Jax  sâu thưr 2 hnuz xiêz 3/8/2015:

Têx tỉnh faz Bắc zôngx ziv muôx tox poz ar lơưk cxuz cêr muk lok

 

 

Ntơưv tỉnh Điện Biên tsuôk txix iz đraz hli 7 txos nhiv no, ntux nas lok lox tưz uô poz xar muôx 65 cxênhz yiv đruôz ar, poz jêz lok cxuz têx cêr muk lok. Iz cxiê ntu mak ar poz uô ruôr hiêv txos têx yêz mul lok. Lar heik, tas cik hnuz 25/7, sâuv txox cêr lox 4H, ntu txix Mường Chà muk trâu Mường Nhé muôx zuôr xar 70 kror qơư ar xưz, poz lox zâu, uô têx ar, poz jêz lok cxuz cêr tas. Đros ngênhx zoz thôngz vênhv têiv tsưr ziv bax uô jông, txos hnuz 26/7, ntu cêr ntơư thiêx thoz huk tâu thôngz trâu yêz muk lok. Taz sik, txơưv nhiv kruôr  kho cêr cux tsi jông tas, viv txox cêr no nxaz, ar tsi truôx, viv li thâuv ntux nas lok ntêr, ar, poz jêz ho tror poz lok cxuz cêr tas tsi jông muk.

Iz chas txox cêr lox 4H, cêr lox số 6, số 12 thiêz txox cêr 279 zos tỉnh Điện biên seiz car cux muôx yưv ntâu ntu zôngx ziv ar trâus xưz, trâus poz. Ngênhx zoz thôngz vênhv têiv tỉnh Điện Biên tưz chox car cxuô taz viv seiz car têx cêr bax têx yêz câuk ar, chuôz zênhx thoz huk ar, huk poz jêz cov yêz mul lok đhâu. Iz chas ntơư, cxok  cxaz nzir ndêx fiêx heik pâuz têx qơư riêz nênhs thiêz thax tsav khênhr trâus đêx nas ngaz sâuv têx cêr muk lok. Zơưv Đỗ Văn Chung, Phưv Giám đốc Sở zoz thôngz vênhv têiv tỉnh Điện Biên heik:

Băng: “ Sở cux tror chox kriê cxuô taz viv seiz car cêr, heik kriê nhênhz chơưv, seiz kaz, têx phongx ban nhoz hâur Sở bax tsưr ziv hux jos đros cxuô thax tsav uô jông luôs hâux lưv seiz car, thoz huk têx ar poz jêz chiê yêz mul lok tâu đhâu. Tiv 2 zos bax têx yêz, chuôz zênhx thiêz lênhx nênhs nhoz ntơưv têx qơư zôngx ziv muôx tox  poz, ar lơưk, uô li ntơư thiêx khưx phưx tâu zênhx max”.

Yuôr ntơưv tỉnh Sơn La, ciês hâur jiês ntux nas lok txix hnuz 24/7 txos nhiv no tưz uô xưz tas ntâu ntu cêr thiêz têx tsas cêr ntơưv 300 kror qơư nhoz têx cêr lox số 6, 4G, 279 thiêz ntâu txox cêr mul lok txơưr đuô hâur tỉnh. Xav hur tiz si têx trâus uô ruôr hiêv, tas xar muôx 4 tỷ đeiv. Txơưv nhiv no ntơưv tỉnh Sơn La tsi tâu muôx ntu cêr tưs trâus poz, taz sik zos ntux tsênhv six lok nas nzir ntêr hnuz cux zôngx ziv uô yưv ntâu ntu cêr trâus poz. Chênhr viv li, ntơưv têx qơư zôngx ziv muôx tox poz, ar lơưk sâuv têx cêr txix Sơn La muk Hà Nội thiêz chor tỉnh txơưr đuô, lar heik zos cêr lox số 6, 37, 4G, 279 thiêz chor cêr muk lok hâur tỉnh li: 105, 106, 107 puôr lênhx tâu phênhz lênhx nênhs, têx yêz thiêz chuôz zênhx chiê bax tsês, thâuv muôx têx tsi jông tiv ntux nas uô ruôr hiêv, tsuv zênhx max cxiv kho, khưx phưx. Zơưv Đặng Lý Thanh, Giám đốc Công ty seiz car, cxiv kho thiêz uô côngz trênhx zoz thôngz số 2 tỉnh Sơn La heik pâuz:

Băng: “ Hâur Công ty, pêz xav tinhv hâux lưv zov chênhr hâur cheix ntux nas chuô zos thâuv muôx tox poz ar lơưk cxuz cêr mak tsuv chêx tsôngk lênhx nênhs, têx chuôz zêx thiêz yêz câuk ar chiê  fuô uô tâu zênhx max luôs hâux lưv chơưv paz, thoz huk têx ar, poz jêz cxuz cêr chiê yêz mul lok tâu đhâu. Yưx têx hâux lưv đhâu pêz vax huôv, tsưr ziv uô, zos kror tưs uô tâu mak pêz zuôr sir jos, txơưv đruôz hnuz hmo ntux, pêz zuôr sir jos đros chơưv paz, thoz huk cov tâu sei thiêz zênhx max têx cêr mul lok”./.

( Hồng Việt-Riê Lâux  cxeik, nhênhv)

 

 

 

 

 

 

Phênhv thưr 2 hnuz xiêz 3/8/2015:

Quảng Ninh: Gra siêz Đảng li đas jos txix đại hội đảng bộ cxuô cấp

 

 

Đảng bộ tỉnh Quảng Ninh muôx 786 tsưr tsix cơ sở đảng, hâur co muôx 186 đảng bộ tiv phaz nhoz xã, phường, thị trấn, 600 đảng bộ thiêz chi bộ cơ quan, taz viv. Chiê uô lơưr Bộ chính trị li chỉ thị số 36-CT/TW lok đại hội đảng bộ cxuô cấp ndar txos Đảng li Đại hội têiv plor thôngz têz qơưk jiês tiv 12 thiêz trung ương li chor ntâuz ntơưr chox kriê, Đảng bộ tỉnh Quảng Ninh tưz xêir 49 tsưr tsix cơ sở đảng chiê chox kriê uô đại hôi uô ntêx, hâur co muôx 37 đảng bộ tiv phaz uô bâux xêir ciês ban thường vụ, bí thư, phưv bí thư ntơưv đại hội.

Xav txos hnuz 15/7, muôx 100% chi, đảng bộ tiv phaz nhoz tỉnh Quảng Ninh tsưr tsix đại hội yênhx côngz, tiv zix muôx zuôr xar 70% chor đảng bộ tiv phaz uô bâux ciês ban thường vụ, bí thư thiêz phưv bí thư ntơưv đại hội. Quảng Ninh cux tsưr tsix yênhx côngz 5 đại hội cấp huyện, thị, hâur co chor đại hội puôr lênhx bâux ciês bí thư. Huyện Tiên Yên tưz uô yênhx côngz tiv zix bí thư huyện ủy uô nzir hâux lưv zos chủ tịch UBND huyện.

Khov hlôngr yiêz côngz xưv cán bộ lơưr tsưr ziv iz kror hâux lưv zuôr tso trâu ntâu lênhx cán bộ thiêz cán bộ zuôr uô tâu ntâu hâux lưv, viv li tsơưr lươngv chor cán bộ, lênhx tov hâur six cxiv yiêz puôr lênhx tax tâu tsơưr lươngv siêz. Uô tâu kror no, pêx xênhv puôr lênhx njênhs trâu tsưr ziv uô yiêz thiêz vav tiêk Đại hội zuôr tso tơưv ntâu tsênhv chêi paz hlôngr yiêz huyện li huôv tsar kinh tế. Zơưv Lê Thanh, iz lênhx pêx xênhv nhoz ntơưv thị trấn Tiên Yên, huyện Tiên Yên hêik xav tiêk, tso lênhx bí thư uô nzir hâux lưv zos chủ tịc UBND cấp huyện zos iz kror huv đros paz uô sêiz tiv zix Đảng li chox kriê. Zơưv Lê Thanh puz pâuz:

Băng: “Cur lok six vav tiêk uô chak cov bâux tâu ciês bí thư thiêz chủ tịch zos iz lênhx nênhs xưz chiê tsik uô đại hội Đảng tas ho xa Đại hội li nghị quyết trâu pêx xênhv, li co ho tas iz ntu thiêz. Zos ntu co chiê lênhx tov tsêx tsung thiêz chox kriê mak zuôr muôx chêx cur đuô”.

Chiê uô tâu jông tsênhv njiêz yiêz hâur jiês đại hội no, lơưr zơưv Nguyễn Anh Tú, phưv bí thư thường trực thành ủy, chủ tịch UBND thành phố Uông Bí puz pâuz, hâur six hơưv cxiv tsa uô cxuô ntâuz ntươr đại hội cxuô cấp, cxuô taz viv, tiv phaz puôr lênhx kriz uô ntâu jiês chiê đros thường trực thành ủy, Ban thường vụ, Ban chấp hành đảng bộ thành phố thiêz pêx xênhv li ziv chênhv cxaz chuôz lơưr cuiz tênhv. Zơưv Nguyễn Anh Tú, puz pâuz:

Băng: “Pov tau tiêk, chênhz zênhv zov chênhr mak pêz muôx tâu zos sir jos, tiv oz zos buôs ti tiv phaz; tiv pêz zos pêz kriz uô nzor thiêz sir jos hâur uô tỉnh li đề án 25 lok gra siêz đas jos tsav txênhz thiêz hlôngr yiêz tsưr ziv lênhx tov. Pêz tưz chox kriê muôx 87/101 jêx jok zos bí thư chi bộ uô tsưr jok. No zos tsar tov lok six zov chênhr hâur chox kriê chiê yênhx côngz hâur tsưr tsix Đại hội tiv phaz”.

Lơưr chêx cur bâux ciês bí thư ntơưv đại hội, puôr lênhx tax tâu ntơưr bâux xêir siêz, nênhs hâur cấp ủy, ban thường vụ phênhv ntâu taz por lơưr njuôk xav zos cấp ủy khóa uô ntêx bax. Zơưv Nguyễn Văn Đọc, bí thư tỉnh ủy Quảng Ninh puz pâuz, hâur six cxiv zuôr txos, sir jos hâur tas nro tỉnh tsuv uô tiêr lênhx tov xã zos bí thư uô nzir hâux lưv chủ tịch HĐND lok sik UBND, hâur co tsơưs tiv zix 50% bí thư cấp ủy zos chủ tịch UBND. Zơưv Nguyễn Văn Đọc puz pâuz:

Băng: “Sir jos hâur six cxiv zuôr txos uô siv tsưr tsix 20% chor đảng bộ nhoz tỉnh, chor bí thư huyện ủy uô nzir hâux lưv zos chủ tịch UBND huyện. hâur co pêz tso Tiên Yên uô siv tso bí thư uô nzir chủ tịch UBND huyện. Sir jos chiê tax tâu zênhx liv tỉnh ủy li nghị quyết 19 thiêz Bộ chính trị li nghị quyết số 39 lok txo grêk tsơứ s chor nênhs uô hâux lưv thiêz kho đuô chor cán bộ, công chức, viên chức”.

Đros trâu luôs hâux lưv tsưr tsix đại hội chi, đảng bộ tiv phaz thiêz iz cxiê đại hội cấp huyện, Quảng Ninh tsênhv tror uô cov tiêr Đại hội đảng bộ cấp huyện, thị, thành phố thiêz ndar txos đại hội đảng bộ tỉnh jiês tiv 14. Njuôk xav, txos hâur hli 8, Quảng Ninh zuôr uô tiêr 100% Đại hội cấp huyện, thị xã, thành phố./.

(TTĐB-Ly dịch đọc)