Canhv pov qênhx shênhx pôngz đêx chuôz ndê đros mê nhuôk zâu nhoz Gia Lai

Txix hâur shôngk shông txos nhiv no, tas nro tỉnh Gia Lai muôx 9 txuz pôngz đêx uô 13 lênhx mê nhuôk trâus tuôs, phênhv ntâu zos nhoz têx thax tsav txov nhêv, thax tsav tsôngv box mênhx cxưx tsơưs nênhs. Zơưv Puih Lêr, Phưv chủ tịch UB xã Gào, TP Plâyku, qơư muôx ntâu txuz txiêz nanv pôngz đêx puz pâuz: Phênhv ntâu têx lênhx mê nhuôk tuôs zos tiv chiv chir nriêr muk têx tul đêx chiê uô si thiêz đa đêx mak tsi muôx nênhs hloz đros muk: “Sâuv thax tsav xã muôx iz cxiê pas đêx, njưs đêx ntơưv jos D, zos pas đêx lox, their tsi tâu tas. Têx mê nhuôk thâuv zar hnuz keix khênhr sik zâuv muk đa đêx mak tsi muôx nênhs hloz seiz jor. Niêv txir khênhr max uô kôngz lôngk viv li tsi seiz jor jông thiêx li muôx yưv txiêz nanv pôngz đêx”.

          Tix lâuk Nguyễn Chí Hiếu, Tsar Ban hluôk nênhs mê nhuôk tsêr cơưv, Tỉnh đoàn Gia Lai puz pâuz, niêx shông, Đoanx hluôk nênhs cux tsưr tsix têx lớp kriê cxaz luôv đêx tsi zuôr nhiêx txiêx trâu mê nhuôk. Txix qênhx shênhx mê nhuôk nhoz têx thax tsav txov nhêv pôngz đêx chuôz ndê, shông no taz viv zuôr krêz uô txos têx thax tsav tox siêz, zos têx cán bộ đoanx nhoz ntơưv qơư chiê têx shux xênhz tâu shâuv luôv đêx: “Ban thường vụ tỉnh đoàn tror yax mông zaoz zux, cxok fiêx canhv pov têx thax tsav riêz nênhs. Muôz lok têx tsưr ziv tưr thik ntâuk grê hâur têx đoanx tsêr cơưv thiêz liên đội sâuv thax tsav tỉnh, đhâu co xav tênhv Bí thư đoàn tsêr cơưv, cưk kriê uô côngz xưv đội đros tsêr cơưv li txơưx jênhv hâur hâux lưv bax yênhx tưv, pênhr xưv phax tar trâus pôngz đêx trâu shux xênhz”.

          Zơưv Phạm Trần Anh, Phưv giám đốc Sở lox tôngv thương binh thiêz xã hội tỉnh Gia Lai xar li no, chiê phax tar txiêz nanv pôngz đêx trâu mê nhuôk tsuv muôx tas nro xã hội sik côngv uô. Tiv zix zos chuôz zis tsuv tsov cưv đuô hâur hâux lưv por vêv mê nhuôk, tiv zix zos ntu so cheix ntux sor: “Chuôz tsar côngz xưv yax mông, muôz siêz jênhv pâuz trâu mê nhuôk, chuôz zis, tsêr cơưv, tas nro xã hội. Chuôz tsar heik kriê, thox cxov pênhr xưv taz por thâuv luôv đêx trâu mê nhuôk, tiv zix zos kriê luôv đêx, chơưv paz thâuv trâus txiêz nanv. Chuôz tsar sik côngv hâur têx cấp têx nganhx phax tar txiêz nanv pôngz đêx trâu mê nhuôk”./.

VOVTN-Txâur Vax cxeik nhênhv

Agribank tsês 2.000 tiv nhiêx uô tsaz yênhx muôz kir txêik zuôr nhiêx liv kik trâu chor nênhs uô têx hax huv OCOP

Chor nênhs tâu kir txêik nhiêx: Zos chor tiz nênhs kir txêik chiê uô têx hax huv OCOP; Hax huv zav nox, đêx hâuk, hax huv uô txix yuôx đrox njuôz, hax huv tâu tiz nênhs xuôk têk uô li têx tơưz lêr.

Tsaz yênhx no zuôr tâu kriz uô txix 1/2/2024 txos tas 31/12/2024 (lok sik txos thâuv uô tas tsaz yênhx).

Nhiêx liv kik: Kik đuô tsơưs tiv zix 2,0% iz shông pir li Agribank chor nhiêx liv muôz kir txêik trâu uô têx hax huv OCOP hov 3- hov 5.

Chiê tâu kir txêik nhiêx:

- Nênhs txêik tsik yuôr têx nux gri lơưr hov 2 ntơưv Agribank thiêz chor tsưr tsix muôz kir txêik nhiêx ntơưv ntu njuôk xav; tsik yuôr têx nux gri thêv tsik tâu ntơưv chor tsưr tsix muôz kir txêik nhiêx hâur 1 shông jê tiv zix;

- Thôngx ziv chiê Agribank qơư muôz kir txêik nhiêx tror sâu têx nhiêx kir txêik co hâur nênhs txêik tài khoản thêv nhiêx lok sik tài khoản tsês nhiêx txơưr đuô kriz ntơưv Agri bank chiê tror sâu têx nhiêx zuk kir txêik co;

- Hâur ntu kir txêik nhiêx, zos ntơưr côngz jênhv hax huv OCOP txix hov 3-5 tas hnuz nhôngs six hơưv, nênhs txêik nhiêx jênhv trâu Agribank qơư muôz kir txêik nhiêx cxaz nzir chiê cungz đuô ntơưr côngz jênhv ntêr tiv zix zos 3 luz hli xav txix hnuz têx ntơưr co tas six, hnuz nhôngs hơưv sir zôngv.

Chiê tâu txêik nhiêx

- Muôz kir txêik muôx cxuô zav xav gri: Trơưk Agribank li cui tênhv nhiv no.

- Muôz kir txêik tsik muôx cxuô zav xav gri: Muôz trâu chor nênhs cxaz chuôz Tsaz yênhz OCOP kir txêik tsik muôx cxuô zav xav gri ntâu tiv zix lơưr Chinhr phuv Nghị định sôr 55/2015/NĐ-CP li cui tênhv thiêz Nghị định kho đuô, cxaz nzir; Agribank têx cui tênhv, ntâuz ntơưr, tsênhv uô trơưk lơưr Nghị định sôr 55/2015/NĐ-CP; Cui tênhv lok Agribank li vax huôv cungz nhiêx txiêx kir txêik yênhx ntu./.

Hồng Việt-Lik Thox cxêik nhênhv