500 hnuz hmo nhoz Sơn La: Sik côngv siêz zok nriêr thiêz chox liệt sĩ tror lok

Hâur ntu I, 579 luz nza liệt sĩ tsi tâu xav tênhv tâu xor mông ntơưv 7 qơư nza liệt sĩ sâuv thax tsav tỉnh Sơn La tưz tâu khơưz tas; hâur co, muôx 346 luz jông chiê muôz mẫu, 233 luz muôz tsi tâu. Txix pêx xênhv li xor mông, Sơn La tưz huiz tôngv 600 ntâu lênhx canr bôv thiêz dân quân qênhz yuôx, xav jênhv thiêz zok nriêr, khơưk tsês têx poz cxa liệt sĩ. Tix lâus Hoàng Văn Toàn, dân quân jok Tốc Lắc, xã Chiếng Hặc, tỉnh Sơn La heik: Cur lok six jông siêz thâuv tâu cxaz chuôz zok nriêr thiêz khơưk tsês têx nza liệt sĩ sâuv thax tsav xã. Pêz lok six xar njôngr muôx têx gôngr côngv  đas jos chiê zok nriêr tâu nza liệt sĩ, chiê chox chor tuz lênhv co tror lok đros zuk têz qơưk thiêz chuôz zis.

Txos nhiv no, tỉnh Sơn La tưz tsưr tsix ntênhs txi côngv trâu 8 liệt sĩ tâu tas siv nênhx, uô tiêr uô ntêx 150 hnuz thiêz siêz đuô 60% tsưr ziv Quân khu 2 choz. Chox têx liệt sĩ tâu tas siv nênhx tror lok zuk qơư nhoz zos têx lênhx canr bôv, chiên sĩ tsênhv uô luôs hâux lưv 500 hnuz hmo li tsưr ziv, siêz xar. Lơưr Thượng uý Nguyễn Hồng Đăng, Bệnh xá trưởng, cux phưv txơưx Ban Quân y Phòng Hậu cân - Kỹ thuật, Bộ CHQS tỉnh Sơn La, iz mẫu ADN njuôk shuôk zuôr paz xav tênhv tâu liệt sĩ li têx lênhx nênhs cxênhz jê, zos têx chuôz zis liệt sĩ li siêz xar njôngr: Viv li hâur ntu uô, pêz thâuv tưs cux tso tơưv zoz qơưx siêz tiv zix kror tsênhz mênhx hâur ntu xav tênhv qơư njuôs siv trơưk tsưr ziv, hnaz ntiv, sâu bê, por hưv, thâux xa thiêz choz zok njuôs siv trơưk Bôv Côx phax thiêz Bôv Y têr li chuyên môn. Đros co pêz cux qênhz yuôx, xav jênhv xor mông njuôs siv ntâu jiês chiê txar jav tsi uô muôx yưv têx tsi jông hâur ntu qênhz yuôx xor mông, chiê taz por tsơưr lươngv tiv zix, xa txos qơư njuôs siv AND.

Ntu 2 "Chiến dịch 500 hnuz hmo", Sơn La sir jos uô tiêr luôs hâux lưv muôz mẫu têx poz cxa liệt sĩ đros 100% têx luz nza muôx iz phênhv hâur têx qơư nza. Đại tá Hà Văn Dưng, Phưv Chính ủy Bộ CHQS tỉnh Sơn La khav tinhv sir jos uô luôs hâux lưv njuôk shuôk taz por trơưk tsưr ziv, kỹ thuật, thôngx cxix cxiv tsa qơư nriêr, khơưk tsês tâu 10 poz cxa liệt sĩ ndê muk… Đros chinhz yênhx txơưx jênhv siêz tiv zix thiêz siêz xar njôngr mak pêz zuôr tror heik trâu BCĐ tỉnh, txix hâux lưv khơưk muôz poz cxa phưx vưv njuôk shuôk ADN txos qênhz yuôx, khơưk tsês poz cxa liệt sĩ. Sir jos zok nriêr, kriz đar qênhz yuôx thax tsav, truôx siêz chox tâu ntâu tiv zix têx poz cxa liệt sĩ lok trâu qơư nza, cxuôv tsês phênhv tưs cêr pôngz siêz trâu liệt sĩ li têx lênhx nênhs cxênhz jê…

Tỉnh Sơn La li Ban chox kriê chiến dịch cux tsênhv cxơưz tiês xav jênhv, ntâuk grê, cxaz nzir, kho đuô xor mông nza liệt sĩ hâur têx qơư nza liệt sĩ txix tsưr ziv uô tsênhz mênhx; sik côngv truôx jông têx ntâuz ntơưr, dữ liệu sôr thiêz chêx cuk njuôk shuôk ADN. Txêik jênhv thiêz muôz têx poz cxa liệt sĩ tsi tâu xav tênhv tâu xor mông đhâu thâuv njuôk shuôk ADN taz por truôx jông, trơưk cui tênhv, tsi chiê uô zuôv..../.

Lê Hạnh-Txâur Vax cxeik, nhênhv

Têx cơưv ntâu nhoz ndêx chiv ntus đriv 166 ntơưv Lào Cai

Têx kror chor nhuôv tâu mnôngs hêik lok bôv đôiv pênhz phax, nhiv no tưz zos kror tsênhv tsênhz. Cux ntơưv ndêx chiv ntus đriv no, sơưr hâur tuk qix têz qơưk, 5 lênhx shux xênhz sir jos cơưv ntơưr tâu chiê nhoz hâur Đoàn thiêz kror no muôx tsiv gri đuô thâuv chor nhuôv yênhx nênhs ciês sâuv thax tsav qơư ntus đriv qơư zuk tâu xênhz zus no.

Tror lok ntơưv tsêr cơưv, cưk kriê thiêz shux xênhz cir đros oz zênhx pênhz phax Pha Long thiêz Tà Gia Khâu. Hâur phòng cxôngx nzor nhiv no muôx nzir “Qơư hêik lok ntus đriv”, đros đêiv ntơưr uô ka ciês xa lok hnuz 19/2/1979 thiêz đuô lok 22 ndêx chiv ntus đriv đros mã QR. Uô ntêx chor đuôz co, Trung tá Trương Hồng Phong, Zênhx tsar Zênhx Pênhz phax Pha Long, kriê trâu shux xênhz pâuz jax cơưv lok tsưr qênhx txix chor đuôz muôx hâur luz  nênhx yênhx hnuz: “Ndêx chi ntus đriv tsuôk zos iz đêiv poz jêz nhoz ntus đriv xưz, taz sik muôx tsiv gri lok six zov chênhr, ntauk chiv tsưr qênhx pêz têz qơưk. Iz zav li sơưr đơưk chor vax tsêr puôr lênhx muôx nja vax xor thêir? Têz qơưk li cux jông li, cux tsuv muôx nja vax thêir. Pêz muôx ndêx chiv zos muôx ntus đriv, pêz muôx ntus đriv mak thiêx muôx qơư nhoz trâu chor ziv chuôz zis, trâu zuk, đêz đar đuô zos trâu tas nro jêx jok, xar thiêz tas nro têz qơưk”.

Jax cơưv co tsênhv tâu piz txix têx hâux lưv lok six zâu. Chor chiên sỹ bôv đôiv pênhz phax tuôx qơư shux xênhz nhoz hâur tsêr cơưv kriê trâu shux xênhz têik têx pav lêr, shâuv tsưr ziv uô nênhx. Câu lạc bôv võ thuật pênhz phax nhiv kruôr kriz tưz zaz zâuv chôngz lênhx shux xênhz cxaz chuôz chôngz txos xêir nênhs chiê tuôx cơưv.

Pha Long zos iz hâur 4 tsêr cơưv nội trú oz cấp thax tsav ntus đriv Lào Cai tâu 6 zênhx pênhz phax jênhv sik côngv siz paz trơưk Tsaz yênhx “Ndêx chiv ntus đriv-Tsêr cơưv ntơưr oz cấp”. Sik côngv jông nhoz ntus đriv tsênhv tâu kriz uô txix têx luz tsêr cơưv ntơưr li co. Hêik txos siêz xar đhâu jiês cơưv, lênhx nxêik shux xênhz hêir nênhs Hmôngz _Quỳnh Như Xênhv Hav, lớp 9A1, hêik pâuz: “Cur pov jax cơưv lok six jông thiêz shir phaz hênhr!”

Quỳnh Như xênhv Hav hêik tsơưs li co xưz, taz sik đros iz jax cơưv xuz thơưx lok Têz qơưk, bâuv li co xưz cux txâuk lơưv. Lo luk “Têz qơưk” tsik nhoz hâur têx ntâuz ntơưr mak piz txix cxuô kror muôx txix qơư sơưr đơưk uô nênhx nhoz, zos têx luz trôngz, zos têx tuk đêx lok sik jêx jok, zos ndêx chiv ntus đriv. “Jiês cơưv ntơưv ntus đriv” zos jiês chiê cxênhx hluôk pâuz tsênhz đuô txos hux fênhx thiêz cxênhx nênhs uô ntêx têx trox nya li kror tsiv gri chiê paz tuôr truôx tâu yênhx thax tsav trâu zuk têz qơưk./.

An Kiên-Lik Thox cxêik nhênhv