Pêx xênhv Sơn La bax phax tir thêir nas chuô

Tix lâus Quàng Văn Thân chuôz zis đros trâu 16 ziv chuôz zis px nhoz jê ntus đêx hâur jok Két, xã Tạ Bú, huyện Mường La, Sơn La cheix ntux nas shông 2023, vax tsêr tưz trâul tox xưz poz lok uô ruôr hiêv tas ntâu; iz cxiê chuôz zis têx tsiêx cxu cux trâul đêx nas cuôr yôngz.

Hli 8/2023, tâu têz qơưk thiêz hâu nov ntơưv qơư paz 190 xưv phaz ar uô kuô tsêr nhoz thiêz 30 tsov chiê yêik txar qơư nhoz; iz chas ntơư tâu cán bộ huyện, xã heik kriê, tix lâus Thân chuôz zis tưz bax tsưr ziv phax tir thêir nas chuô, por hưv têx chuôz zênhx chuôz tav, tsiêx cxu li: Kho, cxênhv têx vax tsêr, qơư cơư tsiêx cxu cov khor truôx chiê taz por truôx tuk trâu chuôz zis thiêz têx chuôz zênhx chuôz tas. Tix lâus Thân heik:

“Têz qơưk moz siêz txos, paz pêz yêik txar muk nhoz qơư yiêz mak nhiv no nox nhoz, muk lol zôngx ziv đuô lơưv, tsi trâul nyei thiêz cxơưx thâuv muôx nas chuô lox li thâuv ntêx. Thâuv lok nas mak sđ sik đros thoz huk têx cưx đês cov đêx ntưk tâuk xưz. Thiêz thâuv txos cheix ntux nas pêz chor px cux tsi muk ntâuk muôz shuôz njêl, bo tơưk hâur đêx, lok nas hloz mak tsuv seiz shuôs zos kror tưs zôngx ziv trâul xưz poz, zênhx amx njêik yêv têx đra, chuôz zênhx muk tso trâu qơư truôx tuk thiêz heik sđ txar muk nhoz têx qơưk taz por, tsi nhoz jê ntơưv têx tsas ar siêz...”.

Zơưv Lường Văn Sĩ nhoz jok Tạ Bú, huyện Mường La, Sơn La đhâu thâuv tâu têz qơưk paz mê njik nhiêx txiêx, tưz bax kêr txeik nzir tsêr nhiêx tsênhv chei xã hội pênhr thiêz sir zôngv têx nhiêx txiêx chuôz zis cxênhx txuôs tâu chiê cxiv uô vax tsêr khor truôx nhoz, xav hur si têx nhiêx uô tsêr tas muôx 350 tsov đeiv. Zơưv Sĩ heik: Nhiv no thâuv txos cheix ntux nas, chuôz zis tưz tsi trâul cxơưx tsav poz jêz ntos lok trâul tsêr, tsuv njêik yêv têx đra hâur hmo ntux chiê khiêr đreiv nas chuô li thâuv ntêx lơưv:

“Têz qơưk tưz moz siêz paz zok nriêr qơư nhoz truôx tuk lơưv, yuôr têx cưx đês mak tsôngv box zuôr bax thoz huk chiê đêx ntưk tâuk, cxiv puôz poz jêz thêir trâu cov tsi trâul xưz poz, cxuô ziv chuôz zis siz cơưv shâuv, sik đros cxiv kho chiê muôx qơư nhoz truôx tuk đuô”.

Txix hâur shôngk shông txos nhiv no, ntơưv Sơn La tưz muôx ntâu coz nas chuô lox, uô ruôr hiêv tas ntâu tsôngv pêx xênhv têx vax tsêr nhoz thiêz kôngz lôngk, xav hur si têx trâul ruôr hiêv tas muôx 130 tyv đeiv.

Njuôk xav hâur ntu zuôr txos, ntux tror txơưr txar phiv liv, ngênhx kôngz nuv thiêz huôv tsar tox siêz tỉnh Sơn La tưz thiêz tsênhv sir jos yax kriê, heik pêx xênhv fuô uô ntâu faz tsưr ziv phax tir thêir. Zơưv Hà Như Huệ, Giám đốc Sở Kôngz nuv thiêz huôv tsar tox siêz tỉnh Sơn La, Phưv Tsar ban seiz car phax tar ntux uô ruôr hiêv thiêz zok nriêr chơưv paz lênhx nênhs hâur tỉnh heik pâuz:

“Nhiv no tsênhv zos cheix ntux nas, tỉnh li ban chox kriê phax tar ntux uô ruôr hiêv cux tưz chox kriê cxuô huyện, TP sir jos qênhz shuôs têx qơư zôngx ziv trâul đêx nas cuôr yôngz, qơư uô hâux lưv, tsêr cơưv ntơưr, tsêr kho moz...., txix ntơư muôx tsưr ziv bax yêik txar tsôngv pêx xênhv, têx chuôz zênhx chuôz tav muk nhoz qơư truôx tuk; tiv 2 zos tror yax kriê txos trâu pêx xênhv pâuz lok têx tsi jông tiv ntux uô muôx têx yưv siv chiê sơưr đơưk phax txar jav hâur cheix ntux nas chuô”.

Đros trâu ngênhx muôx vax huôv, hâu nov thiêz tsôngv pêx xênhv ntơưv qơư bax jông luôs hâux lưv tir thêir nas chuô, tỉnh Sơn La tưz sir jos uô cov txo grêk tsơưs têx trâul ruôr hiêv muôx yưv hâur cheix ntux nas shông no./.

Trấn Long-Riê Lâux cxeik, nhênhv

Sir jos txoz cxơưx luz nênhx trâu pêx xênhv thax tsav mênhx cxưx tsơưs nênhs

nhoz Buôn Hồ (Đắk Lắk)

Zênhx zos chuôz zis txov nhêv hâur xar, zơưv Ayua Nha Phương, mênhx cxưx Bru-Vân Kiều ziv chuôz zis, nhoz jok Sing A, xar Ea Drông, thị xar Buôn Hồ tưz sir jos chiê hla đhâu yêiz pluôs txix shông 2017. Đros sâu tâu truôx tuk 200 triệu đêiv ntâu iz shông, zơưv tưz cxiv uô tâu vax tsêr khor truôx jông.

Lơưr zơưv Phương, 200 triệu đêiv iz shông tsik tâu zos phênhv sâu siêz, taz sik khov muôx ntâu tsênhv chêi ngaz tuk xar hôiv, li tâu kir txêik nhiêx thêv nhiêx liv kik, tâu paz zuôr bảo hiểm y têr, txo grêk tsơưs nhiêx txiêx cơưv ntơưr, viv li chuôz zis cux uô tâu truôx jông hâux lưv uô nox, xênhz huôx, têx tuz nhuôs tâu muk cơưv ntơưr cxix cxuô. Zơưv Ayua Nha Phương puz pâuz, têx lớp cơưv shâuv uô kôngz thiêz kỹ thuật chos ntông, tu zus nhoz Buôn Hồ cux tâu kriz tsik so, cơưv tsik tas nhiêx txiêx, paz pox nhuôs muôx nzir txux chi hâur uô nox, zơưv đros pox nhuôs nhoz jok Sing A cux sir jos cxaz chuôz trâu chor lớp kruôz kriê no:

“Chor nênhs yưv pênhr tuôx kriê trâu pox nhuôs lok tsưr ziv tu têx tsoz chos tsiêx tu zus, paz trâu uô hợp tác xã tu zus yil, zus buô, zus nhux đas. Muôz kir txêik pênhr chiê uô nox, paz zuz nôngz tsoz chos, tsiêx tu zus, kriê khoa học kỹ thuật. Co zos têx kror lok six tsênhv tsênhz paz trâu pox nhuôs cux li zuk chuôz zis txo grêk yêiz pluôs, huôv tsar kinh têr cov jông đuô”.

Lâul jok Y Khuê Ayun, mênhx cxưx Ê Đê, nhoz jok Kwang A, xar Cư Bao, thị xar Buôn Hồ puz pâuz: têx tsênhv chêi paz lok ar nhoz, ar uô nox, kriê hâux lưv uô tưz paz muôx tâu ntâu kror jông, hlôngr yiêz têx jêx jok. Jok Kwang A nhiv no muôx 210 ziv chuôz zis đros xar muôx 1.000 lênhx nênhs, mak muôx zuôr xar 100 ziv chuôz zis muôx thiêz bluô nux, tsuôk yuôr 3 ziv chuôz zis pluôs. Chor ziv chuôz zis li phênhv sâu puôr lênhx truôx tuk thiêz siêz đuô thâuv ntêx, ntau ziv chuôz zis muôx phênhv sâu 2-3 tiv đêiv ntâu iz shông.

“Uô cêr muk lok hâur jêx jok yiêz nhiv no tâu muôx 80%, sâu têx vuôz tsuôz lok six jông, uô vêv xênhz yênhx ciêz, yênhx hli. Cêr muk lok hâur jêx jok muôx tênhz tơưl pov cêr. Sir jos uô jông ngaz tuk chinhr triv thiêz côx phax, sik côngv siêz têx vênhv thix tôn giáo, tín ngưỡng, sir jos uô jông têx tsênhv chêi paz trâu chor nênhs muôx côngz trâu têz qơưk, ziv chuôz zis pluôs, chuôz zis zuôr xar pluôs tâu txêik pênhr nhiêx liv kik huôv tsar kinh têr ziv chuôz zis. Cur lok six shir phaz”.

Zơưv Y Cing Mlô, Phưv Chủ tịch Ủy ban thị xar Buôn Hồ puz pâuz, thax tsav qơư tsênhv sir jos cov zos yênhx đô thị hov III trâu shông 2025, tsưr ziv uô zos yênhx qơư huôv tsar nhoz thax tsav faz Bắc tỉnh Đắk Lắk trâu shông 2050. Hâur tsưr ziv uô co, thị xar tror yưv pênhr chiê huôv tsar kinh têr-xar hôiv thax tsav mênhx cxưx tsơưs nênhs, paz gra siêz txux chi uô nox trâu pêx xênhv; đros co zos paz muôx hâux lưv uô, kriê uô hâux lưv trâu têx tuz nhuôs tsôngv box mênhx cxưx tsơưs nênhs; cxiv tsa, thox cxov chor canr bôv zos mênhx cxưx tsơưs nênhs:

“Đrâuv Trung ương, tỉnh têx pênhr jos paz lơưr Têz qơưk chor Tsaz yênhx mak thị xã cux tsês chiê têx pênhr jos yưv trâu uô cêr, vax tsêr cxuô zav nhoz chor thax tsav tsôngv box mênhx cxưx tsơưs nênhs. No zos zi tsênhv njiêz lok six zov chênhr chiê paz hlôngr yiêz đuô pêx xênhv luz nênhx, tiv zix zos pêx xênhv tsôngv box mênhx cxưx tsơưs nênhs luz nênhx”.

Têx tsênhv chêi mênhx cxưx tưz thiêz tsênhv tâu kriz uô tưz paz hlôngr yiêz đuô têx jêx jok, hlôngr yiêz đuô pêx xênhv ntơưv thị xar Buôn Hồ, tỉnh Đắk Lắk luz nênhx. Đhâu co paz uô truôx jông đuô thôngx niêv côngv siêz cxuô mênhx cxưx, paz trâu yênhx lênhx nênhs tsik so sir jos, côngv têk cxiv tsa jêx jok cov jông đuô, paz phênhv cxiv tsa thị xar cov hlôngr yiêz jông jav./.

TTTN-Lik Thox cxêik nhênhv