Jax thưr 3, hnuz 27/9/2016:

Tror tis seiz đuô lok tsaz yênhx cơưv VNEN ntơưv tỉnh tox siêz Sơn La

Tsêr cơưv cấp iz Ngọc Linh zos iz hâur tsơưs tsêr cơưv hâur thax tsav TP Sơn La tsi uô lơưr trâur nuv tsêr cơưv yiêz VNEN. Txơưv tiêk no zos iz tsêr cơưv tax ploz tsênhr têz qơưs ntu iz, muôx jông cxuô zav chuôz zênhx phưx vưv kriê thiêz cơưv ntơưr, muôx jông qơư cơưv, qơư nox mor, qơư pư hur si. Cưk kriê Nguyễn Thị Hồng, thơưx seiz car tsêr cơưv cấp iz Ngọc Linh heik pâuz: shông cơưv 2014-2015, tsêr cơưv cux fuô uô thiêz kriê siv trơưk li tsaz yênhx cơưv no ntơưv lớp 3, taz sik tsuôk uô hâur iz shôngk txơưv tso tsês. Lơưr cưk kriê Hồng, thâuv kriê lơưr tsưr ziv no, têx cưk kriê ntơưr hâux lưv zuôr siz, tsi tas heik ntâu, tsi tas cxiv sâu têx tsưr ziv kriê trâu shux xênhz. Taz sik, tsuôk muôx 20% shux xênhz hâur lớp cơưv li to tâuz thiêz pâuz tsưr ziv cơưv. Iz chas ntơư kriê thiêz cơưv trơưk li tsưr ziv kriê đrav ntêx mak têx shux xênhz cux to tâuz thiêz cơưv tâu đuô. Tsêr cơưv cấp iz Ngọc Linh thâuv tưs cux zos tsêr cơưv uô ntêx hlo hâur TP thâuv cxaz chuôz têx jiês tưr thik shux xênhz cơưv coz zos TP thiêz tỉnh tsưr tsix. Cưk kriê Nguyễn Thị Hồng heik:

“ Shux xênhz tsơưs, tsêr lớp cơưv đar, cưk kriê ntơưr tâu shâuv têx txux chi tsưr ziv yuôr trâus cux li tsuv muôx tsưr ziv kriê li chas thiêx cơưv tâu trơưk tsưr ziv no. Shux xênhz tsi zos tuk tưs cux cơưv tâu iz zav, muôx têx lênhx nưk cơưv tsi tâu zos tso jâuv uô cê li ntơư mak zuôr ziv cơưv tsi tâu ntơưr”.

Tsêr cơưv cấp iz Hua La, xã Hua La, TP Sơn La muôx 90% shux xênhz zos heir nênhs tsơưs, phênhv ntâu zos nênhs Thái, txux chi tsưr ziv tsi thôngx iz zav. Đrav ntêx kriê thiêz cơưv trơưk têx tsưr ziv kuz, têx cưk kriê cux txov thiêz phiv liv tsi pov kaz kriê li chas chiê têx shux xênhz to tâuz, pâuz cxuô, tưz tsi tâu heik txos chiê trâu têx nhuôs shux xênhz chiv chir nưk cơưv nưk, sik heik kriê tsưr ziv cơưv lơưr tsaz yênhx VNEN. Têx shux xênhz cơưv tâu ntơưr nưk muôx têx pâuz tâu, taz sik chor shux xênhz cơưv tsi yuô tâu ntơưr mak tưz tsi pâuz lok ziv tsi pâuz đuô. Cưk kriê ntơưr Hà Văn Pản, tsêr cơưv cấp iz Hua La heik, trâur nuv kriê, cơưv li no tsi fiv đros têx shux xênhz hâur thax tsav muôx ntâu shux xênhz heir nênhs tsơưs thiêz sđ luz nênhx tsênhv yuôr ntâu txov nhêv li Hua La.

“ Đros thiêz thax tsav xã mak cux phiv liv, chor nhuôs shux xênhz heik luk Choz Tsiz tưz tsi tâu mênhx viv li cux njiz ntâu phiv liv hâur cơưv uô têx paz li no chiê têx shux xênhz nưk cơưv nưk, sik thav, sik kriê tsưr ziv cơưv”.

Ntơư chênhr zos têx lênhx buôk ti uô hâux lưv kriê ntơưr li têx luk, ziv chênhv heik lok sâuv kriê thiêz cơưv ntơưr lơưr trâur nuv VNEN, đros thiêz shux xênhz têx lênhx uô niêv uô txir lơưr cxơưx thâuv zuk têx mê nhuôv hâur têx shông đhâu zos lênhx tâu cơưv siv trơưk tsaz yênhx kriê thiêz cơưv  yiêz no. Shux xênhz ntâu lênhx niêv txir tsi jông siêz, thôngx ziv trơưk li tsưr ziv kriê thiêz cơưv nhiv no, viv têx nhuôs tsuv jâuv lêv chax đaz, kêix tâuz hâu , tis trâu iz saz…chiê njiê cưk kriê, li ntơư muôx têx uô tsi jông txos chor nhuôs luz đros chêr. Thiêz tsưr ziv no cux fiv đros trâu chor shux xênhz cơưv tâu ntơưr xưz.

Lơưr Sở zoz zux thiêz thox cxov tỉnh Sơn La heik, hâur shông cơưv 2015-2016, tas nro tỉnh muôx 110 luz tsêr cơưv, hâur hur si 297 tsêr cơưv kriê thiêz cơưv trơưk tsaz yênhx VNEN. Txos shông cơưv 2016-2017, cux tsênhv yuôr 107 tsêr cơưv kriê thiêz cơưv trơưk tsưr ziv no. Sở zoz zux thiêz thox cxov pov  cov cux khav tinhv, tsưr ziv kriê thiêz cơưv li no tưz paz tsêr cơưv, cưk kriê ntơưr uô tâu jông hâux lưv kriê ntơưr trơưk tsưr ziv yiêz; shux xênhz cux txơưx xar tơưv tâu têx tsưr ziv jông, pâuz tâu ntâu kror yiêz hâur six hơưv cơưv. Hâu nov ntơưv qơư thiêz côngv thôngx sđ jông siêz, thôngx ziv đros faz tsưr ziv no. Taz sik, zơưv Phạm Đăng Quang, phưv Giám đốc sở zoz zux-thox cxov tỉnh Sơn La cux lênhk nhav tiêk: Nhoz tỉnh tox siêz xưk li Sơn La, mak trâur nuv kriê thiêz cơưv li no cux muôx yưv ntâu kror tsi jông. Shux xênhz nhiv no chôngz, qar tsêr cơưv mak mê thiêz grêiv viv li lok six phiv liv phênhz shux xênhz jâuv uô yênhx paz, uô tsi jông txos shux xênhz cêr cơưv txux thiêz cưk kriê muk lok hâur lớp cơưv kriê têx shux xênhz. Têx cưk kriê ntơưr thiêz shux xênhz txux chi cux tsi jông iz zav, têx qơư cơưv, chuôz zênhx lok muôx tsi txâuk viv li lax tsưr tsix kriê thiêz cơưv tâu trơưk li tsưr ziv yiêz no. Zơưv Pham Đăng Quang heik pâuz:

“ Pêz tưz muôx tsưr ziv zuôr tror muôx têx jiês cơưv, tiz jông seiz lax lok luôs hâux lưv no chiê muôx têx nhênhz chơưv trâu UBND tỉnh quyết tinhv tso tsês lok sik tror kriê thiêz cơưv lơưr tsưr ziv co. Nhiv no pêz cxơưz cxiz têx tsêr cơưv txưv zênhv uô, têx chuôz zênhx, qơư cơưv, cưk kriê ntơưr muôx têx txâuk thiêz kriê tâu mak tror tuôr truôx uô trơưk tsưr ziv ntơư”.

Hlôngr yiêz hâur kriê thiêz cơưv ntơưr zos hâux lưv zuôr trâus uô, taz sik đros thiêz têx tsênhv tsênhz ntơưv qơư, tỉnh tox siêz Sơn La cux tsuv seiz thiêz tuôr xav cov jông zuôr kriê thiêz cơưv trơưk tsưr ziv no lok tsi trơưk hâur six hơưv zuôr txos, lar heik zos têx shux xênhz nhoz cxuô thax tsav hâur tỉnh txux chi tsưr ziv tsi zos lênhx tưs cux pâuz thiêz cơưv tâu xưk iz zav./.

( Hồng Việt-Riê Lâux cxeik, nhênhv) 

Phênhv thưr 3.27.9.2016:

Phênhv: NÔNGX MÊNHX ZUÔR TSUV PÂUZ

Tsôngv cưr tix fôngx zưs hmor yuô! Cxôngx chênhz zênhv cơưv shâuv tâu hâur ntâu shông, zơưv Hồ Xênhv Lik chuôz zos tưz muôx iz paz tsiêx cxu lox. Zơưv HỒ Xênhv Lik chuôz zis zos iz hâur têx ziv chuôz zis tu zus lox nhoz xã Mậu Long, huyện Yên Minh, tỉnh Hà Giang..

Uô jông trơưk tsưr ziv zuôr yênhx côngz

Zơưv Hồ Xênhv Lik nhiv no muôx paz tsiêx cxu zos 20 ntâu tul nhux đas, nhux tưv. Tsi xưk li têx chuôz zis txơưr hâur jos, zơưv Hồ tsi tu zus lơưr tsưr ziv tso kuk thiêz mk yưv pênhr tu zus chêx chôngk, muôx guôx cơư. Paz nhux đas tâu tspz phưz jông viv li hloz lox sei, tsơưs muôx moz. Chiê taz por muôx txâuk jâuz trâu paz tsiêx cxu, chuôz zis tưz chos 3 hecta ntâu đrox. Viv li, thâuv qiv hơưv tsi jông, tiv zix zos hâur cheix ntux no mak cux muôx txâuk jâuz trâu nhux tưv, nhux đas nox.

Cxôngx iz gơưv nhux tưv, nhux đas, txos nhiv no zơưv chuôz zis li paz tsiêx cxu tưz muôx 20 ntâu tul. No zos paz tsiêx cxu mak ntâu chuôz zis hâur xã xar njôngr muôx tâu. Zơưv Hồ Xênhv Lik puz pâuz: “ Cur chuôz zis chêx chôngk tu zus cxôngx ntâu shông tov ntêx. Đrâuv co, cur chuôz zis chos cxaz đrox chiê uô jâuz trâu nhux nox. Lok six shir phaz viv paz tsiêx cxux tsi muôx moz tul tsi, cur chuôz zis zuôr tror tsoz phưz jông chiê paz nhux ziv hnuz ziv chôngz đuô tuôx”.

Xav tênhv tu zus nhoz tox siêz, tsiêx cxu zôngx ziv trâus moz, tiv zix zos cheix ntux no nhux khênhr trâus tuôs no, viv li zơưv tưz uô guôx thiêz their guôx cov jông, bax cxix cxuô jâuz trâu paz tsiêx cxu hâur cheix ntux no, chuv tôngv cxax yuôx phax moz lơưr cán bộ thú y li lul heik kriê. Six hơưv phuôv tsar paz tsiêx cxu tso pov, txơưv tiêk yuôr ntâu phêv liv, taz sik zos pox nhuôs truôx siêz uô nox uô hauk, uô trơưk khoa học kỹ thuật tsiv uô xênhz yar mak zuôr yênhx côngz.

          Phênhv nôngx mênhx zuôr tsuv pâuz ciêz no muôx xâuk li no xưz, phênhv nôngx mênhx zuôr tsuv pâuz zos Đeix nta suôz VN đros tsênhv qơư cxuêz kôngz têz qơưk uô./.

( Txâur Vax cxeik nhênhv)