Zok nriêr chor tuz lênhv đrav ntêx tâu tas siv nênhx ntơưv trôngz jôngr cam Đường

Nhoz toz xar muôx 1,2 thiêr hâur ar ntơưv trôngz Đá Vôi, chor nza liệt sĩ tâu phâuk siz jê uô cê, siz kuôk txix 2,5 txos 3 thiêr. Xav txos nhiv no, 30 luz nza tưz tâu chor lưx lươngv muôx vax huôv zok khơưz tâu. Hâur co, ciês jiês zok nriêr txix thâuv hâur hlik hli 9 txos nhiv no tưz zok nriêr tâu 28 lênhx liệt sĩ. Sâuv thax tsav trôngz đar xar muôx 4.000 thiêr ndis, chor lưx lươngv nhiv kruôr zok nriêr tâu muôx 500 ntâu thiêr ndis thiêz tror sir jos zok nriêr nzor. No zos iz hâur têx qơưk phâuk chor canr bôv, chiên sĩ đrav ntêx trâus tuôs hâur jiês tir ntâuk tros châuz por vêv ntus đriv shông 1979.

Đros chor lưx lươngv zok nriêr uô hâux lưv zok nriêr muôx chor tuz lênhx lâul thâuv ntêx. Đại tá Đỗ Chí Thanh-kuz Chinhr ủy Bôv Chỉ huy Quân sự tỉnh Yên Bái, Phưv Ban liên lạc Kuz bôv đôiv lâul Trung đoàn 121-tưz lok trâu ntơưv trôngz Đá Vôi chiê hlơưr shaz ndo txos chor tuz lênhx tâu tas siv nênhx ntơưv no. Njiê pov chor nza khơưz tâu đhâu xar muôx iz đraz thế kỷ tsuv tâu phâuk ntơưv trôngz jôngr no, zơưv hêik pâuz :“Pêz tsênhv tâu uô nênhx nhoz txos nhiv no, phênhv ntâu zos sơưr đơưk tưz tâu tas siv nênhx... Txix hâur siêz xar, cur lok six shir phaz, uô tsâus Đảng, Têz qơưk muôx tsênhv chêi 500 hnuz hmo no.

Hâur chor nza nhiv kruôr khơưz tâu, lưx lươngv muôx vax huôv pov muôx iz đêiv poz jêz zâu sâu tiêk: Liệt sĩ Phan Lê Nghi, tau tas siv nênhx hnuz 24/2/1979, nhoz Thanh Chương, Nghệ Tĩnh. Khov muôx đêiv poz jêz no tâu tso trâu sâuv sóng xa đuôz Côx phax, tix lâus Phan Lê Minh nhoz ntơưv kuz qơư tưz hu tênhv trâu tix lâus zos Phan Lê Văn-nhiv no tsênhv uô nênhx nhoz ntơưv phường Cam Đường-tuôx trâu ntơưv trôngz Đá Vôi chiê xav jênhv. Shông 1979 thâuv txir trâus tuôs, tix lâus Văn Nhiv kruôr muôx 7 shông, hok tuk cưr nhiv kruôr muôs 6 hli hnuz nhôngs. Tuôx txos ntơưv txir luz nza, tix lâus Phan Lê Văn hêik pâuz:“Cur uô tsâus muôx Đảng thiêz Chinhr phuv li côngz xưv 500 hnuz hmo no mak chuôz zis thiêx tror nriêr pov tâu txir. Zos siv ADN huv zos mak zuôr chox txir muk tso đros niêv. Cur niêv shông no cux muôx 86 shông lơưv...”

Chiê têx siêz xar chox tâu chor tuz lênhv đrav ntêx tâu tas siv nênhx tror lok đros chuôz zis li tix lâusl Văn nzor tâu kriz uô, 50 ntâu canr bôv, chiến sĩ Bôv Chỉ huy Quân sự tỉnh Lào Cai đros lưx lươngv công binh, quân y cux tsênhv sir jos kriz đar thax tsav zok nriêr sâuv luz trôngz Đá Vôi. Hêik lok hâux lưv tsênhv kriz uô, Thượng tá Lương Hoàng Giang-Chinhr ủy Bôv Chỉ huy Quân sự tỉnh Lào Cai hêik mênhx:“Cans bôv, chiến sĩ Bôv Chỉ huy Quân sự tỉnh Lào Cai tưz kriz uô lok six truôx jông, huv zos txiê siêz xar, nriêr cov pâuz xênhv bê thiêz chox chor liệt sĩ tror lok đros chor nênhs cxênhz jê thiêz chuôz zis”.

Nhiv no tas nro 30 lênhx liệt sĩ zok nriêr khơưz tâu ntơưv trôngz Đá Vôi tưz tâu yêv lok trâu ntơưv qơư tsês chiê lok six jông chiê uô cov tiêr ntâuz ntơưr, muôz mẫu njuôk shuôk ADN, tsưr tsix ntênhk txix côngv thiêz uô đaz uô kruôz cấp tỉnh./.

                                                                                                                  An Kiên-Lik Thox cxêik nhênhv