500 hnuz hmo nhoz Sơn La: Sik côngv siêz zok nriêr thiêz chox liệt sĩ tror lok

Hâur ntu I, 579 luz nza liệt sĩ tsi tâu xav tênhv tâu xor mông ntơưv 7 qơư nza liệt sĩ sâuv thax tsav tỉnh Sơn La tưz tâu khơưz tas; hâur co, muôx 346 luz jông chiê muôz mẫu, 233 luz muôz tsi tâu. Txix pêx xênhv li xor mông, Sơn La tưz huiz tôngv 600 ntâu lênhx canr bôv thiêz dân quân qênhz yuôx, xav jênhv thiêz zok nriêr, khơưk tsês têx poz cxa liệt sĩ. Tix lâus Hoàng Văn Toàn, dân quân jok Tốc Lắc, xã Chiếng Hặc, tỉnh Sơn La heik: Cur lok six jông siêz thâuv tâu cxaz chuôz zok nriêr thiêz khơưk tsês têx nza liệt sĩ sâuv thax tsav xã. Pêz lok six xar njôngr muôx têx gôngr côngv  đas jos chiê zok nriêr tâu nza liệt sĩ, chiê chox chor tuz lênhv co tror lok đros zuk têz qơưk thiêz chuôz zis.

Txos nhiv no, tỉnh Sơn La tưz tsưr tsix ntênhs txi côngv trâu 8 liệt sĩ tâu tas siv nênhx, uô tiêr uô ntêx 150 hnuz thiêz siêz đuô 60% tsưr ziv Quân khu 2 choz. Chox têx liệt sĩ tâu tas siv nênhx tror lok zuk qơư nhoz zos têx lênhx canr bôv, chiên sĩ tsênhv uô luôs hâux lưv 500 hnuz hmo li tsưr ziv, siêz xar. Lơưr Thượng uý Nguyễn Hồng Đăng, Bệnh xá trưởng, cux phưv txơưx Ban Quân y Phòng Hậu cân - Kỹ thuật, Bộ CHQS tỉnh Sơn La, iz mẫu ADN njuôk shuôk zuôr paz xav tênhv tâu liệt sĩ li têx lênhx nênhs cxênhz jê, zos têx chuôz zis liệt sĩ li siêz xar njôngr: Viv li hâur ntu uô, pêz thâuv tưs cux tso tơưv zoz qơưx siêz tiv zix kror tsênhz mênhx hâur ntu xav tênhv qơư njuôs siv trơưk tsưr ziv, hnaz ntiv, sâu bê, por hưv, thâux xa thiêz choz zok njuôs siv trơưk Bôv Côx phax thiêz Bôv Y têr li chuyên môn. Đros co pêz cux qênhz yuôx, xav jênhv xor mông njuôs siv ntâu jiês chiê txar jav tsi uô muôx yưv têx tsi jông hâur ntu qênhz yuôx xor mông, chiê taz por tsơưr lươngv tiv zix, xa txos qơư njuôs siv AND.

Ntu 2 "Chiến dịch 500 hnuz hmo", Sơn La sir jos uô tiêr luôs hâux lưv muôz mẫu têx poz cxa liệt sĩ đros 100% têx luz nza muôx iz phênhv hâur têx qơư nza. Đại tá Hà Văn Dưng, Phưv Chính ủy Bộ CHQS tỉnh Sơn La khav tinhv sir jos uô luôs hâux lưv njuôk shuôk taz por trơưk tsưr ziv, kỹ thuật, thôngx cxix cxiv tsa qơư nriêr, khơưk tsês tâu 10 poz cxa liệt sĩ ndê muk… Đros chinhz yênhx txơưx jênhv siêz tiv zix thiêz siêz xar njôngr mak pêz zuôr tror heik trâu BCĐ tỉnh, txix hâux lưv khơưk muôz poz cxa phưx vưv njuôk shuôk ADN txos qênhz yuôx, khơưk tsês poz cxa liệt sĩ. Sir jos zok nriêr, kriz đar qênhz yuôx thax tsav, truôx siêz chox tâu ntâu tiv zix têx poz cxa liệt sĩ lok trâu qơư nza, cxuôv tsês phênhv tưs cêr pôngz siêz trâu liệt sĩ li têx lênhx nênhs cxênhz jê…

Tỉnh Sơn La li Ban chox kriê chiến dịch cux tsênhv cxơưz tiês xav jênhv, ntâuk grê, cxaz nzir, kho đuô xor mông nza liệt sĩ hâur têx qơư nza liệt sĩ txix tsưr ziv uô tsênhz mênhx; sik côngv truôx jông têx ntâuz ntơưr, dữ liệu sôr thiêz chêx cuk njuôk shuôk ADN. Txêik jênhv thiêz muôz têx poz cxa liệt sĩ tsi tâu xav tênhv tâu xor mông đhâu thâuv njuôk shuôk ADN taz por truôx jông, trơưk cui tênhv, tsi chiê uô zuôv..../.

Lê Hạnh-Txâur Vax cxeik, nhênhv

Têx luk nus khênhr njiz trâus thâuv cxax yuôx phax phôngz moz trâu nhuôs zâu

Thâuv tưs mê nhuôv zâu tsi tâu muk cxax yuôx vắc xin?

Iz zav yuôx vắc xin nưk jông cxax nưk phax tir thêir iz zav caz moz tsi siz thôngx. Iz zav li: Vắc xin phax phôngz moz kruô njưk mak tsuv cxax trâu thâuv hli xuz thơưx nhiv kruôr xênhz zus tâu lok txos 2 hlik ntơư; taz sik zos têx lênhx nhuôs xênhz zus tsi txưv hli, tsơưs đuô 2,5 cir mak muôx têx tsi tâu tâu cxax, tsuv uô trơưk li bác sĩ heik kriê thâuv seiz njuôk shuôs đas jos chiê cxax yuôx phax phôngz moz.

Iz cxiê lênhx txơưr đuô, nhuôs zâu cux tsuv tax nduô tsês cxax yuôx phax phôngz moz gênhk, li: Thâuv mê nhuôv tsênhv trâus muôx moz hnhar, uô cuz uô no, gênhk, hnôngk hơưz poz, lok njưs, trơưk plaz; trâus moz iz cxiê zav moz cik txos uô xuô.....

Đhâu thâuv cxax tas, mê nhuôv muôx têx moz yưv li chas?

Hlôngr suôz: Đhâu cxax tas mê nhuôv mê njik uô cuz uô no. Taz sik no tsi trâus cxơưx, đhâu 1, 2 hnuz cxax moz zuôr jông jux juk. Taz muôx iz cxiê lênhx nhuôv cux muôx têx uô cuz uô no lox, thâuv ntơư chor uô niêv uô txir tsuv chox zênhx max mê nhuôv muk chuôs cưk yuôx chiê tâu heik kriê tsưr ziv chơưv kho huv đros.

Kror côngz cxax trâus o liêz, moz: Têx li heik co muôx têx zuôr o, moz txos 2, 3 hnuz taz sik tsi uô li chas thiêz zuôr jông jux juk, tsi trâus cxơưx. Muôx têx chor uô niêv uô txir sơưr đơưk muôz fuôv ntuz đêx txiêk lok buôz luz kror côngz cov tsi yuô moz xưz.

Uô xuô: Mê nhuôv zâu muôx têx tơưv têx luz poz liêz lok sik khâuk thôngz iz chêr.... Têx li heik co 2, 3 hnuz zuôr chiv chir jông jux juk, taz sik zos mê nhuôv nhoz tsi tsưv, pư tsi tâuk thiêz uô li ntơư ntêr hnuz mak tsuv chox mê nhuôv tuôx chuôs cưk yuôx chiê seiz njuôk shuôs đas jos.

Pok tâu muôz yuôx uz no lok krưr luz kror côngz cov tsi trâus o, moz?

Hlôngr suôz: Đhâu thâuv cxax tas, tsuv chiê mê nhuôv nhoz muôx 30 phênhz ntơưv qơư cxax chiê cưk yuôx sox seiz mê nhuôv đas jos sêz pok muôx li chas txơưr txar yưv siv. Têx moz li: Mêx njik uô cuz uô no, luz kror côngz moz lok sik mêx njik o, mê nhuôv kuôx mak  tsi uô li chas, co zos têx khênhr njiz trâus xưz.

Chor uô niêv uô txir tsi tâu muôz yuôx uz no trâu mê nhuôv hâuk lok sik muôz kê, kok zax zưv uz no krưr luz kror côngz, viv uô li ntơư zos tsi huv, zuôr uô muôx iz cxiê zav moz txơưr đuô nzir.

Uô ntêx thâuv zuôr cxax yuôx phax phôngz moz, mê nhuôv mêx njik uô cuz uô no pok jông cxax yuôx phax phôngz khâuz thuôs?

Trơưk li mông heik kriê sir zôngv yuôx vắc xin phax tar moz khâuz thuôs mak tsuv nduô tsês tsi tâu cxax yuôx phax phôngz moz trâu nênhs lâul lok sik nhuôs zâu tsênhv uô cuz uô no lok sik trâus moz hnhar. Zos mê nhuôv uô cuz uô no siz mak cux muôx têx tâu cxax, tsi uô chas.

Uô ntêx thâuv zuôr cxax yuôx phax phôngz moz trâu nhuôs zâu, chor uô niêv uô txir tsuv sik thav thiêz kriê tsênhz mênhx mê nhuôv đas jos trâu cưk yuôx pâuz chiê muôx tsưr ziv cxax yuôx phax phôngz moz gênhk huv đros./.

Hồng Việt-Riê Lâux cxeik, nhênhv