Tir tar chor nênhs fêv nziêk đas siz zuôr đhâu mạng xã hội

Nhiv kruôr muôx 14 shông, siz pâuz đhâu sâuv mạng thiêz xar hlôngr yiêz luz nênhx. Taz sik đhâu ntus đriv, lênhx nxêik mênhx cxưx Hmôngz H.T.C, nhoz Điện Biên ho trâus nziêk đas siz zuôr uô niêv txir no, trâus ntâuk tsiv. Đhâu oz shông thiêx khiêr điv tâu tror lok ntơưv qơư nhoz, C cux tsênhv lok six nyêi thâuv xar txos ntu co: “Lơưr hêik tiêk zuôr txir saz Trung Quốc mak muôx tâu luz nênhx jông, xar zuôr đaz tsi cux tâu, txir lok six hluz pox niêv... viv li cur thiêx muk. Thâuv muk txos saz tor mak tsik jông li zuk siêz xar, tsik zos li lơưr hêik. Muk txos mak xar tror lok tsêr xưz”.

Tror lok txos tsêr, têx kror trâus saz đrâuv tơưr grêix mak zuôr txơưx jông, taz sik hâur siêz mak zuôr nhoz đros đrêiv. Txêik jênhv, thiêz chơưv kho trâu chor nênhs trâus nziêk đas, zơưv Đinh Minh Nghĩa, Phưv Giám đốc Tsênhv qơư Côngz xưv xar hôiv thiêz Bảo trợ xar hôiv tỉnh Lào Cai puz pâuz: “Nênhs trâus nziêk đas mak zuôr lok six nyêi tiv trâus ntâuk tsiv, zuôv uô đaz uô tuôs. Pêz tso canr bôv muk njiz yênhx lênhx nênhs chiê nriêr pâuz, hêik kriê, sêiz sêz lơưr njiz phiv liv kror tưs mak paz trâu lơưr...”

Txix chor nênhs trâus nziêk đas tror lok hêik pâuz, lưx lươngv pênhz phax tưz kriz uô hâux lưv tir tar. Sêiz car chor chuyên anr tir tar cor nênhs zuôr muôs lênhx nênhs, Trung tá Vũ Trần Minh Đạt, Zênhx tsar Zênhx pênhz phax Trôngx đriv Ntiêx têz Lào Cai hêik pâuz tsênhz txos kror phiv liv no: “Hâur chor txuz anr muôx ntâu kror puz pâuz chor nênhs fêv liv zôngv siz zuôr chiê đas nziêk muôs lênhx nênhs. Hâur côngz xưv tir tar, lưx lươngv tưz tir tar tâu oz chuyên anr tsưr tsix zuôr muôs lênhx nênhs tsik tâu muôx 16 shông txix tsưr ziv đas nziêk siz zuôr uô niêv txir. Đhâu đas nziêk tâu, chor nênhs sơưr thơưx, đas nziêk tsik so khiêr ntơưv qơư nhoz muk gâuv, lok sik muk uô hâux lưv ntơưv têx qơưk công nghiệp kuôk Lào Cai txix 300 txos 500 cêik cêr”.

Khiêr muk gâuv muôx yênhx puô cêik cêr, chor nênhs fêv co cux trâus lưx lươngv pênhz phax ntêk cxov tâu, chor lok tik cêr cxâuv trơưk chêi têz qơưk. Taz sik, chiê tir tar tâu jông chor nênhs fêv nziêk đas zuôr muôs lênhx nênhs, đros chor lưx lươngv muôx vax huôv têx tsưr ziv uô, kror zov chênhr tiv zix ntơưv ntus đriv cux zos yênhx lênhx nênhs tsuv pâuz, sêiz shuôk jông, sir jos nriêr pâuz thiêz đros tir tar cov tâu jông chor nênhs fêv no./.

An Kiên-Lik Thox cxêik nhênhv

Heik kriê chei têz qơưs txos tsôngv box tox siêz, ntus đriv Tây Bắc

Uô lơưr têx tsưr ziv lok tsaz yênhx sik côngv yax mông phax tar zuôr muôs lênhx nênhs thiêz phax tar zax zênhz, muôs pax muôs chêr sâuv thax tsav xã Sam Mứn ntu 2026 - 2030, Hội Liên hiệp pox niêv xã Sam Mứn sik côngv đros Công an xã thiêz Zênhx Pênhz phax Trôngx đriv ntiêx têz Tây Trang, tỉnh Điện Biên tsưr tsix yax mông phax tar nênhs phamv cxâuv thiêz por vêv txiv ngaz ntơưv jok Na Nai.

Zuôr xar 100 lênhx pox niêv, nhuôs zâu thiêz tsôngv px cxaz chuôz jiês yax mông tâu heik kriê têx tsênhv njiêz lok phax, tar zuôr muôs lênhx nênhs, zax zênhz, muôs pax muôs chêr; taz por txiv ngaz mạng thiêz tuôr truôx txiv ngaz ntus đriv têz qơưk. Têx lưx lươngv muôx txơưx jênhv heik kriê tsôngv box jênhv pâuz nênhs phamv cxâuv li tsưr ziv zuôr muôs lênhx nênhs, nziêk đas sâuv mạng; heik kriê zax zênhz, hâux lưv muôs pax muôs chêr li têx tsi jông; chuôz tsar tsưr ziv chiv chir por vêv zuk, chuôz zis txix têx phiv liv uô cxâuv cêr chei, thôngx cxix muôz siêz tsôngv box li txơưx jênhv hâur por vêv tsưr qênhx ntus đriv. Lơưr pos Vũ Thị Minh Tiến, Chủ tịch Hội pox niêv xã Sam Mứn, tỉnh Điện Biên: "Huôx tôngv tâu tsưr tsix chiê chuôz tsar sik côngv hâur têx lưx lươngv uô côngz xưv yax mông, vênhv tôngv tsôngv px uô lơưr cêr chêi; gôngr phênhv cxiv tsa thax tsav taz por, jông thiêz chuôz tsar đas jos tas nro px hâur tuôr truôx txiv ngaz thiêz por vêv ntus đriv têz qơưk".

Đros thiêz Sam Mứn, hâux lưv yax kriê, piêr pâuz chêi têz qơưk ntơưv cxuô thax tsav qơư ntus đriv tâu uô tsik so. Ntơưv xã Quảng Lâm, tỉnh Điện Biên, Phongx Vênhx huôv - Xar hôiv sik côngv đros Văn phongx HĐND thiêz UBND xã tsưr tsix yax kriê sâuv tas nro 14 jêx jok đros muôx tas nro 1 cxênhz 330 lênhx nênhs cxaz chuôz. Njiêz luv tsov cưv txos Chei ntus đriv têz qơưk, Chei ar têz, Chei siz zuôr thiêz chuôz zis; phax tar siz zuôr nzor, zax zênhz thiêz zuôr muôs lênhx nênhs, paz tsôngv px gra siêz jênhv pâuz thiêz cxaz chuôz tuôr truôx txiv ngaz ntơưv thax tsav qơư.

Uô lơưr Tsaz yênhx têz qơưk li qơư tsov txos lok huôv tsar kinh tế - xã hội thax tsav tsôngv px mênhx cxưx tsơưs nênhs thiêz tox siêz, cxuô thax tsav qơư hâur tỉnh yax six tsưr tsix têx huôx tôngv yax mông, piêr pâuz lok cêr chêi trâu pox niêv, nhuôs zâu thax tsav tsôngv px mênhx cxưx tsơưs nênhs thiêz côngv thôngx cxuô mênhx cxưx txix ntâu tsưr ziv huv đros tsôngv px li phongz cxưx, cêr uô nênhx thiêz yênhx tưv jênhv pâuz.

Txix hâur shôngk shông txos nhiv no, cxuô cấp, ngênhx hâur tỉnh tưz tsưr tsix zuôr xar 7.000 jiês piêr kriê cêr chei, hu zâuv 300.000 ntâu lênhx nênhs cxaz chuôz; tso muôx nhos 71.000 ntâuz ntơưr heik kriê, zaoz zux cêr chei. Tas nro nhiêx txiêx tsês trâu hâux lưv piêr kriê, zaoz zux cêr chei zos 3,6 tyv đeiv ntâu.

Têx ntâuz ntơưr yax kriê tâu cxeik yênhx ntâu zav luk fiv đros yênhx thax tsav qơư, yênhx mênhx cxưx. Hâux lưv zôngv công nghệ thôngz xor mông, mạng xã hội thiêz têx nền tảng sôr chiê yax kriê, zaoz zux cêr chêi tsênhv tâu sir jos kriz uô; têx jiês thik nriêr pâuz lok cêr chei trực tuyến tâu tsưr tsix tsik so, gôngr phênhv kriz đar qơư txêik tok xor mông lok cêr chêi, tuôv zênhv tsôngv px, tiv zix zos cxênhx hluôk nênhs li zoz qơưx.

Thôngz đhâu têx huôx tôngv yax mông, tsôngv px têx mênhx cxưx tsơưs nênhs nhoz thax tsav ntus đriv li jênhv pâuz thiêz siêz xar uô lơưr cêr chei jux juk tâu muôz siêz, gôngr phênhv tuôr truôx txiv ngaz, chuôz cxaz pêx xênhv li siêz njênhs txos cấp ủy, chinhr quyênx, cxiv tsa cxix luôk chinhr trị ntơưv têx xã tox siêz, ntus đriv ziv hnuz ziv truôx tul./.

 Tsu Vưx-Txâur Vax cxeik nhênhv