Tsêr cơưv yiêz, cxơưz cxiz cêr cơưv ntơưr nhoz ntus đriv

Ntơưv Tsêr cơưv Phôv thông nội trú Cxênhx iz thiêz Cxênhx oz Petrovietnam Phong Thổ, xar Phong Thổ, tỉnh Lai Châu, shông cơưv 2026 - 2027 tâu kriz cơưv hâur iz kror qơư yiêz. Cêr shir phaz, jông siêz hnuz kriz cơưv pov njôngr sâuv shux xênhz thiêz cưk kriê ntơưr têx njêx muôs. Shux xênhz Sầm Khánh Phương, cơưv lớp 7A1, puz pâuz:“Shông cơưv yiêz tâu cơưv hâur luz tsêr cơưv truôx khor, jông đuô cur pov lok six jông siêz thiêz shir phaz. Pêz zuôr sir jos cơưv ntơưr cov jông thiez txơưx đuô”.

Shông cơưv no, tsêr cơưv muôx 1.000 ntâu lênhx shux xênhz, đros 35 lớp nhoz oz cấp cơưv. Qơư cơưv yiêz, chuôz zênhx yiêz jông, đros tsưr ziv tsêr cơưv nội trú oz cấp tsênhv paz trâu shux xênhz thax tsav ntus đriv no tâu cơưv ntơưr jông đuô. Tsêr cơưv yiêz cux paz muôx cêr shir phaz yiêz, cưk kriê Phạm Hoài Sơn puz pâuz:“No zos shông xuz thơưx cur tâu uô hâux lưv ntơưv luz tsêr cơưv yiêz no, viv li cur lok six jông siêz thiêz shir phaz thâuv tâu kriê ntơưr hâur iz luz tsêr cơưv muôx cxiv cxuô zav. Thiêz cur njênhs tiêk hâur shông cơưv no thiêz têx shông cơưv zuôr txos, đros têx chuôz zênhx no mak tsêr cơưv zuôr kriê tâu ntơưr jông đuô”.

Shông cơưv 2026 - 2027, Lai Châu muôx 5 luz tsêr cơưv phổ thôngz nội trú oz cấp ntơưv têx thax tsav ntus đriv tâu uô tiêr chiê kriê ntơưr trâu shux xênhz zos: Pa Tần, Hua Bum, Bum Nưa, Dào San thiêz Phong Thổ. 5.300 ntâu lênhx shux xênhz thiêz 330 lênhx canr bôv, cưk kriê ntơưr, nhân viên zuôr kriz uô iz tsưr ziv kriê ntơưr yiêz. Nganhx Zoz zux thax tsav qơư cux tưz bax jông txix kriê ntơưr txos trâu tu zus chor shux xênhz. Zơưv Vũ Tiến Hóa, Phưv Giám đốc Sở Zoz zux Lai Châu, heik pâuz:Sở Zoz zux cux tưz đros têx xã uô hâux lưv đros têx tsêr cơưv, chiê uô tâu jông tsưr ziv tsêr cơưv no, txix tu zus txos trâu kriê ntơưr, cơưv ntơưr. Pêz zuôr tror uô tiêr têx tsưr ziv, cui tinhv, chei, cui chế thiêz chuôz cxaz têx lênhx nênhs sêiz car cưk kriê ntơưr, nhân viên chiê txoz cxơưx tâu jông trâu chor shux xênhz”.

Suôz đruôk kriz shông cơưv yiêz 2026 - 2027 tsênhv krêz tơưv iz ntu yiêz trâu têx tuz nhuôs tsôngv box nhoz ntus đriv Lai Châu. Txix luz tsêr cơưv yiêz nhoz ntus đriv Lai Châu, yênhx cxênhz lênhx shux xênhz li têx siêz xar njôngr tsênhv tâu chiê siêz đuô. Chiê tov kaz no, chor nhuôs hloz lox, paz cxiv tsa têz qơưk thiêz paz đros tuôr truôx thax tsav ntus đriv têz qơưk./.

                                                                                                                  Khắc Kiên-Lik Thox cxêik nhênhv

Điện Biên chox bác sĩ, gra chuôz zênhx lok jê pêx xênhv

Muôx nhos 80 shông hnuz nhôngs, tsi muôx đas jos li thâuv ntêx, pos Quàng Thị Song, nhoz jok Ten, phường Mường Thanh,  tsik chiv chir muk tâu txos qơư seiz njuôk shuôs moz. Hlôngr trâu hâux lưv zos chiê nênhs moz muk seiz njuôs shuôk, canr bôv y tế ho tuôx ciês ntơưv tsêr chiê seiz njuôk shuôs đas jos, heik kriê nênhs cxênhz jê tsưr ziv tsoz phưz pos. Pos Quàng Thị Thanh, pos Song tuk nhuôv nxêik, heik pâuz: “Cur niêv muôx moz gênhk muk tsik tâu chiê seiz njuôs viv li têx cưk yuôx tuôx seiz njuôs tsi zuôr nhiêx txiêx ntơưv tsêr. Têx cưk yuôx tưz seiz njuôs đas jos trâu pos mak lok six jông siêz”

Tsi taz đros nênhs muôx hnuz nhôngs siêz, nênhs moz lax muk lok chiê tâu seiz njuôs shuôk moz mak tâu paz ntơưv tsêr. Ntơưv têx qơư seiz njuôk shuôs moz gênhk sâuv tas nro tỉnh, tsôngv pêx xênhv cux tâu seiz njuôk shuôs đas jos, njuôs huyết áp, siêu âm, njuôs siv iz cxiê zav moz phiv liv thiêz heik kriê ciês ntơưv qơư.

 Ntơưv xã Thanh Nưa, pos Trần Thị Hồng, nhoz jok Việt Thanh, shir phaz viv tsi tsuv muk đêz cux tâu bác sĩ seiz njuôk shuôs đas jos. “Tuôx seiz njuôk shuôs mak cur tâu njuôk huyết áp, tâu bác sĩ heik kriê lok đas jos thiêz siêu âm, heik cxuô zos lok six jông siêz thâuv têx bác sĩ seiz njuôk shuôs đas jos trâu pêz, pêz lok six shir phaz thiêz pâuz ntâu đuô têx tsưr ziv tsoz phưz đas jos trâu zuk”

Chiê chox jix vuv y tế tuôx jê tsôngv pêx xênhv đuô, Điện Biên huiz tôngv lưx lươngv txix ntâu qơư. Canr bôv trạm y tế, bác sĩ tsêr kho moz tỉnh, quân y pênhz phax thiêz lênhx nênhs y tế chuôz tsar sik đros cxaz chuôz. Hâur jiês seiz njuôs moz txix hnuz xiêz 3 txos 9/8 tưz muôx 2.100 ntâu lênhx nênhs cxaz chuôz.

Nhoz tiv phaz, hâux lưv vênhv tôngv tsôngv px muk seiz njuôs shuôk moz cux tâu tsov cưv. Bác sĩ Phạm Bá Đạt, canr bôv qơư y tế xã Thanh Nưa, puz pâuz: “Chiê uô jông hâux lưv njuôk shuôk đas jos, heik kriê tsik tas nhiêx txiêx, njuôk shuôk tsik tas nhiêx txiêx trâu tsôngv pêx xênhv mak qơư y tế tưz heik trâu Đảng ủy, UBND xã hâur yênhx hli puôr lênhx kriz uô thiêz heik trâu pêx xênhv pâuz lok têx liv zix hâur njuôk shuôk đas jos tsik tas nhiêx txiêx thiêz chiê sik côngv ntơưr đas jos điện tử sâuv cxiv luôs VneID, chiê pêx xênhv cxênhx txuôk tâu six hơưv thâuv muk seiz njuôk đas jos”

Hâur 8 luz hli đhâu, tỉnh Điện Biên tưz seiz njuôk shuôs, kho moz thiêz heik kriê đas jos tsi zuôr nhiêx txiêx trâu 422.000 ntâu lênhx nênhs, tax 62% ntâu jênh sôr tas nro tỉnh. Hâur co, zuôr xar 48.900 lênhx zos nhuôs zâu tsik tâu muôx 6 shông; 118.300 ntâu lênhx nênhs txix 6 txos 18 shông thiêz 254.800 ntâu lênhx nênhs siêz đuô 18 shông tưz tâu seiz njuôk shuôs, heik kriê đas jos.

Taz sik, chiê pêx xênhv tâu seiz njuôk shuôs ciês ntơưv xã mak tsênhv yuôr iz kro phiv liv lox. 45 qơư y tế xã, phường nhiv no tsi tâu taz por zoz qơưx seiz njuôk shuôs đas jos. Ntâu qơư muôx tsi txâuk meir siêu âm, điện tim, chuôz zênhx njuôk shuôs nyar, cuô jis thiêz chuôz zênhx seiz njuôk shuôs txơưr.

Viv muôx tsi txâuk chuôz zênhx, iz cxiê lênhx tsuv muk qơư y tế lox chiê tâu njuôk shuôk moz. Nênhs moz pôngz nzir six hơưv, nhiêx txiêx muk lok, hok tsêr kho moz lox cux njiz trâus têx phiv liv. Hâur qênhx shênhx tsi tâu yưv pênhr cxix cxuô trâu tas nro têx qơư y tế, têx jiês seiz njuôk shuôs moz tsênhv zos tsưr ziv uô uô ntêx. Zơưv Phạm Văn Mẫn, Phưv Giám đốc Sở Y tế tỉnh Điện Biên, puz pâuz: “Tsaz yênhx no tsi tiêk muôx ziz njiêz hâur hâux lưv têx lênhx nênhs tâu njuôk shuôk moz mak đhâu têx jiês seiz njuôk shuok zuôr pov lok six ntâu têx lênhx nênhs trâus moz hnhar chiê chơưv kho nzor. Thôngx cxix tsaz yênhx njuôk shuôk đas jos tsi pôngz nhiêx txiêx cux tưz muôz jông six hơưv chiê njuôk shuôk đas jos trâu têx lênhx nênhs nhoz đêz, tox siêz, nênhs lâuk, nênhs trâus sêv khiz luz chêr. Đhâu co cux cxênhx txuôs tâu nhiêx txiêx njuôk shuôk thiêz kho moz”

Tỉnh Điện Biên tso tơưv tsưr ziv txix shông 2026, iz lênhx nênhs tâu seiz njuôk shuôs đas jos lơưr six hơưv lok sik seiz njuôk shuôs tsik tas nhiêx txiêx tsơưs tiv zix iz jiês hâur iz shông. Chox bác sĩ tuôx txos ciês ntơưv tsêr, gra chuôz zênhx muk tiv phaz, nganhx Y têr Điện Biên tsênhv jux juk chox hâux lưv tsoz phưz đas jos jê tsôngv px đuô. Co cux zos tsưr ziv chiê hlôngr yiêz siêz xar muôx moz thiêx muk seiz njuôk shuôs moz yênhx siêz xar tsuv chuv tôngv phax tar moz, pov nzor thiêz seiz car jông đas jos txix ciês tiv phaz./.

                                                                                                                        Vũ Lợi –Txâur Vax cxeik nhênhv