Jax sâu thưr 4 hnuz 24/2/2016:

Lâm Đồng: sir jos phax tar cuz tox cuz jôngr

Chêix ntux kruôr no, Ban coangr lik jôngr huyện Đam Rông, tỉnh Lâm Đồng li 14.000 hec ta jôngr tâu phax tar cuz jông đuô chor shông uô ntêx. Zơưv K’ Brốp, tsưr chor nênhs jênhv sêiz jor por vêv jôngr ntơưv no puz pâuz, chor nhiêx thêv chiê sêiz jor jôngr nhiv no tưz tâu chuôz ndê muôx 400.000 đêiv iz hec ta iz shông, viv li pox nhuôs lok six shir phaz. Côngz xưv por vêv jôngr tâu tsưr tsix uô jông, tsik so muôx nênhs qênhz yuôx:

 “Ban pêx xênhv pêz jok cơưv pêx xênhv tsuv sêiz jor jông tsik chiê muôx yưv cuz tox cuz jôngr. Pêz kriz uô lok six jông côngz xưv coangr lik por vêv jôngr. Hâur co, pox nhuôs mênhx cxưx uô lok six jông”.

Ban coangr lik jôngr  Sê-rê-pốc, huyện Đam Rông, Lâm Đồng li 50.000 ntâu hec ta jôngr nhoz buôs ti jôngr Phi Liêng cux tsênhv tâu por vêv txix ntâu tsưr ziv phax tar cuz jôngr. Đrâuv kriz uô tsưr ziv 4 ntơưv qơư, Ban coangr lik jôngr Sê-rê-pốc cux tsênhv yênhx lix chor nênhs nhoz ntơưv têx jêx jok chiê tir tar phax cuz tuô cuz jôngr. Lơưr zơưv Mai Chí Trung, trưởng ban coangr lik jôngr Sê-rê-pốc, hâur chor lưx lươngv phax tar cuz jôngr, taz viv tsik so tsov cưv thiêz phuôx huiz jông lưx lươngv txix chor chuôz zis jênhv por vêv jôngr. No zos chor nênhs zov chênhr hâur pov nzor muox yưv cuz tox cuz jôngr:

 “Taz viv tưz muôx jiês yax kriê hâur chêix ntux kruôr no. Hêik pox nhuôs tsik tsuv hlơưr liêx têz cux xưk li têx cuiz tênhv txơưr đuô hâur chêix ntux kruôr. Đros chor nênhs jênhv sêiz jor, por vêv mak no taz viv tsik so xav jênhv zos chor nênhs zov chênhr hâur phax tar cuz tox cuz jôngr. Zos muôx yưv cuz tox cuz jôngr mak no zos lưx lươngv chênhr, taz viv cux sik côngv đros Đảng ủy, Ủy ban chor xã sik côngv đros chor nênhs jênhv sêiz jor chiê phax tar cuz tox cuz jôngr”.

Cux xưk li huyện Đam Rông, tỉnh Lâm Đồng li chor thax tsav txơưr đuô cux tsênhv sir jos kriz uô ntâu tsưr ziv phax tar cuz tox cuz jôngr. UBND tỉnh Lâm Đồng cux tưz cuêz tênhv muôz nhiêx txiêx têz qơưk muôx 15 tỷ đêiv ntâu phưx vưv côngz xưv phax tar cuz tox cuz jôngr hâur chêix ntux kruôr shông no./.

                                                        (TTTN-Lik Thox cxêik nhênhv)

Phênhv thưr 4, hnuz 24/2/2016:

3 zav moz khênhr njiz trâus thâuv ntux hlôngr cheix hâur cheix ntux tsâus yiêz

1.Moz lok qơư uô pa:

-Hơưz poz: Ntơư zos iz zav moz khênhr njiz trâus hâur cheix ntux yiêz. Ntux hlôngr cheix uô đros trâu têx pax uz no tơưs, pâus, qơư nox nhoz nông….uô hiêv txos li uô trâu lênhx tiz nênhs trâus moz hơưz poz. Viv li lênhx nênhs tsi muôx đas jos phax tir moz, gruk tâu têx li heik sâuv uô trâu hlaz siêz hlaz njưk moz, hnôngk hơưz poz, uô tsi yuô tâuk pa, zos lênhx nênhs tưs trâus hnhar mak hơưz poz lok six lox. Chiê phax tar têx moz hơưz poz no, sơưr đơưk tsuv por hưv jông zuk tuk khênhx tsi chiê gruk, hniê tâu têx li heik sâuv, tsuv nox nzir yuôx cxaz đas jos, chox ntâuz bos kror ndâux. Sơưr đơưk tsuv ndo njôngr, zos lênhx tiz nênhs tưs trâus moz hơưz poz mak tsuv gra đros đreiv têx yuôx nox, yuôx hâuk….

-Moz khâuz thuôs, hơưz poz: Zav moz no zos iz zav caz moz uô huôv moz. Xuz thơưx zos hnôngk, cxav, lok njưs, đhâu ntơư hnôngk ntâu, uô cuz uô nox, iz chêr moz njuôs kênhs, zos lênhx nênhs tưs trâus hhnhar mak moz hâur siêz, uô tsi yuô tâuk pa. Tsưr ziv phax tir thêir zos tsuv hnar trik yo sor, tsi tir chuô txiêk, nox ntâu têx txir ntông chiê paz cxaz đas jos, hâuk ntâu đêx, nox yuôx phax tir moz.

2.Moz kror njưs:

Zav moz no lok six zôngx ziv njiz trâus trâu thâuv cheix ntux yiêz. Qir tiv hâur cheix ntux yiêz, muôx ntâu tsar zav pax tơưs, jênhs trâu cxiê qơư. Lênhx nênhs moz seiz pov kror njưs khâuk, hnôngk cxav tsi so, lok njưs, cxơưk njưs, tsi thor jông nhoz. Tsưr ziv phax tar zos tsơưs muk trâu têx qơư chos ntâu pax, tsi đê pax lok tso hâur tsêr, zôngv ntâuz pos kror ndâux thâuv muk lok tâus cêr. Zos thâuv gruk, hniê tâu têx hmôngr pax, muôx têx zôngv yuôx trâu kror njưs lok trâu chiê nzuôr hur têx hmôngr, pluô plar hâur kror njưs lok, đhâu ntơư muk chuôs cưk yuôx chiê tâu heik kriê tsưr ziv zôngv yuôx, nox yuôx huv đros.

3.Moz kruô tâuv:

Kruô tâuv zos nưk muôx nưk iz zav caz moz uô, cik đhâu cêr uô pa thâuv gruk tâu lênhx nênhs moz têx đêx, cuô njưs, kâuz ndâus txix hnôngk cxav. Lok sik siz cik tâu tiv cor tâu lênhx nênhs moz têx hlưr đêx, trik yo, ntâuz pav puô qơư pư….

Têx seiz pov zos ntơưv têx tơưr grêix tơưv têx luz poz mê thiêz khênhx, khâuk, huôv uô moz ntâu luz poz hâur six hơưv txix 12 txos 24 luz six hơưv, têx poz ntơư nzênh uô hlưr đêx. Chor poz li heik sâuv zuôr moz pur ntiê trâu tas nro iz chêr. Đhâu ntơư, têx poz no kruôr jux juk yênhx têx poz cxaz thiêz đhâu 5-7 hnuz nưk mav jông. Moz kruô tâuv tsi yuô trâus cxơưx lox, taz sik zos tsi tiz jông kho mak muôx têx uô trâu kror moz vôngk lox, thâuv jông zuôr muôx poz cxaz thiêz uô hiêv txos têx hlưz tâuz hâu, njưs….

Muôx nhos 90% lênhx nênhs tsi tâu cxax yuôx phax moz lok sik tsi tâu trâus moz kruô tâuv zuôr trâus cik tâu moz zos buôk ti, nhoz jê đros chor nênhs moz. Tsưr ziv jông yax chiê phax txar jav zav moz no zos cxax yuôx phax moz kruô tâuv thiêz tsơưs nhoz jê đros têx lênhx nênhs trâus moz./.

                                             (Báo SKĐS-Riê Lâux cxeik, nhênhv)