Sơn La hlôngr yiêz kriê cơưv uô hâux lưv trâu lox tôngv

Hnuz 1/8/2026, UBND tỉnh Sơn La tso tơưv tsưr ziv sôr 204/KH-UBND kriz uô Thủ tướng Chính phủ li Cuêz tênhv sôr 326/QĐ-TTg hnuz 24/2/2026 lok kriz uô Ban Bí thư li Chỉ thị sôr 37-CT/TW hnuz 10/7/2024 lok hlôngr yiêz hâux lưv kriê cơưv txux chi trâu lox tôngv nôngx cxênhz tax ploz zoz qơưx công nghiệp hóa, hlôngr yiêz nôngx cxênhz.

Trơưk li tsưr ziv, Sơn La xav tênhv hlôngr yiêz kriê hâux lưv uô zos iz hâur têx tsưr ziv coaz tsôngv chiê muôz siêz tsơưr lươngv nênhs lox tôngv nôngx cxênhz, thôngx cxix tuôv zênhv tsưr ziv huôv tsar kinh tế - xã hội ntơưv thax tsav qơư.

Sơn La li tsênhv tsênhz huôv tsar tsênhv tso tơưv zoz qơưx ziv hnuz ziv siêz đros tsơưr lươngv lox tôngv nôngx cxênhz. Ntu hlôngr yiêz cơ cấu kinh têr, huôv tsar công nghiệp, dịch vụ, ju lix, cxiv tsa nôngx cxênhz yiêz thiêz uô kôngz nuv lơưr saz hax huv, công nghệ siêz, nênhs lox tôngv tsi taz tsuv muôx chênhz zênhv uô mak tsênhv bax cxaz nzir yênhx tưv txux chi, pênhr xưv uô hâux lưv huv đros.

Viv li, tỉnh xav tênhv kriê hâux lưv uô tsuv reik đros nênhs lox tôngv li zoz qơưx, niêv ciêz lox tôngv li zoz qơưx thiêz hâux lưv uô đhâu thâuv kriê, thôngx cxix huv đros yênhx thax tsav qơư li tsưr ziv huôv tsar kinh têr - xar hôiv.

No cux zos kror hlôngr yiêz txix tsưr ziv kriê lơưr cơ sở kriê hâux lưv uô li pênhr xưv yênhx kriê lơưr niêv ciêz thiêz lênhx nênhs cơưv li zoz qơưx.

Iz hâur têx kror tsuv tsov cưv hâur Sơn La li tsưr ziv zos kriê hâux lưv uô tsi taz ndar txos hâux lưv paz nênhs lox tôngv "muôx iz hâux lưv uô", mak tsênhv tuôv zênhv zoz qơưx hlôngr yiêz tsưr ziv uô nox thiêz muôz siêz tsiv grê xiv huv kôngz nuv.

Sở kôngz nuv thiêz tênhx qơư tâu choz seiz car têx tsaz yênhx kriê nôngx mênhx sôr, nôngx mênhx txơưx, seiz car hợp tác xã yiêz; thôngx cxix thôngz sâu zoz qơưx kriê hâur vênhv thix kôngz nuv.

Hâux lưv kriê zuôr tâu reik đros yênhx thax tsav tsiv uô, thax tsav ar têz, kôngz nuv công nghệ siêz, tsaz yênhx OCOP, hâux lưv uô hâur jêx jok thiêz têx tsiv grê xiv huv kôngz nuv.

Tsưr ziv no zos chiê paz trâu pêx xênhv tsi taz gra siêz tsưr ziv tsiv uô mak tsênhv yênhx trus pâuz tâu tsưr ziv uô yiêz, sir zôngv công nghệ, gra siêz pênhr xưv seiz car, tsưr tsix uô thiêz sik côngv đros niêv ciêz.

Tiv zix, tỉnh cxơưz cxiz doanh nghiệp cxaz chuôz kriê hâux lưv uô, kriê đuô, muôz siêz txux chi trâu nênhs lox tôngv thiêz xeir zuôr nênhs lox tôngv đhâu thâuv cơưv shâuv tâu. Đhâu co, chuôz tsar tsơưr lươngv kriê hâux lưv uô, txo grêk qênhx shênhx nênhs cơưv muôx chứng chỉ taz sik muôx tsơưs hâux lưv uô lok sik txux chi tsik tâu huv đros doanh nghiệp li zoz qơưx.

Thâuv nênhs lox tôngv tâu kriê trơưk zoz qơưx, doanh nghiệp muôx pênhr jos huv đros, nôngx mênhx muôx nzir txux chi tsưr ziv chiê tsưr tsix uô yiêz thiêz tiv phaz chuv tôngv tâu pênhr jos trâu têx nganhx kinh tế yiêz, kriê hâux lưv uô zuôr tsênhv tsênhz yênhx iz kror hâux lưv cxơưz cxiz hlôngr yiêz lox tôngv, muôz siêz phênhv sâu thiêz huôv tsar truôx thax tsav nôngx cxênhz Sơn La./.

                                                                                                 Thanh Thủy-Txâur Vax cxeik, nhênhv

Chos txir suôz câur xiêr-tsưr ziv paz trâu tsôngv box tox siêz Trạm Tấu tơưv đhâu yêiz pluôs

Tix lâus Lâu Xênhv Thox ziv chuôz zis nhoz jok Tấu Trên, xar Trạm Tấu, tỉnh Lào Cai têx hnuz no khov trâu muôx ntux yar chiê sâu chor txir suôz câur, muôs trâu chor nênhs zuôr. Tix lâus Lâu hêik: Đhâu nriêr pâuz ntơưv cxuô thax tsav qơư, pov chor txir suôz câur muôx tsiv gri kinh têr siêz, ho huv đros đêx ar ntơưv thax tsav qơư viv li pêz shông đhâu, tix lâus ziv chuôz zis tưz chos, kriz đar thax tsav chos txir suôz car hâur har jôngr:“Thax tsav tsênhv chos xar muôx 1 héc ta ntâu, njuôk xav sâu tâu xar muôx 4-5 puô cir, nhiv no mak cux paz muôx phênhv sâu tâu truôx jông”.

Cux li tix lâus Lâu ziv chuôz zis, jê lok no, ntâu ziv chuôz zis nhoz xar Trạm Tấu tưz sir jos chos txir suôz câur xiêr hâur har jôngr thâuv pov tâu kror tsiv gri txis chor zav tsoz chos no. Tix lâus Chư Xênhv Muôk, nhoz jok Tấu Trên, xar Tạm Tấu puz pâuz:“Cur ziv chuôz zis tưz chos tâu xar muôx 1 héc ta, iz shông sâu tâu xar muôx 1 tấn, muôs tâu txix 70-80 tsov đêiv iz shông. Chos txir suôz câur mak tsik tas ntâu đas jos tu ho paz muôx tâu kinh têr siêz, paz muôx nzir phênhv sâu trâu chuôz zis”.

Txir suôz câur xiêr zos zav tsoz chos huôv tsar jông hâur har jôngr cêv fix, ntông xoan thiêz cxuô zav tsoz chos ntêr shông txơưr, viv li thâuv chos zav tsoz chos no, pox nhuôs zuôr chos tâu hâur têx ar têz nhiv no muôx. Zơưv Nguyễn Thế Thanh, canr bôv cxơưz cxiz uô kôngz, Tsênhv qơư Dịch vuv tổng hợp xar Trạm Tấu puz pâuz: đhâu chos txix 2-3 shông, tsoz chos piz sâu tâu thiêz zuôr sâu tâu tsik so txix 10 txos 20 shông:“Tsoz txir suôz câur huv đros đêx ar ntơưv xar Trạm Tấu. Lơưr pêz ntâuk gri mak tsoz txir suôz câur paz muôx tâu kinh têr trâu chor ziv chuôz zis muôx har jôngr lok sik têx ar têz tsês khôngz”.

Txix têx uô tâu xuz thơưx, xar Trạm Tấu tsênhv sir jos kriz đar thax tsav chos, sêiz no zos iz hâur têx tsưr ziv huôv tsar kinh têr, txo grêk yêiz pluôs sâuv thax tsav. Zơưv Trịnh Văn Xuê, Bí thư Đảng ủy xar Trạm Tấu puz pâuz:“Xuz thơưx, đros iz cxiê ziv chuôz zis, chor txir suôz câur tưz paz muôx tâu phênhv sâu txix 50-70 tsov đêiv, muôx têx ziv chuôz zis sâu tâu ntâu đuô 100 tsov đêiv. Txos nhiv no, txir suôz câur tưz tâu chos xar muôx 100 héc ta”.

Hlôngr đuô tsoz chos, tsôngv box tox siêz Lào Cai tsênhv sir jos uô cov muôx tâu luz nênhx hlôngr yiêz jông đuô, đhâu ntâu shông chos chor zav tsoz chos kuz taz sik muôx tsik tâu phênhv sâu siêz./.

                                                                                                          Đinh Tuấn-Lik Thox cxêik nhênhv