv siêz chiê hlôngr yiêz têz qơưk, sik côngv đros ntiêx têz, co zos lok six coaz tsôngv hâur jax cơưv niêv côngv siêz”.

          70 shông tưz mul đhâu, cơưx mênhv hli 8 tsênhv zos iz hâux lưv zov chênhr hâur lix xưv mênhx cxưx Việt Nam. Cơưx mênhv hli 8 li zênhx liv- cêr niêv côngv siêz tas nro mênhx cxưx zênhx liv muôx ziz njiêz lok six coaz tsôngv đros cơưx mênhv Việt Nam li têx six cxiv phuôv tsar hâur cxuô ntu./.

                                                  ( TTT-Txâur Vax cxeik+ nhênhv)

 

 

 

Phênhv “Đas jos thiêz siv nênhx”, hnuz 19/8/2015:

PHAX TAR NTUX UÔ RUÔR HIÊV

 

 

*Tsuv uô li chas thâuv nhoz pêv têx trôngz muôx ntux nas chuô lox?

-Muôx têx jiês pêz tsuv khiêr đreiv hâur kaz jêz lox, tsi ntuz nas, taz sik luz kaz jêz ntơư tsuv siêz đuô tiz nênhs 5 bâus thiêz nhoz đreiv hâur co tsi cxoz qưr poz jêz lok sik tsik iz poz jêz.

-Pêz muôx têx zok nriêr gâuv trâu iz luz kror tsuô: Tsi tâu sơưr, nhoz jê trôngx kror tsuô mak tsuv gâuv đreiv toz hâur saz kror tsuô , tsi uô qưr têx poz jêz hâur kror tsuô thiêz 2 saz ntus kror tsuô.

-Tsi tâu nhoz, sơưr sâuv têx ndor trôngz: Sâuv ndor trôngz zos têx thax tsav zôngx ziv trâus xoz tuô.

*Tsuv uô li chas thâuv muôx ntux nas chuô lox thiêz thâuv tsênhv nhoz jê têx qơư muôx đêx ( pak đêx, ntus đêx hiêr) lok sik tsênhv đa đêx ?

-Tsuv zênhx max khiêr cov đhâu têx qơư muôx đêx thâuv pov lêiv xoz, ntux tsâuk nti zuôr lok nas chuô lox. Zos khiêr tsi zênhx, tsuv jâuv tưx zưv trâu hâur đêx tok thâuv xoz tsi đrông li tơưv lok.

-Thâuv muôx nas chuô đros trâu xoz lêiv, zos tsênhv taz tov muk uô si đêz đros ntâu lênhx fôngx zưs, uô têx tsêr fênhz suôz, tsi tâu khiêr gâuv trâu hâur luz tsêr fênhz suôz ntơư: Jông yax, tsuv zok nriêr đuô kror qơư gâuv chiê taz por. Zos sơưr đơưk zok nriêr tsi tâu qơư đrêiv nhoz jê mak tsuv tơưv cov đhâu luz tsêr fênhz suôz muk thiêz jâuv khôngx zưz, nho tâuz hâu trâu hâur ar.

-Tsi tâu muk ndis uô si ntơưv têx ntus đêx hiêr thâuv muôx xoz lêiv, ntux zuôr lok nas chuô lox, viv nhoz jê đêx, zôngx ziv trâus txeik xoz. Lar heik zos thâuv cơư tơư ntuz đêx.

*Tsuv uô li chas thâuv muôx xoz lêiv, ntux nas chuô lox thiêz thâuv tsênhv nhoz hâur tsêr?

-Tsuv ro ciês têx ăng-ten ti vi: Zos luz tsêr tưs tsi muôx hluô, qơư gruk xoz, tsuv ro ciês têx ăng-ten thiêz hluô ti vi, viv zuôr zôngx ziv uô têx xor tênhv, ti vi trâus cuz hnhiêz.

-Txox hluô, qơư gruk xoz nhoz jê tsêr por hưv tsi tâu têx tsêr nhoz jê iz ndis; tsuôk gruk thiêz por hưv tâu iz thax tsav ntơư đar muôx 60 thiêr xưz.

-Thâuv zuôr muôx ntux nas chuô lox, pov lêiv xoz chiê taz por 100% tsi trâus tênhv tênhz cuz mak sơưr đơưk tsi cxoz tso tênhv. Jông đuô zos tsuv đhok, truz têx hluô gruk xoz trâu hâur ar.

-Tsi tâu qưr, cor têx kuôr hlâu hâur tsêr: Zos tsi muôx hluô gruk xoz, sơưr đơưk tsi cxoz cor txos têx car đêx, kuôr hlâu, tsi tâu muk đa đêx, tsi zôngv têx chuôz zênhx zôngx ziv txeik tênhv, txeik xoz.

-Tsik cxoz zôngv têx máy hu xor tôngx lox, muôx hluô tik, taz sik sơưr đơưk cux zôngv tâu chor máy hu xor tôngx mê tuôr ntơưv têk, hu thav luk hâur tsêr thâuv muôx  nas chuô lox, lêiv xoz./.

                                         ( Hồng Việt-Riê Lâux cxeik+nhênhv)