Tsôngv pox niêv, txir nênhx hêir nênhs tsơưs, tsuv muôx vax huôv siz luôs

            Zuôr xar 3 shông lok no, Hội Liên hiệp pox niêv tỉnh Hòa Bình tưz fuô uô ntâu luôs hâux lưv cxơưz cxiz pox niêv txir nênhx vax huôv siz luôs, cxuô cấp hội pox niêv tưz sir jos yax kriê chiê gra siêz têx pox niêv vir ndâuk heir nênhs tsơưs txux chi tsưr ziv jênhv pâuz, siêz xar hâur lês uô cxuô luôs hâux lưv cơưv shâuv, huôv tsar uô nox, xênhz huôx thiêz luz nênhx. Chênhr zos li heik co, ntâu lênhx pox niêv vir ndâuk tưz muôx luz nênhx hlôngr yiêz, hla đhâu cêr pluôs truôx. Niêv lâul Bùi Thị Vịnh, heir nênhs Mường, nhoz xã Định Cư, huyện Lạc Sơn, tỉnh Hòa Bình chuôz zis thâuv ntêx zos ziv chuôz zis pluôs, luz nênhx njiz trâus ntâu phiv liv thiêz cêr txov. Txix thâuv tâu Hội pox niêv huyện yax kriê lok têz qơưk têx chei paz kêr txeik pênhr thiêz huôv tsar uô nox uô hnar; niêv lâul Vịnh tâu pâuz txos ntâu tsưr ziv tu zus tsiêx cxu, chos jôngr ntông, niêv lâul chuôz zis tưz muôx phênhv sâu tâu truôx tuk. Niêv lâul vịnh heik: “Iz hlik cur muk cơưv iz jiês đrav xã. Tus vir ndâuk no zuôr txir đêz, tus tovmak nhoz jê hâur jok, iz lênhs nhiêk nhoz nhiêk iz kro taz sik chor pox niêv vir ndâuk cux siz sưv cơưk, sik heik kriê, pheiz kênh têx tsưr ziv uô nox, huôv tsar tu zus txiêx cxu....Nhiv no pox niêv txir nênhx vax huôv siz luôs lơưv, cur nhoz hâur jok cux kriê trâu sơưr đơưk ntâu zav, viv li phênhv ntâu chor pox niêv vir ndâuk cux pâuz tâu lok têx tsưr ziv, chei fuô kriê ntơư. Nhiv no cxuô lênhx cxuô tus muôx vax huôv siz luôs lơưv, cux muôx ntâu pênhr paz pox niêv huôv tsar uô nox tsi thôngx li thâuv ntêx. Txơưv tsêr nhiêx tsênhv chei lok sik tsêr nhiêx Kôngz nuv zos tiêk uô tâu ntâuz ntơưr mak lơưr cux tso txeik hur si”.

            Pos Bùi Thị Ngơi, Chủ tịch Hội Liên hiệp pox niêv huyện Lạc Sơn heik pâuz: Uô lơưr pox niêv txir nênhx vênhx huôv trâu tsôngv box heir nênhs tsơưs tsênhv tâu cxuô cấp hội pox niêv txix tỉnh txos ntơưv qơư sir jos fuô uô; cxuô cấp ủy đảng, hâu nov ntơưv qơư cux lok six moz siêz txos; chiê cxơưz paz tsôngv box huôv tsar kinh tế: “Uô jông trơưk tsưr ziv fuô kriê, hội têx hâux lưv tso tơưv, pêz tưz fuô uô ntâu luôs hâux lưv. Lar heik zos tưz moz siêz txos gra siêz txux chi tsưr ziv jênhv pâuz trâu chor pox niêv vir ndâuk. Tiv zix zos paz chor pox niêv vir ndâuk huôv tsar uô nox, gra siêz phênhv sâu tâu trâu pox niêv. Co zos iz hâur têx hâux lưv nhiv no pêz tsênhv fuô uô. Thiêz pêz tsênhv uô têx hâux lưv paz tsôngv box heir nênhs tsơưs, paz tổ hợp tác, HTX, chor chuôz zis huôv tsar kinh tế”.

             Hâur ngênhx zoz zux, tỉnh Hòa Bình cux tưz tsês têx pênhr huv đros chiê paz max, muôz trâu chor cưk kriê ntơưr, shux xênhz thax tsav tox siêz đêz đrôngs, thax tsav txov nhêv kêr txeik. Khov li co, tsơưr lươngv zoz zux nhoz têx thax tsav, suôv qơư heik sâuv jux juk tâu gra siêz. Ciês huyện Cao Phong, nhiv no tas nro chor nhuôs shux xênhz cxênhx 2, cxênhx 3 ntơưv têx xã tox siêz tưz tâu nox nhoz hâur tsêr cơưv, cơưv txux chi. Triệu Hương Giang, nhoz xã Yên Lập, tưz tâu nox nhoz hâur tsêr cơưv Phổ thông dân tộc nội trú cơưv ntâuz ntơưr 6 shông lok no heik: “Têx tsênhv chei pêz tâu sơưv mak tâu cxix cxuô. Pêz tâu nox nhoz hâur tsêr cơưv muôx qơư jông cơưv txux chi. Tsi tas li, pêz tsênhv tâu paz têx chuôz zênhx phưx vưv cơưv ntơưr thiêz tâu tsêr cơưv pheiz ntơưr cơưv, ntơưr sâu hur si. Pêz tsuôk pâuz tuôx cơưv xưz; chor cưk kriê hâur tsêr cơưv lơưr cux jông xưk li zuk niêv zuk txir txoz cxơưx trâu pêz iz kro jux juk”.

              Trơưk li Sở zoz zux tỉnh Hòa Bình, chor nhuôs zâu hâur thax tsav nhoz hnuz nhôngs muk cơưv tax 99% ntâu. Têx thax tsav, suôv qơư zôngx ziv muk lol li: Hâur đrôngs, thị trấn mak tưz tax 100%. Ngênhx zoz zux tỉnh Hòa Bình cux tsênhv sir jos gra siêz txux chi tsưr ziv uô hâux lưv trâu chor cưk kriê cxuô cấp; hlôngr yiêz tsưr ziv kriê txux chi cov huv đros trâu tsênhv tsênhz chiê uô tâu jông luôs hâux lưv kriê ntâuz ntơưr trâu têx tuz nhuôs cxuô heir nênhs tsơưs.

            Txix têx tâu têz qơưk paz, hlôngr yiêz tsưr ziv, siêz xar; tsôngv box heir nênhs tsơưs nhoz tỉnh Hòa Bình muôx luz nênhx huôv tsar, vav mênhx zos têx uô trâu sơưr đơưk pov njôngr lok pox niêv, txir nênhx hêir nênhs tsơưs Việt Nam muôx vax huôv siz luôs tưz tâu công ước ntiêx têz côngk nhav./.

VOV4-Riê Lâux cxeik, nhênhv

Chei BHXH shông 2024: Cxaz nzir cui tênhv chiê chuôz tsar qênhx liv, cxơưz cxiz nênhs lox tôngv tuôr tsês ntêr hnuz nhôngs chiê sơưv nhiêx hli so lâuk

          Tsôngv …yuô! Chei BHXH shông 2024 (tâu uô txix hnuz xiêz 1/7/2025) tưz muôx ntâu hlôngr yiêz, cxaz nzir lơưr saz chuôz tsar qênhx liv, cxơưz cxiz nênhs lox tôngv tuôr tsês ntêr hnuz nhôngs chiê sơưv nhiêx hli so lâuk hlôngr trâu jênhv BHXH iz jiês. Phênhv tsênhv chêi thiêz luz nênhx hnuz no đros BHXH tỉnh Sơn La li sik côngv uô chiê heik kriê  trâu tsôngv box lok njiêz luv co. Zâuv tsôngv cưr tix fôngx zưs đros nriêr pâuz:

          Zos nênhs lox tôngv tưz tso tsês tsi cxaz chuôz BHXH, tsi sơưv BHXH iz jiês, tsuv tuôr tsês ntêr hnuz nhôngs chiê tror cxaz chuôz cov tâu sơưv têx qênhx liv siêz đuô:

         1, Thâuv tror cxaz chuôz tâu sơưv têx tsênhv chêi đros iz phênhv siêz đuô viv têx tsênhv chêi puôr lênhx xav trơưk hnuz nhôngs thêv nhiêx bảo hiểm pir li (moz gênhs, txiêz nanv lox tôngv, moz tiv hâux lưv uô…);

            2,Tâu sơưv nhiêx so lâuk zôngx ziv đuô;

            3, Hâur ntu sơưv nhiêx so lâuk tâu cuiv BHXH thêv trâu BHYT;

            4, Tâu sơưv phênhv paz txưv yênhx hli thâuv tsi tâu txâuk shông sơưv nhiêx so lâuk thiêz tsi tâu txâuk shông sơưv phênhv paz so lâuk xã hội;

           5, Hâur ntu sơưv paz txưv yênhx hli mak tâu nhiêx txiêx têz qơưk thêv BHYT;

           Đrâuv co, nênhs lox tôngv tsênhv tâu sơưv tsênhv chêi paz txưv kir txeik pênhr trâu nênhs lox tôngv hâur ntu thêv BHXH, trâus pôngz hâux lưv uô.

Nhạc cắt

          Tsôngv fôngx zưs sđ nhiv kruôr mnôngs tas phênhv “tsênhv chêi thiêz luz nênhx”. tror njiz đuô sđ trâu tsaz yênhx tov kaz./.

Thanh Thủy-Txâur Vax cxeik nhênhv