Khưx phưx cêr cxơưx lok ar têz "krêz cêr" trâu huôv tsar nhoz

Lào Cai

Công ty Hoàng Gia Green nhoz Qơư công nghiệp Đầm Hồng, tỉnh Lào Cai, tsiv uô têx txiês puô plas tsêr, txiêk ntông thiêz iz cxiê zav xiv huv ntông cxiv tsa, tsi so muôx hâux lưv uô trâu zuôr xar 60 lênhx lox tôngv, đros phênhv sâu txix 10-12 triệu đeiv iz lênhx nênhs iz hli. Ntu zuôr txos, công ty muôx tsưr ziv kriz đar huôx tôngv muôv muôs txix yưv pênhr dự án yiêz ntơưv qơư công nghiệp faz Nam, phường Văn Phú, sâuv mênhv chêx xar muôx 4.5 ha, tas nro pênhr yưv uô xar muôx 300 tỷ đêiv. Zơưv Nguyễn Trọng Lực, Phưv Tổng Giám đốc Công ty Hoàng Gia Green puz pâuz, tsưr ziv krêz đar tsênhv tok thax tsav ar, ntâuz ntơưr ntiêr ar tsênhv tâu seiz shuôk, hâur co phiv liv tiv zix zos tsi tâu muôx ar uô tsêr meir cxiv tsa dự án: “Taz viv li kror phiv liv tiv zix nhiv no zos ntâuz ntơưr ar têz thiêz ar cxiv uô qơư, viv qơư uô dưv anr nhoz lok six kis. Doanh nghiệp tưz tok ntêr, viv li lok six xar têx ban, nganhx thiêz chinhr quyênx tiv phaz nzor sik côngv, tso tơưv tsưr ziv đơưk kho chiê dưv anr nzor tâu huôx tôngv. Zos jông, mak njuôk xav hâur quý IV/2026, dưv anr zuôr kriz uô. Thâuv uô tâu truôx, njuôk xav dưv anr zuôr muôz hâux lưv uô trâu xar muôx 200–400 lênhx nênhs lox tôngv, thôngx cxix sâu zuôr tas nro tsôngv box sâuv thax tsav li têx xiv huv ntông”

Đrâuv dưv anr cêr muk chênhr qơư công nghiệp Phú Thịnh, phường Văn Phú tsênhv chêx chôngk yưv pênhr trâu têx Qơư công nghiệp Phú Thịnh 1,2,3. No zos têx dưv anr tâu njênhs njôngr zuôr yênhx qơư chuôz tsar công nghiệp yiêz nhoz thax tsav faz nam tỉnh Lào Cai.

Ntơưv Tuêv jênh phố 15, phường Văn Phú muôx 200 ntâu ha ar tsuv sâu ntơưv 70 ntâu ziv chuôz zis. Txơưv tiêk chinhr quyênx tiv phaz thiêz nganhx muôx vax huôv tưz muôx ntâu sir jos hâur yax mông vênhv tôngv, taz sik txos nhiv no cux tsênhv yuôr zuôr xar 20% chor ziv chuôz zis tsi tâu choz zok ar. Qir tiv kênhz choz zok zos cik txos tsôngv px li qênhx liv thiêz luz nênhx. Zơưv Lương Hồng Thắng muôx 4 ha ntâu ar tưz choz zok qơư phưx vưv dưv anr, pheiz kênh: “Ntâu ziv chuôz zis tsênhv cxơưx thâuv chính sách pâux nzir tsik tâu huv đros, tiv zix zos grê pâux nzir lok ar têz thiêz tsoz chos sâuv ar. Iz chas ntơư, hâux lưv xav tênhv tsưr tâu sơưv tsênhv muôx ntâu kror tsik tâu huv đros. Li têx tuz nhuôs tưz pheiz chuôz uô nênhx ntâu shông taz sik tsik tâu uô tâu ntơưr côngk nhav sir zôngv ar, nhiv no ho xav tsưr chor ar co zos niêv thiêz txir, uô trâu pox nhuôs tsik tâu thôngx ziv. Chiê taz por huv đros thiêz tsik uô phiv liv trâu pêx xênhv, têx chính sách tsuv tâu uô huv đros. Xưk li cur chuôz zis, txơưv tưz choz zok qơư thiêz tâu muôz ar taz sik tiv têx côngz trênhx dự án tsi tâu uô tiêr viv li zuôr xar iz shông đhâu cux tsênhv muk ntiêr tsêr nhoz, tsi tâu uô tâu vax tsêr chiê truôx tuk luz nênhx”

Sâuv thax tsav phường Văn Phú muôx 31 côngz tsinhx, dự án tsênhv uô car chêx thax tsav qơư, tas nro mênhv chêx sâu zuôr 530 ntâu héc ta, đros 1.300 ntâu ziv chuôz zis, tsưr tsix trâus zênhr shar. Txos nhiv no, zuôr xar 370 sâuv tas nro 530 ntâu héc ta ar tưz tâu choz zok. Zơưv Bùi Ngọc Giang, Phưv Chủ tịch UBND phường Văn Phú, tỉnh Lào Cai puz pâuz: “Hâur ntu kriz uô dưv anr, pêz chuôz tsar sik côngv qênhz yuôx, xav jênhv têx njiêz luv pêx xênhv thix ziv; tiv zix zos xav jênhv têx côngz tsinhx cxiv tsa sâuv ar kôngz nuv, chiê muôx tsưr ziv đơưk kho trâu pêx xênhv. Phươngx cux tsưr tsix khiêz phêv, ntâuk gri têx phêv liv muôx yưv hâur ntu uô, txix co nriêr tsưr ziv huv đros, cêr chênhr đơưk kho”

Tsênhz mênhx yênhx ntâuz ntơưr, yênhx lênhx nênhs, tsênhz mênhx six hơưv xưv lik – đros tsưr ziv uô no, hâux lưv car chêx thax tsav qơư nhoz ntơưv Lào Cai tsênhv chox lok têx chêx cuk jông. Thâuv qênhx liv tâu taz por, tsôngv pêx xênhv thôngx ziv, ar têz zuôr nzor tâu choz zok, dưv anr zuôr tâu kriz uô trơưk tsưr ziv. Co cux zos iz hâur têx kror chiê Lào Cai uô tâu tsưr ziv chuôz tsar txix 10% ntâu tror sâuv hâur shông 2026./.

                                                                                                       Thừa Xuân-Txâur Vax cxeik nhênhv

Bộ Chính trị Nghị quyết số 57-NQ/TW:

Cxuô cơ quan hâur cxix luôs chính trị chuôz tsar hlôngr yiêz sôr, sir zôngv khoa học, công nghệ, xar tơưv txux chi jông hâur lês uô têx hâux lưv; uô truôx cxuô luôs hâux lưv zok muôz, taz por côx phax thiêz txiv ngaz

 Muôx tsưr ziv muôz cxuô cơ quan hâur cxix luôs chính trị têx luôs hâux lưv uô trơưk hlôngr yiêz số, taz por truôx jông, thôngz, jêik tâu têz qơưk têx mông zov chênhr. Cxiv tsa nền tảng số cxuô nro thôngz têz qơưk, huôv tsar cxix luôs seiz kaz, seiz car têx thôngz xor mông chiê uô tâu truôx cxuô luôs hâux lưv.

Hlôngr pâur tsưr ziv lês uô têx ntâuz ntơưr hành chính, cungz dịch vụ công tsik zos hâur thax tsav qơư nhoz xưz; uô jông cxuô luôs hâux lưv phưx vưv pêx xênhv thiêz doanh nghiệp, jux juk lês uô tâu têx hâux lưv heik co thôngz đhâu sâuv mạng xã hội phưx vưv tsôngv lax pêx xênhv, doanh nghiệp; sir jos seiz kaz, ntâuk gri thiêz cơ quan lês uô hâux lưv têz qơưk, nênhs muôx vax huôv cêr moz siêz uô hâux lưv phưx vưv pêx xênhv.

Muôx tsênhv chêi jông chiê zaz zâuv, xeir zuôr, tsưx phưv tsês lênhx nênhs muôx txux chi lok khoa học, công nghệ thiêz hlôngr yiêz sôr uô hâux lưv hâur têx cơ quan cxix luôs chính trị.

Huôv tsar têx nền tảng sôr truôx tuk thiêz sir jos uô lơưr công nghệ sôr, công dân sôr. Huôv tsar iz cxiê mạng xã hội Việt Nam, cxiv tsa xã hội sôr truôx tuk thiêz jông.

Huôv tsar vênhx huôv sôr taz por tuôr tsês tâu heir nênhs tsơưs têx txux chi vênhx huôv, cxiv tsa cui tênhv uô nênhx jông, huv đros sâuv mạng xã hội, txo grêk tsơưs công nghệ sôr têx uô tsi jông txos xã hội.

Cxiv tsa nền tảng số chiê seiz kaz, sâu jênhv sôr laov nganhx đêx ar, tênhx qơư.

Taz por truôx tuk mạng thiêz truôx tuk têz qơưk sâuv nền tảng số thiêz mạng xã hội; truôx tuk tsưr tsix, lênhx nênhs, doanh nghiệp têx sôr laov huv đros chei têz qơưk.

Bax jông têx chuôz zênhx, triêv fov phưx vưv tsưx phưv truôx têz qơưk.

Lưv lươngv vũ trang jux juk uô lơưr công nghệ sôr lok chox kriê, sêiz car têx luôs hâux lưv zok muôz lok phax tir thêir chor nênhs fêv, nênhs uô cxâuv chei têz qơưk, têx tsi jông chiê tsưx phưv truôx thax tsav qơư.

Cxiv tsa, tuôr truôx cêr sik thôngx siêz đros pêx xênhv, kriê sơưr đơưk uô têx hâux lưv jông, huv đros chiê tsưx phưv truôx Têz qơưk.

                                                                                              Bích Thủy-Riê Lâux cxeik, nhênhv