Ntênhk hôiv Tsêr Txi côngv huôz têik Lê Thái Tổ-Qơư vênhx huôv jông nhoz thax tsav Tây Bắc

            Trơưk ntâuz ntơưr sâu tsês, Hli 12 shông (1431), đhâu paz trâu thax tsav tây Bắc truôx tuk, thâuv tror lok đhâu thax tsav xar Lê Lợi, huyện Nậm Nhùn nhiv no, Huôz têik Lê Thái tổ tưz chiê nênhs txâus chor ntơưr trâu đêiv poz jêz Pú Huổi Chỏ ntơưv ntus đêx Bắc đêx Đas. Đêiv poz jêz muôx ntơưr Hoài Lai co zos kror paz khav tênhv tsưr qênhx, têz qơưk li kror tiêx tuk nhoz thax tsav ntus đriv. Zơưv Vũ Phong Oanh, nênhs sêiz car, hlơưr shaz ntơưv Tsêr txi côngv Huôz têik Lê Thái tổ khav tênhv: Huôz têik Lê Thái Tổ li đêiv poz jêz muôx ntơưr sâu tsês no zos têz qơưk kror nghệ thuật muôx tsiv gri lịch sử lox thiêz tâu Thủ tướng Chinhr phuv côngz jênhv zos têz qơưk iz kror muôx grik lox: “Xar phuôx huiz, tuôr tsês chiê tâu côngz trinhx no uô ntêx zos tsuv yax kriê trâu sơưr đơưk pâuz txos lâul Lê Lợi têx côngz lox. Pêz tưz hêik chor tsêr cơưv ntơưr chox chor shux xênhz tuôx ntơưv no nriêr pâuz. Txix co paz trâu chor nhuôv pâuz tsênhz đuô thiêz tov ntêx no tâu muk uô côngz xưv, uô nox đêz cux ndo txos Lai Châu tsênhv muôx tsêr txi côngv lâul Lê Lợi”.

         Hâux lưv tsưr tsix tsik so Ntênhk hôiv Tsêr txi côngv Huôz têik Lê Thái Tổ thâuv hâur shôngk shông yiêz yênhx shông tưz tsik zos chiê kruôk txos tsiv gri lịch sử, vênhx huôv mak tsênhv muôx têx kror jông, zaz zâuv pêx xênhv thiêz tsôngv kruô tuôx trâu qơư di tích. Têx huôx tôngv hâur ntênhk hôiv tưz paz thơưz huôv tsar du lịch, piêr lok Lai Châu muôx ntâu kror vênhx huôv jông trâu têx fôngx zưs hâur thiêz đrâuv têz qơưk pâuz txos. Tix lâus Nguyễn Thanh Hùng, txix thủ đô Hà Nội tuôx puz pâuz: “Thâuv tưs cur muk đhâu lok sik ndax trâu jiês ntênhk hôiv mak cur puôr lênhx tuôx hlơưr shaz, ndo txos Huôz Têik Lê Thái Tổ; thor trâu zuk, chuôz zis thiêz sơưr đơưk muôx jông đas jos, uô nênhs shir phaz thiêz njiz ntâu kror jông hâur shông yiêz”.

          Phuôx huiz tsiv gri lịch sử, vênhx huôv Tsêr txi côngv Huôz têik Lê Thái Tổ têx shông đhâu, huyện Nậm Nhùn tưz kriz uô ntâu tsưr ziv paz tuôr tsês chiê thiêz paz thơưz du lịch ntơưv thax tsav qơư huôv tsar. Hâur co, kriz uô tsik so tsưr tsix Ntênhk hôiv Txi côngv Huôz têik Lê Thái Tổ thâuv hâur shôngk shông yiêz yênhx shông thiêz shông no tâu tsưr tsix nhoz cấp tỉnh, chiê paz uô trâu ntênhk hôiv zos iz kror qơư du lịch, vênhx huôv jông nhoz ntơưv thax tsav qơư. Zơưv Nguyễn Văn Ninh, Phưv Chủ tịch Ủy ban huyện Nậm Nhùn, tỉnh Lai Châu puz pâuz: “Pâuz tâu têz qơưk têx qơư muôx grik li kror tsiv gri lox, zos qơư zoz zux chax chês nhiêv têz qơưk thiêz mênhx cxưx trâu cxênhx hluôk uô trơưk, zos qơư chuôz ndê nzir njênhs siêz, sik côngv siêz hâur tsôngv box mênhx cxưx; shông 2024 huyện Nậm Nhùn tưz hêik pâuz thiêz tâu tỉnh thôngx ziv kho đuô kriz uô Ntênhk hôiv yênhx ntênhk hôiv cấp tỉnh”.

          Ntênhk hôiv chêix ntux yiêz thiêz tas nro thax tsav di tích têz qơưk Tsêr txi côngv Huôz têik Lê Thái Tổ tưz thiêz tsênhv tâu huyện Nậm Nhùn (tỉnh Lai Châu) sir jos kriz uô cov zos yênhx iz kror qơư tuôs ndis shuôk, nriêr pâuz jông nhoz thax tsav qơư. Chiê zaz zâuv chor kruô du lịch, đros hâux lưv tuôr tsês, kho đuô chor côngz trinhx hâur kror qơư no, ntênhk hôiv shông no đrâuv phênhv ntênhk, chinhr quyền ntơưv qơư tưz tsưr tsix ntâu huôx tôngv vênhx huôv li: Sik tưr chêix fuôx; sik tưr tuôr nduôr blêx; thik nthuôr uô cêr lov jêv, hnar têx tsôngk yo mênhx cxưx…. Zaz zâuv chôngz tsôngv kruô thiêz pêx xênhv tuôx sêiz shuôk, uô si thiêz nriêr pâuz./.

Khắc Kiên-Lik Thox cxêik nhênhv