Lào Cai: Kriz đar uô truôx hâux lưv “Jêx jos sôr”

           Hmo tưs cux li ntơư, hlôngr viv nhoz tok chor nênhs zuôr muôs hax huv tuôx txos ntơưv jok sâu zuôr, niêv tix Lèo Thị Thúy- zos iz lênhx nênhs mênhx cxưx Thái nhoz ntơưv xar Bát Xát ho kriz điện thoại chiê cxeik đuôz tso ciês trâu sơưr đơưk mnôngs têx hax huv li greix buô kruôr, greix tưv kruôr, chẩm chéo... Không gian mạng tưz paz cxuô lênhx nênhs nhoz cxuô thax tsav qơư siz jê đuô, chox lok iz tsưr ziv uô nox yiêz, đros hâux lưv muôs tơưv tâu ntâu mak thâuv ntêx nênhs nôngx mênhx tox siêz tsik tâu xar txos. Niêv lâuk Thúy pheiz kênh: “ Cur chuôz zis li phênhv sâu muôx muôx nhos 80% zos khov txos têx sàn muôv muôs điện tử. Pêz chêx chôngk tsiv uô chiê muôv muôs trâu têx qơư muôs online sâuv tiktok, facebook. Iz chas ntơư, cur cux chiv chir cxeik đuôz chiê muôs sâuv sàn thiêz chêx cuk lok six jông, grê siêz đuô, muôx nhiêx txiêx yưv chiê tror huôv tsar uô nox sei đuô”.

             Tsi taz kinh têr số hlôngr yiêz, tsôngv box li cor cav zôngv dịch vụ côngz cux hlôngr yiêz ntâu. Ntơưv qơư seiz njuôs shuôk thiêz kho moz xar Bar Xar, têx fâu ntơưr y bạ lok sik đeiv baov hiểm y tế cux jux jus tâu tso tsês, tsi zôngv txos thiêz. Ntâuz ntơưr seiz njuôs moz nhiv no tsuôk zôngv sâuv luz xor tôngx chuô. Hlôngr yiêz no zos txix hâux lưv chính quyênx thiêz lưx lươngv y tế, công an tưz chuv tôngv "paz kriê" trâu yênhx lênhx tsôngv box. Zơưv Trần Văn Đoàn, Phưv Giám đốc Trạm y têr xar Bát Xát puz pâuz: “ Pêz tsik so paz trâu pox nhuôs zôngv thev bảo hiểm y têr sâuv VNeID đros têx lênhx nênhs muôx tài khoản định danh thênhv 2. Zos tsi taz por thênhv 2 mak pêz heik kriê tsôngv box muk Công an chiê tâu uô. Nhiv no ntơưv Bát Xát, tưz muôx zuôr xar 98% lênhx nênhs sir zôngv ntơưr căn cước thâuv muk seiz njuôk kho moz gênhk”.

             Bát Xát zos xã yiêz nhiv kruôr tâu sik côngv, thax tsav lox đar, muôx têx jos nhoz đêz tsênhv qơư txos 30 cei cêr, cêr lax muk lok tâu. Đros trâur nuv chinhr quyênx tiv phaz 2 cấp li têx hâux lưv uô lok six ntâu, zos tuôr truôx tsưr ziv uô kuz, chính quyênx lax siz jê đros tsôngv lax pêx xênhv. Jênhv pov tsênhz têx phêv liv co, Bar Xar tưz uô ntêx nyuôk krêz uô siv  trâur nuv "Jêx jos sôr". Lơưr zơưv Vũ Hồng Phương, Phưv Bí thư Thường trực Đảng ủy xar, chiê kriz uô iz tsưr ziv công nghệ nhoz thax tsav tox siêz chênhr zos xêir kror lax uô uô ntêx thiêz muôz pêx xênhv li thôngx ziv uô tsênhv tsênhz: “ Uô ntêx Bar Xar xav tinhv zuôr hlôngr yiêz sôr ntơưv têx qơư phiv liv đuô, đêz đuô. Viv li chas ho uô li ntơưv? Viv uô li mak tsôngv pêx xênhv tsi tsuv muk đêz. Tiv zix, bí thư chi bộ jok, cấp ủy viên, đảng viên tsuv zos lênhx uô ntêx nyuôs. Côngv đros tsôngv box sơưr đơưk sik thôngx siêz thiêx uô tâu yênhx côngz”.

             Car xar, car uô thiêz car hlôngr yiêz! Txix trâur nuv uô siv xuz thơưx ciês nhoz thax tsav txov nhêv tiv zix, txos nhiv no xar Bát Xát tưz muôx 8 jêx jok tax ploz tsênhr “Jêx jos sôr”.

             Cxaz chuôz dưv ntênhs heik kriê qơư jông jav ntơưv Jok 4, lênhs tov Thường trực Tỉnh ủy Lào Cai tưz kruôk txos cấp ủy, chính quyênx tiv phaz li têx uô tâu jông; thôngx cxix khav tênhv: "Jêx jos số" chênhr zos tsưr ziv uô muôx chêx cuk tiv zix chiê hlôngr yiêz nền hành chính, ziv hnuz ziv phưx vưv jông đuô trâu tsôngv pêx xênhv. Txix nhiv no, Lào Cai zuôr muôz Bát Xát zos xã jông tsênhv tsênhz, zuôr chênhz zênhv chiê kriz uô đêz đar trâur nuv “Jêx jos sôr”, ndar txos cxiv tsa têx “Jêx jos hlôngr yiêz jông”  sâuv tas nro tỉnh./.

An Kiên- Txâur Vax cxêik nhênhv

HNUZ YIÊZ NHOZ JOS HUÔIV KHON

            Muk trâu tix lâus Sì Xênhv Zax, xênhz shông 1979, nhoz jok Huổi Khon 2 tsêr, cux zôngx ziv zok nriêr tâu, viv tix lâus luz tsêr tâu cxiv puôz, vor vuôk hlâu nhoz ciês hâur plơưr jok. Tơư têk trâu đeiv fiêx đrav cêr yuôv, tix lâus Sì heik 15 shông đrav ntêx, chor nênhs fêv tưz xav truôx thâuv xeir thax tsav no uô qơư nhoz, viv nhoz puôz ntus đriv xã Pá Mỳ thiêz Na Cô Sa (huyện Nậm Pồ kuz). Ntu thâuv co, hâur têx hnuz 30/4-06/5/2011, 7 cxênhz ntâu lênhx tsôngv px Hmôngz nhoz cxuô thax tsav tưz siz zâuv tuôx trâu Huổi Khon, lơưr uô tsêr fênhz suôz nhoz, heik hâu nov ntơưv qơư cov muôz ar, muôz qơư trâu chor nênhs fêv co cxiv tsa têz qơưk Hmôngz. Thâuv ntu ntơư, Sì Xênhv Zax tưz nziêk đas tâu 4 chuôz zis đros nziêk đas luôs lưv tus uô têx hâux lưv cxâuv chei têz qơưs, muôz zuk vax tsêr trâu chor nênhs fêv co zôngv uô qơư trâu trox yêz, cxuô zav nox, phưx vưv têx nuv uô tsi truôx tuk thax tsav qơư. Chênhr zos li co, Sì Xênhv Zax tưz trâus têz qơưk tik cêr cxâuv nhoz 02 shông ntâu tux viv uô cxâuv chêi têz qơưs têx chêi tso tơưv: “Thâuv ntêx tsi pâuz, chor nênhs fêv heik li chas, cur uô li ntơư thiêx uô cxâuv chei têz qơưk. Chor nênhs fêv cov muk njênhs vax tsưr, cxiv tsa têz qơưk Hmôngz zos uô cxâuv chêi têz qơưs”.

             Hnuz tơưv hâur tsêr tux tror lok, Sì Xênhv Zax tưz tsi muôx iz zav đaz tsi hlo, viv têx liêx têz, vax tsêr, keiz buô, Sì tưz muôz muôs tas đros tsưr ziv xar “têz qơưk Hmôngz” zuôr paz cxơưz Sì chuôz zis luz nênhx hlôngr yiêz, jông đuô. Thâuv njiz trâus têx cêr txov nhêv no, hâu nov ntơưv  qơư, công an xã Nậm Kè tưz tuôx paz Sì Xênhv Zax. Yênhx puô lênhx canr bôv, đảng viên tuôx trâu Huổi Khon chiê mnôngs tsôngv px heik lơưr têx tsưr ziv, siêz xar; yax kriê, phênhz mênhx têz qơưk têx chei tso tơưv, chei paz trâu px. Lar heik, đros trâu têx lênhx nênhs li: Sì Xênhv Zax, canr bôv sir jos yax kriê, heik mênhx chiê Sì thiêz chuôz zis pâuz tsênhz lok chor nênhs fêv tsưr ziv nziêk đas uô cxâuv chêi têz qơưs. Đros co, Sì tsênhv tâu têz qơưk thiêz hâu nov ntơưv qơư paz kriê tsưr ziv khưr uô nox, cxiv uô vax tsêr truôx khor txix tsaz yênhx paz uô tsêr nhoz trâu têx chuôz zis txov nhêv: “Canr bôv moz siêz paz ntâu cơưk, txoz cxơưx trâu pêz pêx xênhv ntâu hênhr. Meir lêix têz, meir jov cxur cux zos canr bôv paz. Canr bôv  paz ntâu li ntơư, pêz cux tsi yuô txov nhêv li thâuv ntêx. Nhiv no zav tưs cux muôx, zav tưs cux cxix cxuô, txoz cxơưx trâu pêx xênhv mak pêx xênhv tsi trâus txov lơưv. Nhiv no muôx cêr, muk zôngx ziv, luz nênhx vav mênhx đuô thâuv ntêx”.

            Lơưr zơưv Da Xênhv Thox, tsar jok Huổi Khon 2, Sì Xênhv Zax tsuôk zos iz hâur 04 chuôz zis hâur jok đros uô têx hâux lưv cxâuv chêi têz qơưs shông 2011. Chox pêz muk ndis seiz jok, Da Xênhv Thox heik: Luz tsêr cơưv mê nhuôv tsênhv nhênhv ntơưr, hâur ntu đrav ntêx tưz zos chor nênhs fêv qơư nta suôz hâur txuz nziêk đas uô cxâuv chêi têz qơưs ntơưv Huổi Khon. Hok txox cêr luôv suôz jêz, xi măng tuôx txos ntơưv jok, pêz tsênhv muk no, thâuv ntêx zos cêr ar.... Đhâu txuz Huổi Khon cuz nxor, tsi truôx tuk, tsôngv box Hmôngz nhoz thax tsav Mường Nhé (kuz) tưz tâu têz qơưk paz ntâu zav. Tsar jok Da Xênhv Thox, shông 2011 tưz muôz 200 xưv phaz ar têz chiê cxiv uô tsêr cơưv cxênhx nhuôs zâu hâur jok Huổi Khon 2 trâu têx tuz nhuôs nhoz cơưv ntơưr, qơư uô si lov jêv: “15 shông đrav ntêx pir li nhiv no mak tsôngv pêx xênhv luz nênhx tưz hlôngr yiêz ntâu. Pêx xênhv sir jos khưr huôv tsar cêr uô nox, sơưr đơưk cux tsuv sir jos chiê hlôngr yiêz tsưr ziv khưr uô kôngz, tu zus tsiêx cxu, paz zuz tsoz chos cà phê, mắc ca. Tsôngv pêx xênhv tưz pâuz hlôngr yiêz tsưr ziv uô nox, pâuz tsênhz txos Đảng, têz qơưk têx chei kriê, tsi mnôngs, tsi uô trơưk chor nênhs fêv têx luk nziêk đas”.

            Tsôngv box....! Lơưr zơưv Vũ Đức Thiệp, Phưv Chủ tịch Ủy ban xã Nậm Kè, luôs hâux lưv hlôngr yiêz zuz nôngz tsoz chos, tsiêx tu zus, njuôk hov thax tsav qơư uô nox, paz pênhr thiêz đros sâu zuôr têx kôngz uô tâu tưz uô hlôngr yiêz pêx xênhv hâur thax tsav qơư cêr huôv tsar uô nox; lar heik zos têx jok 100% zos tsôngv px Hmôngz li jok Huổi Khon 1, Huổi Khon 2./.

                                  Riê Lâux cxêik-nhênhv-Bộ công an