Hlôngr yiêz nhoz,jok Huổi Khon

Muk trâu tix lâus Sì Xênhv Zax, xênhz shông 1979, nhoz jok Huổi Khon 2 tsêr, cux zôngx ziv zok nriêr tâu, viv tix lâus luz tsêr tâu cxiv puôz, vor vuôk hlâu nhoz ciês hâur plơưr jok. Tơư têk trâu đeiv fiêx đrav cêr yuôv, tix lâus Sì heik 15 shông đrav ntêx, chor nênhs fêv tưz xav truôx thâuv xeir thax tsav no uô qơư nhoz, viv nhoz puôz ntus đriv xã Pá Mỳ thiêz Na Cô Sa (huyện Nậm Pồ kuz). Ntu thâuv co, hâur têx hnuz 30/4-06/5/2011, 7 cxênhz ntâu lênhx tsôngv px Hmôngz nhoz cxuô thax tsav tưz siz zâuv tuôx trâu Huổi Khon, lơưr uô tsêr fênhz suôz nhoz, heik hâu nov ntơưv qơư cov muôz ar, muôz qơư trâu chor nênhs fêv co cxiv tsa têz qơưk Hmôngz. Thâuv ntu ntơư, Sì Xênhv Zax tưz nziêk đas tâu 4 chuôz zis đros nziêk đas luôs lưv tus uô têx hâux lưv cxâuv chei têz qơưs, muôz zuk vax tsêr trâu chor nênhs fêv co zôngv uô qơư trâu trox yêz, cxuô zav nox, phưx vưv têx nuv uô tsi truôx tuk thax tsav qơư. Chênhr zos li co, Sì Xênhv Zax tưz trâus têz qơưk tik cêr cxâuv nhoz 02 shông ntâu tux viv uô cxâuv chêi têz qơưs têx chêi tso tơưv:“Thâuv ntêx tsi pâuz, chor nênhs fêv heik li chas, cur uô li ntơư thiêx uô cxâuv chei têz qơưk. Chor nênhs fêv cov muk njênhs vax tsưr, cxiv tsa têz qơưk Hmôngz zos uô cxâuv chêi têz qơưs”.

Hnuz tơưv hâur tsêr tux tror lok, Sì Xênhv Zax tưz tsi muôx iz zav đaz tsi hlo, viv têx liêx têz, vax tsêr, keiz buô, Sì tưz muôz muôs tas đros tsưr ziv xar “têz qơưk Hmôngz” zuôr paz cxơưz Sì chuôz zis luz nênhx hlôngr yiêz, jông đuô. Thâuv njiz trâus têx cêr txov nhêv no, hâu nov ntơưv  qơư, công an xã Nậm Kè tưz tuôx paz Sì Xênhv Zax. Yênhx puô lênhx canr bôv, đảng viên tuôx trâu Huổi Khon chiê mnôngs tsôngv px heik lơưr têx tsưr ziv, siêz xar; yax kriê, phênhz mênhx têz qơưk têx chei tso tơưv, chei paz trâu px. Lar heik, đros trâu têx lênhx nênhs li: Sì Xênhv Zax, canr bôv sir jos yax kriê, heik mênhx chiê Sì thiêz chuôz zis pâuz tsênhz lok chor nênhs fêv tsưr ziv nziêk đas uô cxâuv chêi têz qơưs. Đros co, Sì tsênhv tâu têz qơưk thiêz hâu nov ntơưv qơư paz kriê tsưr ziv khưr uô nox, cxiv uô vax tsêr truôx khor txix tsaz yênhx paz uô tsêr nhoz trâu têx chuôz zis txov nhêv:“Canr bôv moz siêz paz ntâu cơưk, txoz cxơưx trâu pêz pêx xênhv ntâu hênhr. Meir lêix têz, meir jov cxur cux zos canr bôv paz. Canr bôv  paz ntâu li ntơư, pêz cux tsi yuô txov nhêv li thâuv ntêx. Nhiv no zav tưs cux muôx, zav tưs cux cxix cxuô, txoz cxơưx trâu pêx xênhv mak pêx xênhv tsi trâus txov lơưv. Nhiv no muôx cêr, muk zôngx ziv, luz nênhx vav mênhx đuô thâuv ntêx”.

Lơưr zơưv Da Xênhv Thox, tsar jok Huổi Khon 2, Sì Xênhv Zax tsuôk zos iz hâur 04 chuôz zis hâur jok đros uô têx hâux lưv cxâuv chêi têz qơưs shông 2011. Chox pêz muk ndis seiz jok, Da Xênhv Thox heik: Luz tsêr cơưv mê nhuôv tsênhv nhênhv ntơưr, hâur ntu đrav ntêx tưz zos chor nênhs fêv qơư nta suôz hâur txuz nziêk đas uô cxâuv chêi têz qơưs ntơưv Huổi Khon. Hok txox cêr luôv suôz jêz, xi măng tuôx txos ntơưv jok, pêz tsênhv muk no, thâuv ntêx zos cêr ar.... Đhâu txuz Huổi Khon cuz nxor, tsi truôx tuk, tsôngv box Hmôngz nhoz thax tsav Mường Nhé (kuz) tưz tâu têz qơưk paz ntâu zav. Tsar jok Da Xênhv Thox, shông 2011 tưz muôz 200 xưv phaz ar têz chiê cxiv uô tsêr cơưv cxênhx nhuôs zâu hâur jok Huổi Khon 2 trâu têx tuz nhuôs nhoz cơưv ntơưr, qơư uô si lov jêv:“15 shông đrav ntêx pir li nhiv no mak tsôngv pêx xênhv luz nênhx tưz hlôngr yiêz ntâu. Pêx xênhv sir jos khưr huôv tsar cêr uô nox, sơưr đơưk cux tsuv sir jos chiê hlôngr yiêz tsưr ziv khưr uô kôngz, tu zus tsiêx cxu, paz zuz tsoz chos cà phê, mắc ca. Tsôngv pêx xênhv tưz pâuz hlôngr yiêz tsưr ziv uô nox, pâuz tsênhz txos Đảng, têz qơưk têx chei kriê, tsi mnôngs, tsi uô trơưk chor nênhs fêv têx luk nziêk đas”.

Tsôngv box....! Lơưr zơưv Vũ Đức Thiệp, Phưv Chủ tịch Ủy ban xã Nậm Kè, luôs hâux lưv hlôngr yiêz zuz nôngz tsoz chos, tsiêx tu zus, njuôk hov thax tsav qơư uô nox, paz pênhr thiêz đros sâu zuôr têx kôngz uô tâu tưz uô hlôngr yiêz pêx xênhv hâur thax tsav qơư cêr huôv tsar uô nox; lar heik zos têx jok 100% zos tsôngv px Hmôngz li jok Huổi Khon 1, Huổi Khon 2./.

HÊIK TSIK JÔNG TXOS PÊZ TÊZ QƯƠS ZUÔR TRÂUS TIK CÊR CXÂUV 20 TUX

Tsôngv…! Trơưk li Việt Nam chêi cui tênhv, lênhx nênhs tưs cxiv sâu ntâuz ntơưr, txiêr lok sik kho đuô têx đuôz shav, vide, jax sâu muôx njiêz luk hêik tsik jông txos pêz têz qơưs, zuôr trâus tik cêr cxâuv hnhar.

Ntơư zos chor nênhs fêv têx luk nziêk đas tsik muôx tsênhz, hêik tsik jông txos Đảng, têz qơưs, hâu nov ntơưv chiê hâuz nziêk px uô cxâuv chêi têz qơưs. Zos lênhx nênhs tưs phêiz kênh têx jax sâu, video, đuôz shav muôx njiêz luk hêik tsik jông txos pêz têz qơưs têx tsênhv chêi thiêz têx mông chuôr tsik muôx tsênhz uo trâu px cxơưx, uô trâu px nyêi lok sik mnôngs uô trơưk chor nênhs fêv têx luk nziêk đas thiêz tso tơưv ntâuz ntơưr, đuôz shav, vide, hêik tsik jông txos pêz têz qơưs trâu lênhx nênhs txơưr. Đros chor nênhs fêv sâuv mạng xã hội tso tơưv têx njiêz luk tsik jông, uô trâu mênhx cxưx, tôn giáo tsik muôx cêr côngv siêz.

Chêi têz qơưs tưz cui tênhv: Zos lênhx nênhs tưs cxiv sâu ntâuz ntơưr, txiêr lok sik kho đuô têx đuôz shav, vide, jax sâu muôx njiêz luk hêik tsik jông txos pêz têz qơưs, zuôr trâus tik cêr cxâuv nhoz tux txix 5 txos 12 shông. Zos lênhx nênhs tưs uô cxâuv hnhar tsuv trâus tik cêr cxâuv nhoz tux 10-20 shông. Zos lênhx nênhs tưs bax zuôr uô cxâuv chêi têz qơưs cux trâus tik cêr cxâuv nhoz tux txix 1 txos 5 shông.

Chiê tsưx phưv trâu zuk thiêz cxuô lênhx hâur chuôz zis, tsôngv px tsuv ndo njôngr: Tsik njênhs têx luk tsik muôx tsênhz sâuv mạng xã hội; tsik sâu ntâuz ntơưr, tsik txiêr têx đuôz shav, vide, jax sâu muôx njiêz luk hêik tsik jông txos pêz têz qơưs. Tsik mnôngs chor nênhs fêv têx luk nziêk đas sâuv mạng xã hội. Thâuv pov muôx yưv têx mông hêik tsik jông txos pêz têz qơưs, tsuv hêik kriê ciês hâu nov thiêz công an ntơưv qơư. Lar hêik, zos tsôngv px pâuz tsik tsênhv têx njiêz luk hêik, tsik cxoz njênhs, têx luk thav tsik muôx pâuk njik tsik cxoz uô trơưk. Chênhr zos li hêik ntơư, tsôngv px sđ tsik mnôngs, tsik uô trơưk têx mông chuôr. Ntơư zos faz tsưr ziv tsưx phưv trâu zuk thiêz cxuô lênhx hâur chuôz zis chiê tsưx phưv truôx jêx jos./.

Tsu Vưx cxêik nhênhv