Sir jos uô sêi chor tsêr cơưv nội trú ntơưv Lai Châu

Khov trâu muôx ntux yar jông chor hnuz thâuv hli 3, chor nênhs uô côngz trinhx Tsêr cơưv Nội trú Cxênhx iz thiêz Cxênhx oz xar Bum Nưa, tỉnh Lai Châu tsênhv sir jos uô cxuô kror hâux lưv. Yênhx puô canr bôv, kỹ sư thiêz công nhân sir jos uô têx hâux lưv, phêiz ca uô hâux lưv tsik so. Têx qơư zov chênhr li lớp cơưv, tsêr đa năng, cxiv tsa thêir cov tsik xưz poz… tsênhv tâu uô tiêr jux juk, huv zos lơưr tsưr ziv tso tơưv.

Kỹ sư Bùi Văn Thư, canr bôv kỹ thuật dưv anr, Tập đoàn AMACCAO hêik pâuz: “Pêz hêik chor nênhs uô, bax têx mêir, chuôz zênhx chiê uô cov ngaz tuk thiêz uô tâu jông tiv zix. Chor mêir tâu pêz sir zôngv uô pêz ca, công nhân cux uô nzir hâux lưv. Hnuz tưs sơưr đơưk cux nquôr bê tông, uô plas, cxiv tsa njưs thêir sir jos uô cov sêi, viv ntu no cux tsik muôx ntux lok nas ntâu”.

Tưz tsik zos sir jos uô sêi xưz, tsơưr lươngv xux tâu chor nênhs thầu lok six sir jos uô jông, viv no tưz tsik zos iz dưv anr cxiv tsa, mak zos côngz trinhx zoz zux zov chênhr – qơư zuôr paz kriê têx txux chi trâu têx tuz nhuôs tsôngv box cxuô mênhx cxưx nhoz ntus đriv. Cxuô kror txix xêir tsov chuôz lov, txos kỹ thuật uô puôr lênhx tâu sêiz kaz truôx jông, paz cov uô tâu khor truôx thiêz sir zôngv tâu ntêr.

Kỹ sư Tạ Văn Trường, Chỉ huy phưv công trường, hlôngr njêx muôs taz viv thầu Tập đoàn AMACCAO puz pâuz: “Đhâu jiês so Tsiêz têz qơưk, pêz chox kriê cxaz nzir têx mêir, yêz lênhx nênhs txix têx tỉnh, thành iz ndis tuôx đros uô. Lơưr tsưr ziv tsưr yưv pênhr hêik pâuz zos txos 30/6 no tsuv uô tiêr chor tsêr thiez cêr muk lok. Công trường cux tưz kriz uô nzir hâux lưv yênhx hnuz hmo chiê uô cov tâu tiêr li tsưr ziv tsưr yưv pênhr tưz hêik pâuz”.

Đros Bum Nưa, 11 dưv anr tsêr cơưv nội trú ntơưv 11 xar ntus đriv sâuv thax tsav tỉnh Lai Châu cux tsênhv tâu sir jos cxiv uô sêi. Hâur co, 5 côngz trinhx tâu sir jos uô cov tiêr, muôz lok sir zôngv uô ntêx hnuz 30/8/2026; 6 côngz trinhx txơưr mak njuôk xav zuôr uô tiêr uô ntêx shông cơưv 2027.

Thiếu tá Bùi Gia Tuân, Phưv Trưởng phòng Hậu cần, Công an tỉnh Lai Châu, hlôngr njêx muôs tsưr yưv pênhr puz pâuz: Phiv liv tiv zix thâuv uô chor côngz trinhx ntơưv Lai Châu zos chuôz lov cxiv tsa. Taz sik, tsưr yưv pênhr tưz tâu chor sở, nganhx sik côngv đros paz đơưk kho. Txos nhiv no, chor chuôz lov tưz muôx txâuk, paz trâu chor nênhs uô uô cov tâu huv zos lơưr tsưr ziv tưz tâu tso tơưv: “Muôx Tỉnh ủy, Ủy ban tỉnh chox kriê, Công an tỉnh tưz yênhx lix Ban chox kriê zos Giám dốc Công an tỉnh uô Tsar ban. Nhiv no chor côngz trinhx puôr lênhx huiz tôngv chôngz tiv zix chor nênhs, têx qơư muôx txos 300 công nhân. Ntâu kror hâux lưv tưz uô tiêr têx trur vor chiê piz uô nzir têx kror txơưr”.

Txix cxuô tos li sir jos, hla đhâu têx phiv liv, chor tsêr cơưv nội trú lox jông nhoz ntux đriv Lai Châu tsênhv jux juk tâu uô tiêr, paz muôx tâu qơư cơưv ntơưr jông đuô trâu têx tuz nhuôs cxuô mênhx cxưx nhoz ntus đriv./.

Khắc Kiên-Lik Thox cxêik nhênhv

Niêx hnuz uô thể dục thể thao paz luz nênhx nhoz cax siêz đuô

Thâuv suôz trax đror đros trâu suôz thav luk đrông ntưk, ziv uô trâu sơưr đơưk moz siêz, sik đros shâuv tập thể dục cov iz chêr nxênh, muôs-cêr cor cav jux juk yênhx ntâu lênhx pêx xênhv Sơn La iz cêr xênhz huôx thâuv tưs tưz zuôr tsuv muôx hâur luz nênhx. Nhiêk muôx nhiêk iz txux chi cơưv shâuv txơưr tsi siz thôngx li: Muôx kênh lênhx lơưr đhiê têk tơư, têx tus mak muk tâus cêr, đhiê tâus cêr, cheix yêz tuôv lok zos yêz câux vaz...., taz sik tas nro puôr lênhx zos chiê tsưx phưv truôx tuk đas jos thiêz uô luz nênhx cax siêz đuô đhâu lês uô ntâu têx hâux lưv uz no hâur niêx hnuz.

Pos Lê Thị Thảo, nhoz jok 7, phường Tô Hiệu, tỉnh Sơn La zos iz hâur têx lênhx cơưv shâuv đhiê, uô têk tơư li co heik: “Cur shông no tưz 60 ntâu shông lơưv, hnuz tưs cux tuôx ntơưv yar tiêx Tây Bắc no chiê shâuv đhiê têk tơư uô si. Shâuv đhiê li no tas mak iz chêr nxênh, nox tâuk, pư tsâus jos jông đuô, cux tsi yuô muôx moz gênhk, uô nênhx cax siêz, shir phaz đuô”.

Tsi tiêk chor nênhs lâul hnuz nhôngs siêz, ntâu lênhx hluôk nênhs cux xeir tsưr ziv đhiê uô têk tơư, muk lol tâus cêr, đhiê tâus cêr....zos iz kro jông chiê tsưx phưv tâu truôx đas jos, tsi yuô trâus muôx moz. Niêv lâul Nguyễn Thị Uyên, nhoz jok 5, phường Tô Hiệu heik pâuz: “Cur hâux lưv uô mak ntâu thiêz phiv liv, viv li cxiê tas cik muk đhiê uô têk tơư muôx 30 phênhz, zuôr paz trâu zuk muôx đas jos jông thiêz cax siêz đuô, tsi yuô moz tâuz hâu, iz chêr”.

Trơưk li bác sỹ Nguyễn Quốc Việt, thơưx seiz car khoa kho moz kok, trưx, tsêr kho moz Đa khoa tỉnh Sơn La, zos niêx hnuz six uô cov iz chêr nxênh, đhiê muk lol, tâus cêr....tsi tiêk paz tsưx phưv tâu truôx đas jos, tsênhv jông trâu têx sâur nyar, tsi xar ntâu, tsi moz hlưz thiêz uô luz nênhx cax siêz đuô: “Shâuv uô têk tơưk, đhiê tâus cêr, muk lol tâus cêr cov iz chêr nxênh lok six zov chênhr trâu cxuô lênhx cxuô tus, cux seiz lâul hluôk, lok sik hloz zâu, txir nênhx lok pox niêv chiê xeir shâuv uô têx jax, txux chi huv đros zuk. Uô li heik sâuv zuôr tsưx phưv tâu truôx đas jos, uô nênhx cax siêz, tsi yuô muôx moz gênhk. Taz sik zos thâuv tưs gênhk mak sơưr đơưk cux tsuv so. Ciês cur tuk khênhx lok muôx kênh ntu cux lok six tros maz thiêz tưz sir jos cơưv shâuv li heik sâuv, nhiv no cux txo grêk cir lok six ntâu lơưv. Muk lol, đhiê tâus cêr uô iz chêr nxênh, nhoz tâuk jux juk txo grêk cir, đas jos truôx tuk, tsi yuô muôx moz”.

Hâur ntu têz qơưk huôv tsar đros trâu ntâu hâux lưv tsuv lês uô, sơưr đơưk tsês mê njik six hơưv, hnuz nhôngs chiê muk lol, đhiê tâus cêr, uô têk tơư tsi tiêk zos tsưr ziv xeir tsov, tưz yênhx ntâu lênhx pêx xênhv đrôngs tox siêz Sơn La cêr cor cav zuôr tsuv uô hâur luz nênhx niêx hnuz. Tsi so muk lol, đhiê tâus cêr li heik sâuv tsi tiêk paz iz chêr nxênh, muôx đas jos jông đuô, tsênhv uô sơưr đơưk muôx luz nênhx cax siêz đuô. Cêr sor siêz, shir phaz qir txix têx hâux lưv uô zôngx ziv-xưk niêx tas cik sơưr đơưk sơưr nzor, gruk tâu têx huôz chuô jông, lax siêz thiêz muôx đas jos qir uô têx hâux lưv hâur iz hnuz yiêz./.

Thanh thủy-Riê Lâux cxeik, nhênhv