20 shông sir jos huôv tsar nhoz tỉnh ntus đriv Lai Châu

          “Thâuv co Lai Châu tsuôk muôx phênhv sâu zos 23 tỷ đeiv xưz. Phêv liv lok cán bộ, phêv liv lok chor ziv chuôz zis pluôk, Lai Châu li kinh têr xã hội tsi huôv tsar. Thiêz cán bộ mak muôx tsi txâuk, tas nro tỉnh nhiv kruôr muôx 200 lênhx cán bộ muôx yênhx tưv đại học xưz”

          “Thâuv ntêx txos cheix sâu kôngz lôngk pox nhuôk cux pongz txos 1 luz hlik thiêx li sâu tas iz chiv cheix. Nhiv no txos chiv cheix pox nhuôk tsuôk cheix yêz muk thâux lok. Nhiv no muôx cêr bê tông jông muk, muôx tsêr vênhx huôv cxix cxuô. Têx ziv chuôz zis hâur jos cux tâu sir zôgnv đêx huv vêv xênhz thiêz tênhv tênhz têz qơưk 100%”

          Co zos kuz lênhs tov tỉnh Lai Châu thiêz tsôngv box li pheiz kênh lok tiv phaz têx hnuz nhiv kruôr pheiz thiêz yênhx lix tỉnh Lai Châu lok shông 2004. Thâuv co, Lai Châu muôx 74/86 xã zos xã txov nhêv tiv zix, chor ziv chuôz zis pluôk tsav 60% ntâu.

          Txix têx phêv liv co, tỉnh ủy Lai Châu tưz uô jông Trung ương li heik kriê, chox kriê têx cấp ủy nhoz tiv phaz uô jông chox kriê côngz xưv cxiv tsa Đảng thiêz tas nro cxix luôk chính trị. Đros co zos vênhv tôngv, yax mông tsôngv box krêz phaz chos blêx, chos yuôx zêx, huôv tsar tu zus tsiêx cxu, por vêv jôngr chiê taz por luz nênhx trâu tsôngv box. Zơưv Đao Văn Khánh, Chủ tịch UB huyện Mường Tè puz pâuz: “Đhâu 20 shông pheiz thiêz yênhx lix tỉnh tsuv khav tênhv tiêk huyện Mường Tè tưz muôx têx trus huôv tsar jông. Txix iz huyện txov nhêv, chiv chir uô chiv chir cungz, txos nhiv no tas nro cxix luôk cơ sở cxuô zav tâu yưv pênhr li tênhv tênhz, cêr muk lok, tsêr cơưv, qơư y tế, đêx xênhz huôx thiêz têx côngz tsinhx đêx liv txơưr tưz tuôv zênhv thax tsav li huôv tsar. Txix co pox nhuôk luz nênhx yênhx trus tâu hlôngr yiêz. Têx chuôz zis muôx phênhv sâu siêz đuô taz por txiv ngaz chính trị sâuv thax tsav”.

          Txix tas nro cxix luok chính trị li sik côngv uô, txix tỉnh txos tiv phaz, đros ntâu chính sách, nghị quyết huôv tsar kinh têr, tiv zix zos lok kôngz nuv, chor ziv chuôz zis pluôk nhoz Lai Châu txu grês fênhx pheiz 3,4 % iz shông, huyện pluôk txu grês 4,7% iz shông. Txix iz tỉnh muôx phênhv sâu tsuôk tax 20 tỷ đeiv ntâu iz shông, shông 2023, Lai Châu muôx phênhv sâu 2 cxênhz tỷ đeiv ntâu, tsôngv box li phênhv sâu fênhx pheiz tax zuôr xar 50 tsov đeiv iz lênhx nênhs iz shông…

          Đros huôv tsar kinh têr, vênhv thix zaoz zux cux tâu tỉnh tsov cưv. Txos nhiv no, cxix luôk tsêr cơưv tưz tuôv zênhv tâu nênhs cơưv li zoz qơưx, tsơưr lươngv cưk kriê, cán bộ seiz car zaoz zux cux ziv tâu muôz siêz. Zơưv Đinh Trung Tuấn, Giám đốc Sở zaoz ux thiêz thox cxov Lai Châu puz pâuz: “Nhiv no tas nro tỉnh muôx 337 tsêr cơưv, 5 cxênhz ntâu lớp cơưv, 150 cxênhz ntâu lênhx shux xênhz, chuôz ndê 163 tsêr cơưv, 2 cxênhz ntâu lớp cơưv thiêz 81 cxênhz ntâu lênhx shux xênhz pir đros shông cơưv 2003-2004, tsơưr lươngv zaoz zux tưz tâu muôz siêz tsênhz mênhx. Shông 2004, tas nro tỉnh nhiv kruôr muôx 4 tsêr cơưv tax ploz tsênhr txos nhiv no tưz muôx 190 lênhx”.

          Qơư tsov txos hâur têx shôngk đhâu, Đảng bộ tỉnh Lai Châu xav tênhv tror phuôx huiz đas jos niêv côngv siêz têx mênhx cxưx; tsi so hlôngr yiêz, xar tơưv, huiz tôngv thiêz sir zôngv muôx chêx cuk têx pênhr jos, phuôx huiz tỉnh li têx muôx tsênhv tsênhz hâur huôv tsar kôngz nuv, muôv muôs, jix vuv, ju lix. Txix co chuôz cxaz đas jos taz por nox nhoz xã hội, muôz siêz luz nênhx, chinhz yênhx trâu tsôngv box thiêz txu grês cêr pluôk truôx vênhs. Pos Zax Páo Mỷ, Ủy viên TW Đảng, Bí thư Tỉnh ủy, Tsar đoanx teiv plor côx hôiv, Chủ tịch HĐ tỉnh Lai Châu heik mênhx: “Đảng bộ, chính quyênx thiêz tsôngv box têx mênhx cxưx tỉnh Lai Châu zuôr tror chox kriê cxơưz tiês huôv tsar KTXH, chêx chôngk lok têx nganhx, vênhv thix tsênhv hâur kôngz nuv, ju lix, chuôz tsar zôngv KHCN thiêz hlôngr yiêz số hâur têx vênhv thix. Tiv zix zos cxơưz tiês hlôngr yiêz hành chính, hlôngr yiêz tênhx qơư yưv pênhr muovo muôs, huiz tôngv pênhr jos yưv lok KTXH tiv zix zos zaoz thôngz, gôngr phênhv cxơưz tiês sik côngv têx thax tsav, zaz zâuv yưv pênhr chuôz cxaz đas jos huôv tsar KTXH sâuv thax tsav”.

          Têx chêx cuk tax tâu hâur 20 đhâu zos têx lok six coaz tsôngv chiê Lai Châu tror truôx tul ndar txos uô qơư tsov txos zos txos shông 2030 yênhx tỉnh huôv tsar jông nhoz thax tsav têx tỉnh tox siêz faz Bắc thiêz txos shông 2045 zos tỉnh muôx KTXH tax phênhv chungz fênhx tas nro têz qơưk, li Nghị quyết Đại hội Đảng bộ tỉnh jiês tiv 14, six cxiv 2020-2025 tưz tso tơưv./.

K.Kiên-Txâur Vax cxeik nhênhv

Chor bôv đôiv lâul nhoz tox siêz sir jos huôv tsar uô kinh têr

             Txix 20 shông đrav ntêx, khov trâu chuôz zis thiêz pox nhuôs ntơưv thax tsav qơư têx ar têz tox trôngz jôngr, zơưv Hà Ngọc Hợp nhoz jok Lương Thịnh, xar Tân Thịnh, thành phố Yên Bái tưz tu zus mur hâur har jôngr chiê zuôr jiz. Têx shông jê lok no, pov tâu chor nênhs zuôr ziv hnuz ziv muôx chôngz, zơưv Hợp tưz kriz đar tu zus nzir lơưr yênhx shông. Txos nhiv no, zơưv chuôz zis tưz muôx 100 ntâu xuz mur, thâuv zus ntâu tiv zix ndê txos 150 xuz, paz sâu tâu muôx yênhx puô triệu đêiv iz shông.

           Zơưv Hợp phêiz kênh, tu zus mur tsik tas ntâu pênhr nhiêx, iz thungz mur zus mak tas muôx 1 triệu đêiv, taz sik nênhs tu zus tsuv uô jông tu, sêiz shuôk thiêz pâuz tsênhz lok chor mur chiê muôx tâu tsưr ziv tu zus huv đros lơưr yênhx ntu, yênhx chêix. Đuô thiêz, nênhs tu zus mur cux tsuv pâuz txos têx chêix tơưs pax, chêix muk muk zok jiz, qơư muôx ntâu pax… chiê txar chor thungz mur co muk trâu ntơưv têx qơưk muôx ntâu pax trâu chor mur nzêik. Đros co, cux tsuv pâuz phêiz chor mur cov chor mur tsik za khiêr hâur thungz muk: “Tu zus tsơưs xar muôx 20 shông taz sik hêik txos tu zus chiê uô tâu kinh têr jông mak kuôk no muôx 7 shông cur chuôz zis thiêx tu zus ntâu. Zus mur mak zuk tsuv sêiz shuôk jông, tu xưk li jor têx mê nhuôv mok, tsuv qênhz shuôk tsik so mak thiêx tu zus tâu”.

              Tror lok txix qơư ntâuk tros châuz Tây Nguyên shông 1976, saz pênhz Nguyễn Minh Đông nhoz jok Hạnh Phúc, xar Y Can, huyện Trấn Yên, tỉnh yên Bái cux sir jos huôv tsar uô kinh têr ziv chuôz zis. Thâuv co, cê uô đôiv trưởng đôiv uô nox hâur hợp tác xã, cê chơưv kho têx kror trâus moz txix thâuv ntu ntâuk tros châuz, zơưv Đông đros pox niêv sir jos khưr uô nox chiê txoz cxơưx trâu luz nênhx thiêz tu têx mê nhuôv.

              Zơưv Đông puz pâuz, xar muôx 10 shông tror đrav ntêx, thâuv thax tsav qơư hêik sơưr đơưk hlôngr yiêz đuô tsoz chos tsiêx tu zus, zơưv chuôz zis tưz cuêz tênhv hlôngr 2 héc ta ar têz tox trôngz chos kok ntông chiê chos cuêv fix. Txos nhiv no, iz shông zơưv chuôz zis sâu tâu xar muôx 100 triệu đêiv. Zơưv Đông tsik so xar tiêk, zos lênhx tuz lênhv lâul Hôx, cêr txov tưs cux tưz muk đhâu lơưv, nhiv no tâu uô nênhx hâur ntu têz qơưk tiêx tuk, tsuv sir jos chiê hla đhâu yêiz pluôs, tsik zos nênhs uô phiv liv trâu chuôz zis thiêz xar hôiv: “Cur nhiêv tiv zix zos hloz Hôx lo luk hêik tiêk: “Zos saz pênhz trâus saz taz sik tsik zos nhoz khôngz”, zos iz lênhx tuz lênhv lok mak kror tưs cux tsuv uô tâu tiêr, car xar, car uô; tsik nyêi txov nhêv, hêik pox niêv mê nhuôv sir jos khưr uô nox”.

              Nhiv no Hôiv Bôv đôiv Lâul tỉnh Yên Bái muôx 36.500 cxênhz ntâu lênhx hôiv viên, cxaz chuôz xênhz huôx ntơưv 1.400 ntâu chi hôiv. Tas nro tỉnh muôx 24 doanh nghiệp zâu thiêz tov thơưx , 15 hợp tác xã, 250 ntâu tôv sik côngv, 1.000 ntâu qơư tu zus, uô nox thiêz zuôr xar 1.000 qơư kinh doanh dịch vụ, qơư uô nox zos hôiv viên Hôiv Bôv đôiv lâul uô tsưr.

                Tưz tsik zos sir jos khưr uô nox, kinh doanh, chor bôv đôiv lâul tsênhv tsik so uô ntêx hlo hâur gôngr côngv nhiêx txiêx, muôz ar cxiv tsa chor côngz trinhx siêz jông, zos chor nênhs uô ntêx hlo muôx siêz nhiêv thiêz hluz lênhx nênhs… Zơưv Nguyễn Trung Thái, Chủ tịch Hôiv bôv đôiv lâul tỉnh Yên Bái puz pâuz: “Txix tsênhv tsênhz ntơưv thax tsav qơư pêz tưz cxiv tsa tâu lok six ntâu tsưr ziv uô kinh têr; yênhx shông sik côngv đros hôiv doanh nhân pêz tưz kho đuô ntâu luz tsêr đaz tuôs lav nhoz trâu chor hôiv viên pluôs, txov nhêv; cxaz chuôz chor phongz yaox paz trâu chor nênhs tâu sơưv tsênhv chêi paz, cux sir jos đros cxiv tsa paz uô hlôngr yiêz têx jêx jok yiêz”.

              Sir jos uô tâu ntâu kror lok huôv tsar uô kinh têr, chor bôv đôiv lâul Yên Bái tưz thiêz tsênhv sir jos paz tsik tsơưs trâu côngz xưv txo grêk yêiz pluôs, cxiv tsa jêx jok yiêz thiêz đô thị vav mênhx ntơưv thax tsav qơư nhoz; paz trâu Yên Bái huôv tsar sêi, truôx đrênhk lơưr tsưr ziv “Njuôz, hur, jông, muôx ntâu vênhx huôv thiêz shir phaz”./.

Đinh Tuấn-Lik Thox cxêik nhênhv