Shux xênhz thiêz shux xênhz niêv txir tox siêz Lào Cai ntâuk grê siêz lok hâux lưv zôngv uô cê ntơưr giáo khoa

Niêv lâuk Nguyễn Minh Hạnh nhoz tuêv jênh phố Đồng Tâm 5, phường Yên Bái, tỉnh Lào Cai muôx oz tul mê nhuôs iz tul cơưv lớp 6 thiêz iz tul lớp 9. Zos iz lênhx viên chức taz viv sự nghiệp côngz, niêv tix li hâux lưv cux ntâu, viv li hâux lưv chor nhuôs tâu zôngv uô cê iz fâu ntơưr cơưv đros shux xênhz tas nro têz qơưk uô trâu niêv lâuk tsi pôngz ntâu côngz đas jos thiêz six hơưv. Niêv tix Hạnh xar tiêk, têx shông nhiv kruôr đhâu, hâux lưv zôngv ntâu zav ntơưr cơưv muôx yưv têx tsi jông, shux xênhz niêv txir tsik chiv chir zuôr ntơưr cơưv nzor trâu mê nhuôs viv tsik pâuz tsêr cơưv zuôr zôngv zav ntơưr tưs thiêz thâuv suôv câuv shông cơưv, xar tror muôz têx ntơưr cơưv co puz trâu têx nhuôs shux xênhz txov nhêv, shux xênhz nhoz đêz, tox siêz cux lok six lax viv tsik pâuz têx nhuôs co pok zôngv tâu lok sik tsik tâu: “Thâuv shông no muôx tsưr ziv zôngv uô cê iz zav ntơưr cơưv li no mak pêz chor uô niêv uô txir pov lok six jông siêz thiêz pov lok six huv đros. Đros chor tsêr cơưv mak cux tưz heik kriê trâu chor uô niêv uô txir bax zuôr ntơưr cơưv trâu zuk mê nhuôs. Đros tsêr cơưv li heik kriê mak zuôr zok nriêr zuôr tâu ntơưr cơưv chiê bax trâu mê nhuôs hla trâu shông cơưv yiêz”

 Nguyễn Thùy Linh, shux xênhz tsêr cơưv cxênhx pêz Nguyễn Huệ, tỉnh Lào Cai puz pâuz, đrâuv zôngx ziv xeir chiê zuôr ntơưr mak thâuv tâu cơưv đros iz zav ntơưr cơưv đros shux xênhz tas nro têz qơưk, chor nhuôs cux pov tso siêz thiêz truôx siêz đuô: “Đros chor ntơưr zôngv uô cê iz zav mak tas nro shux xênhz sâuv cxuô thax tsav puôr lênhx tâu buôk ti đros iz cxix luôs ngữ liệu, li ntơưv mak zuôr côngz fênhx thiêz fênhx zav. Thâuv bax trâu têx jiês thik mak pêz cux nriêr tâu ntâuz ntơưr ntâu đuô chiê cơưv shâuv, txo grêk cêr cxơưx lok tưr thik đar”

Hâur shông cơưv no, ntâu tsêr cơưv nhoz Lào Cai cux tưz chuv tôngv zok nriêr têx ntơưr, sik côngv đros têx taz viv muôs ntơưr, đhâu co thôngz pov chiê shux xênhz niêv txir muôx zoz qơưx đăng cir đhâu tsêr cơưv. Thâuv muôx ntơưr, tsêr cơưv muôz ciês trâu têx nhuôs shux xênhz, lok six zôngx ziv thiêz taz por. Niêv tix Phạm Hương Giang nhoz tuêv dân phố Yên Ninh 12, phường Yên Bái, tỉnh Lào Cai puz pâuz:“Tsêr cơưv thôngz pov lok six tsênhz mênhx, tsênhv tsênhz lok bê ntơưr thiêz six hơưv zuôr ntơưr. Hâux lưv zuôr ntơưr ciês ntơưv tsêr cơưv lok six zôngx ziv, shux xênhz niêv txir tsik pôngz six hơưv muk nriêr zuôr ntơưr trâu mê nhuôs saz đrâuv. Cur pov têx tsêr cơưv tsưr tsix li co lok six tsênhv tsênhz thiêz zôngx ziv trâu shux xênhz niêv txir. Ntơưr tâu bax cxix cxuô, huv zos paz shux xênhz niêv txir tso siêz thiêz têx nhuôs muôx txâuk ntơưr chiê hla trâu shông cơưv yiêz”

Shông cơưv 2026- 2027, tas nro tỉnh Lào Cai muôx 500 ntâu qơư zaoz zux đros 477 cxênhz ntâu lênhx shux xênhz. Lơưr zơưv Đào Anh Tuấn, Phưv Giám đốc Sở Zaoz zux thiêz thox cxov tỉnh, têx xã, phường tưz chuv tôngv qênhz shuôk lok têx qơư cơưv ntơưr, taz por muôx cxix cxuô têx chuôz zênhx, hâur co muôx ntơưr cơưv trâu shông cơưv yiêz: “Nganhx Zaoz zux cux heik têx taz viv tsêr cơưv tror ciêr chênhr qênhz yuôx têx phiv liv, tsi tâu uô tâu chiê cxuô lênhx shux xênhz puôr lênhx tâu cơưv ntơưr truôx tuk, cxix cxuô txix ciês hâur shôngk shông cơưv, muôz siêz cêr shir phaz chiê kriz uô hâux lưv shông cơưv 2026 - 2027. Lok ntơưr cơưv mak shông no tỉnh zuôr trâu 100% shux xênhz nhoz 4 tsêr cơưv nội trú ntus đriv ntơưr cơưv, txos hnuz 30/8 shux xênhz muôx txâuk ntơưr”

Tso siêz thiêz shir phaz, shux xênhz tox siêz, ntus đriv Lào Cai bax trâu shông cơưv yiêz 2026 – 2027 đros ntâu siêz xar njôngr./.

                                                                                                               Đinh Tuấn- Txâur Vax cxeik nhênhv

Hêir nênhs poz ziz Than Uyên txux chi đhiê pax vuôs –Zos qơư txuôk đros côngv thôngx

Nhiv kruôr đhâu, ntơưv yax tiêx xã Than Uyên, tỉnh Lai Châu tưz kriz uô cêr lov jêv xiêz 2/9. Yênhx cxênhz lênhx px hâur thax tsav tuôx đros côngv cêr lov jêv đros trâu suôz gâux, suôz trax đror lov jêv lul, đhiê pax vuôs, sênhr chêr muôx njiêz luk cêr côngv siêz txuôk đros côngv thôngx. Lar hêik, hêir nênhs poz ziz têx txux chi, vênhx huôv  sênhr chêr, đhia pax vuôs, tưz tâu tsưr tsix Việt Nam côngz fố quyết tênhv zos iz txux chi, vênhx huôv jông txuôk đros côngv thôngx thiêz tâu kriz uô lov jêv hâur têx hnuz kriz ntênhk hội hâur niêx shông.

Txix têx suôz gâux, suôz sênhr cưr cxiêx muôx njiêz luk têz qơưs vav mênhx, hlôngr yiêz, cxơưz cxiz tâu chôngz lênhx kruô tuôx đros côngv. Lar hêik zos, 2.500 ntâu lênhx tuz nxêik hluôk hâur thax tsav xã Than Uyên, Mường Than, Mường Kim, Khoen On, tỉnh Lai Châu sik côngv đhiê pax vuôs, sênhr chêr.

Sênhr chêr, đhiê pax vuôs, zos hêir nênhs poz ziz iz txux chi jông, hur si chor lâuk, hluôk puôr lênhx tâu sik côngv tuôr têk đhiê pax vuôs txuôk đros cêr côngv siêz jông huv đros hêir nênhs co luz nênhx cxôngx nzor.

Đhâu iz jiês xiêz 2/9, hêir nênhs poz ziz têx txux chi đhiê pax vuôs, sênhr chêr, ziv uô trâu cxuô hêir nênhs txơưr pâuz txos. Pos Tòng Thị Thêu muôx njêx muôs hâur jiês kriz uô cêr lov jêv no shir phaz lul hêik pâuz: “Đhâu jiês kriz uô cêr lov jêv hnuz no, pêz hêik trâu tsôngv kruô sđ pâuz txos cxuô hêir nênhs sđ têx txux chi, vênhx huôv jông hâur thax tsav tỉnh Lai Châu”

Cxuô hêir nênhs nhoz Than Uyên, xiêz 2/9, tưz yênhx hnuz chiê sđ tuôx siz njiz, siz chuôs. Thiêz tsôngv kruô nhoz cxuô qơư hâur thax tsav cux tuôx đros côngv cêr lov jêv. Pos Lò Thị Thêm, iz lênhx px nhoz Than Uyên shir phaz lul hêik pâuz: “Cur jông siêz hênhr, thâuv txos xiêz 2/9, cur thax tsav qơư nhoz muôx chôngz lênhx kruô tuôx ndis uô si trâu Than Uyên”

Txix têx cêr lov jêv, đhiê pax vuôs, sênhr chêr ntơưv yar tiêx Than Uyên, muôx chôngz lênhx kruô tuôx đros côngv. Txix têx cêr lov jêv txuôk đros côngv thôngx đhâu ntâu tiêv; cux chênhr zos cxơưz cxiz hêir nênhs poz ziz huôv tsar truôx têx txux chi, vênhx huôv jông cxôngx nzor muôx đros đrêiv hâur luz nênhx tsik chiê pôngz plox. Zơưv Phan Văn Ngọc, Chủ tịch UB xã Than Uyên hêik pâuz: “Muôx 2.500 lênhx px hêir nênhs poz ziz uô cêr lov jêv đhiê pax vuôs, sênhr chêr hâur hnuz xiêz 2/9. Hâu nov thiêz px cxuô hêir nênhs nhoz xã Than Uyên cux xar njôngr tiêk, đhâu hnuz kriz uô cêr lov jêv co, zuôr muôx chôngz lênhx kruô nhoz trâu cxuô qơư pâuz txos cxuô hêir nênhs hâur thax tsav xã Than Uyên têx txux chi, vênhx huôv jông cxôngx nzor, cxơưz cxiz tâu chôngz lênhx kruô tuôx sêiz shuôk, ndis uô si trâu Than Uyên”

Hmo kriz uô cêr lov jêv nhoz Than Uyên tưz suôx câuv, taz sik hêir nênhs poz ziz têx txux chi đhiê pax vuôs, sênhr chêr cux tsênhv nhoz trơưr tsôngv kruô siêz tsik plox thiêz cxơưz cxiz hêir nênhs poz ziz tsôngv tuz nxêik hluôk tuôr truôx zuk hêir nênhs têx txux chi, vênhx huôv jông cxôngx nzor muôx đros đrêiv hâur luz nênhx./.

                                                                                               Tsu cxêik nhênhv-Khắc Kiên, CQTT Tây Bắc