Uô jông qênhx tôn giáo hâur thax tsav mênhx cxưx tsơưs nênhs

             Ntu đhâu, Linh mục Hoàng Văn Số, chính xứ Thanh Hà, xar Ia Đrăng, huyện Chư Prông, tỉnh Gia Lai tưz uô tâu truôx jông luôs hâux lưv muôx liv txuôk đros chor tsưr tsix chinhr triv xar hôiv thiêz pox nhuôs giáo dân ntơưv thax tsav qơư. Chiê uô cov tâu truôx têx hâux lưv uô muôx tsiv gri tâu kriz uô đêz đar, tsuv muôx têx tsưr ziv uô cov huv đros: “Đros giáo xứ tiv zix zos hâur công giáo li siêz xar, pêz zênhx sir jos uô tas nro têx kror jông tiv zix trâu pox nhuôs, txix xênhz huôx, uô si, lok zos paz trâu chor mê nhuôv muk cơưv ntơưr, tsik so tâu cxơưz cxiz. Thiêz co tưz tsik zos sik tưr haur giáo xưz xưz, mak thâuv muk tsêr cơưv ntơưr, đrâuv xar hôiv mak cux huôv tsar tâu lênhx nênhs sâuv cxuô kror”.

             Đros tsưr ziv uô “hêik pêx xênhv mnôngs, uô pêx xênhv pâuz, kriê trâu pêx xênhv uô trơưk thiêz uô ntêx hlo chiê pêx xênhv njênhs njôngr, cơưv shâuv”, Đảng ủy, chinhr quyền Mặt trận Têz qơưk cxuô cấp thiêz chor tsưr tsix thành viên tưz sik côngv đros chor chức sắc tôn giáo, nênhs muôx suôz bê hâur côngv thôngx kriz uô ntâu tsưr ziv tsênhv tsênhz, li: qơư nênhs trơưk tôn giáo nhoz tsik muôx chor nênhs phamv cxâuv, por vêv tênhv qơư, tuôr truôx jông têx vênhx huôv mênhx cxưx, cxiv tsa jêx jok yiêz ziv hnuz ziv uô tâu jông. Chor nênhs uô tâu jông hâur phongz yaox sik tưr nhiêv têz qơưk ziv hnuz ziv muôx chôngz hâur tsôngv box công giáo nhoz tỉnh Gia Lai.

             Iz zav li lâul jok Siu Vớt nhoz giáo xứ Ia Đreng, huyện Chư Pưh tưz phuôx huiz zos lênhx đảng viên, iz lênhx giáo dân nhiêv têz qơưk. Hloz Hôx têx luk kriê thiêz sik côngv siêz lương giáo, sêiz tsiv gri Chúa, nhiêv têz qơưk tsik so tâu zơưv ndo njôngr hâur siêz chiê sir jos uô lox tôngv: “Lâul mak tsuv hêik kriê txos têx kror tsik jông. Hâuk chơưr, tưr txiêx zos têx kror tsik jông. Đảng viên lok zuk cux tsuv hêik kriê li. Txix muôx Đảng mak thiêx muôx cêr, tênhv, tsêr cơưv ntơưr, nhiv no tưz muôx tâu tas lơưv. Zuk tsuv hêik ndax ndênhk mak pêx xênhv thiêx njênhs”.

               Tsênhv tsênhz côngz xưv dân vận, uô jông qênhx tự do tín ngưỡng nhoz thax tsav tsôngv box muôx đạo cxuô thax tsav qơư ntơư tỉnh Gia La cux puz pov, cấp ủy chinhr quyền thax tsav qơư Mặt trận thiêz chor đoanx thêv tưz sir jos uô jông côngz xưv dân vận tưz khov trâu chor chức sắc tôn giáo chiê yax kriê, hêik tsôngv box muôx đạo uô truôx jông lơưr Đảng, Têz qơưk têx cêr chêi, paz gôngr côngv trâu huôv tsar cxuô ntơưv thax tsav qơư.

               Lok sik xưk li tỉnh Sóc Trăng zos qơư muôx chôngz tsôngv box Khơ me uô nênhx nhoz, đhâu thâuv Chêi tín ngưỡng, tôn giáo tâu tso tơưv thiêz uô trơưk, Ban Tôn giáo Chinhr phuv sir jos sik côngv đros chor Bôv, ban, nganhx, thax tsav qơư cik txos hâur kriz uô chor cxiv vênhv tôngv, yax kriê tsôngv box mênhx cxưx Khmer kriz uô jông Đảng, Têz qơưk têx cêr chêi lok tôn giáo txix ntâu tsưr ziv. Zơưv Danh Cụng Long, Ủy viên Ban Trị sự phật giáo Việt Nam tỉnh Sóc Trăng puz pâuz: “Têz qơưk cux lok six sir jos uô paz trâu chor sư zos xar muk cơưv saz đrâuv têz qơưk mak cux tso chêi trâu lơưr muk cơưv saz đrâuv têz qơưk thiêz đros co zos Sóc Trăng muôx tsêr cơưv trung cấp Pali Nam Bôv, zos kriê trâu chor sư. Iz chas co, têz qơưk cux paz trâu chor tsêr mnov xar zuôr têx ntâuz ntơưr, chuôz zênhx tôn giáo. Yênhx shông, Đảng, Têz qơưk thiêz Sở Vênhx huôv, Thôngz mông thiêz Du lịch puôr lênhx tsưr tsix ntênhk, hnar mênhx cxưx têx tsôngk yo. Đros co, têz qơưk cux tsov cưv txos tỉnh têx ntênhk hôiv lox, thị xar, phường, jêx jok puôr lênhx tuôx côngv cêr lov jêv thiêz phôngv tsiêz trâu chủ trì chor tsêr mnov”.

              Nhiv no, tsênhv muôx 100 ntâu chư tăng Phật giáo Nam tông Khmer ntơưv Sóc Trăng hêik taz thiêz tsôngv box tiêx đras đêx Cửu Long hêik cxuô tsênhv cơưv chor tsaz yênhx thạc sỹ, tiến sỹ chuyên nganhx Phật học ntơưv têx têz qơưk li Thái Lan, Campuchia, Myanmar, Sri Lanka, Ấn Độ… đros muôx chinhr quyền ntơưv qơư paz, chor tsêr mnov Khmer ntơưv Sóc Trăng puôr lênhx cxiv uô tâu tsênhv qơư chiê kriê ntơưr, kriê hâux lưv uô trâu tsôngv box. Iz chas chor tsêr cơưv ntơưr, 92 luz tsêr mnov Khmer ntơưv Sóc Trăng nhiv no cux tsik so kriz lớp kriê ntơưr Khmer. Thượng tọa Trần Văn Tha, Phưv Trưởng Ban Trị sự Giáo hôiv Phật giáo tỉnh Sóc Trăng puz pâuz: “Tsêr mnov cux zos iz tsênhv qơư kriê lok vênhx huôv, kriê ntơưr sâu, cêr uô nênhx jông, thiêz tsênhv kriê hâux lưv uô trâu chor phật tử thiêz. Đros chor nhuôs hâur chêix so sor, tsêr mnov kriz lớp kriê vênhx huôv, ntơưr Khmer trâu chor nhuôv zâu txix lớp 1 txos lớp 5. Đros chor nênhs tu hành tuôx txos tsêr mnov, đrâuv cơưv ntơưr Khmer mak tsênhv tâu cơưv ntơưv Pali, cơưv giáolý, cơưv mênhx cxưx têx chax chês jông cxôngx nzor”.

               Kriz uô jông tự do tín ngưỡng tôn giáo tưz tsik zos hêik tơưv tâu Đảng, Têz qơưk têx paz trâu tsôngv box luz nênhx, mak đhâu co phênhv tưs paz por vêv tâu qênhx lênhx nênhs, por vêv têx kror jông huv đros lok tôn giáo lok tín ngưỡng hâur tsôngv box mênhx cxưx tas nro têz qơưk./.

VOV4-Lik Thox cxêik nhênhv