Sơn La sir jos hu zâuv 100 cxênhz tyv đeiv yưv pênhr uô tênhv tênhz yar ntux hâur shông 2026

             Thox cox puz pâuz, hâur ntu jê lok no, tỉnh Sơn La tsi so lênhk txeik têx dưv anr yiêz hâur yưv pênhr uô tênhv yar ntux sâuv pak đêx tênhv Sơn La, têx dưv anr uô tênhv chuô.... Uô li cox ntâuk grê li chas lok têx jông, tỉnh cêr huôv tsar uô luôs hâux lưv co?

             Zơưv Nguyễn Thành Công: Trơưk li tsưr ziv njuôk uô tênhv 8, tỉnh Sơn La tâu njuôk hov jông huôv tsar uô ntâu têx tênhv yar ntux, tênhv chuô. Hâur co, lơưr Quyết định 768, tỉnh Sơn La tâu njuôk hov 7.785,4 MW trâu uô têx tênhv yar ntux, tênhv chuô truôx tuk hâur thax tsav tỉnh Sơn La. Tỉnh tưz sir jos hu zâuv têx lênhx nênhs yưv pênhr tuôx fuô uô têx dưv anr tênhv li heik sâuv hâur thax tsav qơư, hux jos truôx đros cxuô taz viv hâur Bộ Công thương, ngênhx tênhv  tênhz chiê fuô uô chor dưv anr đhok uô tênhv, chaz xor tênhv hâur tỉnh Sơn La. Sơn La muôx 03 kror jông chiê huôv tsar uô têx tênhv li heik co truôx, ntơư zos muôx 22 cxênhz ntâu ha pak đêx sâuv pak đêx tênhv Sơn La, pak đêx tênhv Hòa bình thiêz têx côngz trênhx tênhv txơưr đuô. Tiv 2 zos thax tsav tox siêz, muôx ntâu tox trôngz hâur pêk, khênhr muôx chuô lok six jông chiê đhok uô têx dưv anr tênhv chuô. Tiv 3 zos muôx ntâu cưx đês cưx ha, đêx lox zôngx ziv thiêz jông trâu huôv tsar uô têx côngz trênhx đêx tênhv.

              Tỉnh Sơn La muôx lok six ntâu zav jông chiê huôv tsar uô tênhv yar ntux, tênhv chuô. Cux xưk li cox nhiv kruôr heik ntơư, hâur thax tsav tỉnh tưz muôx têx dưv anr lox tưz thiêz tsênhv fuô uô. Zos li hâur ntu zuôr txos, chiê tror hu zâuv chor nênhs yưv pênhr tuôx uô têx dưv anr, lar heik zos hâur ntu ziv hnuz ziv muôx ntâu thax tsav, ntâu tus hu zâuv yưv pênhr uô dưv anr li nhiv no, tỉnh Sơn La xav tinhv zuôr cxơưz cxiz uô têx faz tsưr ziv zov chênhr tưs uô ntêx?

             Zơưv Nguyễn Thành Công: Hâur ntu têz qơưk hlôngr yiêz, huôv tsar, cxuô tỉnh puôr lênhx muôx tsưr ziv jông hu zâuv chor nênhs yưv pênhr uô thiêz Sơn La cux tsuv uô trơưk li ntơư. Xuz thơưx tsuv zos lok sâuv uô têx ntâuz ntơưr hành chính; trơưk chei têz qơưk mak tsuv muôx cxix cxuô zav, taz sik cux tsuv uô sei; ntơư zos chor ntâuz ntơưr hành chính thiêz tsuv muôz jông six hơưv, moz siêz lês uô tâu sei; Tiv 2, tror yưv pênhr trâu têx côngz trênhx, tror yưv pênhr trâu hur si têx hâux lưv tưz tuôr xav tsưr ziv uô, chiê uô tâu huv đros cxuô luôs hâux lưv tso tơưv. Cxuô taz viv hâur Bộ Công thương thiêz têx tập đoàn kinh tế, buôk ti zos tập đoàn tênhv tênhz Việt Nam thiêz công ty đhok uô tênhv cêr sik hux jos truôx; tsưr ziv tso tơưv yênhx puô cxênhz tyv trâu đhok uô tênhv yar ntux zos tỉnh Sơn La cêr huôv tsar zov chênhr.

              Uô li thor cox heik trâu sơưr đơưk pâuz nzir thiêz, hâur cêr huôv tsar truôx jông li heik sâuv hâur ntu zuôr txos, Sơn La vav chiê siêz li chas trâu têx doanh nghiệp, nênhs yưv pênhr uô lok sâuv cxơưz cxiz chuôz tsar kinh tế, muôz hâux lưv uô thiêz krêz uô tâu têx muôx jông hâur pak đêx tênhv, cux li cxuô zav muôx jông hâur thax tsav qơư?

            Zơưv Nguyễn Thành Công: Sơn La vav tok njôngr, zuôr uô tâu têx hâux lưv tso tơưv, zuôr zos tỉnh sơưr tiv iz hâur thax tsav Tây Bắc lok huôv tsar uô tênhv yar ntux truôx thiêz hu zâuv tâu chor nênhs yưv pênhr muôx txâuk txux chi, pênhr xưv lês uô têx hâux lưv zok muôz. Txix têx Tập đoàn kinh tế tưz tuôx hâur tỉnh yưv pênhr uô mak vav chiê siêz, chor tập đoàn lox txơưr đuô zuôr seiz pov thiêz pâuz tsênhz hâu nov ntơưv qơư tsưr ziv lês uô hâux lưv, moz siêz paz txos. Txix ntơư, sơưr đơưk zuôr tror moz siêz yưv pênhr trâu Sơn La, tsi tiêk hâur ngênhx tênhv, mak hur si cxuô ngênhx txơưr đuô chiê cxơưz tỉnh huôv tsar truôx. Tỉnh Sơn La chos luk, zuôr uô jông cxuô luôs hâux lưv cov tênhx qơư yưv pênhr côngz fênhx, tsênhz mênhx thiêz uô jông têx ntâuz ntơưr trâu chor nênhs yưv pênhr uô.

              Thor uô cox tix tsâus./.

                                                                           Thùy-Long-Riê Lâux cxeik, nhênhv

Đảng viên uô ntêx nyuôk trâu luôs hâux lưv cxiv tsa jêx jok yiêz nhoz Tân Uyên

             Ntu cêr txix jok Tạng Đán txos jok Nà Hoi, xar Tân Uyên thâuv ntêx no tsuôk zos txox cêr zâu đar tsik tâu xar muôx 1 thiêr. Lok nas mak gok nhav, yar ntux mak muôx pa pâus, uô trâu pêx xênhv li muk lok, uô nox njiz ntâu phiv liv. Thâuv thax tsav qơư kriz uô cêr bê tông ntêr muôx 2 cêik cêr ntâu, đar muôx 4 thiêr, đảng viên Lò Văn Hòa ziv chuôz zis iz kror ar têz yuôx zêx nhoz hâur thax tsav cêv kuôk. Tsik xar ntâu, tix lâus Hòa tưz uô ntêx hlo muôz ar muôx 2.000 ntâu thiêr ndis chiê kriz uô txox cêr no cov lox đar đuô: “Cur cux sir jos chiê yax kriê, hêik chuôz zis, pox niêv mê nhuôv chiê muôz ar. Xuz thơưx pox niêv mê nhuôv cux cxơưx viv chor yuôx zêx tưz chos tâu ntâu shông lơưv, viv li tsik xar muôz ar. Đhâu cur hêik kriê mak pox niêv mê nhuôv cux tưz thôngx ziv. Viv txơưv zuk muôx ar ntâu, tsik muôx cêr muk lok mak cux zuôr tu tsik tâu jông, uô tsik tâu trơưk siêz xar thiêz tsơưr lươngv chor yuôx zêx tsik jông. Txơưv muôx tsơưs taz sik muôx cêr muk lok zôngx ziv, yêz muk tâu txos ciêx têx ar têz, zuk tu tâu mak cux zuôr uô tâu jông đuô. Nhiv no uô tâu txox cêr txix Nà Hoi txos Tạng Đán pox nhuôs lok six shir phaz”.

             Đảng viên uô uô ntêx tưz paz cxơưz cxiz sơưr đơưk đros uô; pêx xênhv thôngx ziv trơưk thiêz muôz ar, paz đas jos chiê uô chor cêr muk lok hâur jêx jok, paz trâu kinh têr huôv tsar. Tưz tsik zos uô ntêx hlo hâur cxiv tsa hạ tầng, chôngz lênhx đảng viên nhoz Tân Uyên tsênhv sir jos hlôngr yiêz siêz xar hâur uô nox. Txix têx hax huv cxôngx nzor, lơưr cxiv tsa tsưr ziv uô kinh têr truôx jông, paz muôx hâux lưv uô thiêz muôx nzir phênhv sâu. Đảng viên Hà Thị Phớ, nhoz jok 26, xar Tân Uyên hêik pâuz: “Txix têx hax huv ntơưv thax tsav qơư, cur chuôz zis tưz uô têx hax huv txix chor grêix kra kruôr zos yênhx hax huv OCOP thiêz nhiv no cux muôx tâu 2-3 hax huv. Chuôz zis qơư uô zav nox cux muôx ntâu zav nox mênhx cxưx trâu tsôngv kruô nox thiêz paz muôx hâux lưv uô trâu xar muôx 10 lox tôngv ntơưv qơư jê tsêr, paz muôx phênhv sâu trâu chuôz zis”.

             Têx tsưr ziv uô tâu kinh têr jông tưz paz gra siêz phênhv sâu trâu xar xav luz đraz muôx 57 triệu đêiv iz lênhx nênhs iz shông; chor ziv chuôz zis pluôs grêk txos yuôr 3,8%. No zos têx kror paz hêik tsênhz mênhx txos chor đảng viên ntơưv thax tsav qơư li têx uô tâu jông.

            Nhiv no, Đảng bôv xar Tân Uyên muôx 90 chi bôv, 1.600 ntâu đảng viên. Zơưv Lò Văn Học, Phưv Bí thư Thường trực Đảng ủy xar Tân Uyên, tỉnh Lai Châu puz pâuz, no zos lưx lươngv chênhr, kriz uô ciês Đảng, Têz qơưk têx tsênhv chêi txos trâu yênhx ziv chuôz zis pâuz. Ciês shông 2025, pêx xênhv hâur xar tưz muôz 1.000 ntâu thiêr ndis ar, paz zuôr xar 600 hnuz côngz paz cxiv tsa chor côngz trinhx phúc lợi. Txos nhiv no, xar tưz uô tâu 15 hâur 19 luôs hâux lưv cxiv tsa jêx jok yiêz; 92% ntâu cêr zoz thôngz tâu uô lox jông; 100% jêx jok muôx tsêr vênhx huôv… “Chôngz đảng viên tưz zos yênhx chor nênhs chênhr, uô ntêx hlo hâur têx hâux lưv phiv liv, hâux lưv yiêz li muôz ar uô cêr, paz đas jos; yax kriê, hêik Pêx xênhv kriz uô têx luôs hâux lưv cxiv tsa jêx jok yiêz… Thôngz đhâu têx hâux lưv uô tsênhv tsênhz co, chor đảng viên tưz paz muôx thôngx ziv xar hôiv, paz sik côngv siêz jông hâur côngv thôngx qơư pêx xênhv nhoz, paz trâu pêx xênhv njênhs njôngr trâu Đảng”./.

Khắc Kiên-Lik Thox cxêik nhênhv