Chủ tịch têz qơưs Lương Cường luk phôngv Tsiêz Nênhk sông 2026

          Tsôngv px thiêz tuz lênhv hâur têz qơưs đros trâu pêz px nhoz oz chas têz qơưs!

       Chêix ntux yiêz Nênhk sông tưz txos, tas shông kuz-hla trâu shông yiêz, cur muôx luk phôngv shông yiêz trâu px thiêz tuz lênhv hâur têz qơưs đros trâu pêz px nhoz oz chas têz qơưs muôx jông đas jos, luz nênhx tsâu sor, vav mênhx.  Thiêz cur muôx luk phôngv jông txos tsôngv fôngx zưs sâuv ntiêx têz hâur iz shông yiêz huôv tsar-truôx khor.

         Naz shông 2025, pêz têz qơưs tưz muk đhâu têx phiv liv thiêz uô tâu ntâu luôs hâux lưv jông, muôx liv trâu tsôngv px thiêz têz qơưs.

         Hur si Đảng, têz qơưs thiêz px đros trâu tuz lênhv muôx cêr côngv siêz jông, sir tas ntâu đas jos tsưr ziv sik côngv uô thiêz tâu tsôngv fôngx zưs sâuv ntiêx têz paz txos, pêz tưz uô tâu tiêr ntâu luôs hâux lưv tso tơưv: Co zos têz qơưs vav mênhx, tsưx phưv truôx khor têz qơưs-huôv tsar uô nox tsar ndê, yênhx têz qơưs muôx phênhv sâu tâu huv đros, truôx tuk lok cxuô zav-huôv tsar truôx  cêr fôngx zưs jông đros cxuô têz qơưs sâuv ntiêx têz hâur ntu têz qơưs huôv tsar thiêz hlôngr yiêz.

          Hla trâu shông yiêz Nênhk Shông 2026-Zos shông xuz thơưx uô trơưk Đảng li Đại hội 14 Nghị quyết tso tơưv, muôx njiêz luk nhiêv têz nhiêv qơư, muôx cêr côngv siêz jông, hur si Đảng, hur si px, hur si tuz lênhv, zuôr tror muôx cêr côngv siêz jông, sir tas đas jos tsưr ziv muk cov đhâu têx phiv liv, xar tơưv ntâu tsưr ziv yiêz, uô tâu truôx jông cxuô luôs hâux lưv muôx liv trâu px, muôx liv trâu têz qơưs-chiê cxiv tsa pêz têz qơưs VN ziv hnuz ziv truôx khor-bluô nux-vav mênhx.

           Shir phaz lul tok chêix ntux yiêz hâur shông yiêz, iz jiês thiêz, cur muôx luk phôngv jông txos trâu tsôngv px thiêz tuz lênhv hâur têz qơưs thiêz pêz px nhoz oz chas têz qơưs uô tâu ntâu luôs hâux lưv jông, tsôngv px sđ ziv hnuz ziv muôx luz nênhx tsâu sor, vav mênhx./.

                                                          Tsu cxêik nhênhv

Tsôngv box Thái Tây Bắc li siêz xar vav njôngr đhâu phongx cxưx phôngv Tsiêz hâur shông yiêz

           Shông yiêz lok txos, têx jâuv cux xưk li côngv thôngx cxuô mênhx cxưx txơưr, hâur tsôngv box Thái ziv chuôz zis tưs cux xar cov lênhx nênhs tuôx phôngv tsiêz xuz thơưx ciês hâur shông yiêz zos lênhx nênhs muôx đas jos jông, chuôz zis uô nênhx shir phaz, uô tâu nox tâu hnar thiêz tâu chôngz lênhx nênhs nhiêv txos, paz trâu zuk chuôz zis muôx tâu luz nênhx shir phaz, cêr nênhx jông tiv zix hâur shông yiêz. Zơưv Tòng Văn Xôm, lênhx nênhs pâuz txos tsôngv box Thái nhoz jok Mòng, phường Chiềng Cơi, tỉnh Sơn La puz pâuz: “Txix thâuv ntêx txos nhiv no, mênhx cxưx Thái cux xưk li cxuô mênhx cxưx txơưr puôr lênhx xar tiêk: Shông yiêz zos tưz suôv câuv shông kuz, chênhr viv li cxuô kror fêv, tsik jông, yêiz pluôs… zuôr tas muk đros shông kuz, vav tok iz shông yiêz muôx ntâu đas jos, uô tâu ntâu kror jông, shir phaz. Chênhr viv liv hâux lưv muk phôngv chêix ntux yiêz, tiv zix zos hnuz xiêz 1 tsiêz, kriz thơưx trâu hnuz yiêz, hli yiêz, shông yiêz zos kror lok six zov chênhr. Thiêz tsưr tsêr thâuv tưs cux xar cov lênhx nênhs xuz thơưx ciês tuôx phôngv tsiêz shông yiêz trâu zuk chuôz zis zos lênhx nênhs muôx jông đas jos, chuôz zis uô nênhx shir phaz, muôx kinh têr huôv tsar, têx tuz nhuôs gruôs, ciêz, cơưv ntơưr txơưx. Viv lênhx tưs cux xar tiêk, lênhx nênhs tuôs phôngv tsiêz xuz thơưx ciês trâu chuôz zis zos nênhs jông li chak mak zuk chuôz zis cux zuôr muôx tâu têx kror jông li co”.

          Txix ciês thâuv sơưr nzor hnuz xiêz 1 Tsiêz, chor cưr tix, nênhx tsa sơưr đơưk zuôr siz muk phôngv Tsiêz thiêz muk phôngv tsiêz jux juk txos trâu yênhx ziv chuôz zis, têx thâuv tsênhv muk trâu chor jêx jok txơưr thiêz. Cxuô lênhx nênhs zuôr muk phôngv tsiêz trâu pos zơưs, niêv txir vax tsêr uô ntêx, thiêx txos trâu cxênhx nênhs tov kaz, têx fôngx zưs sơưr đơưk… Lo luk hêik thiêz luk phôngv tsiêz xuz thơưx ciês thâuv tuôx phôngv tsiêz hnuz xiêz 1 Tsiêz, thâuv tưs cux zos lo luk nus thiêz luk phôngv muôx đas jos jông, đhâu co thiêx phôngv cov uâ tâu nox tâu hnar. Zơưv Cầm Vui, nhoz xar Mường La, tỉnh Sơn La; niêv tix Lò Thị Yến, tix lâus Lường Văn Phái, nhoz jok Phiêng Phát, xar Trung Đồng, tỉnh Lai Châu li têx luk phôngv Tsiêz zuôr hêik tsênhz mênhx txos tsênhv njiêz no.

          Tsôngv box Thái lok six nhiêv kruô, tiv zix tâu tok lênhx kruô xuz thơưx ciês tuôx phôngv tsiêz trâu chuôz zis hax zav uô trâu chuôz zis shir phaz đuô. Tsưr tsêr zuôr zâuv ciês kruô jâuv thiêz sêi đrơưv têx nduôr txâuv puôz cxôngx nzor hâur hnuz tsiêz tso trâu hâur fax, thiêz trâu khoz chơưr chiê zâuv chor nênhs tuôx đros hâuk, nox têx zav jâuz, grêix buô, grêix nhux, tưv kruôr-iz zav nox cxôngx nzor tsuv muôx chiê tiêv kruô thâuv txos Tsiêz. Lơưr cê hâuk đêx, hâuk chơưr thiêz siz phôngv têx lo luk jông tiv zix hâur luz nênhx. Zơưv Tòng Văn Xôm, nhoz jok Mòng, phường Chiềng Cơi puz pâuz nzir: Zos têx tuz nhuôs hâur chuôz zis muk phôngv tsiêz trâu cxênhx nênhs uô ntêx, mak lơưr zuôr thor tsưr tsêr chiê tâu muk hlơưr shaz trâu pox côngz zơưv côngz ndax trâu shông yiêz, thor pox côngz zơưv côngz paz cov zuk muôx đas jos, uô tâu nox tâu hnar: “Lơưr phongx cxưx txix cxôngx nzor tsês chiê lok, chuôz zis tưs cux muôx pox côngz zơưv côngz. Viv li txos chêix ntux yiêz lok, têx tuz nhuôs hax zav tsuv txi côngv chiê ndo txos pox côngz zơưv côngz, pos zơưs, niêv txir têx côngz đas jos lox tưz paz trâu zuk muôx tâu li hnuz no. Tưz tsik zos hlơưr shaz txi côngv, têx tuz nhuôs zuôr tso mê njil nhiêx txiêx trâu sâuv thax đaz vav tiêk pox côngz zơưv côngz zuôr paz trâu chuôz zis, paz trâu zuk uô tâu nox tâu hnar, têx tuz nhuôs muôx đas jos jông, nox tsiêz lov jêv thiêz shir phaz”.

            Phôngv tsiêz txix chuôz zis no txos chuôz zis tor, thâuv tưz txos tar su, lok sik hla trâu zar hnuz kêix, pox nhuôs sơưr đơưk ho tror lok trâu ntơưv iz chuôz zis nox hâuk, thav pêv, siz phôngv têx lo luk jông, tror tis njiê têx uô tau hâur shông kuz, phêiz kênh têx tsưr ziv, hâux lưv zuôr uô hâur shông yiêz, siz paz, siz cxơưz cov sir jos khưr uô nox. Nhoz cxuô jêx jok, suôz đruôk đror nxê ntưk đros têx suôz gâux Thái, suôz thav pêv, suôz luôs txêik tok iz shông yiêz đros muôx ntâu cêr lov jêv thiêz shir phaz./.

Tòng Anh-Lik Thox cxêik nhênhv

Tsôngv box Cho liêz li têx kror tsuv chêir hâur hnuz xiêz 1 tsiêz

          Txos thâuv têis cik hnuz xiêz iz Tsiêz, tsôngv box Cho liêz Lào Cai zuôr tsik tâu kriz kror trôngx nzor zos tiêk tsik tâu muôx nênhs tuôx phôngv Tsiêz. Pos Triệu Thị Tiếp, nhoz xar Phúc Lợi, tỉnh Lào Cai puz pâuz: “Txix thâuv nzor lok mênhx cxưx Cho liêz zênhx xar tiêk, đhâu thâuv piz hla txix shông kuz trâu shông yiêz, cxuô kror puôr lênhx zos yiêz tas hur si. No zos kror tsiv gri tiv zix hâur shông yiêz. Viv li, kriz kror trôngx thâuv hâur shôngk shông yiêz zos kror tsuv chêir uô ntêx thâuv muôx nênhs tuôx phôngv Tsiêz. Zos kriz kror trôngx nzor thâuv hnuz xiêz iz tsiêz mak cxuô kror jông zuôr tơưv đros kror trôngx kriz muk, chuôz zis uô nox tsik zôngx ziv, tsik trơưk li siêz xar. Tsôngv box Cho liêz cux tsik chiê chor nênhs txơưr lok hâur tsêr hnuz xiêz iz Tsiêz viv xav tiêk chor nênhs tsik hu zâuv co tuôx mak zuôr uô trâu zuk chuôz zis njiz trâus têx kror phiv liv tsik jông hâur shông yiêz”.

          Lơưr nghệ nhân nhân dân Tẩn Vần Siệu, jok Tả Chải, xar Tả Phìn, tỉnh Lào Cai phongx cxưx phôngv tsiêz xuz thơưx thâuv hâur shôngk shông yiêz tsuv zos lênhx txir nênhx hêik luk phôngv uô ntêx: “Đros mênhx cxưx Cho, lênhx txir nênhx zos nênhs txoz cxơưx chênhr trâu chuôz zis lok zos lênhx tsưr tsêr. Cxuô kror hâux lưv puôr lênhx tâu lênhx txir nênhx lok zos tsưr tsêr sêiz lax thôngx ziv thiêz cuêz tênhv. Viv li tuôx phôngv tsiêz xuz thơưx ciês tsuv zos lênhx txir nênhx uô. Đros xar tiêk txir nênhx zos lênhx nênhs car xar, car uô paz trâu chuôz zis muôx tâu luz nênhx jông. Hnuz xiêz iz Tsiêz mênhx cxưx Cho tsuôk muk lok iz ndis zuk vax tsêr xưz, tsik muk trâu chor nênhs txơưr têx vax tsêr. kror vênhx huôv no cux tsênhv tâu tsôngv box Cho liêz tuôr tsês thiêz phuôx huiz”.

          Đrâuv têx kror tsuv chêir hêik sâur, đros tsôngv box Cho liêz tỉnh Cao Bằng, hâur hnuz xiêz iz Tsiêz, chor ntông njuôz cux zos kror tsuv chêir tsik tâu gra lok trâu hâur tsêr. Tix lâus Bàn Hữu Tài, jok Nà Chang, xar Minh Tâm, tỉnh Cao Bằng hêik pâuz: “Tsôngv box Cho liêz Cao Bằng li têx phongx cxưx tâu tsês chiê txix thâu ntêx lok tiêk, têis cik hnuz xiêz iz tsiêz mak tsik tsuv gra têx shôngz ntông njuôz lok trâu hâur tsêr. Viv tsôngv box Cho liêz luz nênhx phênhv ntâu zos khov trâu uô kôngz nuv, zos chox têx shôngz, ntông njuôz lok trâu hâur tsêr mak têx đrox tsuôs zuôr hloz lox, huôv tsar sêi uô phiv liv txos trâu têx tsoz chos. Kror vênhx huôv no cux tâu pêz tuôr tsês thiêz uô trơưk jông txos trâu ntu nênhx nhiv no”.

          Đros tsôngv box Cho liêz, hnuz xiêz iz tsiêz zos iz hnuz muôx tsiv gri zov chênhr, cuêz tênhv txos khưr uô nox uô hâuk hâur tas nro shông. Viv li, muôx iz cxiê kror tsuv chêir zuôr tâu pox nhuôs uô trơưk jông hâur hnuz no, đros siêz xar tiêk: tưz muôx chêir lơưv mak tsuv uô trơưk, tsik uô trơưk mak zuôr njiz trâus têx phiv liv tsik jông hâur luz nênhx xưz./.

Thiều Nghiệp-Lik Thox cxêik nhênhv

Pêz Hmôngz chax chêk chêix hâur hnuz Tsiêz      

          Đhâu iz shông khưr huôv tsar uô kôngz lông, thâuv txos Tsiêz zos têx hnuz cxuô lênhx hâur chuôz zis muk sêiz shuôk têx nênhs cxênhz jê, cưr tix nênhx tsa thiêz tuôx siz njiz, siz chuôs, muôx luk phôngv jông đas jos thiêz sik thav lok cxuô tsưr ziv khưr huôv tsar uô nox trâu shông yiêz, sâu tâu ntâu kôngz lôngk, muôx luz nênhx vav mênhx, tsâu sor đuô hâur têx shông đhâu; đros co, chor uô niêv uô txir cux yax kriê têx tuz nxêik hluôk sđ huôv tsar cêr uô nênhx jông.

          Trơưk li pêz Hmôngz chax chêk uô đhâu ntâu tiêv lok, chiê hla trâu shông yiêz chuôz zis khưr sâu tâu kôngz lôngk, tu zus tâu ntâu tsiêx cxu, chuôz zis tsuv chêir txix 1 txos 3 hnuz, iz cxiê xênhv chêir hnuz xiêz 1, têx cxiê xênhv chêir 3 hnuz: Ntơư zos chêir tsik qêz tsêr, tsik zôngv triêv txuôk, tsik zôngv nhiêx txiêx. Zơưv Xênhr Suôr xênhv Vax nhoz xã Câuk Max, tỉnh Sơn La hêik shir phaz lu hêik pâuz.

          Hla trâu iz shông yiêz, pêz hêir nênhs Hmôngz, txơưv chuôz zis tưs cux xar njôngr zuôr khưr sâu tâu ntâu kôngz lôngk, tu zus tâu ntâu tsiêx cxu, muôx luz nênhx vav mênhx tsâu sor. Chênhr zos li hêik ntơư, txix hnuz xiêz 1 txos xiêz 3 Tsiêz, cxuô lênhx hâur chuôz zis tsuv chêir li: Tsik nox mor njê cuô jâuz, tsik pư truz hnuz, tsik nzuô khâuz chơưk, tsik siz char, siz chês…Zơưv Chang x Zax nhoz xã Hạnh Phúc, tỉnh Laox Cai shir phaz lul thav li no.

          Hâur iz xênhv nênhs nhiêk chêir lơưv nhiêk jông txơưr tsik siz thôngx, têx xênhv tsuôk chêir 1 hnuz, têx xênhv chêir 3 hnuz, têx xênhv chêir 5 hnuz. Zơuv Mang x Zax nhoz xã Mai Sơn, tỉnh Sơn La shir phaz lul hêik pâuz nzir.

          Pêz hêir nênhs Hmôngz chax chêk chêir hâur têx hnuz Tsiêz đros trâu tsưr ziv, siêz xar njôngr, hla trâu iz shông yiêz, cxuô lênhx hâur chuôz zis muôx jông đas jos, khưr sâu tâu ntâu kôngz lôngk, muôx luz truôx tuk, tsâu sor./.

                                          Tsu cxêik nhênhv-Vừ Chu, CQTT Tây Bắc