Lai Châu: Tror kho đuô đras liêx Mường Than đhâu trâus đêx ngaz cuôr

Têx hnuz hâur hlik hli 9, chor taz viv cxiv tsa tsêx trung huiz tôngv ntâu chuôz zênhx chiê thoz huk, zơưv têx ar poz jêz đhâu trâus đêx cuôr yôngz sâuv đras liêx Mường Than nhoz xã Mường Than, tỉnh Lai Châu. Txix tơư trôngz Hoàng Liên Sơn, iz tuk đêx yiêz ntưk đhâu thax tsav trâus đêx cuôr yôngz tsênhv jux jus tâu kriz đar. Têx poz jêz lox tâu khơưz thiêz yêik txar, yêv hâur plas cưx đêx lok, paz trâu đêx ntưk tâu jông đuô.

Côngz trinhx thoz huk, khơưz cưx đêx ntơưv thax tsav đêx ngaz cuôr Mường Than ntêr xar muôx 4.6 cêik cêr, Tuk cưx hax trâu đêx ntưk muk đar txix 20 txos 40 thiêr, đros tas nro nhiêx txiêx yưv uô zos 13 tiv đêiv ntâu. Tsưr ziv uô côngz trênhx zos khơưz, thoz huk trâu têx đêx zâu ntưk lok tâu, txo grêk tsơưs chor đêx ntưk muk trâu thax tsav qơư nhoz thiêz đral liêx Mường Than. Zơưv Bùi Tiến Dũng, Giám đốc Công ty TNHH Quang Minh, tsênhv uô kror hâux lưv no puz pâuz:“No zos hâux lưv zov chênhr, tsuv uô cov zos li tsưr ziv tso tơưv, viv li taz viv tưz bax têx meir ntơưv công trường chiê kriz uô sêi tiv zix. Thâuv uô taz viv cux njiz iz cxiê kror phiv liv, chor poz jêz phênhv ntâu zos poz jêz lox, têx meir cux khơưz, yêv tsil tâu, viv li taz viv tsuv uô cxuô faz tsưr ziv chiê kho đuô cov tâu cưx tu đêx no. Xav jênhv six hơưv uô cov tiêr zos kror zov chênhr, viv li taz viv tưz bax ntâu tiv zix têx meir, lênhx nênhs chiê  uô cov tâu tiêr li tsưr yưv pênhr tsưr ziv tso tơưv”.

Chiê uô cov tâu li tsưr ziv tso tơưv, chor canr bôv, kỹ sư Ban Sêiz car dưv anr têx côngz trênhx kôngz nuv thiêz huôv tsar tox siêz tỉnh Lai Châu cê hêik tsôngv box đros uô, cêr đros tsưr yưv pênhr đơưk kho têx phiv liv muôx yưv sâuv côngz trênhx. Thav đros nênhs sâu xor xưv Đeix TNVN, kỹ sư Nguyễn Trung Kiên, puz pâuz muôx têx liêx têz tsôngv box zuôr tror huôv tsar uô tâu nox, muôx têx thax tsav ho trâus ar poz jêz cxuz tas ntâu, zuôr tror kriz uô tsik tâu chiê chos kôngz:“Ntâu qơư kriz uô, muôx têx qơư pox nhuôs zuôr tror uô tâu chiê chos kôngz, viv li pox nhuôs hêik tsik khơưz ntâu. Yuôr têx qơư trâus ruôr hiêv tas ntâu, zuôr chos tsik tâu kôngz lôngk mak tâu taz viv  zôngv uô qơư chiê cxuô zav. Hâur qênhx shênhx kriz uô muôx ntâu phiv liv, viv li taz viv tsuv hêik tsôngv box thôngx ziv đros hâur ntu cê qênhz yuôx, cê cxiv tsa tsưr ziv thiêz cê kriz uô”.

Côngz trinhx thoz huk cưx ha trâu đêx ntưk muk ntơưv thax tsav trâus đêx ngaz cuôr Mường Than tâu kriz uô lơưr tsưr ziv cxiv tsa sêi, kriz uô txix hnuz 3/8 nhiv kruôr đhâu. Ban Sêiz car dưv anr heik têx taz viv nênhs thầu huiz tôngv ntâu tiv zix têx meir, chuôz zênhx, lênhx nênhs chiê sir jos uô tiêr côngz trinhx no hâur 60 hnuz hâur shông 2026. Zơưv Lương Việt Thảo, Giám đốc Ban Sêiz car dưv anr têx côngz trênhx kôngz nuv thiêz huôv tsar jêx jok tỉnh Lai Châu, hêik pâuz: “Dưv anr thoz huk khơưz cưx ha trâu đêx ntưk muk ntơưv xã Mường Than tâu uô lơưr tsưr ziv sêi, zov chênhr. Pêz tưz huiz tôngv tas nro têx chuôz zênhx sâuv thax tsav 2 huyện kuz zos Tân Uyên thiêz Than Uyên, chêx chôngk chiê cxiv uô hnuz, uô hmo, uô 3 ca. Taz viv zuôr sir jos hâur 60 hnuzr uô tiêr hâux lưv no, paz muôx tâu iz tuk cưx ha lox tiv zix, chiê trâu pox nhuôs sơưr đơưk nzor kho đuô tâu đras liêx Mường Than, tror uô têx kôngz lôngk”.

Đhâu trâus lok nas chuô ruôr hiêv, thôngz sâu ntơưv tas nro xã Mường Than muôx zuôr xar 1.200 ziv chuôz zis trâus ruôr hiêv lok blêx, jauz tâuv, tas nro muôx 304 ha ntâu, hâur co zuôr xar 250 ha trâus hiêv 70% ntâu, 13 ha ntâu pak đêx zus shuôz njêl trâus cuôr yôngz, ar cxuz tas, yênhx cxênhz tuk tsiêx cxu, keiz ok trâus tuôs, cuôr yôngz. Zơưv Cao Khánh Toàn, Phưv Chủ tịch Ủy ban xã Mường Than puz pâuz:“Hâur thax tsav xã cux tsênhv taz tov kho đuô têx trâus  uô ruôr hiêv, chiê tror huôv tsar uô nox, huôv tsar kinh tế. Hâur thax tsav cux tsênhv yuôr lok six ntâu kror phiv liv, viv têx trâus ntux nas uô ruôr hiêv cux lok six ntâu. Chinhr quyênx ntơưv qơư siêz xar njôngr zos tâu cxuô cấp muôx vax huôv paz lok têx pênhr jos, chiê paz trâu xã Mường Than nzor kho đuô, truôx tuk luz nênhx trâu tsôngv pêx xênh sđ”.

Đhâu jiês trâus đêx nas cuôr yôngz, tsôngv box Mường Than tsênhv sir jos chiê kho đuô tuk cưx ha thiêz tror kho đuô têx liêx têz trâus puôk tsuôx. Hâux lưv kho đuô tul đêx cê zos côngz tsinhx tsuv uô sêi chiê phax tar ntux nas chuô, cê paz tâu jông trâu tsôngv box thax tsav trâus đêx nas uô ruôr hiêv tror huôv tsar uô nox, mak tsênhv muôx tsiv gri jông cxơưz cxiz siêz njênhs njôngr, paz hlôngr yiêz luz nênhx sâuv thax tsav Tây Bắc no./.

                                                                                                       VOVTB-Lik Thox cxêik nhênhv

Sơn La bax phax tir thêir têx tsi jông uô ruôr hiêv txos truôx tuk tênhx qơư

Tsưx phưv truôx tuk têx tsi jông uô ruôr hiêv txos luz nênhx, xã hội tsi tiêk zos têx cik txos côx phax, txiv ngaz trơưk li ntu thâuv ntêx mak tsênhv muôx ntâu phiv liv uô ruôr hiêv txos luz nênhx xênhz huôx, huôv tsar uô nox thiêz yênhx thax tsav qơư cêr huôv tsar truôx.

Sơn La, zos iz tỉnh tox siêz, ntâu thax tsav đêz đrôngs, ntus đriv, têx li huôz chuô txơưr txar, ntux nas, moz gênhk, truôx tuk mạng ziv hnuz ziv phiv liv, chênhr viv li tsuv sir jos phax tir thêir, tsưx phưv truôx jông.

Thôngz đhâu tsưr ziv sôr 230, Sơn La tso tơưv hâux lưv gra siêz canr bôv, đảng viên, chiến sĩ lưx lươngv vũ trang thiêz pêx xênhv cxuô heir nênhs tsưr ziv jênhv pâuz lok phax tir thêir têx tsi truôx tuk, uô cxâuv chei têz qơưk; txix ntơư paz cxiv tsa txux chi, tsưr ziv bax phax tir thêir huv đros thiêz truôx jông txix ciês ntơưv qơư.

Iz hâur têx hâux lưv zov chênhr tâu tỉnh xav tênhv zos hlôngr yiêz tsưr ziv yax mông. Đros trâu têx li heik co, cxuô faz tsưr ziv, chuôz zênhx yax mông thâuv ntêx zuôr tâu txuôk đros nền tảng sôr, mạng xã hội thiêz thôngz xor mông ntơưv qơư hêik lok phax tir thêir têx phiv liv, tsi jông, uô cxâuv chei têz qơưk trâu ntâu tus chôngz lênhx pêx xênhv pâuz txos.

Tsưr ziv uô no lok six jông trâu Sơn La, thâuv thax tsav qơư đar, tsôngv pêx xênhv khênhr nhoz tsi yuô uô cê thiêz muôx ntâu tsôngv box heir nênhs tsơưs uô nênhx nhoz tox siêz đêz đrôngs, ntus đriv.

Tsênhv njiêz yax kriê zuôr tâu fuô uô huv đros yênhx lênhx nênhs, thax tsav qơư. Lar heik zos cán bộ, pêx xênhv thax tsav tsôngv box heir nênhs tsơưs, thax tsav ntus đriv, tox siêz đêz đrôngs; iz chas ntơư, sir jos yax kriê ntơưv têx cơ quan, taz viv, tsêr cơưv ntơưr.

Fuô uô ntâu faz tsưr ziv yax mông li heik sâuv zuôr paz trâu tsôngv pêx xênhv pâuz tsênhz têx xor mông tsưr ziv bax phax tar têx tsi jông, ruôr hiêv hâur ntu nhiv no, lar heik zos têx phiv liv muôx yưv sâuv tênhv qơư số.

Ủy ban tỉnh Sơn La tsưr ziv cux heik fuô uô luôs hâux lưv phax tir thêir têx tsi jông, uô tsi truôx tuk txos huôv tsar kinh tế - xã hội.

Iz chas co, cxuô sở, ban, nganhx tsuv tso tơưv hâux lưv uô phax tir thêir têx tsi jông lok truôx tuk hâur thax tsav qơư nhoz.

No tâu seiz zos tsưr ziv jông thiêz fuô uô hâur iz ntu ntêr, viv phax tar truôx tuk tsi tiêk tâu uô thâuv zôngx ziv muôx yưv tsi jông mak tsuv tuôr xav txos ntu njuôk xav tsênhv chei, huôv tsar uô nox, cxiv tsa têx côngz trênhx thiêz huôv tsar kinh têr - xar hôiv.

Sơn La xav tinhv gra siêz txux chi, pênhr xưv phax tir thêir ntơưv qơư zos hâux lưv zov chênhr. Tỉnh jux juk cxiv tsa cêr sik côngv siêz jông, siz cxơưz, paz đas jos trâu têx lênhx nênhs lês car uô đreiv hâux lưv heik sâuv chiê uô tâu truôx jông cxuô luôs hâux lưv zok muôz, đơưk tâu zênhx max têx cuz nxor, phiv liv yưv siv.

Iz chas têx lênhx nênhs tâu choz hâux lưv li hêik sâu, tsuv muôx tas nro xã hội sik côngv đas jos tsưr ziv đros uô. Thâuv pêx xênhv tâu bax kriê tsưr ziv thiêz chênhr phax tir thêir, muôx têx zuôr qênhz pov tâu nzor, đơưk tu tâu sei têx tsi jông zôngx ziv muôx yưv./.

                                                                                      Thanh Thủy-Riê Lâux cxeik, nhênhv