Fuô uô huv đros luôs hâux lưv txo grêk cêr pluôs ntơưv Điện Biên

“Cur chuôz zis zos ziv chuôz zis pluôs. Đảng thiêz têz qơưk paz pêz 60 tsov đeiv, cur chuôz zis muôx 30 tsov đeiv đros thiêz. Uô tsâus ntâu txos Đảng, têz qơưk tưz paz pêz cxiv uô tâu vax tsêr truôx khor nhoz”.

Zơưv Hùng Văn Xoong nhoz jok Nà Khoa, xã Nà Hỳ, tỉnh Điện Biên jông siêz, shir phaz thâuv zơưv chuôz zis tưz muôx tsêr truôx khor chiê nhoz, tsi trâus txov nhêv, uô nênhx nhoz hâur luz tsêr đaz tuôs, kâus kêz jik li thâuv ntêx. Thâuv muôx vax tsêr khor truôx nhoz, tsôngv box tso siêz huôv tsar uô nox chiê hla đhâu cêr pluôs, txov nhêv. Cux xar xưk li zơưv Xoong, tix lâus lò Duy Hùng nhoz jok Ly Xôm, xã Chiềng Sinh, tỉnh Điện Biên cux heik li no: “Khov muôx sơưr đơưk paz max viv li chuôz zis tưz muôx nzir đas jos cxiv uô, kho đuô vax tsêr nhoz. Đhâu thâuv uô tâu tsêr, cur zuôr sir jos muk zok nriêr hâux lưv uô chiê muôx nhiêx lok pâux nzir sơưr đơưk têx cêr paz cur uô tsêr”.

Thôngz sâu txix shông 2021 txos nhiv no, tas nro tỉnh Điện Biên tưz uô yiêz thiêz kho đuô 9 cxênhz ntâu luz tsêr nhoz trâu têx chuôz zis pluôs, chuôz zis zuôr xar pluôs, chuôz zis thiêz lênhx nênhs muôx côngz têz qơưk. Ciês shông 2025, tas nro tỉnh tưz muôx zuôr xar 5 cxênhz chuôz zis pluôs, chuôz zis zuôr xar pluôs tâu paz uô tsêr nhoz. Têx luz tsêr yiêz uô tâu tiêr, choz trâu pêx xênhv nhoz tsi tiêk cxơưz nzir đas jos trâu chor chuôz zis pluôs sir jos hla đhâu phiv liv, cêr txov, tsênhv paz uô hlôngr yiêz jêx jok tox siêz Điện Biên Zơưv Vav Xênhv Muôk-Chủ tịch Ủy ban Mặt trận Tổ quốc Việt Nam tỉnh Điện Biên heik pâuz: “Tsaz yênhx txo grêk cêr pluôs sei thiêz truôx hâur thax tsav tỉnh cux li tsaz yênhx paz uô tsêr nhoz trâu têx chuôz zis pluôs, chuôz zis txov nhêv hâur ntu đhâu, tsôngv niêv txir lax pêx xênhv hâur thax tsav tỉnh tưz sik thôngx siêz siz chos gôngr paz. Thiêz cux zos muôx cxuô thax tsav qơư, têx doanh nghiệp, chor nênhs siêz jông hâur tas nro têz qơưk paz lok six ntâu trâu Điện Biên fuô uô luôs hâux lưv no”.

Đros trâu paz uô tsêr nhoz trâu têx chuôz zis txov nhêv, hâur ntu đhâu, txix T.Ư cêr paz max, tỉnh Điện Biên tưz fuô uô hâux lưv txo grêk cêr pluôs sei truôx txix ntâu faz tsưr ziv huv đros tsênhv stênhz ntơưv qơư. Lok sâuv têz qơưk tsaz yênhx paz thax tsav tsôngv box heir nênhs tsơưs thiêz tox siêz huôv tsar kinh tế xã hội, ntu 2021-2025, thôngz đhâu yênhx dưv anr, hâux lưv uô, txos nhiv no, Điện Biên tưz muôx 700 ntâu chuôz zis tâu paz uô tsêr nhoz; zuôr xar iz cxênhz chuôz zis tâu paz huôv tsar uô nox; xar muôx 30 cxênhz chuôz zis sir zôngv đêx hur; 400 ntâu chuôz zis tâu phênhz qơư nhoz truôx tuk..... Cux đhâu tsaz yênhx no, Điện Biên tưz paz chos xar muôx 300 ha jôngr phax phưv; jôngr ntông chos chiê muôs; fuô uô 100 ntâu dưv anr paz huôv tsar uô nox sik côngv..... Zơưv Lò Văn Hoàng, nhoz jok Na Lanh, xã Na Son, tỉnh Điện Biên heik, luôs hâux lưv chos tâuv cuôz xênhz nôngz liêz mak tsôngv pêx xênhv hâur xã tâu paz ntơư tưz cxơưz ntâu chuôz zis pêx xênhv hâur jok, hâur xã hla đhâu cêr pluôs: “Tsôngv pêx xênhv jok Na Lanh chos tâuv cuôz xênhz muôx 8 ha. Pir li uô blêx mak chos tâuv cuôz xênhz tâu ntâu đuô 2 bâus. Tâuv cuôz xênhz mak têx tuz luôv lơưr tuôx zuôr ciês ntơưv qơư”.

Iz chas têx dưv anr, tsaz yênhx txo grêk cêr pluôs, mak iz cxiê luôs hâux lưv uô mê thiêz zôngx ziv cux tâu fuô uô chiê cxơưz cxiz têx chuôz zis pluôs sir jos hla đhâu phiv liv, truôx tuk luz nênhx. Trâur nuv cxênhx txuôs nhiêx txiêx paz nênhs pluôs nhoz xã Si Pa Phìn zos iz kro uô tâu jông paz chor nênhs txov nhêv. Pos Điêu Thị Hòa nhoz xã Si Pa Phìn shir phaz heik pâuz: “Thâuv ntêx cur tâu kêr txeik chi hội pox niêv hâur jok têx nhiêx cxênhx txuôs paz nênhs pluôs chiê huôv tsar uô nox, tu zus buô, keiz ok. Đhâu thâuv tâu kêr txeik pênhr, cur chuôz zis uô nox cux tâu trơưk têk, luz nênhx truôx tuk đuô. Trơưk li cur mak no zos iz cêr siz paz lok six jông. Thiêz cur cux đros sơưr đơưk gôngr côngv nhiêx niêx hli chiê txuôs tsês”.

Khov sir zôngv têx pênhr nhiêx paz huv đros, lar heik zos têz qơưk tsaz yênhx li pênhr chiê paz huôv tsar uô nox, muôx phênhv sâu tâu nhiêx, hâux lưv uô txo grêk cêr pluôs nhoz Điện Biên tưz uô tâu truôx jông. Njuôk xav tas shông 2025, chor chuôz zis pluôs hâur tỉnh yuôr xar muôx 18%, txo grêk zuôr xar 4% pir li shông uô ntêx. Điện Biên nhiv no cux tsênhv sir jos yax kriê, cxơưz cxiz tsôngv pêx xênhv sơưr đơưk thiêz têx chuôz zis pluôs jux juk txo grêk cêr pluôs truôx trâu hâur ntu zuôr txos./.

Thu Thùy-Riê Lâux cxeik, nhênhv

Megalive Lào Cai: Paz cxơưz cxiz zuôr muôs têx hax huv ntơưv ciêz

Pir li Hôiv ciêz zos iz kror qơư muôs hax huv trâu nênhs zuôr, mak thax tsav Megalive chênhr zos iz kror qơư piêr kriê zuôr, muôs cxuô zav hax huv shir phaz lul. Txix thâuv 10 six zar têis cik txos 9 six tsâuk ntux, ntơưv kror qơư no chor nênhs piêr pâuz, muôs têx hax huv cux tsênhv tsik so piêr kriê thiêz muôs têx hax huv trâu nênhs zuôr. Yênhx châuv luz tênhz tsênhv tâu tơưl chis pov cêr lus chiê chor nênhs muôs piêr kriê têx hax huv trâu sơưr đơưk pâuz. Sâuv chor nền tảng Shopee thiêz Tik Tok, chor nênhs sêiz muôx txix oz pêz puô lênhx txos yênhx cxênhz lênhx nênhs sêiz. Paz uô kror hâux lưv no zos Công ty Live Chanel-muôx 10 lênhx nênhs txix thành phố Hồ Chí Minh tuôx. Niêv tix Nguyễn Thị Lụa, sêiz car dưv anr hêik pâuz, sơưr đơưk sir jos tuôx đêz, uô lơưr tsưr ziv tsik zuôr nhiêx txiêx piêr pâuz, tsuôk zuôr chor nhiêx liv thâuv muôs tâu têx hax huv. Tsưr ziv uô no paz trâu chor doanh nghiệp yiêz txo grêk tsơưs tâu têx phiv liv chiê muôs tâu chor hax huv sâuv mạng: “Ndax jiês no, pêz xar paz trâu chor doanh nghiệp buôs ti cux li muôs tâu chor hax huv sâuv sàn thương mại điện tử. Viv zuôr muôs sâuv điện tử nhiv no tsênhv zos têz qơưk kror tsưr ziv uô viv li xar paz trâu sơưr đơưk đros uô. Iz zav li ntơưv tỉnh Lào Cai, muôx doanh nghiệp lok six ntâu hax huv taz sik lơưr ho tsik tâu pâuz muôs sâuv têx qơư no viv li chor nênhs zuôr thiêz pâuz txos cux tsênhv tsơưs”.

Pov tâu kror liv no, tix lâus Dương Huy Hoàng, tsưr qơư uô têx zav nox Gỏi lá Yên Vy tưz chox têx zav nox co txix Kon Tum (Quảng Ngãi) tuôx Lào Cai. Txơưv tưz bax iz kror qơư lok six jông chiê sơưr đơưk nox siv ciês, tix lâus Hoàng cux cuêz tênhv txuôk đros Megalive. Kror qơư muôs ciês têx zav nox zos chiê sơưr đơưk nox ciês tâu, hok Megalive zos kror chiê paz cxơưz cxiz Tây Nguyên têx zav nox txos trâu chôngz tsôngv kruô hâur têz qơưk pâuz txos đuô: “Megalive kror zov chênhr thiêz muôx liv tiv zix zos li chak? Co zos thâuv lơưr tưz muôz tâu chor hax huv, zav nox no trâu sâuv qơư zuôr muôs điện tử mak tsôngv kruô sơưr đơưk zuôr pâuz txos lok six sêi. Thôngz đhâu chor nênhs xar tơưv tsênhv njiêz zuôr paz trâu chor zav nox, kôngz nuv, têx hax huv OCOP kaz jông muôx nhoz têx tỉnh, thành txos trâu chor nênhs nhiêv zuôr pâuz thiêz zuôr tâu”.

Kror jông tiv zix nhoz Megalive shông no zos muôx sik côngv txix ntâu kror kinh têr sôr. Tưz tsik zos chor KOL, KOC chox kriê, mak chênhr chor tsưr doanh nghiệp cux đros piêr pâuz, muôs ciês chor hax huv. Txix chor nênhs tsênhz nênhs, piêr tsênhz txos têx hax huv tưz paz uô trâu chor nênhs zuôr njênhs đuô. Chênhr têx kror uô li no tưz paz trâu hâux lưv muôs livestream ntơưv ciêz tâu kriz uô truôx jông đuô. Tiktoker Khánh Ngân-tsưr qơư muôs huv “Gia đình Mèo máy” puz pâuz: “Hnuz no cur tuôx ntơưv no cê chiê trâu sơưr đơưk pâuz txos jiês ciêz no, cux li hêik trâu sơưr đơưk pâuz txos Lào Cai têx hax huv li hmôngr kriêr đax, coz blôngx kho moz siêz… thiêz Việt Nam têx hax huv tưz tâu cungz jênhv OCOP chiê muôs têx hax huv tsơưr lươngv siêz trâu sâuv ciêz đrôngs”.

Sik côngv jông nhoz chor qơư muôs hax huv cxôngx nzor thiêz livestream ntơưv qơư Megalive puz pov, Hôiv ciêz zuôr muôs ntiêx têz Việt-Trung tsênhv sir jos hlôngr yiêz. No cux chênhr zos qơư hlôngr yiêz sôr, paz trâu doanh nghiệp Việt, txơưv nhoz trâu thax tsav qơư tưs cux zuôr paz tâu trâu têx tsưr ziv uô nox, zuôr muôs cxuô zav hax huv./.

An Kiên-Lik Thox cxêik nhênhv

Thix ziv têx hâux lưv fuô uô tsaz yênhx cxiv tsa jêx jok yiêz tỉnh Sơn La ntu 2026-2030

Têx hâux lưv fuô uô têz qơưk tsaz yênhx cxiv tsa jêx jok yiêz hâur tỉnh Sơn La ntu 2026-2030, co zos tror chox car, kriê fuô uô têz qơưk tsaz yênhx cxiv tsa jêx jok yiêz nhoz tas nro cxuô xã, cxuô jok hâur tỉnh Sơn La cov truôx jông, zuôr pêx xênhv uô qơư chênhr, jux juk hlôngr yiêz cxuô jêx jok, ziv chuôz zis luz nênhx xênhz huôx, nox nhoz muk lol, hâur ntơư lar heik zos pêx xênhv li phênhv sâu tâu thiêz por hưv tênhx qơư, vênhx huôv jêx jok.

Hâux lưv tsênhv tsênhz txos shông 2030 li đrav kaz:

-Cấp xã uô tâu luôs hâux lưv cxiv tsa jêx jok truôx jông: Uô lơưr tsưr ziv muôz iz cxiê xã lok uô cê, ntu 2026-2030 tỉnh Sơn La yuôr 75 xã tox siêz. Ntu 2026-2030 njuôk xav li đrav kaz:

-Sir jos hâur six cxiv 36 xã uô tâu luôs hâux lưv cxiv tsa jêx jok yiêz, tsênhv tsênhz:

+Xã tưz uô tâu hâux lưv cxiv tsa jêx jok yiêz muôz uô cê đros xã uô tâu hâux lưv li heik sâuv: 10 xã (tưz tâu luôs hâux lưv cxiv tsa jêx jok yiêz taz sik tsi xar muôz lok uô cê).

+Xã tưz uô tâu hâux lưv cxiv tsa jêx jok yiêz muôz uô cê đros xã uô tsi tâu tâu luôs hâux lưv heik sâuv: 26 xã (iz shông sir jos cov tsar ndê nzir 6-7 xã iz shông).

-Xã uô tâu luôs hâux lưv cxiv tsa jêx jok yiêz truôx jông: Sir jos hâur six cxiv cxiv tsa yênhx côngz txix 1-3 xã uô tâu truôx jông luôs hâux lưv co.

-Lok sâuv jêx jok uô tâu truôx jông luôs hâux lưv cxiv tsa jêx jok yiêz, njuôk xav fuô uô têx hâux lưv li đrav kaz: Tsưx phưv truôx, uô tâu jông 82 jok têx luôs hâux lưv cxiv tsa jêx jok yiêz; 28 jok uô tâu truôx jông luôs hâux lưv heik sâuv.

Ntu 2026-2030: Tỉnh Sơn La sir jos cov tsar ndê nzir iz xã tsơưs tsơưs 30% jok uô tâu hâux lưv cxiv tsa jêx jok yiêz, hâur ntơư muôx 10% jok uô tâu truôx jông luôs hâux lưv heik co. Iz xã sir jos cxiv tsa 01 jok uô tâu lok six jông hâux lưv cxiv tsa jêx jok yiêz./.

Đức Anh-Riê Lâux cxeik, nhênhv