Cxiz kôngz nuv nhoz tox siêz Si Pa Phìn huôv tsar

Nhoz sâuv trôngz siêz njiê seiz, 18 luz ndor trôngz đar muôx 30 ntâu ha nhoz tox siêz Si Pa Phìn kror tưs cux njuôz xiêz. Iz thax tsav, iz qơư tâu njuôk hov, cêv kuôk, xor thêir nhiêk txơưr nhiêk chiê chos têx jâuz tâuv, tsoz chos nox txir lơưr cheix chiv huv đros.

Zơưv Civ Xênhv Vax, Bí thư Đảng ủy xã Si Pa Phìn heik pâuz: Tas nro thax tsav no thâuv ntêx zos muôz pheiz trâu tsôngv box yêik lol nhoz suôv qơư no uô nox. Hâur ntu xuz thơưx sơưr đơưk yêik lol nhoz no thâuv shông 1992, tsôngv pêx xênhv tâu paz uô siv chos caz tsiz, chos jôngr ntông, taz sik tsi tâu trơưk li tsưr ziv xar, viv têx caz tsiz chos tâu tsi muôx nênhs zuôr, tsi muôx tsêr meir tsiv uô; dưv anr chos ntông lok têx zuz ntông cux tsi hloz viv kruôr hênhr. Tsôngv box Poz Ziz nhoz têx jok Tân Lập, Tân Hưng, Chiềng Nưa, Tân Phong...luz nênhx chênhr viv li co mak njiz trâul ntâu phiv liv, cêr txov tiv muôx tsi txâuk liêx têz uô nox. Cêr yeiz pluôs uô ntâu chuôz zis hluôk cơư kror trôngx, tso vax tsêr tsês chiê muk nriêr jos uô hâur têx đrôngs lox, chor tuz nhuôs zâu tso trâu niêv txir, têx lâul seiz jor, jok txov nhêv tưz tsơưs nênhs lok ziv tsơưs đuô.

Txơưv li ntơư, taz nhiv no tox siêz Si Pa Phìn tưz hlôngr yiêz lok six ntâu đros thiêz têx têz jâuz jông njuôz xiêz. Tsôngv box tưz pâuz xor thêir qơư chos jâuz tâuv, txir ntông tsơưr lươngv siêz. Si Pa Phìn chor jâuz tâuv, txir ntông tsi tiêk muôs hâur ciêz đrôngs TP Điện Biên Phủ, tsênhv tâu muôs trâu têx tsêr cơưv hâur huyện Nậm Pồ thiêz huyện Mường Chà uô trâu chor shux xênhz nox hâur niêx hnuz thiêz. Zơưv Civ Xênhv Vax, Bí thư Đảng ủy xã Si Pa Phìn heik:

“Jux juk tsôngv lax pêx xênhv tưz pâuz uô trơưk têx tsưr ziv uô nox yiêz thiêz hâur ntu zuôr txos zuôr kriê têx tsưr ziv uô nox li heik sâuv trâu têx shuôv qơư, thax tsav muôx ar têz thiêz đêx cơưv shâuv, uô trơưk. Txix ntơư paz tsôngv lax pêx xênhv luz nênhx hlôngr yiêz, vav mênhx jux juk”.

Zơưv Ngô Xuân Chiến, Tsar phongx zoz zux huyện Nậm Pồ, lênhx xar tơưv tsưr ziv lok chos jâuz tâuv nhoz tox siêz Si Pa Phìn heik: Thâuv Huyện ủy Nậm Pồ tso tơưv Nghị quyết 56 lok huôv tsar thax tsav chos jâuz tâuv truôx tuk, ntu 2023-2025, tsưr ziv xuz thơưx zos huôv tsar uô têx kôngz huv đros trâu tox siêz Si Pa Phìn thiêz taz por pluôk nox cxix cxuô trâu shux xênhz pluôs nhoz tox siêz ntus đriv. Tsưr ziv xar co tưz zênhx max tâu tsôngv pêx xênhv, têx hâu nov tsênhv lês uô hâux lưv hâur xã thiêz chor kuz hâu nov xã đros trâu têx lênhx tsar jok ntơưv Si Pa Phìn jông siêz, thôngx ziv đros.

Sir jos hla đhâu têx phiv liv, txix hli 01/2024, tưz muôx txâuk jâuz tâuv uô trâu 15 cxênhz ntâu lênhx shux xênhz hâur huyện nox hâur yênhx hnuz thiêz muôs trâu ciêz đrôngs TP Điện Biên Phủ:

“Phongz zoz zux cux tâu huyện choz hâux  lưv zos cơ quan seiz kaz tas nro têx luôs hâux lưv tsiv uô cux li tsưr ziv uô jâuz tâuv chiê têx jâuz muôs trâu tsêr cơưv puôr lênhx taz por vêv xênhz truôx tuk zav nox trâu shux xênhz”.

Txix vax jâuz Si Pa Phìn, ntâu chuôz zis tưz cơưv shâuv thiêz pâuz nzir tsưr ziv chos tsoz chos, chos jâuz tsơưr lươngv siêz lơưr cui tinhv truôx tuk. Zov chênhr zos jux juk hlôngr yiêz sơưr đơưk siêz xar, tsưr ziv uô nox. Niêv lâul Lò Thị Phương, nhoz jok Tân Lập heik pâuz: Iz hlik niêv lâul tâu gra nhiêx hli zuôr xar 7 tsov đeiv, txoz cxơưx trâu luz nênhx xênhz huôx thiêz têx tuz nhuôs muk cơưv ntâuz ntơưr:

“Khov muôx canr bôv xãyax kriê tsưr ziv uô vax jâuz, muôx hâux lưv uô truôx tuk trâu pêx xênhv, pêz thiêx muôx luz nênhx jông, têx tuz nhuôs muk cơưv ntơưr tsik tas nhiêx zuôr jâuz, pêz tsuôk zos đê ciês têx jâuz tâuv hâur vax lok uô nox”.

Tox siêz Si Pa Phình nhiv no tưz hlôngr yiêz ntâu pir li thâuv ntêx. Txix têx luôs hâux lưv uô tâu jông heik sâuv, tsôngv pêx xênhv hâur xã cux zuôr sir jos krêz đar liêx têz chos jâuz tâuv, chos kok chiê hla đhâu yeiz pluôs, paz hâu nov ntơưv qơư uô tiêr hâux lưv txo grêk tsơưs têx chuôz zis pluôs hâur tas nro xã yuôr 32% lok kaz shông 2024./.

Vũ Lợi-Riê Lâux cxeik, nhênhv

Tsưr ziv txuôs tênhv tênhz

Tập đoàn Điện lực Việt Nam hêik sơưr đơưk sir zôngv tênhv cxênhx txuôs, tiv zix zos thâuv sir zôngv tênhv ntâu (txix 7 six tsâuk ntux txos 11 six iz tas hmo).

Hâur co, tsuv sir zôngv têx mair nzuôx chuô txiêk cov huv đros, tsuôk kriz mair nzuôx chuô thâuv sor hênhr, tso jêx tưv txix 26-27 tưv tror sâur thiêz sir zôngv đros trâu mêir nzuôx chuô cov lax; tsik sir zôngv ntâu zav chuôz zênhx sir zôngv tênhv ntâu hâur iz six hơưv.

Iz chas mair nzuôx chuô txiêk, sơưr đơưk tsuv tsik so uô vêv xênhz, uô cov hur si tuv txiêk zuôr paz cxênhx txuôs tênhv; tsik chiê tuv txiêk sênhv ntâu qơư, zuôr uô tuôr xuôv tas ntâu tênhv; tsik tuô, tso tuv txiêk tsik so viv iz jiês tror tso tuv txiêk zuôr zôngv tas iz phênhv tênhv lok six ntâu.

Sir zôngv têx chuôz zênhx điện tử: Têx chuôz zênhx tênhv li mêir tính, tivi, loa đaix… thâuv tsik tso tênhv mak puôr lênhx cxênhx txuôs tênhv.

Ro têx chuôz zênhx chor hluô njiê tênhv thâuv tsik sir zôngv.

Tsik sir zôngv ntâu zav chuôz zênhx tênhv hâur iz six hơưv thâuv txos six hơưv zôngv ntâu tênhv. Tsuv sir zôngv têx chuôz zênhx paz cxênhx txuôs tênhv tưz tâu côngz jênhv.

Zôngv tsơưs têx chuôz zênhx tênhv tsik zov chênhr: Hlôngr trâu zôngv mêir yuôz kruôr plâuz hâu, sơưr đơưk chiê plâuz hâu nưk kruôr nưk zos iz kror jông đuô thiêz tsik zôngv mêir qêz suô têx vuôz tsuôz hâur tsêr; tsuv muôz khâuz truôz qêz suô jông đuô. Iz chas co, thâuv sđ tsik nhoz hâur tsêr, tsuv tuô têx chuôz zênhx tênhv li: Tênhz tơưl pov cêr, mêir nzuôx chuô, mair nzuôx chuô txiêk.

Tsuv sir zôngv kê tênhv led: No zos zav kê tênhv tơưl pov cêr tsênhz 90%, zôngv tâu ntêr đuô têx kê tênhz huỳnh quang thiêz sir zôngv tâu ntêr đuô 20 jiês pir li chor ke tênhz txơưr. Đuô li, so têx kê tênhz cov hur si cov chis pov cêr lul thiêz cxênhx txuôs tâu tênhv đuô.

Mêir nzuôx chuô: Tsuv tso mêir nzuôx chuô cov huv đros chiê paz cxênhx txuôs tênhv, viv mêir nzuôx chuô ziv chênhr mak ziv tas ntâu tênhv. Tsuv ro mêir nzuôx chuô txox hluô njiê tênhv thâuv tsik sir zôngv.

Tso têx ntông njuôz trâu hâur tsêr: Têx ntông njuôz tâu sêiz zos kror tsưr ziv paz cxênhx txuôs tênhv thiêz tsik tas ntâu nhiêx txiêx zuôr. Viv li, sơưr đơưk tsuv uô truôx jông tsưr ziv chos lok sik sik chos têx ntông njuôz iz ndis vax tsêr chiê nzôngr tsêr hâur chêix yar ntux cuz sor.

Thêir têx qar nhoz thâuv muôx yar ntux cuz sor: Muôz ntâuz thêir têx kror trêi, kror trôngx thâuv muôx yar ntux cuz sor zuôr paz trâu luz tsêr lax đuô. Têx ntâuz thêir no tsuv tâu đêi jê trâu kror trêi, kror trôngx, yar ntux thiêx tsik cuz sor trâu hâur tsêr./.

Hồng Việt-Lik Thox cxêik nhênhv