Lào Cai shir phaz lul hnuz tuôx tsêr cơưv shông cơưv yiêz

Shông cơưv 2026 - 2027, chor cưk kriê ntơưr thiêz shuv xênhz Tsêr cơưv Cxênhx iz thiêz Cxênhx oz Xà Hồ shir phaz chox lol zôngv 3 luz tsêr cxiv uô yiêz jông ntơưv oz luz tsêr cơưv, muôx pênhr yưv uô zos 28 tiv đeiv. Côngz trênhx no zuôr paz jông cxuô kror nuv kriê thiêz cơưv ntơưr, paz shuv xênhz muôx truôx siêz cơưv shuv jông đuô. Tas nro tsêr cơưv muôx 876 shuv xênhz, tâu phênhz ntơưv tsêr cơưv tsênhv thiêz 1 tsêr cơưv mê. Cưk kriê ntơưr Lò Văn Liên, Hiệu trưởng tsêr cơưv, puz pâuz: txix thâuv hâur hlik hli 8, tsêr cơưv tưz pheiz côngz têx cưk kriê ntơưr, nhân viên kho đuô vax tsêr cxuô zav chiê taz por hnuz 28/8 zuôr txos no tok shux xênhz lok cơưv ntơưr: “Txos nhiv no, đôiv vơưv nha x trươngv thiêz cơ sở cxuô zav, qơư cơưv ntơưr cux xưk li qơư pư hâur tsêr cơưv cux tâu uô truôx jông, qơư cơưv ntơưr cux xưk li qơư pư hâur tsêr cơưv, bax tok têx nhuôs shux xênhz tuôx cơưv ntơưr hâur shông cơưv yiêz”

Ntơưv tsêr cơưv Phổ thông Dân tộc niêv txir zus mor cxênhx iz thiêz cxênhx oz Bản Công, xã Hạnh Phúc, đros thiêz hâux lưv bax cơ sở cxuô zav, đros shux xênhz lớp 1, têx cưk kriê cux chuôz tsar kriê luk Choz tsiz thiêz pênhr xưv uô nênhx chiê têx mê nhuôs tso siêz nhoz hâur tsêr cơưv. Cưk kriê ntơưr Trần Thị Liên, pheiz kênh: “Zuôr xar 20 shông kriê ntơưr trâu shux xênhz tox siêz, tiv zix zos kriê shux xênhz cơưv lớp 1 pêz cux njiz ntâu phêv liv viv mê nhuôk tsi txơưx heik lok choz tsiz thiêz tsênhv zâu. Cê uô iz lênhx niêv, cê uô cưk kriê, pêz tưz sir jos kriê trâu shux xênhz heik luk choz tsiz txos kriê ntơưr chiê mê nhuôk nhiêv cơưv ntơưr thiêz txơưx heik lok choz tsiz đuô”.

Cưk kriê ntơưr Hà Thị Thanh Sơn, Hiêux trươngv Tsêr cơưv phổ thôngz cxênhx iz thiêz cxênhx oz Bản Công puz pâuz, shông cơưv 2026-2027, tsêr cơưv muôx 21 lớp cơưv đros muôx 654 lênhx shux xênhz, phênhv ntâu zos mê nhuôk mênhx cxưx Hmôngz. Viv txov nhêv lok cxuô kror, iz cxiê lênhx niêv txir tsi tsês ntâu six hơưv tsov cưv txos mê nhuôk li hâux lưv cơưv ntơưr, viv li hâux lưv huiz tôngv mê nhuôk muk cơưv ntơưr njiz ntâu phêv liv:“Đros shux xênhz lớp 1 mak têx shux xênhz tuôx tsêr cơưv txix hnuz 17/8 txos nhiv no, têx cưk kriê tưz kriê cxaz luk Choz tsiz txix ciês thâuv shux xênhz nhiv kruôr tuôx lớp cơưv, têx mê nhuôk shux xênhz truôx siêz đuô hla trâu iz shông cơưv yiêz”

Shông cơưv no, tas nro xã Hạnh Phúc muôx 9 tsêr cơưv đros  3 cxênhz 670 shuv xênhz têx cxênhx cơưv. Đrâu têz qơưk li têx pênhr yưv uô vax tsêr cxuô zav, chor tsêr cơưv tsênhv seiz shuôk, kho đuô vax tsêr cxuô zav, bax cxuô qar cơưv, chuôz zênhx ntơưr cơưv thiêz bax txâuk chor cưk kriê ntơưr. Zơưv Trương Mạnh Cươngs, Phor Chủ tịch UB xã Hạnh Phúc heik:

Xã tưz chox kriê têx tsêr cơưv tsuv taz por tsêr cơưv ntơưr, vêv xênhz tênhx qơư, qơư uô jâuz mor thiêz qơư nox nhoz hâur tsêr cơưv. Thôngx cxix têx tsêr cơưv cux chiv chir sik côngv đros têx jêx jok, chuôz zis vênhv tôngv shux xênhz tuôx cơưv ntơưr, tiv zix tsov cưv txos shux xênhz muôx luz nênhx txov nhêv thiêz shux xênhz nhoz tox siêz.

Đros thiêz xar Hạnh Phúc, cxuô tsêr cơưv hâur thax tsav tỉnh Lào Cai txos nhiv no puôr lênhx tưz uô tiêr hâux lưv bax trâu shông cơưv yiêz 2026-2027. Teis cik 28/8, shux xênhz hâur tỉnh tưz sik sik đros tuôx cơưv ntơưr; hnuz 5/9 tsưr tsix krêz cơưv shông cơưv yiêz đros shux xênhz tas nro têz qơưk. Lar heik, kror yiêz shông cơưv no zos đhâu thâuv tsưr tsix, chor tsêr cơưv công lập ntơưv tỉnh Lào Cai yuôr 132 tsêr cơưv nhuôs zâu, 77 tsêr cơưv cxênhx iz, 59 tsêr cơưv cxênhx oz, 114 tsêr cơưv cxênhx iz thiêz cxênhx oz; 32 tsêr cơưv cxênhx oz thiêz cxênhx pêz; 43 tsêr cơưv cxênhx 3 thiêz 16 tsênhv qơư Zaoz zux hâux lưv uô - Zaoz zux yax six. Nhiv no chor qơư cơưv ntơưr truôx jông ntơưv Lào Cai tax 86% ntâu; qơư bộ môn truôx jông tax 93% ntâu./.

                                                                                                            Đinh Tuấn- Txâur Vax cxeik nhênhv

                                             Lênhx nênhs tâu tsôngv px La Hủ nhoz jos pha Bu njênhs njôngr

Hâur luz tsêr xênhz huôx côngv thôngx nhoz jok Pha Bu, xã Pa Ủ, tỉnh Lai Châu, jiês yax kriê ziv shir phaz đuô pir li cxiê hnuz. Txix sơưr đơưk moz siêz mnôngs têx luk kriê, lâul jok Ly Xạ Pu tưz tơư têk trâu têx har jôngr, shôngz ntông phênhz kriê trâu tsôngv pêx xênhv pâuz, viv li chas ho muôz têx ar liêx chos tsi jông kôngz hlôngr chos txir suôz câur-zav tsoz chos yuôx đrox njuôz tsênhv krêz hâu cêr, paz tsôngv box tox siêz huôv tsar uô nox, hla đhâu cêr pluôs.

Phênhv ntâu hêir nênhs La Hủ huôv tsar cêr uô nênhx nhoz ntơưv hâur đêx Đas, huyện mường Tè kuz, tỉnh Lai Châu, muôx 10 cxênhz ntâu lênhx nênhs. Thâuv ntêx, lơưr tsênhv tâu hu uô “nênhs nhoz tsi truôx qơư”, viv khênhr khiêr muk trâu uz trâu no, têx vax tsêr nhiv kruôr cxiv uô tâu tsi tâu ntêr tưz siz zâuv muk nhoz lưv kror qơư. Chênhr zos li co, cêr txov nhêv, yeiz pluôs đros trơưr hâur luz nênhx.

Thâuv tâu canr bôv thiêz tuz lênhv pênhz phax tuôx kriê cov sơưr đơưk nhoz truôx têz truôx qơư, krêz uô liêx đêx, tu zus tsiêx cxu, luz nênhx thiêx hlôngr yiêz jux juk. Thiêz hâur ntu co, lâul jok Ly Xạ Pu zos iz hâur têx lênhx uô ntêx nyuôs hâur cxuô luôs hâux lưv, txơưv zuôr yar ntux lok nas, đruôz hnuz hmo ntux zơưv cux muk iz chuôz zis jux juk vênhv tôngv tsôngv box tso tsês têx cêr nênhx pôngz kaz, tsưx phưv truôx jêx jok, sir jos khưr huôv tsar, por hưv ntus đriv, ndêx cxok kuôk cêv đriv têz:“Tsuv sir jos vênhv tôngv chiê pêx xênhv pâuz tsênhz, kror tưs tâu uô, kror tưs tsi tâu uô. Chiê pêx xênhv luz nênhx jux juk tsâu sor, vav mênhx, cur tsuôk pâuz sir jos heik kriê sơưr đơưk huôv tsar uô nox uô hnar chiê luz nênhx jux juk hlôngr yiêz, tsi trâus txov. Cur cux tsuôk kriê trâu pêx xênhv cov sơưr đơưk sir jos khưr huôv tsar cêr uô nox đuô xưz”.

Txix shông 2020 txos nhiv no, lâul jok Ly Xạ Pu tưz cxaz chuôz yênhx puô jiês yax kriê ntơưv têx jêx jok tox siêz ntus đriv. Têx lul heik mak zôngx ziv li ntơư, taz sik zơưv tưz moz siêz đros yax kriê, hlôngr yiêz tsôngv box La Hủ txux chi tsưr ziv jênhv pâuz.

Nhiv no, nhoz cxuô jêx jok li: Pa Bu, Nhú Ma, Vạ Pù lok sik Tân Biên, ntâu chuôz zis pêx xênhv tưz pâuz chos blêx liêx, tu zus tsiêx cxu, chos yuôx đrox njuôz, sir zôngv meir xor tôngx jông chiê zuôr muôs hax huv. Chor tuz nhuôs tâu muk cơưv ntâuz ntơưr, heik lul Choz Tsiz. Chiê pêx xênhv njênhs thiêz uô trơưk, zơưv Pu chuôz zis thâuv tưs tưz uô ntêx nyuôs hâur huôv tsar uô nox uô hnar, tu zus tsiêx cxu, chos txir hơưk, txir suôz câur hâur xuz jôngr.

Tưz muôx jiês zos chuôz zis pluôs hâur jok, tix lâus Phàn Lê Sa chuôz zis thâuv ntêx tsuôk pâuz tok njôngr trâu mê njik têx liêx têz uô blêx iz chiv. Mnôngs trơưk lâul jok Ly Xạ Pu heik, tix lâus sir jos hlôngr pâur tsưr ziv chos ciêv fix, txir suôz câur. Đhâu  2, 3 shông sir jos khưr uô nox, 3 ha ntâu têz ciêv fix, txir suôz câur tưz gra lok phênhv sâu tâu, paz tix lâus chuôz zis hla đhâu cêr pluôs:“Txir hloz Pu zos lênhx moz siêz txos pêz tsôngv lax pêx xênhv, thâuv tưs tưz muk yênhx chuôz zis, yênhx jok chiê kriê cêr uô nênhx, paz sơưr đơưk txix hâux lưv zâu txos hâux lưv lox, phiv liv. Txir hloz moz siêz kriê trâu pêx xênhv têx jông thiêz tsi so heik sơưr đơưk uô nênhx sik thôngx siêz, siz hluz siz paz, uô trơưk têz qơưk chei fuô kriê. Vav thiêz chiê siêz hâur ntu zuôr txos, txir hloz muôx jông đas jos, tror tuôx kriê pêz tsôngv niêv txir lax pêx xênhv cêr uô nênhx, khưr huôv tsar uô nox uô hnar”.

Đhâu muôz iz cxiê thax tsav qơư lok uô cê, lês uô cxuô luôs hâux lưv lơưr 2 cấp, xã Pa Ủ nhiv no muôx 17 jok, zuôr xar 1.400 chuôz zis pêx xênhv, 5.800 ntâu lênhx nênhs, hâur co nênhs La Hủ tsav 90% ntâu. Khov cấp ủy, hâu nov ntơưv qơư thiêz chor txir ndâux txir luk li lâul jok Ly Xạ Pu têx sir jos paz, chor ziv chuôz zis pluôs, txov nhêv hâur xã tưz txo grêk yuôr zuôr xar 64%; ntơưv qơư cux uô tâu 7 hâur 19 hâux lưv tso tơưv lok cxiv tsa jêx jok yiêz. Tsi tiêk txir ndâux txir luk hâur côngv thôngx, zơưv Ly Xạ Pu tsênhv zos qơư yax xa cấp ủy, hâu nov ntơưv qơư têx tsưr ziv, chei kriê txos trâu pêx xênhv, đros chor tuz lênhv pênhz phax tsưx phưv truôx tuk ntus đriv têz qơưk. Zơưv Đao Văn Thức, Phưv Chủ tịch Hôiv đôngx xã Pa Ủ, tỉnh Lai Châu heik pâuz:“Zơưv Ly Xạ Pu zos iz tus uô ntêx nyuôs vênhv tôngv tsôngv box huôv tsar uô nox, truôx tuk luz nênhx; kriê sơưr đơưk qêz suô, tu đu lus têx jêx jok, qơư nhoz. Zơưv chuôz zis zos iz chuôz zis uô ntêx nyuôs hâur cxuô luôs hâux lưv, huôv tsar tu zus tsiêx cxu. Nhiv no zơưv Pu tsênhv tror vênhv tôngv tsôngv niêv txir lax pêx xênhv hlôngr yiêz tsưr ziv uô nox, txix muôz têx liêx uô tsi jông blêx hlôngr chos tsoz chos muôx grik kinh tế siêz chiê  cxơưz luz nênhx tsâu sor, vav mênhx”.

Nhoz hnuz nhôngs 70 ntâu shông, txơưv đas jos tưz ntâus, taz sik lâul jok Ly Xạ Pu cux tsênhv niêx hnuz muk trâu yênhx jêx jok, heik tsôngv niêv txir cưr tix nênhx tsa uô trươk têz qơưk têx chei fuô kriê; heik sơưr đơưk sir jos khưr huôv tsar cêr uô nox, tsưx phưv jôngr ntông, jêx jok, ntus đriv têz qơưk truôx tuk./.

                                                                                 Khắc Kiên-Riê Lâux cxeik, nhênhv