Hlôngr yiêz sôr chiê paz trâu Lai Châu huôv tsar

Xar Hua Nà, huyện Than Uyên zos thax tsav qơư uô ntêx hlo hâur sir jos hlôngr đuô sir zôngv công nghệ thôngz mông, cxiv tsa chinhr quyền điện tử ntơưv Lai Châu. Khov tâu yưv pênhr cxix cxuô lok kỹ thuật sôr, chinhr quyền ntơưv qơư tưz chox kriê chor ban, nganhx, đoanx thêv uô lơưr dữ liệu sôr, nền tảng sôr, kinh têr sôr.

Tiv zix, thax tsav qơư tưz sir jos uô hlôngr yiêz đuô hành chính đros cxiv luôs dịch vụ công trực tuyến, iz qơư uô ntâu kror hâux lưv, paz uô tâu jông đuô têx côngz xưv. Pos Lê Thị Hạnh, Chủ tịch xar Hua Nà puz pâuz: “Têx shông jê lok no pêz tưz sir jos hlôngr yiêz sôr trâu hâur uô côngz xưv hlôngr đuô hành chinhr. Txix co chox kriê canr bôv, công chức cxaz chuôz chor lớp kriê uô hâux lưv, gra siêz đuô hlôngr yiêz sôr thiêz sir zôngv hâur hlôngr yiêz hành chinhr. Txix sir jos hlôngr yiêz sôr mak nhiv no đơưk tu têx hâux lưv, ntâuz ntơưr hành chính trâu pêx xênhv tsik muôx uô kênhz li thâuv ntêx lơưv. Đuô li, chor canr bôv, công chức xar tưz sir zôngv hlôngr yiêz sôr hâur đơưk tu têx hâux lưv yênhx hnuz, paz gra siêz đuô tsơưr lươngv đơưk tu têx hâux lưv muôx ntơưv xar”.

Chiê côngz xưv hlôngr yiêz sôr uô tâu jông, huyện Than Uyên tưz sir jos kriê nzir têx txux chi lok công nghệ thôngz mông, ngaz tuk thôngz mông trâu chor canr bôv, công chức, viên chức.

Zơưv Nguyễn Văn Thăng, Chủ tịch Ủy ban huyện Than Uyên puz pâuz: Txos nhiv no, thax tsav qơư tưz uô tâu jông hêik pâuz điện tử thiêz chữ ký sôr hâur têx cơ quan sêiz car têz qơưk. Chinhr quyền thax tsav qơư sâuv thax tsav tưz sir zôngv tâu jông nền tảng sôr hâur côngz xưv sêiz car xar hôiv thiêz ntâu kror hâux lưv txơưr: “Đros côngz xưv hlôngr yiêz sôr, uô lơưr Tỉnh ủy thiêz Ủy ban tỉnh, cxuô cấp, cxuô nganhx li tsưr ziv chox kriê, huyện Than Uyên sir jos sik côngv đros chor sở, ban, nganhx đoanx thêv tỉnh. Hâur shông đhâu pêz cux tưz cxiv tsa tsưr ziv chiê kriz uô, sir jos uô cov tâu trơưk têx tsưr ziv Ủy ban tỉnh tưz tso tơưv. Nhiv no têx tsênhv njiêz li qơư cơưv tsik muôx ntơưr cux tsênhv tâu pêz kriz uô. Oz thiêz zos hlôngr yiêz sôr hâur nganhx zoz zux, sêiz car ar têz, bảo hiểm… cux tsênhv tâu huyện sir jos uô”.

97% ntâu jêx jok muôx sóng điện thoại di động; zuôr xar 83% chor jêx jok muôx sóng internet. No zos kror zov chênhr chiê têx cơ quan, taz viv, thax tsav qơư hâur tỉnh siz xa têx ntâuz ntơưr điện tử thiêz muôz lok sir zôngv, kriz uô 3.000 ntâu qơư thư điện tử công vụ. Txos nhiv no, Lai Châu cux tưz uô tâu jông công nghệ sôr thâuv muôx zuôr xar 54% nênhs sir zôngv ntâuz ntơưr đas jos điện tử; 100% qơư zoz zux uô tiêr tsưr ziv sêiz car sôr, huôx tôngv sôr, ploz tsênhr dưv liệu sôr…

Zơưv Trần Văn Sáu, Phưv Giám đốc Sở Thôngz mông thiêz Yax mông tỉnh Lai Châu puz pâuz: “Sâuv thax tsav tỉnh Lai Châu nhiv no tưz cungz 4.306 chữ cir sôr trâu têx tiz nênhs, tsưr tsix nhoz têx cơ quan têz qơưk; cungz 1966 dịch vuv công trực tuyến. Hâur shông 2023, kinh têr sôr GRDP tâu muôx 6,7% thiêz điện thoại di động txơưx njê muôx 322 cxênhz ntâu sôr. Txos nhiv no, tỉnh Lai Châu zos iz hâur 10 tỉnh xuz thơưx ciês tưz uô tiêr cxiv tsa thôngz mông nhoz cấp tỉnh thiêz txuôk đros trâu têx thôngz mông nhoz Trung ương”’.

Chiê côngz xưv hlôngr yiêz sôr uô tâu jông đuô, nhiv no Lai Châu tsênhv sir jos kriz uô, sir jos uô cov tiêr Tsênhv qơư sêiz kaz txơưx njêx thiêz Tsênhv qơư tsês chiê điện tử, sêiz kaz ngaz tuk mạng tỉnh hâur shông no, tsưr ziv zos sir jos cov đơưk tu tâu têx ntâuz ntơưr trực tuyến, hlôngr yiêz uô tsưr ziv uô têx ntâuz ntơưr thiêz kriz uô thêv nhiêx tsik zôngv ciês nhiêx txiêx hâur zuôr muôs hax huv, njuôk kho moz, sâu, thêv têx nhiêx phí./.

Khắc Kiên-Lik Thox cxêik nhênhv