Lào Cai: Chiê sôr laov ar têz "huôv tsar jông" sâuv nền tảng số

Thâuv ntêx, thâuv tưs uô ntâuz ntơưr cik txos ar têz, pêx xênhv khênhr tsuv bax lok six ntâu zav ntâuz ntơưr. Nhiv no, têx li heik co tsênhv jux juk tâu txo grêk tsơưs tiv sôr laov ar têz tâu txuôk đros sôr laov pêx xênhv.

Nhiv kruôr uô tiêr ntâuz ntơưr tâu sơưv chor lâul, luôs lưv tus têx chuôz zênhx uz no, tix lâus Trần Văn Đức, nhoz jos Mậu A 1, xã Mậu A, tưz tsi phax txos thâuv ntâu ntâuz ntơưr tsi trâus photo, côngk nhav li thâuv ntêx. Thôngz xor mông định danh tâu kriz uô, muôx yưv sâuv cxiv luôs, paz canr bôv lênhk txeik uô têx ntâuz ntơưr uz no trâu pêx xênhv txo grêk tsơưs hâux lưv qênhz yuôx, sâu jênhv:“Hâur six hơưv uô ntâuz ntơưr lênhk txeik chor lâul têx chuôz zênhx uz no tsês trâu mê tuz mê nhuôv, cur pov lok six zôngx ziv. Têx phiv liv puôr lênhx tâu heik kriê tsênhz mênhx, paz uô tâu zôngx ziv thiêz sei đuô. Têx li heik co lok six jông trâu pêx xênhv sơưr đơưk thâuv tuôx uô têx ntâuz ntơưr lok sik qênhz yuôx ntâuz ntơưr cik txos ar têz”.

Ntơưv xã Mậu A, canr bôv têx tổ côngz xưv tsuv qênhz yuôx têx ntâuz ntơưr iz kro jux juk, seiz shuôk jông, xav jênhv xor mông thiêz uô tsênhz mênhx trơưk chei tê qơưk đros yênhx thax ar. Txos nhiv no, xã tưz uô tiêr luôs hâux lưv thôngz sâu, kho đuô 100% têx thax ar tâu UBND tỉnh choz, tax 100% tsưr ziv tso tơưv.

Đros thiêz dự án njuôk xav, cxiv tsa thax tsav qơư, xã tưz sik đros njuôk xav, sâu zuôr 538 ha ntâu ar têz jiês I, bâuv li 9 cxênhz ntâu thax ar. Zơưv Đinh Mạnh Cường, Phưv Chủ tịch UBND xã Mậu A, tỉnh Lào Cai puz pâuz:“Hâur ntu fuô uô, phiv liv đuô hur si zos ntâuz ntơưr ar têz đhâu ntâu ntu viv li muôx têx txơưr txar. Đros têx lênhx nênhs njiz trâus phiv liv, xã puôr lênhx qênhz shuôs tsênhz mênhx, seiz shuôk jông ntâuz ntơưr, xav jênhv têx muôx tsênhz. Tsưr ziv zos tsi lav uô cov tas hâux lưv sei mak tsuv taz por tsênhz mênhx”.

Tsik tiêk ntơưv thax tsav tox siêz, hâur phường Yên Bái, qơư muôx chôngz pêx xênhv uô nênhx nhoz thiêz ar têz khênhr txơưr txar, luôs hâux lưv uô tsênhz mênhx têx xor mông cux tâu sir jos fuô uô truôx jông. Phường tưz uô 100% xor mông, têx ntâuz ntơưr tso sâuv cxiv luôs; kho đuô zuôr xar 9 cxênhz thax ar, tax 100% tsưr ziv tso tơưv.

Txos nhiv no, phường muôx zuôr xar 55 cxênhz thax ar uô tâu trơưk li cui tinhv - zos têx tưz uô tâu trơưk hâux lưv tso tơưv : thax tsav qơư, xor mông thiêz ntâuz ntơưr, bax phưx vưv trâu uô hâux lưv đhâu điện tử. Pos Phạm Thị Lan Anh, Phưv Chủ tịch UBND phường Yên Bái, tỉnh Lào Cai heik:“Chiê khưx phưx, phường tưz choz hâux lưv tsênhz mênhx trâu cán bộ, hux jos đros công an, Văn phongx Đăngk cir ar têz thiêz pêx xênhv chiê uô tsênhz mênhx têx xor mông, ntâuz ntơưr. Thâuv uô tiêr têx li heik co, zuôr qênhz yuôx sêi đuô, uô tâu truôx luôs hâux lưv seiz car, paz pêx xênhv txo grêk tsơưs six hơưv hnuz nhôngs muk lol, uô ntâu zav ntâuz ntơưr".

Txos nhiv no, tỉnh Lào Cai tưz uô hur jông, tsênhz mênhx 3 tsov ntâu têx ar têz, ar nhoz trơưk cui tinhv. Zuôr xar 2 tsov thax tsav qơư tsênhv taz tov uô cov tiêr, đros tsưr ziv tso tơưv tax 100% lok kaz hli 11 shông no. Pos Nguyễn Thị Vi Huế, Phưv Giám đốc Sở Kôngz nuv thiêz Tênhx qơư tỉnh Lào Cai, puz pâuz, txos nhiv no, tỉnh zuôr xar 5 tsov thax tsav ar phênhv ntâu tưz muôx cxix cxuô xor mông. No zos têx zov chênhr chiê tror hlôngr yiêz ntâuz ntơưr hành chính, uô jông luôs hâux lưv seiz car thiêz phưx vưv tsôngv pêx xênhv, doanh nghiệp:“Têx ar têz tâu yênhx lix hâur ntu choz zok ar, muôz ntơưr côngk nhav, hlôngr tsưr ziv sir zôngv… Sở tưz chox kriê cxuô thax tsav qơư tsuv thôngz sâu têx sôr laov tsik so hâur yênhx hnuz, đros trâu đơưk uô têx ntâuz ntơưr. Têx qơư tsik tâu uô tsênhz mênhx zuôr tror tâu uô cov hur jông chiê muôx cxaz nzir, cxix cxuô sôr laov, têx xor mông ar tê”.

120 hnuz hmo sir jos uô têx hâux lưv heik sâuv viv li tsi tiêk zos jiês siz tưr chiê uô tâu ntâu hâux lưv tso tơưv. Zov chênhr đuô, no zos hlôngr pâur tsưr ziv txix seiz car ntâuz ntơưr uô yênhx seiz car sôr laov ; txix hâux lưv tsôngv pêx xênhv zok nriêr thiêz muôz têx xor mông, ntâuz ntơưr uô yênhx iz hâux lưv muôx cxix cxuô, pâuz tsênhz têx mông thôngz hâur meir, sâuv mạng xã hội phưx vưv pêx xênhv jông đuô./.

                                                                                                            Thừa Xuân-Riê lâux cxeik, nhênhv

Tsaz yênhx têz qơưk qơư tsov txos thax tsav tsôngv box mênhx cxưx tsơưs nênhs nhoz tox siêz đêz đrôngl

- 85% ntâu chor xar, jêx jok thax tsav tsôngv box mênhx cxưx tsơưs nênhs thiêz tox siêz muôx txâuk cơ sở cxuô zav taz por tax zoz qơưx huôv tsar kinh tế - xã hội thiêz pêx xênhv luz nênhx;

- 100% xã muôx cêr yêz lox muk txos tsênhv qơư xã tâu luôv suôz jêz lok sik poz jêz;

- 100% jêx jok muôx cêr lox zôngx ziv muk lol;

- 100% jêx jok muôx cêr yêz lox txuôk đros tsênhv qơư xã lok sik têx cêr zov chênhr, niêv cêr, txox cêr lox tâu luôv trox cxeik lok sik nquôr bê tông taz por muk lok hâur yênhx shông;

- 100% ziv chuôz zis tâu sir zôngv tênhv tênhz têz qơưk thiêz têx tênhv tênhz txơưr huv đros;

- 100% tsôngv px mênhx cxưx tsơưs nênhs tâu sir zôngv đêx xênhz huôx huv vêv xênhz, hâur co 20% sir zôngv đêx hur tax ploz tsênhr;

- 100% tsôngv px mênhx cxưx tsơưs nênhs tâu seiz đeix xa đuôz thiêz mnôngs đeix nta suôz;

- Yênhx trus muôz siêz tsôngv px thax tsav mênhx cxưx tsơưs nênhs thiêz tox siêz li pênhr xưv buôk ti thiêz sir zôngv dịch vụ internet, hạ tầng số, gôngr phênhv uô hlôngr yiêz sôr têz qơưk.

Tsênhv njiêz uô

Tsênhv njiêz 01: Tror uô tiêr thiêz muôz siêz tsơưr lươngv cxix luôk zaoz thôngz (muôx qox muk lok, côngz trênhx zaoz thôngz) phưx vưv tsôngv px, tsiv uô xênhz yar thiêz kinh doanh sâuv thax tsav xã, jêx jok; cxix luôk zaoz thôngz txuôk đros cxuô xã, jêx jok lơưr saz huv đros, yiêz, huv đros qiv hơưv txơưr txar, huv đros thax tsav, suôv qơư thiêz taz por txuôk đros muôx chêx cuk. Hâur co, chêx chôngk, tsov cưv paz txưv yưv pênhr trâu têx xã, jêx jok txov nhêv tiv zix, thax tsav tsôngv px mênhx cxưx tsơưs nênhs, ngaz tuk, ntus đriv thiêz poz hiêr;

Tsênhv njiêz 02: Tror uô tiêr thiêz gra siêz tsơưr lươngv côngz trênhx đêx liv lơưr saz thôngx ziv, jông, cxix cxuô, huv đros, huv đros yênhx thax tsav, suôv qơư, huv đros qiv hơưv txơưr txar; gra siêz chêx cuk coar lik, sir zôngv côngz trênhx đêx liv. Hâur co, tsêx trung, tsov cưv yưv pênhr côngz trênhx đêx liv trâu têx xã, jêx jok txov nhêv tiv zix, thax tsav tsôngv box mênhx cxưx tsơưs nênhs thiêz tox siêz, ngaz tuk thax tsav, ntus đriv thiêz poz hiêr, thax tsav muôx tsi txâuk đêx, thax tsav trâus zênhr shar ntâu tiv qiv hơưv txơưr txar;

Tsênhv njiêz 03: Chuôz tsar pênhr jos phax, tar ntux uô ruôr hiêv cấp xar chiê chuv tôngv phax tar, tir thêir zênhx max, khưx phưx têx tsi jông tiv ntux uô muôx chêx cuk thôngz đhâu cxiv tsa cxix luôk canhv pov nzor, chuôz zênhx zuôr trâus, tsưr tsix lưx lươngv uô ntêx nyuôk phax, tar ntux uô ruôr hiêv thiêz yax mông, piêr kriê, kruôz kriê gra siêz jênhv pâuz côngv thôngx lok phax, tar ntux uô ruôr hiêv, huv đros qiv hơưv txơưr txar, tiv zix zos ntơưv têx xar, jêx jok txov nhêv tiv zix, thax tsav tsôngv box mênhx cxưx tsơưs nênhs thiêz tox siêz, ngaz tuk thax tsav, ntus đriv thiêz poz hiêr, thax tsav zôngx ziv njiz trâus phiv liv thiêz zôngx ziv trâus ruôr hiêv tiv qiv hơưv txơưr txar;

Tsênhv njiêz 04: Yưv pênhr, kho đuô thiêz cxiv tsa cxiv luôs tênhv tênhz jêx jok phưx vưv tsôngv box luz nênhx thiêz uô xênhz yar lơưr saz truôx tuk, ngaz tuk, truôx jông thiêz taz por jông. Hâur co, tsêx trung, tsov cưv paz yưv pênhr, kho đuô trâu têx xã, jêx jok txov nhêv tiv zix, thax tsav tsôngv box mênhx cxưx tsơưs nênhs, ngaz tuk thax tsav, ntus đriv thiêz poz hiêr. Chuôz tsar huôv tsar têx năng lượng yiêz (tênhv yar ntux, tênhv chuô…) huv đros thax tsav, suôv qơư, ndar txos cxiv luôs tênhv truôx tuk thiêz huôv tsar truôx jông./.

                                                                                                                    Txâur Vax cxeik nhênhv