Phươngx Cam Đường uô tiêr ntơưr zôngv ar-pêx xênhv shir phaz

Tuôr iz têk 5 đeiv ntơưr côngk nhav sir zôngv ar trâu chuôz zis, pos Nguyễn Thị Hợp, nhoz jok 2 Bình Minh tưz shir phaz hlo. 25 shông dưv anr uô tsi tiêr, bâuv li co shông uô nênhx txov nhêv njuôr. Hnuz no, têx ntâuz ntơưr uô tiêr tâu sei, tưz tsi phax txos: “Txix thâuv ntêx txos nhiv no, muôz ntơưr côngk nhav sir zôngv ar tưz tsi muôx iz jiês tưs zuôr uô jông li no thiêz cux tsi tâu pov canr bôv phường zuôr cir ciês tav siv ntơư li no hlo. Thâuv ntêx pêz tsuv muk lol ntâu jiês, thêv nhiêx tsênhv nhoz tok ntêr, nhiv no uô zôngx ziv cux muôz cêr njênhs njôngr trâu pêx xênhv. Uô tsâus Đảng, têz qơưk ntâu hênhr”.

Pos Hợp cêr shir phaz ntơư zos nhiv no uô hâux lưv lơưr tsưr ziv “5 ntơưv qơư”.

Ar têz iz txưv zos hâux lưv phiv liv. Chiê uô ntơưr sir zôngv ar tâu sei, phường Cam Đường tưz xeir tsưr ziv fuô uô hâux lưv huv đros tsênhv tsênhz, co zos uô uô ntêx trâu têx chuôz zis yêik txar qơư nhoz thiêz chuôz zis zuôr tâu ar-muôx txâuk ntâuz ntơưr trơưk chei têz qơưk cui tinhv.

Lênhk txeik, đơưk uô, thêv nhiêx sê, cir ntơưr thiêz choz zok ntâuz ntơưr trâu pêx xênhv-hur tiz si tsuôk uô tas 2, 3 luz six hơưv. Hlôngr viv pêx xênhv tsuv muk lol ntâu jiês, ntâu qơư mak nhiv no tsuôk krêz uô hâur meir. Canr bôv sâu sê, qơư sâu nhiêx, uô ntâuz ntơưr ar têz puôr lênhx muôx nhoz uô cê. Hâu nov phường buôk ti cir ciês hâur thax tsav.

Co chênhr zos hlôngr pâur tsưr ziv uô hâux lưv phưx vưv tsôngv lax pêx xênhv. Zos iz hâur têx lênhx lês uô chor hâux lưv heik sâuv, pos Hà Thị Lan Anh, canr bôv Chi cục sê sôr 01 Lào Cai pâuz tsênhz txos têx phiv liv, taz sik cux lok six shir phaz, jông siêz: “Xav tinhv nhiv no cxuô tsar zav puôr lênhx hlôngr yiêz, pêx xênhv zuôr chiv chir uô tsi tâu, viv li pêz tsuv sir jos paz pêx xênhv. Hur tiz si nhiv no puôr lênhx uô hâux lưv hâur meir, nộp ntâuz ntơưr lok đhâu hâur mạng xã hội, uô đaz tsi cux zos uô hâur meir, pêx xênhv ntâu jiês lơưr cux heik, cxuô zav mak jông taz sik lênhx nênhs lơưr tsi chuôs, tsi tâu vav mênhx, uô tsi tâu, chênhr zos li heik co canr bôv tsuv gra siêz txux chi thiêz moz siêz đros paz pêx xênhv”.

Têx hlôngr yiêz uô tâu jông li co tsi zos nưk muôx nưk. Hâur ntu muôz iz cxiê cơ quan, thax tsav qơư lok uô cê thiêz lês uô cxuô luôs hâux lưv lơưr 2 cấp, Cam Đường lok six ntâu nuv, uô hur si cấp huyện têx hâux lưv, đros trâu zuôr qơư uô 55 dưv anr, yêik txar qơư nhoz trâu 2.500 chuôz zis pêx xênhv.

Shông 2025, phường Cam Đường sir jos sơưr tiv iz hâur hâur sir 99 xã, phường sâuv tas nro tỉnh lok uô jông luôs hâux lưv đơưk uô têx ntâuz ntơưr. Txơưv li ntơư, taz sik iz chas co tsi tiêk têx heik pâuz uô tâu hâux lưv jông, mak lơưr zơưv Nguyễn Xuân Nhẫn, Chủ tịch Ủy ban phường, cxuô zav hlôngr yiêz puôr lênhx qir txix pâuz tsênhz txos pêx xênhv cêr txov, phiv liv: “Pêx xênhv zoz qơưx cik txos ntâuz ntơưr ar têz lok six lox. Txix thâuv ntêx txos nhiv no, pêx xênhv lơưr tsi yuô xar muk trâu têx cơ quan lês uô hâux lưv têz qơưk chiê uô têx ntâuz ntơưr heik sâuv. Phường cux xav tinhv no zos hâux lưv zov chênhr, tsuv moz siêz txos, pêx xênhv muôx chei, vax huôv tâu sơưv. Zos xưk li thâuv ntêx muôx 3 cấp hâu nov mak têx ntâuz ntơưr co zuôr cik txos hur si cấp tỉnh, cấp huyện, taz sik nhiv no tas nro puôr lênhx muôx têx uô tâu hâur xã, phường, chênhr viv li phường thiêx hu têx cơ quan, taz viv đros tuôx chiê đơưk uô chor ntâuz ntơưr heik sâuv trâu pêx xênhv”.

Txix têx hâux lưv uô tâu jông no, chor ntâuz ntơưr ar têz phiv liv uô đuô lok sik ntâuz ntơưr tso chei cxiv tsa cux tsênhv tâu phường Cam Đường tror qênhz shuôs, cxơưz uô sei txix 15 hnuz grêk yuôr 10 hnuz xưz.

“Car xar car uô” thiêz “viv pêx xênhv phưx vưv”. Xor xưv, hâux lưv ntơưv phường Cam Đường zos iz kro zôngx ziv taz sik lok six jông: Tso tsês iz câp ahau nov tsi tiêk txo grêk tsơưs têx ntâuz ntơưr, hâux lưv uô mak tsuv zos moz siêz lês uô jông đuô cxuô luôs hâux lưv zok muôz viv pêx xênhv. Thâuv hâu nov pâuz tsênhz txos pêx xênhv luz nênhx, cêr txov, phiv liv, zuôr têx co uô qơư khov chiê sir jos uô jông hâux lưv phưx vưv pêx xênhv. Ntơư chênhr zos sik thôngx siêz truôx, muôz pêx xênhv cêr njênhs njôngr trâu Đảng thiêz têz qơưk./.

An Kiên-Riê Lâux cxeik, nhênhv

Tsêr cơưv đại học Lâm nghiệp: xeir zuôr shux xênhz cơưv đại học shông 2026

          Tsêr cơưv đại học Lâm nghiệp zos tsêr cơưv đại học công lập, 60 shông ntâu kriê cơưv tâu tsơưr lươngv siêz hâur têx vênhv thix kôngz-jôngr nuv, tênhx qơư, kinh têr thiêz kỹ thuật.

          Shông 2026 Tsêr cơưv xeir zuôr 3 cxênhz 200 lênhx shuv xênhz chiê cơưv 28 nganhx hâur vênhv thix kôngz-jôngr nuv thiêz tênhx qơư; tài nguyên thiêz seiz car ar têz; kinh têr, nhiêx txiêx, seiz car muôv muôs; logistics, ju lix; công nghệ thôngz xor mông, kỹ thuật; kiến trúc, đros ntâu nganhx khoa học ứng dụng txơưr.

          Tsêr cơưv uô 5 tsưr ziv xeir zuôr muôx: xeir zuôr lơưr điểm thik tốt nghiệp cxênhx 3; xeir zuôr lơưr học bạ (chêx cuk 3 shông cơưv cxênhx 3); xeir zuôr ndax lơưr Bộ zaoz zux li cui tênhv; xeir zuôr lơưr têx tsêr cơưv đại học lox li chêx cuk ntâuk grê pênhr xưv, siêz xar thiêz xeir zuôr txơưr đros hệ liên thông, thox cxov yax six.

          Xeir txix 15 điểm đros xeir zuôr lơưr điểm thik cơưv tiêr cxênhx 3 thiêz txix 18 điểm đros xeir zuôr học bạ hệ chính quy.

          Six hơưv thox cxov txix 4 txos 4 shôngk ntâu. Shux xênhz đăng cir xeir zuôr trực tuyến lok sik uô lơưr Bộ zaoz zux li tsưr ziv.

          Lok học bổng: Tsêr cơưv Đại học Lâm nghiệp muôx ntâu chính sách học bổng tsês trâu shux xênhz.

          Ciês thâuv tuôx cơưv ntơưr, shux xênhz muôx yênhx tix siêz zuôr tâu jênhv học bổng xeir zuôr đros phênhv paz 50% txos 100% nhiêx khiêz cơưv jiês xuz thơưx.

          Hâur ntu cơưv, shux xênhz tâu seiz shuôk jênhv học bổng cxơưz cxiz cơưv ntơưr tsiv grê 8 tsov đeiv ndê muk trâu iz học kỳ.

          Đrâuv co, tsêr cơưv tsênhv muôx ntâu học bổng doanh nghiệp thiêz tsưr tsix paz txưv, li: Doanh nghiệp li học bổng toàn phần, paz tas nro nhiêx khiêz cơưv thiêz tâu xeir zuôr uô hâux lưv thâuv cơưv tiêr đại học.

          Học bổng paz shux xênhz txov nhêv, li học bổng Vingroup.

          Têx học bổng cxiz cơưv thiêz học bổng quốc tế...

          Niêx shông, tsêr cơưv tsês nhiêx txiêx chiê muôz học bổng paz shux xênhz, cxơưz cxiz shux xênhz cơưv ntơưr hâur tas nro khóa cơưv.

          Lok nhiêx khiêz cơưv ntơưr.

          Phênhv sâu chungz fênhx muôx nhos 1,7 txos 1,8 tsov đeiv iz luz hlik, bâuv 8,5 txos 9 tsov đeiv iz học kỳ, tsov lơưr nganhx thox cxov. Nhiêx khiêz cơưv tâu uô lơưr têz qơưk li heik kriê thiêz côngz fur tsênhz mênhx yênhx shông.

          Xor mông tsênhz mênhx tsôngv cưr tix fôngx zưs nriêr sâu Tsêr cơưv Đại học Lâm nghiệp li côngv thôngz xor mông zos (tuyensinh.vnuf.edu.vn).

          Tsêr cơưv Đại học Lâm nghiệp nhoz Xuân Mai, Hà Nội

          Điện thoại/Zalo: 0968.293.466

Txâur Vax cxeik nhênhv