Tuôr truôx, por hưv tsês qơư di tích ntâuk trol châuz Điện Biên Phủ: zos cxênhx hluôk nhiv no luôs hâux lưv tsuv uô cov tâu truôx

         Nhạc nền giải phóng Điện Biên…

       Têx hnuz hâur hli 5 lịch sử, ntâu kruô nhoz luôs 2 chas thax tsav khênhr siz zâuv tuôx trâu TP Điện Biên Phủ chiê ndis shuôs qơư tsav trol thâuv ntêx, hâur co muôx lok six ntâu lênhx zos chor tuz lênhv lâul. Thâuv tuôx txos qơư tir ntâuk trol châuz Điện Biên Phủ, lơưr xar cov zuk tror tâu uô nênhx nhoz trâu ntu thâuv co, sik đros tir ntâuk trol châuz, uô kênhs tas ntiêx têz, luôs 2 chas thax tsav pâuz txos shông 1954. Lênhx tuz lênhv lâul Mai Xuân Hiếm, nhoz TP Hải Phòng tuôx sêiz shuôk thax tsav qơư co heik pâuz: “Jiês tiv 3 cur tuôx seiz shuôs qơư tsav trol châuz Điện Biên Phủ thiêz cux tsênhv ndo njôngr txos têx lênhx zênhz shôngx, chor tuz lênhv Việt Nam sir jos tir ntâuk trol châuz viv têz qơưk, viv tsôngv lax pêx xênhv. Suôv qơư no muôx lok six ntâu lênhx nênhs, tuz lênhv tâu tas siv nênhx viv tsưx phưv têz qơưk, pêz sơưr đơưk tsuv ndo njôngr txos lơưr têx côngz đas jos, txiêx njis lox co”.

        Zuôr xar 70 shông đhâu, têx qơư tsav trol châuz Điện Biên Phủ, nhiv no cux tsênhv muôx liv jông thiêz zov chênhr hâur cxiz tỉnh Điện Biên huôv tsar ju lix. Đros trâu têx hlôngr yiêz lok huôv tsar ju lix lịch sử nhoz Điện Biên nhiv no ziv jông đuô chiê hu zâuv tsôngv kruô sơưr đơưk tuôx ndis shuôs uô si.

        Iz zav li hâur têx hnuz so 30/4 thiêz xiêz 01/5 nhiv kruôr đhâu, tỉnh Điện Biên tưz tok muôx 76 cxênhz ntâu lênhx kruô tuôx ndis seiz uô si, tsar ndê 16% pir li shông uô ntêx, xav hur si phênhv sâu tâu txix ju lix tax 139 tyv đeiv ntâu. Ciês 3 luz hlik hâur shôngk shông no, njuôk xav chor kruô tuôx ndis shuôs ntux uô si txos Điện Biên cux tax 300 cxênhz ntâu lênhx, tsar ndê xar bâuv 10 bâus pir li shông uô ntêx, xav hur si phênhv sâu tâu txix hâux lưv ju lix tax 525 tyv đeiv ntâu (tsar ndê 11 jiês pir li shông uô ntêx). Zơưv Bùi Công Lát, nhoz tỉnh Lào Cai tuôx ndis shuôs têz qơưk uô si heik pâuz: “Cur zos nênhs Việt Nam, uô nênhx nhoz hâur Việt Nam, nhênhv têx lịch sử lok six ntâu đhâu ntơưr pov tsir lơưv, taz sik hnuz no thiêx tâu tuôx txos nor. Cur pov cxuô tsar zav lok six jông, chor lâul, tuz lênhv thâuv ntêx lơưr muôx tsưr ziv jông cơưk tir ntâuk trol châuz. Khav tinhv, thâuv tuôx txos têx qơư di tích lịch sử nhoz Điện Biên Phủ no zuôr zos qơư chiê choz kriê cxênhx hluôk pâuz lok chor lâul thâuv ntêx têx cêr txov, cêr tir ntâuk trol châuz”.

        Nhạc nền giải phóng Điện Biên…..

       Zơưv Lê Thành Đô, Chủ tịch Ủy ban tỉnh Điện Biên heik pâuz: Qơư Di tích tir ntâuk trol châu Điện Biên Phủ thâuv tưs tưz tâu seiz zos tuz lênhv thiêz tsôngv pêx xênhv tỉnh Điện Biên li di sản jông. Đêx anr por hưv, cxiv kho thiêz tuôr tsês têx jông ntơưv qơư tsav trol Điện Biên Phủ txos shông 2030, tâu tas nro cxix luôs chính trị sir jos uô, chiê cxiv tsa Điện Biên yênhx tsênhv qơư ju lix hâur thax tsav Tây Bắc.

       Nhiv no luôs hâux lưv yax kriê tâu hâu nov ntơưv qơư sir jos fuô uô thôngz đhâu ntâu nuv, xor xưv chiê chôngz lênhx ntâu tus kruô tuôx Điện Biên pâuz tsênhz thiêz jông lok têx qơư tir tsav ntâuk zênhx trol châuz Điện Biên Phủ “uô kênhs gơưk ntiêx têz, luôs 2 chas thax tsav pâuz txos”. Viv tỉnh xav tinhv, uô luôs hâux lưv por hưv, cxiv kho têx qơư di tích tir ntâuk trol châuz Điện Biên Phủ cux chênhr zos tsưr ziv uô chiê phuôx huiz têx muôx jông ntơưv qơư huôv tsar ju lix: “Chiê cxiz por hưv thiêz tuôr tsês qơư tsav trol Điện Biên Phủ li têx tsiv grê jông phưx vưv huôv tsar ju lix, tỉnh Điện Biên tưz thiêz tsênhv uô đêx anr por hưv, tuôr tsês têx qơư di tích lịch sử Điện Biên Phủ thôngz đhâu hu zâuv têx pênhr jos txix nhiêx txiêx têz qơưk, sơưr đơưk têx sik đros gôngr paz chiê cxiv kho têx qơư co, cê tâu choz kriê trâu cxênhx tuz nhuôs  cêr uô nênhx, nhiêv têz qơưk, cê muôx têx xiv huv ju lix lịch sử jông hu zâuv tsôngv kruô tuôx ndis shuôs uô si txos Điện Biên”./.

                                                 (Vũ Lợi-Riê Lâux cxeik, nhênhv)