Tror lok Jos Kéo- nriêr pâuz Quân đội VN li tsưr ziv uô jông hâur jiês tsav txênhz Điện Biên Phuv

Jos Kéo muôx bê Anne Marie nhoz faz Tây tập đoàn qơư truôx khor tsav txênhz Điện Biên Phuv zos tros châuz Pháp li tiểu đoàn ngụy Thái số 3 seiz jor. Qơư no muôx jênhv vưv por vêv qar yêz za Mường Thanh thiêz paz max trâu qơư tsav txênhz.

          Hâur têx hnuz txix 13 txos 15/3, binh lính Thái nhoz no tsi so pov 2 qơư zos Him Lam thiêz trôngz tsav txênhz trâus tuô thiêz sưz tsav viv li tsi yuôr chinhz yênhx chiê tror tơưv txênhz. Zar hnuz keix hnuz 16/3, tòa soạn tiền phương Pov tsir Quân đội pêz cxiv sâu thiêz xa txos binh lính nhoz no iz đeiv đuôz lox tso pov binh lính Thái khiêr gâuv đros iz lo luk “Tror lok têz qơưk, lok đros tsôngv box, nêx zuôr tâu tos tiêv jông”. Khov co Trung đoàn 36, đại đoàn 308 tưz txênhz qơư no tsi zuôr ntâuk tsav thâuv heik tâu binh lính Thái nhoz sâuv trôngz Jos Kéo thor sưz tsav. Zơưv Phạm Văn Sam, Bộ đội lâuk Điện Biên nhiv no tsênhv nhoz uô nênhx ntơưv tuêv phố 8, phường Thanh Trường, TP Điện Biên Phuv heik: 3 six zar hnuz keix hnuz 17/3, pêz li fov lox tuô 20 fov trâu sâuv trôngz Jos Kéo. Liv zôngv thâuv chỉ huiz tros châuz Pháp khiêr gâuv hâur kror ar, binh lính Thái krêz trôngx vas thiêz sik zâuv khiêr lok qơư muôx loa hêik. 2 đại đội lính Thái đhiê tuôx thor sưz tsav. Tros châuz tror tuô fov lox tuôx tar cêr linh Thái taz sik tsi tâu. Trung đoàn 36 txix sâuv trôngz muk lơưr cêr kror ar muk ntês tas hur si tros châuz Pháp ntơưv zênhx Jos Kéo: “Ntâuk tsav ntơưv Jos Kéo, tros châuz sưz tsav khiêr tas tsi nhoz ntơưv no, pêz bộ đội thiêx tuôx sâu tas tros li têx chuôz zênhx, vưv qiv tâu paz txưv. Jos Kéo tov kaz no yênhx pêz li qơư cxênhx tsês cxur thiêz tso siêz paz trâu tas nro jiês tsav txênhz tir ntâuk tros châuz Điện Biên Phuv”

          Nhiv no, di tích trôngz Jos Kéo sâuv thax tsav tuêv phố 2, phường Thanh Trường, TP Điện Biên Phuv. Hla đhâu 70 shông ntâuk zênhx  tros châuz Điện Biên Phuv txơưv muôx ntâu hlôngr yiêz, taz sik di tích no cux tâu por vêv jông chiê tsôngv box thiêz tsôngv kruô nhoz cxuô qơư tuôx seiz thiêz nriêr pâuz tsênhz đuô lok pêz bộ đội thâuv ntêx li jiês zênhx liv no. Pos Nguyễn Thị Liên, Bí thư Chi bộ tuêv phố 2 pheiz kênh: Thâuv Điện Biên tâu tiêx tul, tsôngv box nhoz thax tsav qơư di tích trôngz Jos Kéo li luz nênhx tsi so huôv tsar thiêz hlôngr yiêz. Tas nro tuêv jênh phố muôx 100 ntâu ziv chuôz zis thiêz muôx nhos 500 lênhx nênhs, tsi muôx ziv chuôz zis pluôs. Shông 2023, thâuv fuô cxiv uô đuô yar yêz za Điện Biên Phuv, 50% ziv chuôz zis hâur tuêv phố tưz gôngr ar têz, txar muk qơư nhoz yiêz chiê zuôr qơư kuz uô tỉnh li dự án zaoz thôngz. Txos nhiv no, tsôngv box txar muk qơư nhoz yiêz luz nênhx tưz ngaz tul, iz đraz chor ziv chuôz zis tsênhv nhoz qơư kuz cux cxiv uô tsêr nhoz yiêz jông thiêz lox đuô. Tsôngv box sir jos thiêz chêx chôngk por vêv, phuôx huiz têx tsiv grê lix xưv jông sâuv qơư di tích trôngz Jos Kéo qơư zuk nhoz uô nênhx: “Tsôngv box luz nênhx nhiv no ngaz tul, tas nro têx ziv chuôz zis kinh têr huôv tsar jông, luz nênhx ziv hnuz ziv huôv tsar cxuô zav. Tuôr tsês thax tsav di tích lix xưv trôngz Jos Kéo mak tsôngv box puôr lênhx uô jông. Tas nro têx cêr muk lok tâu qêz suô hur jông, pheiz côngz trâu hluôk nênhs, pox niêv chuôz tsar uô vêv xênhz thax tsav qơư chiê thâuv kruô ju lix tuôx ndis seiz pov qơư di tích tsênhv tâu tuôr tsês jông trơưk li thâuv ntêx”.

          Đhâu 70 shông ntâuk zênhx tros châuz Điện Biên phuv, di tích lix xưv trôngz Jos Kéo tsênhv tâu tuôr tsês jông, yênhx qơư zaz zâuv tsôngv kruô tuôx ndis uô si, seiz shuôk, nriêr pâuz lok Quân đội NDVN li têx tsưr ziv hâur ntu tir ntâuk zênhx tros châuz Pháp, pêz têz qơưk truôx khor li nhiv no./.

Vũ Lợi-Txâur Vax cxeik nhênhv

Sơn La chuôz cxaz uô têx tsưr ziv ngaz tuk, ngaz tuk zoz thôngz sâuv thax tsav tỉnh

Nam: Lơưr co, tỉnh chox kriê thiêz tsưr tsix kriz uô cxix cxuô têx tsưr ziv txix cấp tỉnh txos cấp huyện, cấp xar txix ciês hliz xuz thơưx, quý xuz thơưx thiêz tas shông 2024. Chor Sở, nganhx, đoanx thêv thiêz huyện, thành phố kriz uô Tsưr ziv shông ngaz tuk zoz thôngz 2024 huv đros vax huôv, txơưx jênhv tsênhv tsênhz ntơưv zuk taz viv, thax tsav qơư, cxênhx txuôs, tsik zos uô cov muôx xưz.

Nữ: Yax kriê, piêr pâuz cêr chêi têz qơưk lok ngaz tuk zoz thôngz, piêr kriê jênhv vưv txos yênhx lênhx canr bôv, công chức, viên chức, nênhs lox tôngv thiêz shux xênhz cov uô truôx jông lơưr cêr chêi têz qơưk lok ngaz tuk zoz thôngz, jux juk cxiv tsa vênhx huôv zoz thôngz ngaz tuk. Tso nênhs sơưr thơưx li txơưx jênhv đros trâu uô jênhv vưv lok ngaz tuk zoz thôngz hâur cơ quan, taz viv trơưk vax huôv thiêz jênhv vưv.

Nam: Tror gra siêz txux chi thiêz tsưr ziv sêiz car, chox car trâu chor lưx lươngv, taz viv muôx vax huôv hâur côngz xưv ngaz tuk zoz thôngz, tiv zix zos hâur côngz xưv qênhz yuôx thiêz xưv lik uô cxâuv ngaz tuk zoz thôngz, đăngk cir, đăngl kiểm, kruôz kriê, muôz ntơưr tso chêi trâu lênhx nênhs thiêz chuôz zênhx zoz thôngz; sir jos kriz uô, sir zôngv xưv lik txix têx chuôz zênhx sêiz kaz chiê phưx vưv côngz xưv sêiz car têx yêz muk lok.

Nữ: Paz muôx nzir txux chi đas jos chơưv paz, chơưv kho nênhs trâus nanv thiêz khưx phưx txiêz nanv zoz thôngz; kriê nzir txux chi chơưv paz trâus txiêz nanv zoz thôngz trâu nhân viên y têr tôv, jêx jok, trạm y têr; paz muôx nzir txux chi uô hâux lưv, chuôz zênhx trâu tsêr kho moz thiêz tsênhv qơư y têr huyện cov muk tâu txos ntơưv têx qơưk muôx txiêz nanv thiêz chơưv paz tâu trâu nênhs trâus txiêz nanv zoz thôngz.

Nam: Tsêx trung qênhz yuôx xưv lik têx uô cxâuv; đăngk cir, đăngk kiểm têx yêz; kriê, hlôngr đuô ntơưr tsar yêz; qênhz yuôx, đơưk tu txiêz nanv zoz thôngz; cungz ntơưr tso chêi kinh doanh vận  tải… Qênhz yuôx, xưv lik truôx chor nênhs chêix yêz muk chênhr, hâuk chơưr bia, sir zôngv zax zênhz thâuv tsar yêz; muk tsik zos zuk saz cêr; tsik ntông câuk mov por vêv tâuz hâu thâuv chêix, tsar yêz mêir; đrêk yêz tsik zos li cui tênhv; chor yêz cxaz chuôz zoz thôngz tas six hơưv sir zôngv tsik txâuk kỹ thuật lok ngaz tuk thiêz por vêv tênhv qơư; têx fuôx gox muk sâuv đêx tsik đăngk cir, đăngk kiểm thiêz muôx tsik txâuk têx yo hnar, chuôz zênhx chơưv paz…

Nữ: Gra siêz tsơưr lươngv pênhr jos, hlôngr yiêz tsưr ziv kriz uô, hlôngr yiêz ntâuz ntơưr hành chinhr chiê paz muôx nzir txux chi, uô tâu jông sêiz car têz qơưk lok ngaz tuk zoz thôngz. Sir zôngv khoa học công nghệ hâur sêiz car, sêiz kaz huôx tôngv kinh doanh vận tải, tiv zix zos vận tải txix yêz ô tô./.

Bích Thủy-Lik Thox cxêik nhênhv