Lào Cai: Nghị quyết 21 cxơưz đas jos trâu thax tsav jâuz caz Trấn Yên.

Zơưv Nguyễn Đức Hạnh nhoz jok Báo Đáp 5, xã Trấn Yên, tỉnh Lào Cai tưz ntâu shông uô hâux lưv chos jâuz caz, zus caz chaz xor. Thâuv ntêx, chuôz zis li tsêr zus caz tsuôk đar muôx 35 yiv ndis, uô phiv liv ntâu trâu vêv xênhz thiêz phax, tar caz moz. Uô dưv anr lơưr HĐND tỉnh Lào Cai li Nghị quyết 21/2025, zơưv chuôz zis tưz yưv pênhr cxiv uô yiêz tsêr zus caz đar muôx 120 yiv ndis, đros têx chuôz zênhx phưx vưv uô xênhz yar: “Cur muôx iz luz tsêr zus caz mê, hâur ntu tu zus caz mak njiz lok six ntâu phiv liv, taz sik nhiv kruôr tâu dự án paz txưv, cur cxiv uô đuô iz luz tsêr yiêz, chuôz zis lok six shir phaz”.

Tsi taz zos zơưv Hạnh chuôz zis, ntâu ziv chuôz zis hâur jok Báo Đáp 5 cux tsênhv ndaz ndơưv tsênhv chei paz chiê yưv pênhr uô xênhz yar. Pos Trần Thị Lý heik: “Muôx tsaz yênhx yiêz no, zus caz chaz xor txix shôngz ntông, lưs caz đơưz jông đuô, tuz luôv lơưr cux nhiêv đuô. Tsêr mak zos tsêr cxiv bê tông viv li cux tsi trâus cuz sor”.

Jok Báo Đáp 5 nhiv no muôx zuôr xar 100 ha jâuz caz, đros muôx 50 ntâu ziv chuôz zis cxaz chuôz dưv anr. Tsôngv pêx xênhv tâu paz txưv yưv pênhr, kho đuô tsêr tu zus caz chaz xor thiêz têx chuôz zênhx tu zus caz, nôngz zuz jâuz caz... Zơưv Nguyễn Văn Lương, Tsar jok Báo Đáp 5 puz pâuz: “50 ntâu chuôz zis tâu cxaz chuôz trâu nghị quyết no thiêz tưz tâu paz uô tsêr guôx lox thiêz têx chuôz zênhx. Tsôngv box sơưr đơưk lok six shir phaz thâuv tâu jênhv têx paz no thiêz tas nro têx chuôz zênhx tsênhv tâu uô tiêr”.

Trơưk li tsưr ziv huôv tsar chos jâuz caz, tu zus caz chaz xor ntơưv xã Trấn Yên, tỉnh Lào Cai, 300 ntâu ziv chuôz zis tâu paz sâuv thax tsav đar 74.5 ha. Hâur co, 60 ha jâuz nhiv no tâu tsoz phưz; 14.5 ha tâu chos yiêz, hlôngr đuô txix nôngz jâuz caz tsơưr lươngv siêz.

Dưv anr cux yưv pênhr cxiv uô 3 tsêr tu zus mê nhuôv caz, 57 tsêr tu zus caz lox, kho đuô 50 tsêr tu zus caz; paz cxuô zav chuôz zênhx phưx vưv tsiv uô.

Pos Đỗ Thị Diệu Thúy, Phưv Tsar phongx Kôngz nuv thiêz Tênhx qơư xã Trấn Yên, puz pâuz, tas nro nhiêx txiêx uô dưv anr muôx 17 tiv đeiv ntâu. Hâur co, nhiêx txiêx tỉnh paz zos 4 tiv đeiv ntâu, hợp tác xã, tổ hợp tác thiêz têx chuôz zis pêx xênhv li phênhv nhiêx txiêx zos 12 tiv đêiv ntâu: “Tsênhv tsênhz têx chuôz zis tuôv zênhv tâu zoz qơưx thiêz uô tâu trơưk li heik kriê thiêz tsưr ziv kỹ thuật lơưr chei têz qơưk cui tênhv. Hâur ntu zuôr txos, pêz cux sir jos chox kriê, seiz kaz têx chuôz zis chiê uô cov tiêr têx luôs hâux lưv tưz tâu tso tơưv, njuôk xav zuôr muôz pênhr yưv lok hli 9 lok sik hli 10”.

Txos nhiv no, xã Trấn Yên, tỉnh Lào Cai tưz yênhx lix thax tsav chos jâuz caz tsêx trung đros mênhv chêx đar muôx 700 ntâu ha. Hâux lưv chos jâuz caz, zus caz chaz xor yênhx ntâu chuôz zis tsôngv pêx xênhv sâuv thax tsav li hâux lưv uô zov chênhr. Hâur qênhx shênhx thax tsav chos jâuz caz Trấn Yên têx shôngk đhâu trâus zênhr shar tiv đêx ngaz cuôr, ntâu mênhv chêx jâuz caz trâus tuôs, trâus pôngz tas đhâu têx jiês đêx ngaz lox txix tul niêv đêx hiêr, hâux lưv paz cxiv kho, chos đuô mênhv chêx jâuz caz thiêz kho đuô qơư zus caz chaz xor ziv muôx ziz njiêz đuô. Txix tsênhv chei paz txưv ntơưv tỉnh thiêz tsôngv pêx xênhv li tsưr ziv yưv pênhr uô, thax tsav jâuz caz, zus caz chaz xor Trấn Yên tsênhv jux juk muôz siêz tsơưr lươngv xiv huv, muôz cêr shir phaz trâu tsôngv pêx xênhv truôx tuk luz nênhx, muôz siêz phênhv sâu thiêz huôv tsar hâux lưv chax chês lơưr saz truôx vênhs./.

Đinh Tuấn- Txâur Vax cxeik nhênhv

Tsaz yênhx jêx jok yiêz têx hâux lưv thiêz tsênhv njiêz

Tiv iz: Têx tsênhv njiêz fuô uô hâur tas nro têz qơưk muôx 10 tsênhv njiêz mê thiêz 52 tsênhv njiêz tsênhz mênhx, fuô uô hâur tas nro têz qơưk; tsuôk tâu uô trâu ntơưv thax tsav tsôngv box heir nênhs tsơưs thiêz tox siêz chiê fuô uô tâu tsaz yênhx têx hâux lưv tso tơưv.

1.1.Tsênhv njiêz tiv iz: Uô tiêr luôs hâux lưv njuôk hov trơưk cui tinhv taz por fuô uô tâu huv đros trâu thax tsav, yênhx suôv qơư thiêz huôv tsar truôx (muôx 02 tsênhv njiêz tsênhz mênhx).

1.1.1.Hâux lưv tso tơưv: Uô tâu têx hâux lưv tso tơưv lok njuôk hov trơưk têz qơưk cui tinhv lok xã jêx jok yiêz ntu 2026-2030 tưz tso tơưv ntơưv Thủ tướng Chính phủ Quyết định sôr 51/2025/QĐ-TTg hnuz 29/12/2025 (hu uô têz qơưk têx hâux lưv lok xã jêx jok yiêz).

1.1.2. Tsênhv njiêz uô:

a) Tsênhv njiêz 01: Qênhz shuôk, cxiv tsa tsưr ziv, cir thôngz đhâu njuôk hov, cêv kuôk xar lơưr chei têz qơưk lok njuôk hov ciêz đrôngs thiêz jêx jok huv đros xar kinh têr - xar hôiv; njuôk hov cấp tỉnh lơưr cui tênhv. Tso tơưv tsưr ziv sêiz car cxiv tsa côngz trênhx thax tsav qơư pêx xênhv nhoz lơưrchei têz qơưk;

b) Tsênhv njiêz 02: Uô lơưr cxiv tsa, sêiz car njuôk hov cxiv tsa jêx jok yiêz sâuv nền tảng công nghệ uô trơưk cxix luôs thôngz xor mông địa lý (GIS hóa) chiê cxaz nzir trâu têz qơưk sôr laov lok njuôk hov thiêz tâu muôz, pheiz puz trâu chor tsưr tsix, lênhx nênhs lơưr cui tênhv.

1/1.3. Cơ quan sêiz car, chox kriê, fuô uô:

Bộ Cxiv tsa sêiz car, chox kriê, fuô uô lơưr tsênhv njiêz: 01, 02.

1.2. Tsênhv njiêz yôngx 02: Huôv tsar kinh têr - xar hôiv tox siêz cxuô zav, huv đros thiêz truôx jông đros têx ciêz đrôngs thiêz huv đros ntux txơưr txar (muôx 14 tsênhv njiêz tsênhz mênhx)

1.2.1. Hâux lưv tso tơưv:

a) Uô tâu têx tsưr ziv, hâux lưv tso tơưv trơưk li tsênhv njiêz số 02 lok kinh têr xar hôiv; tsênhv njiêz sôr 03 lok Huôv tsar kinh tế jêx jok tox siêz; tsênhv njiêz số 05 têx hâux lưv tso tơưv lok Vênhx huôv, Zoz zux, Y têr; tsênhv njiêz số 06 lok Txo grêk yêiz pluôs thiêz truôx tuk xã hội; tsênhv njiêz số 07 têx hâux lưv tso tơưv lok Khoa học, công nghệ thiêz hlôngr yiêz sôr; tsênhv njiêz số 08 têx hâux lưv tso tơưv lok Tênhx qơư thiêz jêx jok jông jav trơưk li têz qơưk têx cui tinhv lok xã jêx jok yiêz;

b) Uô tâu têx hâux lưv tso tơưv trơưk li số 04, số 06, số 11 hâur tỉnh, thành phố cui tinhv uô tiêr luôs hâux lưv cxiv tsa jêx jok yiêz ntu 2026 - 2030 tưz tâu tso tơưv ntơưv Thủ tướng Chính phủ li cuêz tênhv số 51/2025/QĐ-TTg hnuz 29/12/2025 (đrav kaz no hu uô tỉnh, thành phố cui tinhv uô tiêr luôs hâux lưv cxiv tsa jêx jok yiêz)./.

Vừ Chu-Riê Lâux cxeik, nhênhv