Tsôngv pêx xênhv tox siêz Sơn La tsơưs uô nênhz chiê muk seiz njuôk shuôs moz trâu qơư y tế

Zơưv Đruôl Xênhv Hơưx, Chủ tịch Ủy ban xã Hang Chú, huyện Bắc Yên, tỉnh Sơn La shir phaz heik pâuz: Đảng, têz qơưk tưz muôx ntâu tsênhv chei tsês trâu thax tsav tsôngv box heir nênhs tsơưs, tox siêz đêz đrôngs, hâur co muôx tsênhv chei paz tsoz phưz đas jos trâu pêx xênhv. Đros trâu têx li heik co zos cxuô cấp hâu nov ntơưv qơư, đoanx thêv sik đros yax kriê, vênhv tôngv, viv li nhiv no tsôngv box tox siêz hâur xã phênhv ntâu tưz tso tsês tâu têx cêr nênhx pôngz kaz lok sâuv nox yôngz cok, uô đaz uô kruô, lar heik zos thâuv muôx moz gênhk sơưr đơưk tưz muk seiz njuôk shuôs moz trâu têx qơư y tế, tsi chiê nhoz hâur tsêr uô nênhz: “Niêx shông xã tsưr tsix yax kriê đros têz qơưk têx cui tinhv, hâur co yax kriê tsưx phưv truôx tuk đas jos, xênhz zus mê nhuôv trơưk li fuô kriê. Vênhv tôngv, heik pêx xênhv muk seiz njuôk shuôs đas jos trâu têx qơư y tế thâuv muôx moz gênhk. Choz qơư y tế hâur xã tsi so muk têx jêx jok 3 luz hlik lok sik 6 luz hlik iz jiês chiê yax kriê thiêz cxax yuôx phax phôngz moz gênhk trâu pêx xênhv”.

Tâu yax mông thiêz kriê tsênhv tsênhz, ntâu lênhx pêx xênhv nhoz thax tsav tsôngv box heir nênhs tsơưs hâur thax tsav tỉnh Sơn La thâuv tưs muôx moz gênhk cux chox muk seiz njuôk shuôs, kho moz trâu tsêr kho moz.

Trâul moz tâuz hâu zuôr xar iz shông lok no, pos Txiêz Xênhv Vưx nhoz xã Co Tòng, huyện Thuận Châu, tỉnh Sơn La tâu  chuôz zis chox muk chơưv kho trâu ntâu tsêr kho moz thiêz uô ntâu thax nênhz seiz cux tsik jông. Pâuz tâu chor tsêr kho moz Sơn La, tsêr kho moz yuôx đrox njuôz Sơn La muôx tsưr ziv chơưv kho tâu jông ntâu zav moz gênhk, ntơư zos cê cxax yuôx, muôz yuôx nox, cê zôngv yuôx đrox njuôz, juôx têx lênhs tâuz hâu, chuôz zis tưz chox pos tuôx kho, nhiv no pos Txiêz tus moz tưz jông jux juk.

Tix lâus Hlâu Xênhv Muôk, nhoz xã Chiềng Hặc, huyện Yên Châu, tỉnh Sơn La trâul moz tuôs iz saz chêr muk lok tsi tâu, viv thâuv uô ntêx co tix lâus muk uô têz, tsuôs yuôx tuô đrox tir yar cuz, đhâu tsuôs yuôx tuô đrox tas lok txos tsêr, đa đêx txiêk uô têx sâur nyar trâul cxơưs thiêz tơưs. Tâu yax kriê vênhv tôngv, tix lâus thiêz chuôz zis cux pâuz tsênhz: Taz sik, chuôz zis cux tsênhv muk seiz zêis, uô nênhz, tix lâus Hlâu tus moz cux tsik jông, đhâu co chuôz zis thiêx chox tix lâus Hlâu tuôx chơưv kho trâu tsêr kho moz yuôx đrox njuôz Sơn La. Nhiv no tix lâus tus moz tưz jông mê njik, muk lol tâu. Tix lâus Hlâu Xênhv Muôk shir phaz heik.

Viv iz cxiê pêx xênhv hêir nênhs tsơưs nhoz thax tsav tox siêz, đêz đrôngl txux chi kik, tsênhv tso tsik tâu tsês têx cêr nênhx pôngz kaz, muôx moz gênhk, tsênhv muk sêiz zêis, uô nênhz kho, tus moz cux tsik jông, uô tuôr xuôv tas ntâu nhiêx txiêx; thâuv tưs moz hnhar li chox muk chơưv kho trâu tsêr kho moz.

Pir li tsêiz no, ciês ntơưv xã Hang Chú, huyện Bắc Yên, tỉnh Sơn La, tưz muôx iz tus niêv tsêr xênhz zus mê nhuôv hâur tsêr, zus tsi tâu uô tus mê nhuôv tuôs hâur lênhx niêv chêr. Thiêz ntơưv xã Làng Chếu, Bắc Yên muôx nênhs moz, chuôz zis cux chiê nhoz hâur tsêr ntêr hnuz, sêiz zêis, uô nênhz kho, tus nênhs co kror moz cux tsik jông, thâuv moz hnhar thiêx chox tuôx chơưv kho trâu tsêr kho moz, taz sik thâuv tưz moz hnhar co, tsêr kho moz cux chơưv tsik tâu. Tix lâus Nhiêx Xênhv Thox, canr bôv y tế xã Làng Chếu, huyện Bắc Yên heik pâuz nzir: “Muôx moz gênhk, xênhz zus mê nhuôv pêx xênhv cux tsênhv seiz zêis, uô nênhz kho, chiê nưk nhoz nưk hâur tsêr thiêz muk zuôr yuôx nox, zok nriêr yuôx đrox njuôz hâuk... thâuv tưs tsi jông, moz hnhar li chox muk tsêr kho moz, thâuv co tưz lis chơưv kho tsi tâu. Muôx kênh lênhx muk txos tsêr kho moz, taz sik lơưr tsi nhav kho, nhiv no hâur thax tsav cux tsênhv muôx têx li heik sâuv”.

Bác sĩ Bùi Văn Tuấn, Tsar khoa ngoại tổng hợp, tsêr kho moz yuôx đrox njuôz tỉnh Sơn La heik: “Tsôngv px nhoz tox siêz đêz đrôngs thâuv tưs muôx moz gênhk, lơưr khênhr uô nênhz seiz, zuôr yuôx lok nox hâuk hâur tsêr, thâuv tưs moz hnhar thiêx chox tuôx tsêr kho moz lok six phiv liv chơưv kho. Pêz heik trâu tsôngv px sơưr đơưk, thâuv muôx moz gênhk tsi seiz zêis, tsik uô nênhz kho, tsuv chox zênhx max tuôx chuôs cưk yuôx chiê tâu seiz njuôk shuôs đas jos, chơưv kho huv đros”./.

Thào Ly-Riê Lâux cxeik, nhênhv 

Lênhx shux xênhz thik tâu điểm siêz tiv zix nhoz Cao Bằng li têx sir jos

Txir tâu tas siv nênhx txix thâuv Đinh Huy Hoàng nhiv kruôr zos tul nhuôv tuz muôx 10 shông hnuz nhôngs. Chuôz zis muôx 2 niêv tuz viv li Hoàng chir chir uô cxuô luôk hâux lưv txix thâuv tsênhv zâu. Hluz niêv iz lênhs cxơưx trâu zuk tâu muk cơưv ntơưr viv li Hoàng lok six sir jos cơưv ntơưr, ntâu shông tsi so puôr lênhx tax tâu shux xênhz cơưv ntơưr hênhr.

          Thâuv thik tâu muk cơưv tsêr cơưv nội trú tỉnh, Hoàng lok six shir phaz viv cơưv ntơưv no mak lok six jông, niêv cux tsi tsuv cxơưx thiêz. Hâur 3 shông cơưv ntơưv tsêr cơưv PT mênhx cxưx nội trú, Hoàng tax tâu ntâu yênhx tix siêz, điểm chungz fênhx môn cơưv zos 9 điểm ndê muk. Shông lớp 11, Hoàng tax giải 3 thiêz lớp 12 tax giải 2 jiês thik shux xênhz cơưv hênhr cấp tỉnh môn Hóa; giải 4 jiês thik Robotics cấp tỉnh. Điểm thik cơưv tiêr cxênhx 3 shông 2024, Huy Hoàng tax 28 điểm, hâur co môn Toán 9 điểm, Vật lý 9,5 điểm, Hóa 9,5 điểm, yênhx lênhx shux xênhz tax điểm siêz tiv zix khoa khối A00 hâur tỉnh. Pheiz kênh lok tsưr ziv cơưv ntơưr chiê tax tâu chêx cuk siêz li ntơưv, Hoàng puz pâuz: “Cur li chênhz zênhv zos thâuv tưs cux uô lơưr cưk kriê têx tsưr ziv kriê sâuv lớp cơưv, cơưv jông têx yênhx tưv muôx hâur ntơưr giáo khoa. Thâuv cơưv tas sâuv lớp cur thâuv tưs cux chiv chir qênhz yuôx đuô zuk seiz to tâuz tas têx njiêz luv zuk tưz cơưv lơưv tâu. Đros môn Toán, Vật lý muôx lok six ntâu công thức, muôx têx công thức cur tsuv nriêr pâuz seiz lơưr cxiv tsa công thức co li chas, txix têx co cur ndo têx công thức co tâu ntêr đuô”.

          Hluz niêv khưr muk uô jos chiê cxơưx trâu zuk luz nênhx, tâu muk cơưv ntơưr viv li thâuv tưs tâu so nhoz tsêr, Hoàng cux tsês six hơưv paz niêv uô hâux lưv. Pos Nguyễn Thị Liên (nhoz jê Hoàng tsêr nhoz phố Hòa Bình, thị trấn Quảng Uyên, huyện Quảng Hòa, tỉnh Cao Bằng) puz pâuz:  “Cur pov tul nhuôv Hoàng lok six ciêz, gruôs cơưv ntơưr, pâuz niêv tsi muôx hâux lưv uô truôx, Hoàng lok six sir jos cơưv ntơưr, so mak nhoz tsêr paz niêv uô hâux lưv, tax tâu yênhx tix li hnuz no zos lok six tsiv nhos, lok six jông siêz trâu Hoàng”

          Đros têx yênhx tix cơưv ntơưr hênhr, Hoàng thâuv tưs cux sir jos cxaz chuôz côngz xưv Đoàn, têx huôx tôngv vênhx ziv, thiv thao hâur tsêr cơưv; jông siêz tâu jênhv học bổng Odon Vallet thiêz tâu kruôk zos “Lênhx nênhs jông” hâur tsêr cơưv….Đinh Huy Hoành cux puz pâuz tưz đăng cir xeir zuôr cơưv iz nganhx kỹ thuật hâur tsêr cơưv Đại học Bách khoa Hà nội chiê tov kaz no sir jos uô trơưk zuk li siêz xar njôngr lok kỹ thuật công nghệ: “Cur đăng cir cơưv Đại học Bách khoa Hà Nội, cur xar njôngr tov kaz no tơưv shux zuôr yênhx iz lênhx kỹ sư uô vi mạch, chiê uô tâu têx chip, chuôz zênhx bán dẫn jông tiv zix, yiêz tiv zix…”

          Zos shux xênhz thik tâu điểm siêz tiv zix, Đinh Huy Hoàng li yênhx tix tax tâu zos lok six tsiv nhos đros Hoàng li têx sir jos cơưv ntơưr hâur 12 shông cơưv thiêz zos kror truôx tul paz lênhx shux xênhz nhoz tox siêz no tror uô tâu zuk li siêz xar njôngr trâu hâur ntu zuôr txos./.

VOVĐB-Txâur Vax cxeik nhênhv