Kho đuô cêr thâuv tros châuz tso bôngk ntâu lok ruôr hiêv-Zos chor hluôk nênhs uô ntêx hlo thâuv ntêx Điện Biên Phủ li kror ndo njôngr tsik plox

Hnuz nhôngs xar muôx 90 shông, 60 shông nhoz hâur Đảng, taz sik zơưv Thái Hữu Hoành, nhoz ntơưv tôv 11, phường Quyết Thắng, TP Sơn La, tỉnh Sơn La cux tsênhv ndo njôngr txos ntu thâuv zuk cxaz chuôz chor hluôk nênhs uô ntêx hlo thâuv ntêx phưx vưv trâu tir ntâuk tros châuz ntơưv Điện Biên Phủ: “Cur hmôngr jông tâu Đoanx hluôk nênhs chơưv paz têz qơưk, Chi hôiv Nông hôiv thiêz Ủy ban ntâuk tros châuz xar xêir tsov chiê muk chor hluôk nênhs uô ntêx hlo thâuv ntêx cxaz chuôz ntâuk tros châuz. Hnuz 5/1/1954 tâu Ủy ban tso chêi muk uô tuz lênhv. Hnuz tov kaz 6/1 mak tâu thênhv siêz hêik pâuz têx hâux lưv uô thiêz tâu phêiz chor hluôk nênhs thâuv co têx tsôngk yo chiê tok txos tsâuk ntux mak piz sơưr cêr muk uô hâux lưv”.

Đhâu 13 hnuz hmo muk txix ntơưv qơư nhoz huyện Yên Thành, tỉnh Nghệ An, txos huyện Yên Châu (Sơn La), zơưv đros sơưr đơưk hâur taz viv tâu chêi nhoz so thiêz uô jênhv vưv zos paz trâu cêr muk lok tâu thôngz ntơưv tuk qox Tà Vài-tuk qox hlâu ntêr muôx 60 thiêr, hla đhâu đêx Tà Vài, nhoz txox cêr 41 ntơưv cêik cêr 278+200. Ntơưv no mak phiv liv, iz saz zos trôngz siêz, iz saz zos đêx lox. Txix thax tsav IV, thax tsav III-Hòa Bình, Mộc Châu tuôx muk txos trâu qơư ntâuk tros châuz Điện Biên, ô tô, bôv đôiv, dân công puôr lênhx tsuv muk đhâu ntơưv no. Viv li, tros châuz tưz muôx tsưr ziv tir thêir pêz chor quân ntơưv kror qơư no: “Đhâu thâuv nriêr pâuz tâu lơưv mak tros châuz tso bôngk pôngz lok, ruôr hiêv tas hur si, qox muk lok tsik tâu. Pêz hâux lưv thâuv co zos txiêr shông uô fuôx chiê thâux dân công thiêz yêz ô tô muk cov đhâu tâu đêx. Thâuv tros châuz ruôr hiêv, txos hmo ntux pêz chor hluôk nênhs ho tror kho đuô chiê têis cik tov kaz yêz thiêz nênhs tror muk lok tâu đhâu, taz sik txos 8-9 six zar têis cik tros châuz ho tror tuôx tso bôngk Na pan, tuô fov lox ruôr hiêv tas têx qơư co hur si”.

Đrâuv kror hâux lưv chênhr ntơưv Tà Vài, thâuv tâu hêik cov muk paz trâu ntu cêr siz yuôv Ngã ba Cò Nòi, qơư trâus tros châuz tso ntâu bôngk lok ruôr hiêv thâuv co, viv no zos qơư zov chênhr nhoz txox cêr 41 (nhiv no zos txox cêr lox 6) txix Hà Nội tuôx thiêz txix txox cêr 13 (nhiv no zos txox cêr 37) txix Yên Bái thiêz têx tỉnh Đông Bắc tuôx. Chiê tir thêir pêz li têx paz trâu qơư ntâuk tros châuz Điện Biên Phủ ciês ntơưv kror qơư zov chênhr no, tros châuz tưz sir jos ruôr hiêv. Njuôk xav, 13 phênhz tros châuz ho tror tso bôngk pôngz lok ruôr hiêv iz jiês; muôx hnuz, lơưr tso pôngz lok muôx 300 luz bôngk cxuô zav thiêz muôx jiês tros châuz ruôr hiêv txix 2-3 ciêz tsik so, tso ntâu zav bôngk pôngz lok hâur iz jiês chiê uô hiêv txos pêz chor nênhs thiêz ruôr hiêv pêz chor cêr. Taz sik, pêz chor lưx lươngv hluôk nênhs uô ntêx hlo thâuv ntêx cux sir jos tir tar, nhoz truôx ntơưv no chiê uô cêr, kho cêr. Tros châuz ruôr hiêv mak pêz ho tror kho đuô, paz trâu ntu cêr no thâuv tưs cux muk lok tâu thôngz. Kuz hluôk nênhs uô ntêx hlo thâuv ntêx Thái Hữu Hoành tror ndo txos: “Txix ntơưv pêz muk trâu Ngã ba Cò Nòi zos 22 cêik cêr. Muk txos thiêx pov tiêk tros châuz ruôr hiêv yênhx hnuz tsik pâuz pêk tsơưs jiês, tas jiês no ho tror muôs jiês ruôr hiêv nzir, tror châuz ruôr hiêv tsik so; uô hiêv têx cêr txos cxuô kror tas hur si; ruôr hiêv poz vâu pêv trôngz lok, saz đrar mak cuz hnhiêz tas hur si. Pêz tuôx txos ho njêis yêv têx shôngz ntông, kho cêr trâu yêz ô tô thiêz dân công muk lok đhâu”.

70 shông đhâu muk, qox Tà Vài uô txix kuôr hlâu thâuv ntêr nhiv no tưz tâu hlôngr đuô txix tuk qox xi măng đar muôx 5 thiêr, ntêr xar muôx 100 thiêr lox đar nhoz txox cêr lox 6 tâu uô ndax thiêz kriz đar đuô; Ngã ba Cò Nòi đros muôx qơư txi côngv chor liệt sĩ Hluôk nênhs uô ntêx hlo thâuv ntêx tâu yưv pênhr, cxiv tsa thiêz tâu côngz jênhv cấp têz qơưk tưz zos yênhx kror qơư chiê zoz zux, yax kriê cách mạng trâu cxênhx hluôk. Zơưv Vũ Xuân Hải, Chủ tịch Hôiv Hluôk nênhs uô ntêx hlo thâuv ntêx tỉnh Sơn La puz pâuz: “Pêz muôx tsaz yênhx đros Đoanx hluôk nênhs cộng sản Hồ Chí Minh, têx hnuz 27/7 lok sik têx hnuz chax chês, pêz puôr lênhx tsưr tsix hu chor kuz hluôk nênhs uô ntêx hlo thâuv ntêx tir ntâuk tros châuz Pháp tuôx thiêz hu chor hluôk nênhs tuôx sik đros mnôngs lơưr thav pêv txos pêz quân thiêz pêx xênhv cux li chor kuz hluôk nênhs uô ntêx hlo thâuv ntêx li têx phiv liv, pôngz plox lox hâur ntu tir ntâuk tros châuz chiê kruôz kriê lok chax chês trâu cxênhx hluôk”./.

Thu Thùy-Lik Thox cxêik nhênhv