Điện Biên: shux xênhz shir phaz lul trâu shông yiêz ntơưv têx tsêr cơưv oz cấp thax tsav ntus đriv

Bax kriz cơưv shông cơưv yiêz, tsêr cơưv Phôv thông nội trú Cxênhx iz thiêz Cxênhx oz xar Sam Mứn lov jêv ntưk, thâuv chor nênhs cxiv uô thiêz chor cưk kriê ntơưr sik côngv têk uô cov tiêr têx hâux lưv uô kaz ciês hâur cxiv tsa tsêr cơưv chiê muôz luz tsêr cơưv no lok kriê ntơưr. Jê hnuz kriz cơưv shông cơưv yiêz, têx trôngx tos hâur yênhx lớp tưz tâu bax cxix cxuô; qơư shux xênhz nhoz thiêz têx chuôz zênhx paz trâu kriê ntơưr, nox nhoz, xênhz huôx… cux tưz tâu bax tiêr jông chiê tok shux xênhz tuôx cơưv ntơưr. Shông cơưv no, tsêr cơưv muôx 31 lớp đros muôx 1.000 ntâu lênhx shux xênhz thiêz 66 lênhx canr bôv, cưk kriê ntơưr, nhân viên. Cưk kriê ntơưr Nguyễn Trọng Sơn, Hiệu trưởng tsêr cơưv puz pâuz: “Chiê bax trâu hnuz kriz cơưv shông cơưv yiêz, hâur hli 8 tsêr cơưv tưz chiê tas nro canr bôv, cưk kriê ntơưr, nhân viên bax cov tiêr cxuô zav, bax têx qar cơưv ntơưr, qar bộ môn chiê txêik tok shux xênhz tuôx cơưv ntơưr. Hnuz 28/8 zos hnuz xuz thơưx shux xênhz tuôx cơưv ntơưr mak tsêr cơưv tưz huiz tôngv tâu 65% chor shux xênhz tuôx cơưv ntơưr”.

Tsêr cơưv Phôv thông nội trú Cxênhx iz thiêz Cxênhx oz xar Sam Mứn tâu cxiv tsa txix hli 10/2025. Đhâu 10 luz hli cxiv tsa, txos nhiv no, cxuô kror tưz bax tâu jông chiê muôz lok kriê ntơưr. Đros chor shux xênhz nhoz ntus đriv tsênhv yuôr ntâu txov nhêv, tâu cơưv ntơưr hâur tsêr cơưv yiêz đros muôx cxix cxuô têx chuôz zênhx tsênhv paz muôx nzir cêr shir phaz lok six ntâu. Phan Dương Bích Ngọc, shux xênhz lớp 9A, Tsêr cơưv Phôv thông nội trú Cxênhx iz thiêz Cxênhx oz xar Sam Mứn puz pâuz: “Cur muk txix tsêr tuôx tsêr cơưv lok six zôngx ziv viv tsêr cơưv nhiv kruôr cxiv uô cêr yiêz lok six đar; txix cur tsêr tuôx tsêr cơưv tsuôk tas muôx nhos 10 phênhz xưz. Cur pov têx chuôz zênhx, tivi, têx trôngx tos lok six lox thiêz hur jông, cxơưz cxiz trâu cur cơưv ntơưr jông đuô”.

Zơưv Lê Ngọc Hoàn, Phưv Chủ tịch Ủy xã Sam Mứn puz pâuz: Chiê luz tsêr cơưv yiêz nzor kriê tâu ntơưr truôx tuk, chinhr quyênx ntơưv qơư tưz đros tsêr cơưv qênhz shuôk yênhx lênhx shux xênhz li luz nênhx, pâuz tâu têx lênhx nênhs tsuv tâu chiê nhoz nội trú; yax mông, vênhv tôngv shux xênhz niêv txir thiêz heik cov uô tiêr têx ntâuz ntơưr tsuv muôx chiê mê nhuôs tso siêz cơưv ntơưr, cơưv shâuv, nox nhoz hâur tênhx qơư yiêz:“Thâuv luz tsêr cơưv uô tiêr mak pox nhuôs, têx nhuôs shux xênhz lok six shir phaz, jông siêz thiêz njênhs njôngr lok iz luz tsêr cơưv yiêz zuôr zos đas jos chiê têx nhuôs, têx tuz nhuôs tâu cơưv ntơưr jông tiv zix thiêz tâu tsoz phưz jông tiv zix thiêz tâu ndis shuôk tênhx qơư mak nhoz têx tsêr cơưv thâuv ntêx tsi tâu muôx”.

Tỉnh Điện Biên tưz kriz uô cxiv tsa tas nro 15 tsêr cơưv phổ thôngz mênhx cxưx nội trú oz cấp ntơưv 15 xã ntus đriv. Hâur co, 9 tsêr cơưv kriz uô hâur shông 2025, đros tas nro pênhr yưv uô zuôr xar 1.900 tỷ đeiv tưz tâu cxiv uô tiêr, bax tok 9.000 ntâu lênhx shux xênhz têx mênhx cxưx thax tsav ntus đriv tuôx cơưv ciês hâur shôngk shông cơưv yiêz 2026 - 2027. Shông cơưv yiêz piz kriz cơưv, cux zos thâuv sơưr đơưk siêz xar njôngr muôx tâu iz kror yiêz lok zoz zux thax tsav ntus đriv tâu kriz uô, cxơưz paz trâu têx nhuôs shux xênhz cxuô mênhx cxưx nhoz tox siêz, ntus đriv cov muôx tâu iz luz nênhx yiêz jông đuô./.

                                                                                                        Vũ Lợi-Lik Thox cxêik nhênhv

Bộ Chính trị li Nghị quyết số 57-NQ/TW

Huôv tsar, sir zôngv lênhx nênhs tsơưr lươngv siêz, txơưx njê tuôv zênhv zoz qơưx huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk.

Tsôngv pox nhuôs thiêz fôngx zưs! Bộ Chính trị li Nghị quyết số 57-NQ/TW heik txos tsưr ziv Huôv tsar, sir zôngv lênhx nênhs tsơưr lươngv siêz, txơưx njê tax tâu zoz qơưx huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk li no:

Chuôz tsar yưv pênhr, hlôngr yiêz, muôz siêz tsơưr lươngv zaoz zux thiêz thox cxov, taz por lênhx nênhs muôx tsơưr lươngv siêz tuôv zênhv huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk.

Muôx cơ chế, tsênhv chei jông lok nhiêx txiêx, học bổng thiêz nhiêx phí chiê zaz zâuv shux xênhz, shux xênhz cơưv txơưx lơưr têx vênhv thix toán học, vật lý, sinh học, hoá học, kỹ thuật thiêz công nghệ tsênhv, tiv zix zos nhoz têx yênhx tưv đhâu đại học.

Cxiv tsa thiêz kriz uô têx tsaz yênhx thox cxov txux chi sâuv têx vênhv thix. Tso tơưv cơ chế zaz zâuv nênhs Việt Nam nhoz saz đrâuv têz qơưk thiêz nênhs saz đrâuv têz qơưk muôx txux chi siêz lok Việt Nam uô hâux lưv, nhoz uô nênhx.

Muôx cơ chế tsov cưv lok uô quốc tịch, zuôr ar zuôr tsêr nhoz, phênhv sâu nhiêx txiêx, tênhx qơư uô hâux lưv chiê hu grus, zaz zâuv, tuôr jông têx lênhx nênhs txơưx njê hâur thiêz đrâuv têz qơưk muôx pênhr xưv txux chi, seiz car, krêz uô têx tsaz yênhx zov chênhr lok KH thiêz công nghêx, hlôngr yiêz xar tơưv, hlôngr yiêz sôr, phuôv tsar công nghêx truôx jông thiêz thox cxov lênhx nênhs.

Cxiv tsa, sik côngv thiêz huôv tsar cxiv luôs têx chuyên gia, nênhs khoa học hâur têz qơưk thiêz ntiêx têz.

Cxiv tsa iz cxiê tsêr cơưv, tsênhv qơư thox cxov siêz tiv zix lok tri tuệ nhân tạo. Muôx cơ chế tsov cưv lok sik hux jos công tư hâur thox cxov lênhx nênhs công nghệ sôr. Cxiv tsa nền tảng zaoz zux, thox cxov trực tuyến, trâur nuv zaoz zux đại học sôr, muôz siêz pênhr xưv sôr hâur xã hội.

Huôv tsar chor cưk kriê ntơưr, chor nênhs khoa học muôx txâuk pênhr xưv, txux chi tuôv zênhv hâux lưv kriê ntơưr hâur vênhv thix khoa học cơ bản, công nghệ chip bán dẫn, vi mạch, kỹ thuật thiêz công nghệ tsênhv; chuôz tsar sik côngv đros têx tsêr cơưv đại học nto bê saz đrâuv têz qơưk; hlôngr yiêz jông tsaz yênhx thox cxov lơưr ploz tsênhr ntiêx têz, hlôngr yiêz tsưr ziv thox cxov thiêz sir zôngv công nghệ yiêz, tiv zix zos trí tuệ nhân tạo./.

                                                                                           Bích Thủy-Txâur Vax cxeik, nhênhv