Sir jos cxiv uô cêr kror ar Hoàng Liên

Sâuv đruôz đraz trôngz Hoàng Liên ntơưv xar Bình Lư, tỉnh Lai Châu, tsênhv sir jos yâu, thoz têx poz jêz. Chor công nhân sik hlôngr njo uô hâux lưv, kênh lênhx mak tsar meir, têx tus ho tso meir yâu poz jêz, iz cxiê lênhx txơưr đuô  uô hâux lưv qênhz yuôx shuôs têx qơư nhiv kruôr yâu khơưz. Iz hli ntâu xav txix thâuv qir uô têx hâux lưv li heik sâuv, sơưr đơưk tưz khơưz tâu zuôr xar 30 thiêr. Tix lâus Hà Văn Hoan, lênhx nênhs tsar meir yâu poz jêz, krêz uô cêr kror ar muk đhâu trôngz, Công ty cxiv tsa thiêz muôv muôs 299 heik kriê:“Nhiv no pêz cux tsênhv sik hlôngr njo uô 3, 4 paz uô hâux lưv hâur yênhx hnuz hmo thiêz nhiv no tưz kriz yâu tâu muôx nhos 30 thiêr lơưv. Krêz yâu cêr kror ar nhiv no zov chênhr zos ntơưv trôngx kror tsênhv tsik tâu khor truôx, viv li tsênhv zuôr tsuv cxênhv thiêx truôx tuk trâu khơưz yâu têx poz jêz. Pêz phênhz côngz 1 paz uô đruôz hnuz iz ciêz, đhâu ntơư hlôngr uô hmo ntux iz ciêz, sir jos cov uô tiêr tâu nzor têx hâux lưv zok muôz, chiê muôx cêr  trâu tsôngv pêx xênhv zôngx ziv muk lok đuô”.

Sơưr đơưk cêr moz siêz, sir jos sik hlôngr njo uô hâux lưv zênhx max tsi tiêk zos kror ar, mak sâuv tas nro côngz tsênhx, 250 ntâu lênhx canr bôv kỹ thuật, công nhân thiêz lênhx nênhs paz lês uô têx hâux lưv uz no đros trâu zuôr xar 150 luz meir, chuôz zênhx tsênhv tâu hu zâuv, gra tuôx uô hâux lưv.

Ntơưv côngz tsênhx pêv hâur Lai Châu, têx lênhx nênhs uô hâux lưv tsênhv sir jos cxiv uô trôngx kro kror ar, luôv plas cêr, qox thiêz têx côngz trênhx txơưr đuô. Ciês qơư chênhr, mak iz hnuz xav kror đruôz đraz yâu khơưz tâu txix 1,5-2 thiêr. Zơưv Nguyễn Duy Sông, thơưx seiz car côngz tsênhx, Giám đốc Ban seiz car Công ty Tập đoàn Đèo Cả - taz viv sơưr thơưx sik côngv sêiz car uô dưv anr puz pâuz:“Txix hli 5 txos hli 7 saz Lai Châu cux tsênhv uô tâu taz sik phênhv ntâu tsi tâu ntâu viv ntux txơưr txar phiv liv. Chiê uô nzir trâu têx hnuz nhôngs uô tsi tâu hâux lưv co, saz Lai Châu Công ty tưz tso 3, 4 paz sik hlôngr njo uô hâux lưv tsi so hlo. Nhiv no cxuô luôs hâux lưv tsênhv tâu fuô uô trơưk tsưr ziv, cui tinhv. Thiêz ntu krêz uô trôngx kror no, xav kror đruôz đraz 1 hnuz taz viv uô tâu txix 1,5-2 thiêr”.

Dưv anr cêr kror ar Hoàng Liên xav hur si pênhr yưv uô tas muôx 3.300 tyv đeiv, qir uô hnuz 19/12/2025, uô txos trâu shông 2027. Ntu cêr co ntêr xar muôx 9 cêik, muk txix Lai Châu trâu Lào Cai, tâu vav chiê siêz  zuôr kriz đar qơư huôv tsar, muk lol tâu zôngx ziv trâu 2 chas thax tsav, cxơưz paz đas jos yưv pênhr thiêz huôv tsar ju lix. Taz sik, chiê côngz trênhx kriz uô huv đros, phiv liv lox yax nhiv no cux zos ar têz saz Lào Cai. Zơưv Nguyễn Duy Sông heik pâuz nzir:“Nhiv no tsưr yưv pênhr uô tsênhv hux jos đros tsưr yưv pênhr thiêz ntơưv qơư sik đros đơưk têx phiv liv lok sâuv ar têz ntơưv Lào Cai. Pêz cux  cơưv lok six ntâu jiês thiêz muk vênhv tôngv pêx xênhv, taz sik nhiv no cux tsênhv uô tsi tâu têx li heik co. Chiê fuô uô tâu trơưk hâux lưv tso tơưv, taz viv xar cov nzor muôx tâu qơư chiê uô dưv anr . Viv nhiv no ntơưv Sa Pa, tỉnh Lào Cai taz viv tưz cxiv uô qơư nhoz thiêz  gra têx chuôz zênhx, meir uz no tuôx nhoz tok lơưv”.

Đros trâu đơưk têx phiv li heik sâuv, chor nênhs yưv pênhr uô tror hu zâuv ntâu tus chôngz lênhx nênhs, meir uz no tuôx uô hâux lưv; huôk njôngr six hơưv, hnuz nhôngs ntux yar, kruôr krơưr chiê fuô uô luôs hâux lưv zok muôz. Kỹ sư Nguyễn Quang Nguyện, seiz car côngz trênhx, Công ty cxiv tsa thiêz muôv muôs 299 puz pâuz:“Phiv liv tiv zix nhiv no cux zos zuôr ar uô cêr saz tov Lào Cai, thâuv tưs đơưk uô tâu têx li heik co thiêx fuô uô  tâu cxuô luôs hâux lưv, trơưk li tsưr ziv tso tơưv. Hok xưk li ciês thâuv nhiv kruôr tuôx, cxuô taz viv puôr lênhx pâuz no zos thax tsav tox siêz, khênhr lok nas ntâu taz sik co tsi zos kror chênhr mak zov chênhr zos muôx ar, muôx qơư chiê uô dưv anr xưz. Tsưr yưv pênhr cux tưz bax cxix cxuô meir, chuôz zênhx, lênhx nênhs chiê muôx têx cxiv tsa cov tâu trơưk li hâux lưv tso tơưv, taz sik txos nhiv no saz Lào Cai cux tsênhv tsi tâu muôx ar viv li fuô uô tsi tâu cxix”.

Iz truôv, iz thiêr, iz cêik cêr kror ar tâu krêz uô nhiv no zos jux juk uô tiêr thôngz ntu cêr kror ar Hoàng Liên. Thâuv têx phiv liv lok ar têz tâu đơưk tu, têx taz viv cxiv uô cêr zuôr muôx nzir qơư chiê sir jos uô cov tiêr têx luôs hâux lưv zok muôz trơưk tsưr ziv tso tơưv./

                                                                                                                          Khắc Kiên-Riê Lâux cxeik, nhênhv

Sơn La kriz uô hâux lưv 100 hnuz uô Ntơưr đas jos điện tử

sâuv VNeID

Yênhx lênhx nênhs yênhx trus muôx iz ntơưr đas jos điện tử:

Kror zov chênhr hâur hâux lưv no zos sik côngv xor mông lok lênhx nênhs li đas jos, txix xor mông seiz njuôk shuôs đas jos, seiz njuôk shuôs moz txos xor mông seiz njuôk shuôs thiêz kho moz ntơưv têx qơư y tế.

Sâuv co, Ntơưr đas jos điện tử sâuv ứng dụng VNeID tâu uô, cxaz nzir thiêz sir zôngv tsênhv tsênhz, ndar txos tsưr ziv iz lênhx nênhs muôx iz ntơưr đas jos điện tử sâuv VNeID.

Hâux lưv số hóa xor mông đas jos tâu vav tiêk chox lok ntâu kror jông trâu tas nro tsôngv px thiêz cơ quan seiz car. Hlôngr viv xor mông seiz njuôk shuôs, kho moz tâu tsês trâu ntâu qơư y tế, xor mông đas jos jux juk tâu cxiv uô, sik côngv thiêz cxaz nzir sâuv tênhx qơư số.

Đros tsôngv pêx xênhv, no zos kror chiê lơưr seiz njuôk shuôs đas jos zôngx ziv đuô, thôngx cxix muôz jông six hơưv chiê têx qơư seiz njuôk shuôs, kho moz nriêr pâuz têx xor mông tsuv muôx phưx vưv trâu njuôk shuôs, kho moz lơưr cui tênhv.

Đros nganhx y tế, xor mông đas jos tâu uô tsênhz mênhx zuôr gôngr phênhv muôz siêz pênhr xưv seiz car đas jos tas nro tsôngv px, paz trâu côngz xưv seiz car, chox kriê thiêz njuôk xav chính sách y tế lơưr xor mông.

Kriz uô uô cê txix tỉnh txos jêx jok, tôv dân phố:

Chiê hâux lưv no tax tâu chêx cuk, Sơn La heik têx taz viv tsi tos cov uô tiêr tas nro cxuô zav, phần mềm thiêx li kriz uô, mak tsuv tsưr tsix uô đros ntâu jênhv vưv.

Hâur co, têx taz viv chêx chôngk bax hạ tầng cxuô zav, txuôk đros cxix luôk, cungz tài khoản, kriê cxaz, thôngz sâu, qênhz yuôx tsơưr lươngv thiêz xor mông sâuv VNeID. Tiv zix, xor mông đas jos tâu muôz sâuv hệ thống tsuv taz por tsênhz mênhx đros tsôngv px li ntâuz ntơưr seiz njuôk shuôs đas jos, muôx cxix cxuô têx xor mông tsuv muôx, tsi siz bâus, muôx pênhr xưv sik côngv đros Cơ sở dữ liệu têz qơưk lok tsôngv px thiêz tâu cir ntơưr lơưr cui tênhv.

Sơn La cux tso tơưv zoz qơưx siêz lok taz por xor mông, ngaz tuk mạng hâur tas nro ntu kriz uô, taz por tsôngv px li dữ liệu đas jos tâu seiz car, kriz uô trơưk cui tênhv.

Hâux lưv tâu kriz uô sâuv tas nro tỉnh, txix têx chiz coaz chuyên môn, qơư seiz njuôk shuôs kho moz txos xã, phường, qơư y tế; thôngx cxix côngz xưv yax mông tâu uô txos têx jêx jok, tuêv jênh phố chiê pêx xênhv pâuz thiêz cxaz chuôz.

Txix "dữ liệu số" txos chuv tôngv tsoz phưz đas jos:

Tsi taz zos hâux lưv muôz xor mông trâu sâuv iz ứng dụng, hâux lưv uô ntơưr đas jos điện tử tâu xav tênhv zos iz trus hlôngr yiêz sôr nganhx y tế, chiê muôz siêz tsơưr lươngv seiz car thiêz tsoz phưz đas jos tsôngv px.

Lơưr tsưr ziv, têx jênhv vưv tsuv tâu kriz uô lơưr tsưr ziv tsênhz lênhx nênhs, tsênhz hâux lưv, tsênhz six hơưv, tsênhz chêx cuk, tsênhz txơưx jênhv thiêz tsênhz vax huôv; huiz tôngv tas nro cxiv luôs chính trị txix tỉnh txos tiv phaz.

Đros pêx xênhv, kror zov chênhr zos chuv tôngv sik côngv đros qơư seiz njuôk shuôs, kho moz thâuv seiz njuôk shuôs đas jos, kho moz thiêz sir zôngv VNeID chiê tâu zôngv têx jix vuv sôr lok đas jos thâuv tâu cungz.

Thâuv têx xor mông tâu txuôk đros, muôx cxix cxuô thiêz sir zôngv tsi so, ntơưr đas jos điện tử tsi taz zos qơư sâu tsês chiê xor mông seiz njuôk shuôs kho moz, mak ndar txos yênhx lênhx nênhs tsưr ziv seiz car zuk đas jos, thôngx cxix paz nganhx y tế hlôngr siêz txix seiz car, kho moz yênhx seiz car đas jos thiêz tsoz phưz đas jos tsưr ziv.

Chox luk: Chiến dịch 100 hnuz ntơưv Sơn La viv li tsi tiêk zos iz hâux lưv lok công nghệ lok sik số hóa ntâuz ntơưr. No zos kror tsênhv tsênhz uô hlôngr yiêz số hâur vênhv thix y tế, chox dữ liệu số txos jê đros pêx xênhv, muôz qơư chuôz jos chiê yênhx trus cxiv tsa cxix luôk coar lik đas jos tas nro pêx xênhv yiêz, zôngx ziv thiêz muôx chêx cur đuô./.

                                                                                                              Thanh Thủy-Txâur Vax cxeik, nhênhv