Ntâu lox tôngv nhoz Sơn La zuôr cxaz chuôz uô hâux lưv ntơưv ciêz đrôngs Hàn Quốc

Hâur ntu kinh tế - xã hội ntơưv tỉnh Sơn La tsênhv yuôr ntâu txov nhêv, iz shông, muôx yênhx châuv cxênhz lênhx lox tôngv txos hnuz nhôngs uô lox tôngv; taz sik, hâux lưv uô hâur tỉnh tsênhv tsơưs, chor lox tôngv muôx tsik txâuk hâux lưv uô, phênhv chôngz tsi muôx hâux lưv uô truôx, lar heik zos ntơưv têx xã tox siêz đêz đrôngs, thax tsav tsôngv box heir nênhs tsơưs.

Lơưr Sở Nội vụ tỉnh Sơn La, taz viv tưz bax uô hâux lưv đros iz cxiê thax tsav qơư nhoz Hàn Quốc thiêz tưz muôx 2 tỉnh nhoz têz qơưk no tuôx trâu Sơn La chiê cir ntơưr, xeir zuôr nênhs lox tôngv muk uô hâux lưv cheix chiv. Pos Lương Thị Như Hoa, Giám đốc Sở Nội vụ tỉnh Sơn La puz pâuz: Txos nhiv no, muôx 56 lênhx nênhs lox tôngv hâur Sơn La tưz muôx txâuk têx ntâuz ntơưr muk uô hâux lưv ntơưv Hàn Quốc. Six hơưv uô hâux lưv lơưr hux thôngx zos 8 luz hli; phênhv nhiêx hli iz hlik tâu nhos 39 tsov đeiv iz lênhx nênhs (iz hnuz uô hâux lưv 8 six hơưv, tsi tâu xav txos uô nzir):“No zos jiês xuz thơưx nhoz Sơn La muôx nênhs lox tôngv muk uô hâux lưv li heik sâuv trâu 2 chas têz qơưk đrâuv trơưk tsưr ziv no. Hâur ntu zuôr txos, zos têx li heik co tâu cxơưz tiês fuô uô zuôr paz jông trâu hâux lưv mak Nghị quyết Đại hội Đảng bộ tỉnh tưz tso tơưv, co zos muôx 5.000 lênhx nênhs muk uô lox tôngv saz têz qơưk đrâuv hâur six cxiv, cê uô hâux lưv lơưr cheix chiv, cê uô hâux lưv ntêr ntơưv 2 chas têz qơưk. Sở Nội vụ cux tưz đros cxuô nganhx, cxiv tsa nghị quyết cui tênhv lok phênhv paz, têx nhiêx kir txêik lơưr cui tênhv trâu nênhs lox tôngv. Đhâu hlo thâuv nghị quyết tâu HĐND tỉnh tso tơưv, Sở zuôr nhênhz chơưv cxiv tsa tsưr ziv chiê fuô uô”.

Lơưr UBND tỉnh Sơn La li đề án lok chox nênhs lox tôngv muk uô hâux lưv saz đrâuv têz qơưk lơưr hux thôngx, ntu 2025-2030, ntơưv qơư sir jos chox 5.000 lênhx lox tôngv muk uô hâux lưv saz đrâuv 2 chas têz qơưk; sir jos 100% nênhs lox tôngv cxaz chuôz tsaz yênhx tâu cơưv cxaz nzir luk saz đrâuv têz qơưk, choz kriê tsưr ziv thiêz heik kriê chei têz qơưk cxix cxuô uô ntêx thâuv zuôr muk đhâu thax tsav qơư nhoz; tsơưs tiv zix 70% nênhs lox tôngv đhâu thâuv tror lok têz qơưk muôx hâux lưv uô truôx lok sik chiv chir uô hâux lưv ntơưv thax tsav qơư; 100% xã, phường hâur tỉnh muôx nênhs lox tôngv muk uô hâux lưv saz đrâuv têz qơưk... Zơưv Nguyễn Đình Việt, Chủ tịch UBND tỉnh Sơn La heik pâuz:“Nhiv no tỉnh tsênhv sir jos fuô uô đề án, hux jos đros têx tsưr tsix, têz qơưk chiê sir jos tso nênhs lox tôngv muk uô hâux lưv đẩuv 2 chas têz qơưk. Tỉnh zuôr sir jos cxơưz cxiz sik côngv đros têx têz qơưk li: Hàn Quốc, Nhật Bản chiê tso nênhs muk uô hâux lưv trâu 2 chas têz qơưk đrâuv. Nhiv kruôr đhâu, pêz cux muôx jiês uô hâux lưv đros Đại sứ quán Nhật Bản, chiê hâur ntu zuôr txos zuôr tso tâu nzir ntâu tus chôngz lênhx lox tôngv muk uô hâux lưv trâu Nhật Bản”.

Sơn La zos tỉnh tox siêz, 80% ntâu zos tsôngv box heir nênhs tsơưs. Lơưr thôngz sâu, chor nênhs lox tôngv txix 15 shông tror zar sâuv muôx nhos 800 cxênhz ntâu lênhx; xav kror đruôz đraz iz shông, tas nro tỉnh zok nriêr hâux lưv uô trâu 20 cxênhz ntâu lênhx nênhs. Luôs hâux lưv tso nênhs lox tôngv muk uô hâux lưv saz đrâuv têz qơưk lơưr hux thôngx zos iz hâur têx tsưr ziv zov chênhr zok nriêr hâux lưv uô thiêz zos tsưr ziv jông paz nzir phênhv sâu tâu, txo grêk yêiz pluôs, cxơưz kinh têr - xar hôiv hâur thax tsav qơư huôv tsar. No cux zos iz hâur têx faz tsưr ziv paz txo grêk tsơưs nênhs lox tôngv muk uô hâux lưv đrâuv 2 chas têz qơưk tsi trơưk chei./.

                                                                                                           Lê Hạnh-Riê lâux cxeik, nhênhv

Vênhx huôv yênhx qơư cxơưz cxiz trâu huôv tsar ju lix Điện Biên

Điện Biên zos thax tsav qơư muôx 19 mênhx cxưx têx vênhx huôv, đros muôx 35 di tích tâu côngz jênhv thiêz 24 di sản vênhx huôv phi vật thể hâur bê ntơưr têz qơưk, hâur co muôx đhiê pax vuôs Xòe Thái thiêz hêir nênhs Tày, Nùng, Thái nhoz Việt Nam suôz gâux Then tưz tâu UNESCO côngz jênhv. No cux zos têx txux chi, vênhx huôv jông cxôngx nzor chiê Điện Biên huôv tsar têx hax huv, ndis shuôk ju lix muôx tsiv gri.

Lov jêv taz sik cux tsênhv tuôr tsês tâu cêr chax chês zos ntênhk hội Bun Huột Nặm - Tsôngv box Lào nhoz xã Núa Ngam li ntênhk hội Tsiêz ntor đêx, zos yênhx qơư vênhx huôv jông muôx tsiv gri trâu chôngz tsôngv box thiêz tsôngv kruô thâuv txos hli 4 yênhx shông. Zơưv Cao Văn Toàn, Phưv Chủ tịch Ủy ban xã Núa Ngam puz pâuz: Ntênhk hội zos jiês thor cov muôx ntux yar ntux nas huv đros, kôngz lôngk jông, đros co tror muôx nthuôr uô cêr lov jêv txix têx suôz đruôk, suôz trax, đhiê pax vuôs, tsôngk yo thiêz têx chuôz zênhx jông hâur luz nênhx:“Thâuv tsưr tsix tsiêz ntor đêx mak pêz li tsưr ziv zos cê tuôr tsês cê phuôx huiz cxuô mênhx cxưx sâuv thax tsav li têx tsiv gri vênhx huôv jông, hâur co zov chênhr zos mênhx cxưx Lào. Tiv zix zos pêz xar piêr pâuz, heik kriê cxuô mênhx cxưx txơưr sâuv thax tsav têx hax huv li: Mênhx cxưx Thái, Khơ Mú… Iz chas ntơư, têx di sản lok kror tsuô li kror tsuô Chua Ta sâuv thax tsav xã Núa Ngam cux tưz tâu UNESCO côngz jênhv zos di sản vênhx huôv. Tsưr ziv tsênhv tsênhz li ntơưv thiêz zuôr txos no mak pêz cux xar piêr ntâu đuô lok cxuô kror muôx nhoz Núa Ngam txos trâu tsôngv box, tsôngv kruô pâuz, tsi tiêk hâur tỉnh xưz mak trâu đrâuv tỉnh thiêz tas nro ntiêx têz pâuz txos”.

Ntênhs hôiv Bun Huột Nặm iz jiês tsưr tsix puôr lênhx zaz zâuv yênhx châuv cxênhz lênhx nênhs, tsôngv kruô tuôx sêiz shuôk, puz pov têx tsiv gri vênhx huôv tsênhv tâu uô zos têx hax huv thiêz ndis shuôk ju lix lok six jông. Đros ntênhs hôiv Bun Huột Nặm, ntênhs hôiv pax lâus mak tỉnh Điện Biên tsưr tsix yênhx shông cux puz pov kror tsiv gri no. Ciês ntênhs hôiv pax lâus shông 2026, hâur 7 hnuz, Điện Biên tưz tok muôx 76.000 ntâu lênhx kruô, phênhv sâu tâu muôx 120 tiv đêiv ntâu. Pos Lò Thị Huyền Giang, Hợp tác xã Ju lix côngv thôngx Quan Chiêng, phường Mường Lay, tỉnh Điện Biên puz pâuz:“Pêz hợp tác xã cux sir zôngv têx tsiv gri vênhx huôv zuk muôx ntơưv  li tsêr tsar lơưx, thiêz txix têx tsôngk yo, txix hur si zav nox. Thiêz txix pêz têx chuôz zênhx, chuôz tav cxôngx nzor, thâuv tsôngv kruô tuôx trâu hợp tác xã zuôr pov tâu têx tsiv gri vênhx huôv tsênhv tâu tuôr tsês, khơưk tsês chiê. Chiê tsôngv kruô cê tâu ndis shuôk têx huôx tôngv xênhz huôx hâur yênhx hnuz, mênhx cxưx Thái Đơưz li têx tsiv gri vênhx huôv thâuv tsôngv kruô tuôx txos ntơưv pêz”.

Đros tsôngv box Hmôngz, suôz kênhx zos iz phênhv tsik so muôx hâur luz nênhx vênhx huôv, txix nox tsiêz, nox yôngz lok sik uô đaz uô kruô. Viv li, hâux lưv tuôr tsês, phuôx huiz suôz kênhx cux zos tuôr tsês iz phênhv cêr nênhx vênhx huôv mênhx cxưx Hmôngz jông. Nghệ nhân Sình A Tâu, mênhx cxưx Hmôngz nhoz xã Sính Phình tưz ntâu shông tuôr tsês chor kênhx thiêx suôz kênhx, cê uô, cê kriê chiê suôz kênhx tror tâu tuôr tsês jông thiêz yuôz hâur luz nênhx côngv thôngx:“Kênhx tsik tiêk chiê nthuôr uô cêr lov jêv, vênhx huôv mak no tsênhv zos hêir nênhs Hmôngz iz vênhx huôv lok six zov chênhr. Tưz zos hêir nênhs Hmôngz mak tsuv muôx kênhx. Kênhx tâu yuôz thâuv muk tok nhaz lok sik yuôz thâuv nox tsiêz txos shông yiêz, lok sik muk uô si cux yuôz. Tiv zix thâuv muôx iz lênhx nênhs tâu tas siv nênhx mak tsuv muôx suôz kênhx, zos tsi muôx mak tsi zos hêir nênhs Hmôngz li têx cêr chêi, phongx cxưx lơưv”./.

                                                                                                                  Vũ Lợi-Lik Thox cxêik nhênhv