Lào Cai: Taz por lox tôngv-tsuv uô truôx jông luôs hâux lưv tso tơưv

Iz côngz tênhv, iz ntâuz ntơưr canhv pov, chuôz tsar đros Chủ tịch UB tỉnh Lào Cai ntâu njiêz luv chox kriê tưz tâu tso tơưv hâur iz ciêz đhâu lok no.

          Ciês thâuv co, ntâu nganhx, taz viv muôx lênhx coaz tưz sik côngv uô, txu grês txiêz nanv lox tôngv, tiv zix zos têx txuz hâux lưv zov chênhr khênhr muôx yưv hâur công nghiệp-cxiv tsa.

          Lơưr zơưv Phí Công Hoan, Giám đốc Sở cxiv tsa tỉnh Lào Cai, đrâuv hâux lưv qênhz yuôx, phax tar, yưr lir têx hâux lưv uô cxâuv, Sở cux tsênhv chêx chôngk seiz shuôk têx cui tênhv hâur uô hâux lưv cxiv tsa chiê taz por hâur iz ntu ntêr: “Taz por lox tôngv sâuv công trường mak cxix luôk ntâuz ntơưr tưz muôx cxix cxuô. Taz sik, đhâu thâuv uô côngz tsinhx, zuôr muôx têx tsi tâu huv đros viv li tsuv seiz shuôk uô ntêx, zos muôx tul tsi tsi tâu huv đros mak tsuv pov cov thix ziv. Tiv oz, đros têx côngz tsinhx tsênhv krêz uô cux tsuv seiz shuôk, ntâuk grê đuô côngz xưv taz por lox tôngv, zos tsi tâu taz por mak tsuv muôx tsưr ziv car chêx”.

          Yuôr lơưr zơưv Vương Trinh Quốc, Tsar Ban seiz car qơư kinh têr tỉnh, hâur Lào Cai li 3 thax tsav công nghiệp nhiv no muôx 130 ntâu dự án tsênhv huôx tôngv, 8 dự án tsênhv yưv pênhr cxiv tsa, nênhs lox tôngv muôx zuôr xar yênhx châuv cxênhz lênhx. Chiê tsiv uô taz por tsuv muôx tas nro têx tos muôx lênhx coaz sik côngv đros uô: “Tsuv muôz siêz tas nro têx tos li txơưx jênhv, txix tsưr yưv pênhr txos tsưr thâux, heik kriê, seiz car, têx chiz coaz seiz car têz qơưk. Nênhs lox tôngv cux tsuv muôz siêz siêz xar, tsi zos hâu nov heik uô tul tsi zuk cux uô. Pov tênhx qơư lox tôngv tsi taz por mak zuk muôx qênhx tsi uô viv njuôs xav uô hiêv txos txox siê”.

          Lơưr pos Nguyễn Thị Hồng Minh, Phưv giám đốc Sở lox tôngv- thương binh thiêz xã hội tỉnh Lào Cai, đrâuv iz pưv phênhv doanh nghiệp lox, phênhv ntâu Lào Cai li têx doanh nghiệp puôr lênhx tsi lox. Hâur co lơưr cui tênhv, doanh nghiệp sir zôngv txix 10 lênhx nênhs lox tôngv ndê muk thiêx li đăng cir nội quy lox tôngv, đros têx njiêz luv zuôr trâus lok six hơưv uô hâux lưv, six hơưv so, tsưr ziv taz por lox tôngv, vêv xênhz lox tôngv…No cux zos tiv phaz li phêv liv, viv li nganhx lox tôngv đrâuv cxơưz cxiz têx doanh nghiệp đăng cir nội quy chiê muôz siêz nênhs lox tôngv cux xưk li nênhs sir zôngv lox tôngv li txơưx jênhv; cux tsuv sik côgnv đros têx nganhx muôx lênhx coaz qênhz yuôx, ntâuk grê, yax mông, vênh tôngv chiê cxênhx txuôk six hơưv, tsi uô phêv liv trâu doanh nghiệp thiêz uô hâux lưv muôx chêx cuk đuô: “Đros iz cxiê njiêz luv zos muôx ntâu nganhx sik đros uô iz jiês mak zuôr paz doanh nghiệp pâuz tas têx vênhv thix lơưr Chei cui tênhv, txix co paz doanh nghiệp uô jông đuô cux xưk li chuôz tsar chêx cuk taz por vêv xênhz lox tôngv, phax tar txiêz nanv hâux lưv uô”

          Tsênhz mênhx tso pov, đhâu ntâu jiês yax mông, kriê cxaz, phuôx tôngv tưr thik, phênhv ntâu têx doanh nghiệp nhoz Lào Cai tưz uô jông cui tênhv lok taz por lox tôngv. Taz sik, tsênhv muôx ntâu luôk hâux lưv tsi jông muôx yưv. Txix hâur shôngk shông txos nhiv no, tas nro tỉnh tưz muôx 15 txuz txiêz nanv lox tôngv  uô 20 ntâu lênhx nênhs tuôs thiêz trâus saz.

          Tsi taz ruôr hiêv lok lênhx nênhs, chiê txu grês têx phêv liv trâu chuôz zis, xã hội, têx dự án chiê muôx yưv txiêz nanv zov chênhr mak tsuv tso tsês tsi puz tror huôx tôngv chiê qênhz yuôx, yưr lir uô zênhr shar txos hâux lưv huôv tsar cxuô.

          Viv li, txơưx jênhv taz por, vêv xênhz lox tôngv lơưr Ban chấp hành TW Đảng khóa 13 li Chỉ thị 31 thiêz tỉnh ủy Lào Cai li tsaz yênhx huôx tôngv chiê uô CHỉ thị no tsuv tror muôz siêz đuô thiêz, sâuv chinhz yênhx “yax six, lêx ntêr”, txix co gôngr phênhv coaz tsôngv cxơưz tiês kinh têr, xã hội, taz por txiv ngaz lênhx nênhs, huôv tsar truôx vênhs doanh nghiệp thiêz têz qơưk./.

An Kiên-Txâur Vax cxeik nhênhv

Uô lơưr têz qơưk chei paz nhiêx so lâul trâu chor nênhs hnuz nhôngs siêz txix hnuz xiêz 01/7/2025

Iz chas co, ntơưv Côx hôiv khóa 15, Chei BHXH sôr 41/2024 li khoản 1 Grê 6 heik mênhx lok têz qơưk iz hâur têx tsênhv chei trâu BHXH zos cxiv tsa cxix luôs BHXH huv đros huôv tsar kinh tế-xã hội chiê chôngz lênhx ntâu tus pêx xênhv tâu sơưv têx chei paz, ntơư zos:

-Paz nhiêx lâul trâu têx lênhx lâul nênhs muôx hnuz nhôngs siêz tsi muôx nhiêx hli so lâul;

-BHXH tsuv zuôr;

-BHXH txưv zênhv;

-Bảo hiểm so lâul cxaz nzir .

Tsênhv tsênhz, Chei BHXH 2024 tưz cxaz nzir yôngx 3 lok paz têx nhiêx li heik sâuv. Ntơưv Grê 21 yôngx no cui tinhv lênhx nênhs thiêz hnuz nhôngs, ntâuz ntơưr tâu sơưv têx nhiêx paz li đrav kaz:

-Nênhs Việt Nam hnuz nhôngs txix 75 shông tror zar sâuv, tsi muôx nhiêx hli so lâul lok sik nhiêx paz BHXH lơưr Chính phủ cui tinhv.

-Lok sik nênhs Việt Nam txưv txix 70-75 shông, zos chuôz zis pluôs, chuôz zis zuôr xar pluôs tsi muôx nhiêx hli so lâul lok sik nhiêx paz BHXH niêx hli (yưx têx lênhx nênhs txơưr đuô lơưr Chính phủ cui tinhv) thiêz muôx ntâuz ntơưr heik tâu sơưv têz qơưk têx nhiêx paz.

-Têz qơưk nhiêx paz hâur yênhx hli tâu Chính phủ cui tinhv huv đros huôv tsar kinh tế xã hội tsênhv tsênhz thiêz têz qơưk muôz nhiêx hâur yênhx ntu.

-Quyết định paz nzir trâu lênhx nênhs tâu sơưv têz qơưk têx nhiêx paz zuôr zos HĐND muôx chei, vax huôv iz zav li ntơư quyết định, seiz lok kinh tế xã hội, têx nhiêx txiêx thiêz hu zâuv sơưr đơưk hâur xã hội paz tâu li chas.

-Lênhx nênhs tâu sơưv têz qơưk têx nhiêx heik sâuv tâu paz thêv BHYT thiêz lênhk nhav paz nhiêx uô đaz uô kruô thâuv tâu tas siv nênhx lơưr chei têz qơưk cui tinhv lok nênhs lâul hnuz nhôngs siêz./.

Thanh Thủy-Riê Lâux cxeik, nhênhv