Huyện tox siêz Mù Cang Chải huôv tsar truôx cxuô hêir nênhs têx txux chi, vênhx huôv jông

          Kênhx Hmôngz zos iz zav txux chi, vênhx huôv jông tâu sir zôngv đhâu ntâu tiêv; taz sik, hâur oz pêz shông đhâu lok no, chuôs li chor hluôk muôx tsơưs lênhx thiêx pâuz txos pêz hêir nênhs Hmôngz têx txux chi kênhx cxôngx nzor. Chênhr zos li hêik ntơư, hâur ntu đhâu, tưz muôx chôngz lênhx hluôk tưz cxiv tsa qơư khơưk tsês thiêz huôv tsar cov tâu truôx pêz Hmôngz têx txux chi kênhx cxôngx nzor.

          Qơư khơưk tsês têx txux chi kênhx tưz muôx 12 lênhx hluôk Hmôngz nhoz cxuô luz jêx jos hâur thax tsav xã sik côngv đas jos tsưr ziv khơưk tsês thiêz cơưv shâuv pêz Hmôngz têx txux chi kênhx tsik chiê trâus pôngz plox. Tus cưr Lở A Thông, nhoz Xã Lao Chải, huyện Mù Cang Chải shir phaz lul hêik pâuz: “Pov chor hluôk nhiv no tsik cơưv shâuv pêz Hmôngz têx kênhx; cur thiêx xar tiêk, tsuv cxiv tsa qơư khơưk tsês têx txux chi kênhx cxôngx nzor, tsik chiê trâus pôngz plox”

          Zơưv Lở A Trừ, nhoz xã Lao Chải, huyện Mù Cang Chải cux hêik pâuz tiêk: Trơưk li pêz Hmôngz chor lâuk piêr tsês, kênhx zos iz zav txux chi, hêik cxiv cxuô lok pêz hêir nênhs Hmôngz luz nênhx nox nhoz muk lok txix thâuv ntêx đros đrêiv luz nênhx đhâu ntâu tiêv thiêz kênhx tâu sir zôngv trâu thâuv muôx iz tus lâuk pur 120 shông tâu tas siv nênhx, chiê xa lênhx nênhs tâu tas siv nênhx co muk thơưx thiêz, muk chuôs pox côngz zơưv côngz. Iz chas ntơư, kênhx cux tâu yuôz hêik txos cêr gâux cêr đrâuv, nthuôr uô cêr lov jêv, đhiê pax vuôs  hâur têx hnuz kriz nênhk hội, hâur têx hnuz tsiêz huv đros hâur luz nênhx: “Chor hluôk nhiv no, chuôs li muôx tsơưs lênhx thiêx cơưv shâuv, khơưk tsês pêz Hmôngz têx txux chi kênhx cxôngx nzor. Taz sik, hâur ntu đhâu, cux pov muôx iz cxiê lênhx hluôk cxiv uô qơư tsês pêz Hmôngz têx txux chi kênhx”

          Ntơưv tsêr cơưv cxênhx 1 thiêz cxênhx 2 xã Mồ Dề, cưk kriê hâur tsêr cơưv ntơưr tưz kriz lớp kriê cơưv shâuv yuôz kênhx, đhiê kênhx, cơưv shâuv ntok ntâuz. Shuv xênhz Suôr xênhv Zax, cơưv lớp 9 A1 shir phaz lul hêik pâuz: “Cur tưz đros cơưv hâur lớp kriê cơưv lok cxuô hêir nênhs têx txux chi, vênhx huôv jông cxôngx nzor thiêz ntơư cux zos iz kro muôx liv chiê sđ khơưk tsês thiêz huôv tsar truôx zuk hêir nênhs têx txux chi, vênhx huôv jông tsik chiê trâus pôngz plox”

          Cưk kriê Phạm minh Dũng, thơưx sêiz car tsêr cơưv cxênhx 1 thiêz cxênhx 2 Xã Mồ Dề cux hêik pâuz tiêk: cxuô lênhx shuv xênhz thiêz cưk kriê puôr lênhx truôx siêz kriê thiêz cơưv cov tuôr tâu truôx cxuô hêir nênhs têx txux chi, vênhx huôv jông nhoz cxuô tsênhv qơư: “Hâur ntu têz qơưs hlôngr yiêz nhiv no, têx tuz nxêik shuv xênhz nhiêv cơưv shâuv lok ntâu zav yiêz, tsik ndo txos zuk hêir nênhs têx txux chi, vênhx huôv jông cxôngx nzor. Chênhr zos li hêik ntơư, cưk kriê hâur tsêr cơưv tưz tso tơưv luôs hâux lưv chiê kriê cxuô lênhx shuv xênhz hâur tsêr cơưv khơưk tsês sđ têx txux chi, vênhx huôv jông cxôngx nzor”

          Mù Cang Chải zos huyện tox siêz muôx 95% zos pêz hêir nênhs Hmôngz nhoz huôv tsar cêr uô nênhx. Chênhr zos li hêik ntơư, luôs hâux lưv khơưk tsês thiêz huôv tsar cxuô hêir nênhs tsơưs têx txux chi, vênhx huôv jông zos iz luôs hâux lưv zov chênhr tsuv uô cov tâu truôx, muôx đros đrêiv hâur luz nênhx, paz phênhv cxiv tsa thax tsav qơư nhoz cov ziv hnuz ziv jông jav huv đros hâur luz nênhx./.

                                         Tsu cxêik nhênhv-Đinh Tuấn, CQTT Tây Bắc

Muôx chôngz lênhx kruô chêix fuôx gox ndis uô si hâur niêv đêx đas Quỳnh Nhai

          Nhạc nền…….

          Qơư ndis uô si, sêiz shuôk têz qơưs hâur niêv pak đêx đas huyện Quỳnh Nhai, muôx ntâu qơư jông jav txơưr tsik siz thôngx thiêz zos iz thax tsav qơư nhoz faz Bắc muôx chôngz lênhx kruô tuôx ndis uô si, sêiz shuôk. Bùi Ngọc Phương nhoz Hà Nội tuôx ndis shuôk têz qơưs shir phaz lul hêik pâuz: “Cur tưz pâuz tâu thax tsav qơư ntơư jông jav thiêz hu xor tôngx hêik uô ntêx tênhv chiê tuôx ndis shuôk têz qơưs thiêx tâu qơư so. Tuôx trâu Quỳnh Nhai, tsôngv kruô sđ cux zuôr tâu chêix yêz gox ndis shuôk têx qơư jông jav hâur niêv pak đêx đas”

          Nhạc nền…….

          Tsôngv kruô tuôx trâu huyện Quỳnh Nhai, txơưv lênhx tưs cux tâu chêix yêz gox đêx ndis uô si, muk lok hâur niêv pak đêx tênhv tênhz; muk sêiz shuôk cxuô poz hiêr lox zâu đros trâu têx qơư jông jav hâur thax tsav. Zơưv Là Văn Phong, thơưx sêiz car công ty cxiv uô cxuô qơư ndis uô si huyện Quỳnh Nhai shir phaz lul hêik pâuz: “Pêz tưz tso tơưv cxuô luôs hâux lưv uô cov huv đros chiê chox tsôngv kruôs muk sêiz shuôk têx qơư jông jav txuôk đros huôv tsar truôx cxuô hêir nênhs têx txux chi, vênhx huôv jông, nthuôr uô cêr lov jêv, đhiê pax vuôs trâu tsôngv kruô sêiz”

          Nhạc nền…….

          Xav txix hnuz 29/4 txos nhiv no, huyện Quỳnh Nhai tưz muôx 2.500  ntâu lênhx kruô tuôx ndis uô si, sêiz shuôk têz qơưs thiêz cxuô qơư ndis uô si, qơư nox nhoz muk lok cux cxiv uô huv đros tsôngv kruô siêz nhiêv./.

                                                         Tsu cxêik nhênhv-Lê Hạnh