Hêir nênhs poz ziz Than Uyên txux chi đhiê pax vuôs –Zos qơư txuôk đros côngv thôngx

Ntơưv yax tiêx xã Than Uyên, tỉnh Lai Châu tưz kriz uô cêr lov jêv xiêz 2/9. Yênhx cxênhz lênhx px hâur thax tsav tuôx đros côngv cêr lov jêv đros trâu suôz gâux, suôz trax đror lov jêv lul, đhiê pax vuôs, sênhr chêr muôx njiêz luk cêr côngv siêz txuôk đros côngv thôngx. Lar hêik, hêir nênhs poz ziz têx txux chi, vênhx huôv  sênhr chêr, đhia pax vuôs, tưz tâu tsưr tsix Việt Nam côngz fố quyết tênhv zos iz txux chi, vênhx huôv jông txuôk đros côngv thôngx thiêz tâu kriz uô lov jêv hâur têx hnuz kriz ntênhk hội hâur niêx shông.

Txix têx suôz gâux, suôz sênhr cưr cxiêx muôx njiêz luk têz qơưs vav mênhx, hlôngr yiêz, cxơưz cxiz tâu chôngz lênhx kruô tuôx đros côngv. Lar hêik zos, 2.500 ntâu lênhx tuz nxêik hluôk hâur thax tsav xã Than Uyên, Mường Than, Mường Kim, Khoen On, tỉnh Lai Châu sik côngv đhiê pax vuôs, sênhr chêr.

Sênhr chêr, đhiê pax vuôs, zos hêir nênhs poz ziz iz txux chi jông, hur si chor lâuk, hluôk puôr lênhx tâu sik côngv tuôr têk đhiê pax vuôs txuôk đros cêr côngv siêz jông huv đros hêir nênhs co luz nênhx cxôngx nzor.

Đhâu iz jiês xiêz 2/9, hêir nênhs poz ziz têx txux chi đhiê pax vuôs, sênhr chêr, ziv uô trâu cxuô hêir nênhs txơưr pâuz txos. Pos Tòng Thị Thêu muôx njêx muôs hâur jiês kriz uô cêr lov jêv no shir phaz lul hêik pâuz: “Đhâu jiês kriz uô cêr lov jêv hnuz no, pêz hêik trâu tsôngv kruô sđ pâuz txos cxuô hêir nênhs sđ têx txux chi, vênhx huôv jông hâur thax tsav tỉnh Lai Châu”

Cxuô hêir nênhs nhoz Than Uyên, xiêz 2/9, tưz yênhx hnuz chiê sđ tuôx siz njiz, siz chuôs. Thiêz tsôngv kruô nhoz cxuô qơư hâur thax tsav cux tuôx đros côngv cêr lov jêv. Pos Lò Thị Thêm, iz lênhx px nhoz Than Uyên shir phaz lul hêik pâuz: “Cur jông siêz hênhr, thâuv txos xiêz 2/9, cur thax tsav qơư nhoz muôx chôngz lênhx kruô tuôx ndis uô si trâu Than Uyên”

Txix têx cêr lov jêv, đhiê pax vuôs, sênhr chêr ntơưv yar tiêx Than Uyên, muôx chôngz lênhx kruô tuôx đros côngv. Txix têx cêr lov jêv txuôk đros côngv thôngx đhâu ntâu tiêv; cux chênhr zos cxơưz cxiz hêir nênhs poz ziz huôv tsar truôx têx txux chi, vênhx huôv jông cxôngx nzor muôx đros đrêiv hâur luz nênhx tsik chiê pôngz plox. Zơưv Phan Văn Ngọc, Chủ tịch UB xã Than Uyên hêik pâuz: “Muôx 2.500 lênhx px hêir nênhs poz ziz uô cêr lov jêv đhiê pax vuôs, sênhr chêr hâur hnuz xiêz 2/9. Hâu nov thiêz px cxuô hêir nênhs nhoz xã Than Uyên cux xar njôngr tiêk, đhâu hnuz kriz uô cêr lov jêv co, zuôr muôx chôngz lênhx kruô nhoz trâu cxuô qơư pâuz txos cxuô hêir nênhs hâur thax tsav xã Than Uyên têx txux chi, vênhx huôv jông cxôngx nzor, cxơưz cxiz tâu chôngz lênhx kruô tuôx sêiz shuôk, ndis uô si trâu Than Uyên”

Hmo kriz uô cêr lov jêv nhoz Than Uyên tưz suôx câuv, taz sik hêir nênhs poz ziz têx txux chi đhiê pax vuôs, sênhr chêr cux tsênhv nhoz trơưr tsôngv kruô siêz tsik plox thiêz cxơưz cxiz hêir nênhs poz ziz tsôngv tuz nxêik hluôk tuôr truôx zuk hêir nênhs têx txux chi, vênhx huôv jông cxôngx nzor muôx đros đrêiv hâur luz nênhx./.

                                                                                                     Tsu cxêik nhênhv-Khắc Kiên, CQTT Tây Bắc

Lào Cai: Tror kho đuô qơư cxiv uô qơư ndis uô si, sêiz shuôk têz qơưs

Thâuv têx tsênhv qơư huôv tsar uô ju lix lox nhoz tỉnh Lào Cai thâuv tưs tưz muôx chôngz nênhs tuôx, mak chor thax tsav tox siêz li Mù Cang Chải, Y Tý lok sik Si Ma Cai cux pov muôx chôngz lênhx ntâu tus tuôx ndis shuôs uô si. Hlôngr viv tsuôk ndis shuôs têx qơư jông jav, tsôngv kruô nhiv no tưz xeir  muk txos trâu têx jêx jok tox siêz đêz đrôngs chiê ndis shuôs têx txux chi cêr nênhx vênhx huôv ntơưv qơư. Hà Văn Thắng, nhoz TP Hải Phòng tuôx heik pâuz lok tsưr ziv xeir Si Ma Cai uô qơư chiê chuôz zis tuôx ndis shuôs uô si li no: “Chor nênhs tuôx Si ma Cai tsi chôngz li ntơưv Sa Pa, taz sik tuôx no cur lok six shir phaz, viv huôz chuô, tox trôngz câuv har seiz njiê kror tưs cux puôr lênhx jông, tsi tas li tsôngv box nhoz no cux lok six nhiêv kruô, jông siêz, shir phaz lus”.

Tsôngv kruô tsưr ziv hlôngr pâur qơư ndis shuôs uô si li ntơư, uô trâu cxuô thax tsav qơư tox siêz tsuv zênhx max hlôngr yiêz luôs hâux lưv seiz car. Lar heik li ntơưv ntênhs hôiv Tsêr mnov Bảo Hà, txeik tok muôx nhos 140.000 lênhx kruô tuôx ndis seiz têz qơưk uô si jiês no, công nghệ sôr thiêz hlôngr yiêz txux chi txeik tok kruô tưz tâu fuô uô chiê uô truôx jông têx hâux lưv heik sâuv phưx vưv tsôngv kruô tuôx ndis shuôs têz qơưk uô si. Zơưv Nguyễn Thành Công, Phưv Chủ tịch UBND xã Bảo Hà,heik pâuz:“Muôx iz kror jông, co zos pêz kriz uô trơưk têx txux chi, tsưr ziv yiêz thiêz têx nền tảng lok six muôx liv, côngz fênhx, tsênhz mênhx, paz pêx xênhv, tsôngv kruô muôx têx tâu seiz, pâuz txos cxuô zav muôx jông thôngz đhâu AI cxeik đuôz thiêz têx đuôz shav ntơưv Tsêr mnov Bảo Hà cux li chor qơư txi côngv, ndo txiêx njis hâur thax tsav xã”.

Luôs hâux lưv cxơưz cxiz huôv tsar ju lix ntơưv cxuô thax tsav qơư tsik tiêk txo grêk tsơưs phiv liv chôngz kruô hênhr trâu têx qơư ju lix lox, mak no zos tsưr ziv chênhr chiê muôz hâux lưv uô thiêz phênhv sâu tâu nzir trâu tsôngv box heir nênhs tsơưs ntơưv qơư. Zơưv Hoàng Trường Minh, Bí thư Đảng ủy xã Sín Chéng, khav tênhv:“Pêz vav chiê siêz tsôngv kruô sơưr đơưk cux li cxuô lênhx cxuô tus puôr lênhx pâuz txos Sín Chéng, chiê pêx xênhv muôx nzir phênhv sâu tâu iz chas uô kôngz, jux juk hlôngr pâur tsưr ziv huôv tsar uô nox, luz nênhx truôx tuk, tsâu sor zos zov chênhr đuô hur si”.

Chox kriê cêr tsôngv kruô hlôngr pâur tsưr ziv muk ndis uô si seiz têz qơưk txix huôv tsar uô ntâu qơư jông trâu sơưr đơưk muk lol seiz shuôs uô si, đros trâu por hưv, tuôr tsês têx txux chi vênhx huôv thiêz hlôngr yiêz sôr sêiz car tỉnh Lào Cai tsênhv jux juk fuô uô tâu truôx thiêz tsênhz mênhx đuô./.

                                                                                                              An Kiên-Riê Lâux cxeik, nhênhv