Paz têx chuôz zis pluôs thax tsav ntus đriv “nhoz truôx têz truôx qơư, huôv tsar uô nox”

Tix lâus Chinh Xênhv Zax nhoz jok Dền Thàng A, xã Dào San, huyện Phong Thổ (Lai Châu) chuôz zis zos ziv chuôz zis pluôs. Tiv ar uô nox tsơưs, phênhv ntâu zos liêx têz nxaz, đros trâu co mê tuz mê nhuôv lok cux tsênhv zâu, chênhr viv li txơưv tưz sir jos khưr uô nox, taz sik chuôz zis cux txuôs tsi tâu nhiêx txiêx chiê cxiv kho, uô đuô vax tsêr jông hlo. Luz tsêr lav uô lav nhoz iz hnuz trâul puôk tsuôx jux juk, tsi so trâul xâu nas, yâu chuô uô chuôz zis tưz txov lok ziv trâul txos nhêv đuô nzir.

Ntu jê lok no, tâu têz qơưk paz max 40 tsov đeiv chiê uô tsêr nhoz; têx cưr tix nênhx tsa, iz lênhs cux tso txeik iz kro mê njik nzir; hâu nov ntơưv qơư hu zâuv sơưr đơưk sik đros paz hnuz côngz, đas jos viv li tix lâus chuôz zis tưz cxiv uô tâu iz luz tsêr khor truôx, đar muôx 70 ntâu xưv phaz. Tix lâus Chính heik:“Têz qơưk paz chuôz zis mê njik nhiêx uô tsêr nhoz. Chuôz zis tưz sir jos uô tâu iz luz tsêr khor truôx li no, chênhr viv li cur lok six jông siêz, shir phaz hênhr. Uô tsâus ntâu txos têz qơưk, sơưr đơưk têx cêr paz cur chuôz zis”.

Huyện ntus đriv Phong Thổ (lai Châu) muôx 7 heir nênhs uô nênhx nhoz uô cê nhiv no tsênhv yuôr zuôr xar 38% chuôz zis pluôs. Trơưk li thôngz sâu, hâur thax tsav cux tsênhv yuôr yênhx cxênhz chuôz zis pluôs zuôr trâul tâu paz lok tsêr nhoz. Zơưv Nguyễn Văn Tuấn, Phưv tsar Phongx kinh tế-côngz trênhx huyện Phong Thổ heik pâuz: Uô lơưr tsaz yênhx “paz uô tsêr nhoz trâu têx chuôz zis pluôs, txov nhêv”zos T.Ư thiêz ntơưv qơư phuôx tôngv, huyện tưz chox kriê cxuô xã, thị trấn qênhz shuôs, xeir tsov, taz por côngz fênhx, zos lênhx nênhs tâu sơưv. Khov li co, shông 2023 huyện phênhv ntâu tưz uô tiêr luôs hâux lưv paz uô tsêr nhoz trâu chor chuôz zis pluôs lơưr têz qơưk tsaz yênhx txo grêk cêr pluôs truôx:“Uô trơưk li huyện chox kriê, Phongx kinh tế-côngz trênhx tưz fuô uô luôs hâux lưv heik sâuv chiê ủy ban cxuô xã qênhz shuôs, đas cir thiêz uô trơưk tsưr ziv tso tơưv. Txos nhiv no, têx chuôz zis lơưr tưz cxiv uô tâu thiêz huyện cux tưz muôz tâu xar muôx 5 tyv đeiv nhiêx paz cxiv uô yiêz zuôr xar 300 luz tsêr thiêz kho đuô xar muôx 30 luz trâu chor chuôz zis pluôs”.

Chiê muôx nzir pênhr jos fuô uô luôs hâux lưv paz têx chuôz zis pluôs uô tsêr nhoz, chor shông đhâu, MTTQ  tỉnh Lai Châu thiêz têx lênhx nênhs đros uô hâux lưv uô cê tưz sir jos yax kriê lok sâuv têx cêr siz hluz siz paz, tus muôx paz tus pluôs trâu tsôngv lax pêx xênhv pâuz tsênhz. Đhâu ntơư, hu zâuv tâu ntâu tus chôngz lênhx nênhs siêz jông, doanh nghiệp thiêz tsôngv niêv txir lax pêx xênhv hâur, đrâuv luôs 2 chas tỉnh jông siêz, đros paz nhiêx txiêx viv nênhs pluôs txix ntâu tsưr ziv uô tsênhv tsênhz. Zơưv Hoàng Kiều Anh, Phưv Chủ tịch Ủy ban MTTQ Việt Nam tỉnh Lai Châu heik pâuz: Txix shông 2020 txos nhiv no, Cuiv nhiêx viv nênhs pluôs Lai Châu tưz hu zâuv sơưr đơưk sik đros paz tâu 42 tyv đeiv ntâu nhiêx txiêx. Txix chor nhiêx co, ntơưv qơư tưz tưz phênhz paz cxiv uô yiêz zuôr xar iz cxênhz luz tsêr niêv côngv siêz thiêz paz kho đuô yênhx puô luz tsêr txơưr đuô. Txơưv li ntơư, txos nhiv no ntơưv qơư cux tsênhv yuôr 5 cxênhz ntâu chuôz zis pluôs thiêz zuôr xar pluôs zuôr tâu paz max lok tsêr nhoz:“Paz cxiv uô tsêr niêv côngv siêz tsi tiêk heik lol sâuv côngv thôngx cêr siz hluz siz paz, sik pheiz kênh phiv liv, cêr txov đros têx chuôz zis pluôs, chuôz zis muôx côngz têz qơưk, tsênhv yênhx pênhr jos cxơưz paz thiêz cxiz lơưr sir jos huôv tsar uô nox”

Zơưv Hoàng Kiều Anh cux heik pâuz nzir, zos tỉnh ntus đriv, txov nhêv, Lai Châu xar cov têz qơưk tror moz siêz, lênhk txeik tâu sơưr đơưk têx cêr paz max li heik sâuv chiê fuô uô tsaz yênhx cxiv uô tsêr niêv côngv siêz trâu têx chuôz zis pluôs tâu trơưk tsưr ziv. Đhâu ntơư, paz lơưr nhoz truôx têz truôx qơư, huôv tsar uô nox, uô bluô nux, cxiv tsa têz qơưk, qơư nhoz ziv hnuz ziv truôx tuk, huôv tsar, vav mênhx./.

                                                                                                            Khắc Kiên-Riê Lâux cxeik, nhênhv

Cán bộ y tế nhoz tox siêz uô truôx luôs hâux lưv kho njuôk moz trâu pêx xênhv

Tân Sơn zos xã tox siêz huyện Chợ Mới, tỉnh Bắc Kạn đros 98% ntâu zos tsôngv box mênhx cxưx Cho sik đros nhoz uô nênhx, chor ziv chuôz zis pluôs hâur xã ndê txos 50%. Tân Sơn muôx 6 jos, hâur co Bản Lù kuôk qơư y tế xã muôx nhos 22 cei cêr, yuôr jos Phìa Rả kuôk 18 ceic êr, tsi tâu muôx cêr yêz muk txos tsênhv qơư xã. No cux zos qir tiv uô ntâu shông tov ntêx, Tân Sơn muôx chor mê nhuôk ruôr trâus tsơưr pưr siêz, muôx ntâu lênhx pox niêv xeir xênhz zus mê nhuôk hâur tsêr. Chiê hlôngr yiêz qênhx shênhx no, Qơư y tế xã tưz muôx cxaz bác sĩ thiêz y sỹ sản khoa, y học cổ truyền, điều dưỡng viên. Luz hli tưs, cán bộ trạm cux sik hlôngr muk txos têx jêx jos heik kriê tsôngv box tsoz phưz đas jos, tsưr ziv chuôz cxaz tsơưr pưr txix têx jâuz kok thiêz tsoz phưz đas jos trâu mê nhuôk thâuv qiv hơưv txơưr txar. Bác sĩ Trần Khắc Lộc, Trưởng trạm y tế xã Tân Sơn, huyện Chợ Mới, tỉnh Bắc Kạn puz pâuz:        “Kuôk nor 5-6 shông tsênhv muôx têx pox niêv xênhz tuz ci hâur chêr chiv chir xênhz zus nhuôk hâur tsêr tsi muk qơư y tế. Taz sik têx shôngk jê ntơưv no mak têx pox niêv muôx vênhv thix tưs lok đas jos, lơưr cux muk qơư y tế chiê seiz njuôs thiêz xênhz zus mê nhuôk ntơưv qơư y tế”.

   Chiê paz chor cán bộ y tế trạm, Tân Sơn cux muôx 6 lênhx cán bộ y tế jêx jos. Đhâu co, paz côngz xưv tsoz phưz đas jos qir thơưx trâu tsôngv box, tiv zix zos mê nhuôk tâu hlôngr yiêz. Pos Triệu Thị Kiều, Phưv chủ tịch UB xã Tân Sơn, huyện Chợ Mới, tỉnh Bắc Kạn heik:“Sik côngv têx jiês khiêz phêv jêx jos lưx lươngv cán bộ y tế sik côngv yax mông lok tsưr ziv tsoz phưz đas jos cux xưk li tsưr ziv nox hâuk cov muôx txâuk tsơưr pưr. Nhiv no mê nhuôk tâu cxax yuôx phax moz tax 100%. Chor mê nhuôk ruôr trâus tsơưr pưr ziv hnuz ziv txu grês”.

          Chiê phax tar ruôr trâus tsơưr pưr trâu mê nhuôk, hâur têx shôngk đhâu, nganhx y tế Bắc Kạn cux krêz uô uô cê, yax six têx huôx tôngv zuôr trâus tsoz phưz tsơưr pưr trâu mê nhuôk hâur côngv thôngx. Đros thax tsav qơư ar nxaz, zaoz thôngz lax muk lok, cán bộ y tế jêx jos xưk li têx lênhx nênhs paz tsoz phưz đas jos trâu tsôngv box, tiv zix zos đros têx lênhx pox niêv thiêz mê nhuôk zâu. Pos Hoàng Thị Biên, cán bộ y tế Bản Nhài (xã Bản Thi, huyện Chợ Đồn) pheiz kênh:      “Phênhv nhiêx paz txưv cux tsơưs taz sik côngz xưv no mak tsuv moz siêz uô, sir jos phưx vưv pox nhuôk, xar cov pox nhuôk muôx jông đas jos, muôx tâu luz nênhx jông đuô xưz”

    Thôngz đhâu têx tsaz yênhx li “ Hlôngr yiêz qênhx shênhx ruôr trâus tsơưr pưr trâu mê nhuôk” nhoz Tsaz yênhx y tế- jênh số; têx huôx tôngv hâur Dự án 7 lok tsoz phưz đas jos tsôngv box, muôz siêz đas jos hloz lox jông trâu nênhs mênhx cxưx tsơưs nênhs thiêz Tsaz yênhx phax tar ruôr trâus tsơưr pưr trâu mê nhuôk nhoz Tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz…nhiv no chor mê nhuôk tâu seiz njuôs cir lux thiêz chor mê nhuôk tsơưs đuô 60 luz hli hnuz nhôngs tâu cxaz nzir Vitamin A ntơưv Bắc Kạn tax zuôr xar 100%. Chor pox niêv tâu hâuk Vitamin A hâur hli xuz thơưx xênhz tuz ci tax 95%. Zơưv Vi Duy Tuyến, Phưv giám đốc Sở y tế Bắc Kạn puz pâuz:“Têx lênhx nênhs tâu sơưv tsaz yênhx têz qơưk li qơư tsov txos puôr lênhx tâu seiz shuôk txix jêx jos. Thôngx cxix đros qơư y tế li heik kriê, têx lênhx nênhs y tế jêx jos tsưr tsix krêz uô, heik kriê tsôngv box têx thax tsav tsôngv box mênhx cxưx tsơưs nênhs pâuz thiêz tâu zôngv têx jix vuv”.

          Cán bộ y tế nhoz xã, jêx jos li têx gôngr côngv tsênhv paz uô zênhx liv tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz hâur ntu zuôr txos./.

                                                                                                 CQTT Đông Bắc-Txâur Vax cxeik nhênhv