Yên Bái sir jos muôz Chêi Căn cước lok uô hâur luz nênhx

Chiê muôz Chêi Căn cước lok kriz uô hâur luz nênhx tâu sêi thiêz truôx jông, Công an tỉnh Yên Bái tưz chox kriê têx taz viv thiêz Công an têx huyện, thị xar, thành phố sir jos uô côngz xưv yax kriê lok tsưr ziv, tsiv gri, tsênhv njiêz, têx kror yiêz hâur Chêi Căn cước li: Ntơưr căn cước tâu cungz uô ntêx hnuz Chêi Căn cước tâu uô trơưk (zos uô ntêx hnuz 1/7/2024) muôx tsiv gri sir zôngv txos thâuv tas six hơưv sâu sâuv ntơưr căn cước công dân, đhâu tas six hơưv sir zôngv mak uô đuô ntơưr căn cước trơưk Chêi; sơưr đơưk cux zuôr tâu hlôngr đuô ntơưr căn cước zos muôx zoz qơưx; chứng minh nhân dân tsênhv yuôr six hơưv sir zôngv đhâu hnuz 31/12 shông no tsuôk tâu sir zôngv txos tas shông 2024… hâux lưv yax kriê tâu kriz uô sâuv têx chuôz zênhx thôngz xor mông, têx ntâuz ntơưr, zalo chiê pêx xênhv zôngx ziv pâuz tâu.

Đros trâu yax kriê, lưx lươngv Công an tỉnh Yên Bái tưz sik đros tsưr tsix uô ntơưr căn cước trâu pêx xênhv.

Ntơưv Tsênhv qơư phưx vưv hành chính công tỉnh Yên Bái, ciês hâur têx hnuz xuz thơưx Chêi Căn cước tâu uô trơưk, chôngz lênhx nênhs tưz tuôx uô ntâuz ntơưr chiê uô căn cước. Muôx nênhs tuôx uô đuô tiv ntơưr căn cước tưz tas six hơưv sir zôngv, cux muôx tsik tsơưs nênhs hlôngr đuô ntơưr căn cước công dân trâu căn cước, viv xar tiêk ntơưr căn cước yiêz zuôr paz muôx tâu cxix cxuô têx qênhx liv đuô. Tix lâus Hà Chí Thanh, nhoz jok Tiền Phong, xar Giới Phiên, thành phố Yên Bái puz pâuz:

“Hnuz no cur tuôx ntơưv no chiê uô ntơưr căn cước viv cur đêiv ntơưr căn cước công dân tưz tas six hơưv sir zôngv. Cur pov cxuô kror tâu kruôz kriê jông, tsik njiz phiv liv li chak hlo”.

Lơưr Chêi căn cước shông 2023, Chor nênhs Việt Nam txix txưv 14 shông tror sâur tsuv uô ntâuz ntơưr chiê uô căn cước; chor nênhs tsik tâu muôx 14 shông mak uô ntâuz ntơưr chiê uô căn cước trơưk siêz nhiêv.

Niêv tix Nông Thị Linh, nhoz tôv 8, phường Minh Tân, thành phố Yên Bái hêik, đhâu yax kriê niêv tix pâuz tâu lơưr Chêi yiêz zuôr uô ntơưr căn cước trâu tas nro chor nhuôs txix 0 txos 6 shông, viv li niêv tix tưz chox mê nhuôv tuôx uô.

“Đhâu tâu công an thành phố yax kriê cur tưz chox mê nhuôv tuôx uô ntơưr căn cước, muôx căn cước lơưv tov ntêx no mê nhuôv muk cơưv ntơưr, muk du lịch lok sik muk njuôk kho moz… zuôr zôngx ziv đuô, tsik thav gra đros ntâu têx ntâuz ntơưr”.

Hâur ntu txêik jênhv thiêz uô têx ntâuz ntơưr, pov tâu tiêk kriz uô ntơưr căn cước trâu chor nênhs txix txưv 14 shông tror sâur cux tâu uô li kuz, đrâuv hlôngr đuô bê Căn cước công dân yênhx ntơưr Căn cước. Muôx iz cxiê kror yiêz hâur ntu txêik jênhv têx ntâuz ntơưr co zos nriêr pâuz xor mông sinh trắc học đhâu kror muôs thiêz uô ntơưr căn cước trâu chor nênhs tsik tâu muôx 14 shông.

Chiê paz zôngx ziv trâu pêx xênhv thâuv tuôx uô ntâuz ntơưr, Phòng Cảnh sát sêiz car hành chính lok ngaz tuk xar hôiv Công an tỉnh Yên Bái tưz bax têx mêir, chuôz zênhx, tso nzir canr bôv, chiến sĩ paz uô hâux lưv no, kriê trâu pêx xênhv uô trơưk têx tsưr ziv hâur uô ntơưr chiê uô căn cước. Iz cxiê kror cux tâu kriê chiê hêik pâuz xor mông online sâuv ứng dựng VneID, viv li six hơưv kriz uô têx ntâuz ntơưr chiê uô căn cước tsuôk tas txix 10 txos 15 phênhz. Niêv tix Hà Thị Hoài, nhoz huyện Trấn Yên hêik pâuz:

“Nhiv no muôx kror yiêz zos xav jênhv txix kror muôs, hâur ntu xav jênhv txix kror muôs mak tâu chor Công an uô jông kriê viv li cux uô zôngx ziv thiêz sêi”.

Đros zos lưx lươngv chênhr, Công an Yên Bái zuôr tror sir jos yax kriê chiê tas nro pêx xênhv pâuz tâu kror liv hâur Chêi Căn cước yiêz nhiv kruôr tâu uô trơưk, tiv zix zos chor nênhs txix 14 shông tror hâur-zos chor nênhs tsik tâu zuôv tsuv uô căn cước.

Thượng tá Lê Văn Hiền, Phưv trưởng phòng Cảnh sát Sêiz car hành chính lok ngaz tuk xar hôiv, Công an tỉnh Yên Bái puz pâuz:

“Taz viv tror sik côngv đros chor cơ quan, taz viv cik txos chiê hêik pâuz, chox kriê chor sở, nganhx, Ủy ban têx huyện, thị xar, thành phố tror sir jos uô côngz xưv yax kriê, Chox kriê Công an ntơưv têx thax tsav qơư kho đuô têx xor mông lok pêx xênhv, paz muôx tâu têx xor mông huv zos, tsênhz mênhx paz trâu hâux lưv uô căn cước”.

Đros sir jos kriz uô lơưr Chêi Căn cước 2023, đhâu zuôr xar 10 hnuz tưz muôx chor nênhs nhoz Yên Bái uô tâu têx ntơưr căn cước yiêz. Đhâu co paz uô tâu jông hâur côngz xưv hlôngr yiêz sêiz car pêx xênhv, paz uô tâu jông qênhx lênhx nênhs, qênhx pêx xênhv; paz trâu hlôngr yiêz sôr, cxiv tsa chinhr quyền, xar hôiv sôr tỉnh Yên Bái./.

Thừa Xuân-Lik Thox cxêik nhênhv