Yên Bái krêz uô cxuô luôs hâux lưv tsar ndê zos đrêiv chính phuv choz zok

          Uô Thủ tướng chính phuv li chox kriê ntơưv côngz tênhv số 137 hnuz 20/12/2024 thiêz côngz tênhv số 140 hnuz 27/12/2024 lok cxơưz tiês chuôz tsar kinh têr shông 2025, tiv zix zos qơư tsov txos chuôz tsar GDP shông 2025 siêz đuô 8% lơưr Chính phuv li Nghị quyết số 25, txix ciês hâur shôngk shông, UB tỉnh Yên bái tưz cxiv tsa tsưr ziv chuôz tsar kinh têr pov cov BCH Đảng bộ tỉnh thiêz HĐ tỉnh chiê tso tơưv têx nghị quyết chox kriê, seiz car.

          Tsưr ziv sir jos uô no tso pov tỉnh li tas nro cxix luôk chính trị sik côngv siêz chiê uô “Chox Yên Bái yênhx tỉnh huôv tsar jông lok shông 2025 thiêz nhoz hâur têx tỉnh huôv tsar xuz thơưx thax tsav trung du thiêz tox siêz faz Bắc lok shông 2030” lơưr chinhz yênhx Nghị quyết Đại hội Đảng bộ tỉnh jiês tiv 19, thôngx cxix paz trâu six cxiv 2025-2030. Yên Bái sir jos chuôz tsar kinh têr fênhx pheiz tax 10% ntâu iz shông. Zơưv Trần Thanh Chương, Phưv Giám đốc Sở tài chính tỉnh Yên Bái puz pâuz:

          “Tror uô tiêr cơ chế, chính sách, đề án taz por uô tiêr, thôngx ziv hâur ntu krêz uô. Huiz tôngv phênhv ntâu cxuô pênhr jos chiê yưv pênhr huôv tsar cơ sở cxuô zav, tiv zix zos zaoz thôngz, thax tsav công nghiệp thiêz niêv đrôngs. Hlôngr yiêz đuô nganhx kôngz nuv, jôngr nuv reik đros cxiv tsa nôngx cxênhz truôx tul. Hlôngr yiêz công nghiệp lơưr saz sei, truôx vênhs, muôx chêx cuk reik đros por vêv tênhx qơư. Cxơưz tiês huôv tsar muôv muôs, jix vuv, muôs tơưv têx nganhx tỉnh huôv tsar jông. Cxơưz tiês zaz zâuv yưv pênhr, hlôngr yiêz jông lok tênhx qơư yưv pênhr, muôv muôs”

          Lơưr UB tỉnh Yên Bái, đhâu 2 luz hlik hâur shôngk shông uô, iz cxiê chỉ tiêu uô tax jông lok sik siêz đuô pir đros tsêz no li: tas nro phênhv muôv muôs hax huv thiêz phênhv sâu jix vuv sir zôngv; kriê ju lix; tsiv grê muôs tơưv hax huv saz đrâuv têz qơưk, sâu nhiêx txiêx; pênhr yưv chiê huôv tsar...Zơưv Phạm Trung Lân, Phưv giám đốc Sở công thương tỉnh Yên Bái puz pâuz:

          “Đhâu seiz shuôk tas nro têx tsêr meir nhoz tas nro cxuô zav, pêz pov têx tsêr meir puôr lênhx ciêr chênhr huôx tôngv txix ciês đhâu thâuv nox tsiêz tas. Tiv oz zos ntâu dự án yưv pênhr tưz cxơưz tiês chiê huôx tôngv tsiv uô sei hâur shông no. Đhâu seiz shuôk cux pov muôx iz cxiê tsêr meir tưz chox têx công nghệ yiêz lok tsiv uô. No zos têx hlôngr yiêz lok six jông”.

          Hâur vênhv thix ju lix, pos Vũ Thị Mai Oanh, Phưv giám đốc Sở vênhx huôv, thiv thao thiêz ju lix tỉnh Yên Bái puz pâuz cux muôx 2 tsưr ziv tso tơưv. Tiv iz zos zaz zâuv tsôngv kruô ju lix 2 tsov jiês, hâur co kruô saz đrâuv têz qơưk zos 300 cxênhz jiês, tax phênhv sâu 1 cxênhz 700 tỷ đeiv. Tiv oz zos chuôz tsar ndê txos 2 số pir đros tsưr ziv zaz zâuv tsôngv kruô ju lix 2,3 tsov jiês; hâur co kruô sâuv ntiêx têz zos 330 cxênhz jiês, phênhv sâu tax 1 cxênhz 955 tỷ đeiv:

          “Chiê chuôz tsar tâu mak jix vuv ju lix muôx pưs txux zov chênhr, viv li pêz li tsưr ziv zos muôs trâu tsôngv kruô six hơưv thiêz têx muôx tsiv grê tiv zix. Viv li cơ sở cxuô zav thiêz vênhx huôv paz Yên Bái muôx cxaz têx zaz zâuv tsôngv kruô hâur thiêz sâuv ntiêx têz tuôx ndis seiz. Đros pox nhuôk li tsưr ziv uô ju lix tsôngv kruô zôngx ziv nriêr pâuz tâu vênhx huôv tiv phaz jông thâuv lơưr tuôx ndis seiz uô si”.

          Iz hâur têx tsưr ziv tâu tỉnh Yên Bái tsov cưv tiv zix hâur shông no zos chêx chôngk, tsov cưv cxuô pênhr jos khưx phưx têx trâus ruôr hiêv đhâu coz nas chuô số 3, cxiv kho thiêz huôv tsar KTXH, tsôngv box muôx luz nênhx jông. Txos nhiv no, đrâuv têx tsêr meir tsênhv cxơưz tiês tsiv uô, sâuv têx đras liêx trâus ntux nas ruôr hiêv, nhiv no tưz pov blêx thiêz poz cưk njuôz jông, njuôs pov iz shông yiêz tax tâu têx yênhx côngz, tsôngv px muôx luz nênhx tsâu sor./.

(Đinh Tuấn-Txâur vax cxeik nhênhv)

Đhâu kho đuô cxuô cơ quan, ndar txos hâu nov uô tâu truôx jông hâux lưv, huv đros

Phòng Cảnh sát zoz thôngz, Công an tỉnh Lai Châu, thâuv piz uô hâux lưv zar têis cik 3/3, tưz muôx lok six chôngz lênhx nênhs tuôs uô ntâuz ntơưr hlôngr đuô ntơưr tsar yêz. Chiê muôx tâu qơư uô hâux lưv trâu chor canr bôv, chiến sĩ đơưk kho têx hâux lưv paz trâu pêx xênhv, hâu nov taz viv tưz cuêz tênhv muôx phòng uô hâux lưv hành chính, tsês tas nro chor qar tsêr hâur yôngx iz chiê uô têx hâux lưv paz trâu pêx xênhv.

Lơưr chor nênhs tuôx uô têx ntâuz ntơưr li ntâuk gri, txơưv taz viv hlôngr đuô têx ntơưr zos taz viv yiêz, taz sik têx hâux lưv cux tâu kriz uô sêi. Canr bôv txêik jênhv têx ntâuz ntơưr cux sir jos hêik kriê, viv li tsuôk tas muôx 5 phênhz xưz cux uô tiêr lơưv.

Tix lâus Nguyễn Tiến Long, nhoz jok Mới, xar San Thàng, thành phố Lai Châu puz pâuz:

“Cur tuôx ntơưv no uô mak cux tsik njiz têx phiv liv tưs, lơưr cux uô tiz jông kriê thiêz uô lok six sêi. Ntâuz ntơưr mak cux uô zôngx ziv xưz, cux tsik muôx têx phiv liv tưs hlo, tsuôk muôx ntơưr njuôk đas jos, căn cước công dân phô tô, đros ntơưr tsar yêz phô tô thiêz gra đros chor ntâuz ntơưr chênhr tuôx xưz tâu lơưv. Muôx nhos 5 hnuz xưz mak tror gra tâu ntơưr tsar yêz lơưv”.

Uô lơưr hâux lưv ko đuô, ntov jông bôv mêir, Phòng Cảnh sát zoz thôngz, Công an tỉnh Lai Châu txêik jênhv 37 nênhs sêiz car, canr bôv, chiến sĩ. Biên chế canr bôv, chiến sĩ tâu chiê cxaz nzir trâu chor đôiv nghiệp vụ, tiv zix zos chor đôiv nghiệp vụ tâu yênhx lix yiêz chiê uô têx hâux lưv yiêz li Đôiv sêiz car thik tưr, hlôngr đuô têx ntơưr tsar yêz.

Thượng tá Nguyễn Thanh Tĩnh, Phưv trưởng phòng Cảnh sát zoz thôngz, Công an tỉnh Lai Châu puz pâuz, nhiv no têx ntâuz ntơưr, dữ liệu phần mềm, vax tsêr cxuô zav tsênhv tâu taz viv txêik jênhv txix Sở Zoz thôngz-Vận tải (Nhiv no zos Sở cxiv tsa). Taz viv zuôr sir jos tsik chiê uô phiv liv txos têx hâux lưv hlôngr đuô ntâuz ntơưr trâu pêx xênhv tiv hâux lưv choz zok:

“Hâur ntu hlôngr đuô thiêz txêik jênhv hâux lưv no, taz viv cux njiz têx phiv liv zos nhiv no vax tsêr cxuô zav thiêz têx chuôz zênhx cux tsik tâu txâuk thiêz canr bôv, chiến sĩ nhiv kruôr piz txêik jênhv uô cux tsik tau cơưv shâuv nzir lok hâux lưv no. Phòng Cảnh sát zoz thôngz zuôr hêik trâu Công an tỉnh muôx ntâuz ntơưr hêik Cục Cảnh sát zoz thôngz tror paz têx chuôz zênhx cux li cxuô kror tsênhv tsik tâu muôx txâuk; chiê paz uô tâu jông hâux lưv hlôngr đuô ntơưr tsar yêz; thiêz tiv zix zos hâur sêiz car thik tưr ntơưr tsar yêz mêir, yêz ô tô chiê phưx vưv trâu pêx xênhv”.

Tsênhv qơư Hành chính công tỉnh Lai Châu, hâur 3 luz hli hâur shôngk shông no 20 cơ quan muôx qơư txêik jênhv, uô muôx 11.000 ntâu têx ntâuz ntơưr hành chính. Đhâu kho đuô bôv mêir, tsênhv qơư nhiv no yuôr muôx 15 cơ quan muôx qơư paz trâu pêx xênhv huôx tôngv thiêz kriz uô 1.570 ntâuz ntơưr hành chính thiêz txix hâur shôngk shông txos nhiv no xav iz hnuz uô muôx 200 ntâu ntâuz ntơưr; chor nênhs uô têx hâux lưv paz trâu pêx xênhv ntơưv no cux uô hâux lưv li cxiê hnuz, tsik chiê têx hâux lưv no tsik tâu kriz uô. Zơưv Hoàng Huy Nam, Phưv Giám đốc Tsênhv qơư Hành chính công tỉnh Lai Châu puz pâuz:

“Txơưv iz cxiê sở, nganhx tâu chiê lok uô cê, yênhx lix yiêz, taz sik ntơưv tsênhv qơư hành chính công chor sở, nganhx cux txêik jênhv, uô têx ntâuz ntơưr hành chính trơưk cui tênhv. Chor nênhs uô hâux lưv ntơưv tsênhv qơư nhoz chor sở, nganhx cux tâu chiê uô hâux lưv li kuz. Đhâu thâuv Ủy ban tỉnh muôx cuêz tênhv quy định chor sở, nganhx li txơưx jênhv, jênhv vưv mak Tsênhv qơư zuôr hêik pâuz trâu Ủy ban hêik chor sở, nganhx qênhz shuôk đuô txơưx jênhv, jênhv vưv. Thiêz txix qênhz shuôk txơưx jênhv, jênhv vưv zuôr xav txos chor nênhs chiê uô hâux lưv ntơưv tsênhv qơư no”.

Sir jos uô têx hâux lưv đhâu txêik jênhv têx hâux lưv yiêz tiv chiê têx qơư uô hâux lưv lok uô cê, choz zok cux tsênhv tâu chor cơ quan, taz viv sâuv thax tsav tỉnh Lai Châu kriz uô jông. Txơưv njiz tsik tsơưs têx phiv liv, taz sik têx hlôngr yiêz hâur côngz xưv tsưr tsix, sir zôngv công nghệ thiêz hlôngr đuô têx ntâuz ntơưr hành chính tưz muôx ntâu kror uô tâu jông, paz gra siêz tsơưr lươngv phưx vưv trâu pêx xênhv. Hâux lưv ntov jông bôv mêir, hlôngr yiêz tsưr ziv uô hâux lưv tưz thiêz tsênhv paz muôx tâu tênhv qơư uô hâux lưv jông, ndar txos zos têx chinhr quyền uô hâux lưv tâu tsênhz mênhx, ndax ndênhk, truôx jông đuô trâu hâur ntu zuôr txos./.

Khắc Kiên-Lik Thox cxêik nhênhv