Chinhr quyền 2 cấp nhoz Điện Biên: sir jos uô cov tâu jông têx hâux lưv txix ciês hâur têx hnuz xuz thơưx

Tsênhv qơư phưx vưv hành chinhr công xar Thanh Yên, tỉnh Điện Biên têx hnuz đhâu muôx lok six chôngz lênhx nênhs tuôx uô têx ntâuz ntơưr. Chor hâux lưv tâu sir jos uô sêi, chor canr bôv sir jos uô cxuô kror hâux lưv txix txêik jênhv thiêz đơưk kho, uô têx ntâuz ntơưr. Txơưv đhâu chiê lok uô cê muôx thax tsav đar, dân sôr chôngz, chor hâux lưv muôx ntâu taz sik cxuô kror hâux lưv cux tâu uô ngaz tuk, huv zos cui tênhv.

Pos Trần Thúy Vinh, nhoz phường Mường Thanh tuôx xar Thanh Yên chiê uô iz cxiê ntâuz ntơưr hành chính cik txos côngz xưv paz tư pháp puz pâuz, lok six jông siêz đros têx hâux lưv uô ntơưv no, chor ntâuz ntơưr tâu uô sêi tsuôk tas muôx 10 phênhz xưz:

“Canr bôv txêik jênhv ntâuz ntơưr cux sêi thiêz đơưk kho, uô têx ntâuz ntơưr cux sêi, chor canr bôv ntơưv tsênhv qơư thâuv sêiz shuôk têx ntâuz ntơưr, cir jênhv mak uô têx hâux lưv lok six sêi. Cur lok six shir phaz viv zuk têx hâux lưv tâu uô sêi. Lơưr cur cấp xar zos qơư uô ciês têx hâux lưv trâu pêx xênhv viv li chor canr bôv xar, phường tsuv muôx txux chi mak thâuv njiz thiêz uô hâux lưv đros pêx xênhv thiêx li uô tâu jông thiêz sêi. Viv xar hôiv ziv hnuz ziv huôv tsar, ziv hôiv nhập mak canr bôv tsuv muôx txux chi đuô, tiv zix zos thâuv pêz tưz hla trâu ntu 4.0. Đhâu njiê pov mak chor canr bôv têx xar, phường uô chor hâux lưv dịch vuv công lok six jông”.

Đhâu chiê 3 luz xar: Thanh Yên, Noong Luống, Pa Thơm lok uô cê, xar Thanh Yên yiêz muôx thax tsav lok six đar, zos yênhx luz xar ntus đriv buôs ti đros têz qơưk Lào. Nhiv no vax tsêr cxuô zav, chuôz zênhx phưx vưv hành chính cux tsênhv nhoz ntu uô cov tiêr. Txơưv tsênhv yuôr ntâu kror txov nhêv taz sik chor canr bôv, công chức ntơưv no tưz sêi đrơưv uô tâu jông têx hâux lưv.

Niêv tix Hoàng Thị Phương Thúy, canr bôv Tư Pháp, Tsênhv qơư phưx vưv hành chính công xar Thanh Yên puz pâuz, ciês hâur hnuz xuz thơưx uô hâux lưv, sâu chênhz zênhv txix kriz uô siv uô ntêx co, canr bôv xar ntơưv tsênhv qơư puôr lênhx sir jos uô hâux lưv cov paz trâu pêx xênhv tsik tsuv muk lok ntâu jiês. Cxuô kror tưz tâu bax jông viv li pêx xênhv têx ntâuz ntơưr puôr lênhx tâu uô sêi ciês đhâu txêik jênhv tâu:

“Đros cur mak cxuô kror cux txov đuô ntơưv luz xar kuz zos muk lok đêz đuô tiv tsêr nhoz kuôk đêz qơư uô hâux lưv. Taz sik đros sir jos uô têx hâux lưv phưx vưv trâu pêx xênhv viv li pêz tưz puôr lênhx uô tâu chiê tuôx trâu qơư uô hâux lưv huv zos six hơưv thiêz phưx vưv tau jông tiv zix trâu pêx xênhv. Hâur hnuz xuz thơưx uô lơưr chinhr quyền 2 cấp mak Tsênhv qơư hành chinhr công têx hâux lưv puôr lênhx uô tâu truôx jông”.

Tưz tsik zos xar Thanh Yên xưz, uô lơưr chinhr quyền 2 cấp ntơưv tỉnh Điện Biên, 45 taz viv hành chinhr cấp xar, phường yiêz puôr lênhx sik đros kriz uô têx hâux lưv lơưr tsưr ziv tưz tso tơưv, hâur co muôx ntâu kror hâux lưv zov chênhr li: tsưr tsix jiês cơưv tiv iz, Hôiv đồng cấp xar, phường chiê tso tơưv têx chêi huôx tôngv, phêiz côngz jênhv vưv tsênhv tsênhz, tso tơưv têx Nghị quyết yênhx lix chor cơ quan chuyên môn taz viv sự nghiệp, thôngz đhâu chor đề anr yênhx lix chor Đảng bôv nhoz xar, phường…

45 taz viv hành chinhr yiêz sik đros kriz uô hâux lưv txix ciês chor hnuz xuz  thơưx puz pov tiêk tưz bax tâu lok six jông thiêz sir jos uô hâux lưv, paz đơưk kho, uô cxuô kror trâu pêx xênhv cov tâu truôx jông tiv zix./.

Vũ Lợi-Lik Thox cxêik nhênh

Sơn La uô tsêr trâu zuôr xar 3 cxênhz

100 ziv chuôz zis pluôs nhoz

          Sơn La zos tiv phaz yuôr ntâu chor ziv chuôz zis pluôk thiêz zuôr xar pluôk, tsôngv box luz nênhx yuôr ntâu phêv liv. Txix ciês hâur six cxiv 2020-2025, Sơn La tưz tsov cưv lênhs tov, chox kriê, seiz no zos jênhv vưv chính trị coaz tsôngv hâur tas nro cxix luôk chính trị txix tỉnh txos cơ sở. Txos tas shông 2024, Sơn la tưz paz cxiv uô, kho đuô 9 cxênhz 300 ntâu luz tsêr lav uô, tsêr xơư nas, đros tas nro nhiêx txiêx uô zos 441 tỷ đeiv ntâu.

          Shông 2025, ndar txos phongz yaox tưr thik “Sik côngv tês cxuôv tsêr lav uô, tsêr xơư nas sâuv tas nro têz qơưk” zos Thủ tướng chính phuv phuôx tôngv, tỉnh Sơn La tror huiz tôngv tas nro têx pênhr jos uô. Txos nhiv no, tiv phaz tưz paz trâu tas nro 3 cxênhz ntâu ziv chuôz zis muôx paz qơưx tâu paz lok tsêr nhoz, muôx: cxiv yiêz 2 cxênhz 650 luz, kho đuô 400 luz; tas nro tas 170 tỷ đeiv ntâu:

          Zơưv Hoàng Quốc Khánh, Bí thư tỉnh ủy Sơn La puz pâuz:

          “Phongz yaox cxuôv tsêr lav uô yênhx côngz zos iv muôx tsôngv box sik thôngx siêz paz. Đrâuv paz lok nhiêx txiêx mak iz luz tsêr nhiv kruôr tâu kho đuô, cxiv yiêz tsênhv tâu pox nhuôk hâur jêx jos paz, tâu lưx lươngv công an, quân đội, têx chiz coaz đoàn thêv...tas nro sik côngv siêz paz max”

          Chinhz yênhx sik côngv siêz tso pov đros têx hâux lưv nhoz ntâu tiv phaz, đoanx thêv li sơưr uô, zuôr grê kis đuô pir đros grê sâuv niêv ciêz, sik côngv đros Zênhx hangx chính sách xã hội paz têx chuôz zis txeik pênhr cxuôv tsêr lav uô. Têx lưx lươngv gôngr côngv 75 cxênhz hnuz côngz paz tsôngv box cxiv uô, kho đuô tsêr nhoz, uô sei đuô thiêz cxênhx txuôk tâu nhiêx txiêx... Đros têx chuôz zis txov nhêv, tsi muôx pênhr nhiêx, iz cxiê tiv phaz sơưr paz zuôr chuôz zênhx cxiv tsa uô ntêx; tsov cưv car chêx têx phêv liv lok ar têz, cungz ntơưr côngz jênhv qênhx sir zôngv ar, hlôngr tsưr ziv sir zôngv ar trâu têx ziv chuôz zis...

          Pos Hà Thị Ngọc Yến, Bí thư xã Bắc Yên, tỉnh Sơn la pheiz kênh lok tiv phaz li chênhz zênhv:

          “ Hâur ntu cxuôv tsêr lav uô nhoz huyện Bắc Yên cux njiz têx phêv liv li: phênhv ntâu têx chuôz zis nhoz sâuv thax tsav têx xã, jêx jos nhoz đêz tsênhv qơư xã, huyện, zaoz thôngz lax muk lok, ntâu ziv tsi muôx pênhr nhiêx chiê zuôr chuôz zênhx, ntiêr yêz thâux chuôz zênhx; ntâu ziv muôx luz nênhx txov nhêv, tsi muôx qơư khov vav, iz cxiê ziv muôx ar têz taz sik tsi tâu tuôv zênhv tâu zoz qơưx (tsênhv nhoz sâuv ar jôngr)... Ban chox kriê huyện tưz chox kriê têx tuêv côngz xưv cux xưk li têx Ban chox kriê xã sơưr paz zuôr chuôz zênhx, ntiêr yêz uô ntêx, đhâu co 100% têx ziv chuôz zis li tsêr tâu cxiv uô trơưk six hơưv; thôngx cxix, tôngv vênhx chuôz zis, yax mông pox nhuôk paz ar, paz têx chuôz zis pluôk muôx ar uô tsêr nhoz”

Pos Nông Thị Hà, Thứ trưởng Bộ mênhx cxưx thiêz tôn giáo kruôk tỉnh Sơn La tưz sir jos, ciêr chênhr uô tiêr hâux lưv nzor đuô têz qơưk li tsưr ziv cxuô, zos tỉnh xuz thơưx hâur thax tsav tox siêz faz Bắc uô tiêr tsaz yênhx cxuôv tsêr lav uô, tsêr xơư nas. Thôngx cxix thix ziv tiv phaz tror uô têx tsưr ziv paz têx chuôz zis tưz cxuôv tâu tsêr lav uô cux xưk li têx chuôz zis tsênhv txov nhêv zuôr trâus tâu paz txưv hâur ntu zuôr txos:

          “Tiv phaz tsuv tror seiz shuôk têx ziv tsênhv phêv liv lok tsêr nhoz, tror paz đros tsưr ziv tsi chiê lênhx tưs trâus tso tsês tov kaz, tsi chiê chuôz zis txov nhêv lok tsêr nhoz, tsi chiê tsôngv box tsi muôx tsêr nhoz; tror car chêx tsưr ziv uô nox, hâux lưv uô trâu tsôngv box tsênhv txov nhêv; tsov cưv bax ar uô kôngz trâu tsôngv box...Thôngx cxix, tror seiz shuôk, qênhz yuôx jông, trung ương cux zuôr heik kriê chiê têx ziv chuôz zis tâu paz txưv tsi muôs têx tsêr lok sik ar tâu paz txưv lok sik liv zôngv chính sách, vênhv thix muôx yưv txơưr...”./.

(Lê Hạnh-Txâur Vax cxeik nhênhv)