Tổng Bí thư Tô Lâm: Muôz iz cxiê tsênhv chêi chiê Nghị quyết 57 nzor tâu uô hâur

luz nênhx

Nghị quyết 57-NQ/TW lok paz trâu huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk tâu tso tơưv trâu kaz shông 2024. Lơưr Tổng Bí thư Tô Lâm, chiê Nghị quyết no tâu uô hâur luz nênhx tsênhv yuôr ntâu kror phiv liv. Hok hâux lưv kho đuô Chêi Khoa học thiêz Công nghệ sêi tiv zix zos kaz shông 2025. Li co, tas nro shông 2025 zuôr kriz uô tsik tâu Nghị quyết sôr 57 lok sik kriz uô tâu taz sik zuôr njiz tsik tsơưs têx phiv liv.

Viv li, Tổng Bí thư Tô Lâm hêik tsuv muôx văn bản sêi đrơưv muôz Nghị quyết 57 lok uô hâur luz nênhx. Côx hôiv li Dưv thảo Nghị quyết uô siv iz cxiê tsênhv chêi chiê đơưk kho têx phiv liv hâur huôx tôngv khoa học, công nghệ thiêz hlôngr yiêz xar tơưv tưz tâu tso tơưv.

Tổng Bí thư hêik, têx vênhv thix khoa học thiêz công nghệ lênhx tưs cux njiê pov tâu kror tsiv gri taz sik huôv tsar tsik tâu viv tsênhv yuôr ntâu kror phiv liv. Zos hêik kho đuô Chêi Khoa học thiêz Công nghệ zuôr tsik tâu txâuk chiê khoa học công nghệ huôv tsar. Hok Chêi Đấu thầu cux tsênhv muôx ntâu kror phiv liv…

Tổng Bí thư hêik pâuz lok hâux lưv thêv nhiêx sê. Shông đhâu, Chinhr phuv txo grêk nhiêx sê tưz sâu tâu nhiêx sê ntâu. Txo grêk zênhx hangx têx nhiêx liv kir txêik, zaz zâuv tâu chôngz nênhs kir txêik nhiêx chiê uô nox kinh doanh.

Đuô li, têx phiv liv hâur kriz uô huôx tôngv khoa học công nghệ cik txos chêi sở hữu trí tuệ. Viv li, thể chế cux tsênhv zos kror phiv liv tsuv tâu đơưk kho.

Lơưr Tổng Bí thư Tô Lâm, Chêi tsuv tax tâu têx kror tsênhv tsênhz, zos kror trâu tas nro sơưr đơưk uô trơưk. Chêi li tsưr ziv zos cxơưz cxiz, xar nhênhz chơưv khoa học công nghệ… Xar uô tâu li co tsuv muôx yưv pênhr thiêz six hơưv hnuz nhôngs.

Lơưr Tổng Bí thư Tô Lâm, uô ntêx, hâur ntu tror kho đuô Chêi Khoa học thiêz Công nghệ tsuv tsêx trung trâu têx vênhv thix yiêz, cxix cxuô, huv đros tsênhv tsênhz. Nghị quyết sôr 57 tso tơưv tâu sơưr đơưk, chor nênhs khoa học thiêz pêx xênhv thôngx ziv đros./.

TTXVN-Lik Thox cxêik nhênhv

Hluôk nênhs Lai Châu huôv tsar uô nox hâur ntu têz qơưk hlôngr yiêz thiêz huôv tsar

Đhâu iz ntuk ntêr sir jos zok nriêr têx tsưr ziv uô nox sâuv mạng xã hội thiêz hâur đeix, ntơưr pov tsir, shông 2023 tix lâus Tsưz Xênhv Zax, heir nênhs Hmôngz nhoz xã ntus đriv Dào San, huyện Phong Thổ tưz muôz tas nro 5 cxênhz ntâu xưv phaz liêx tơư ntêir uô blêx iz chiv hlôngr chos dâu tây. Khov sir jos khưr, moz siêz tu thiêz tsoz chos co jông chos hâur thax tsav, viv li têx dâu tây hloz lox lok six jông; zuôr xar 2 shông lok no sâu đê muôs tâu ntâu nhiêx đuô pir li thâuv ntêx. Xar tâu tsưr ziv jông, huôv tsar uô nox ciês sâuv zuk thax tsav qơư nhoz, tưz paz tix lâus chuôz zis hla đhâu cêr pluôs, uô bluô nux hâur thax tsav qơư. Tix lâus Tsưz Xênhv Zax heik:

“Thâuv ntêx chor ar têz no zos ar uô blêx, tsuôk chos tâu iz chiv xưz, tsi tâu ntâu, viv li cur tưz cơưv shâuv luôs lưv tus txơưx huôv tsar uô nox tsưr ziv thiêz muôz tsoz dâu tây lok chos. Dâu tây jông chos hâur thax tsav qơư, tsi tas trâu qir têz qơưk, trâu mê njik têx qir tsiêx cxu xưz thiêz huk uô têx hax siêz chiê chos, chor txir txi thiêx tsi qưr ar, lok six hur. Txos cheix tơưs pax, chuôz zis cux nzaz nzơưv zus mur chiê zuôr jiz hur si”.

Ntơưv xã ntus đriv Bản Lang, huyện Phong Thổ, seiz pov têx muôx jông hâur thax tsav qơư, shông 2024, chor hluôk nênhs hâur xã tưz siz paz pênhr zuôr meir, chuôz zênhx, yênhx lix tổ hluôk nênhs Bản Lang sik paz huôv tsar uô nox. Tix lâus Phong Xênhv Zax, Bí thư Đoanx xã Bản Lang, huyện Phong Thổ heik pâuz:

“Thâuv hâur thax tsav qơư chos tâu lok six ntâu tsơưz mak muôs tsi yuô tâu, tsi yuô pôngz, chor hluôk nênhs hâur thax tsav tưz sir jos yênhx lix uô têx paz thiêz tso tơưv tsưr ziv uô qơư jiêz kra txir tsơưz. Tiv iz, chiê muôx têx por hưv tâu ntêr đuô, tiv 2 zos chiê muôx têx muôs tâu trâu têx ciêz đrôngs hâur têz qơưk”.

Shông 2024, Tổ piêr kriê tsưr ziv huôv tsar uô nox trâu hluôk nênhs nhoz hâur Tỉnh đoanx Lai Châu tưz kriê têx tsưr ziv uô nox uô hnar trâu 2 cxênhz ntâu lênhx hluôk nênhs. Ntâu paz Group tâu yênhx lix ntơưv xã, phường, thị trấn, yênhx jiês sik njiz sik thav, hu zâuv chor tuz nxeik hluôk uô tâu hâux lưv truôx, muôx txux chi jông kriê tsưr ziv trâu sơưr đơưk cơưv shâuv thiêz uô trơưk. Niêv lâul Juôs Xênhv Lù, Bí thư Đoanx xã Nùng Nàng, huyện Tam Đường, tỉnh Lai Châu heik pâuz:

“Hâur 2 shông tror lok no, hluôk nênhs phôngz yaox huôv tsar uô nox hâur thax tsav xã cux tưz uô tâu jông thiêz hlôngr yiêz ntâu. Chor tuz nxeik hluôk tưz pâuz hlôngr yiêz zuz nôngz tsoz chos, li: Chos tsoz sâm đương quy, tsoz chos nox txir, txir lưk hmaz.... Pêz cux zuôr sir jos paz chor hluôk nênhs kêr txeik pênhr cux li paz lok sâuv tsưr ziv uô nox, yênhx lix tổ sik hux jos chiê sơưr đơưk muôx six hơưv tâu pâuz, tâu pov, tâu chuôs njiz, siz kriê uô nox uô hnar”.

Ntơưv Lai Châu nhiv no muôx 200 ntâu trâur nuv hluôk nênhs huôv tsar uô nox uô hâuk, tsiv gri txix 100 tsov đeiv tror zar sâuv. Niêv lâul Bế Thị Bằng, Phưv Bí thư Tỉnh đoanx Lai Châu heik pâuz:

“Ban Thường vụ Tỉnh đoanx zuôr tror fuô uô tsaz yênhx paz têx hluôk nênhs huôv tsar uô nox; uô jông luôs hâux lưv yax kriê, uô ntêx nyuôs hâur cxuô luôs hâux lưv, kriê chor hluôk nênhs tsưr ziv huôv tsar uô nox. Sir jos cir têx tsaz yênhx sik hux jos chiê muôx pênhr trâu hluôk nênhs uô nox uô hnar, sir jos uô tiêr luôs hâux lưv yênhx lix Cuiv nhiêx paz hluôk nênhs uô têx hâux lưv li heik sâuv. Đhâu ntơư, nzaz nzơưv têx muôx jông ntơưv qơư, tỉnh têx chei paz chiê uô qơư chuôz jos cxơưz paz hluôk nênhs huôv tsar”.

Têx heik lok hluôk nênhs Lai Châu cêr huôv tsar uô nox uô hnar hâur ntu têz qơưk hlôngr yiêz thiêz huôv tsar tsi tiêk zos iz lênhs sir jos, tsênhv zos hâux lưv uô jông chiê lưv tus njênhs njôngr thiêz cơưv shâuv, uô trơưk. Tsi tiêk hla đhâu phiv liv, lơưr tsênhv sir jos uô trơưk têx tsưr ziv yiêz hâur huôv tsar uô nox  niêx hnuz, paz cxơưz cxiz kinh tế, xã hội hâur thax tsav qơư huôv tsar truôx./.

Khắc Kiên-Riê Lâux cxeik, nhênhv

Phax tar caz moz ơưk tsik chiê cik trâu tsiêx cxu hâur chêix ntux yiêz

Ntu no chor nhux, tưv zôngx ziv trâus moz đôngs nyar, moz njưl, tơưv ndâux hlê trâu. Chor buô zôngx ziv trâus moz ơưk, tơưv ndâux hlê trâu, đôngs nyar… tiv zix zos moz ơưk buô châu Phi cux tsênhv huôv xênhz ntơưv ntâu tỉnh, thành sâuv tas nro têz qơưk. Chor kêiz ol mak zôngx ziv trâus moz ơưk, thox plaz. Nhiv no, nênhs tu zus piz tu zus nzir, zos tsik muôx tsưr ziv chiê phax tar, caz moz zuôr huôv xênhz sêi, cik đhâu huôz chuô, zav nox, đêx hâuk, têx chuôz zênhx, tsêr guôx, huôv yênhx moz lox, uô phiv liv txos kinh têr.

Hâur ntu hlôngr chêix, chor chuôz zis tsuv sêiz shuôk, tu jông chor tsiêx tu zus, thoz huk têx kror tso đêx ntưk muk, vêv xênhz têx qơư trâu zav nox, đêx hâuk, têx chuôz zênhx tu zus cov hur, thêir vor tsêr guôx cov chor tsiêx tu zus tsik trâus no. Sêiz shuôk jông đas jos trâu chor tsiêx cxu yênhx hnuz, cov pov tâu nzor chor tsiêx cxu trâus moz chiê cêv kuôk, kho moz cov sêi. Chor hnuz muôx lok nas yâur, nông siêz, tsuv uô cov sor trâu chor tsiêx cxu, tiv zix zos chor tsiêx cxu lâul thiêz zâu. Thâuv xar thâux xa chor tsiêx cxu txix kror qơư no muk trâu têx kror qơư txơưr tsuv uô jông lơưr têx tsưr ziv ngaz tuk caz moz; chor yêz thâux xa tsuv tâu tsuôs yuôx tuô lov caz moz thâuv muk trâu hâur têx tsêr guôx; tiv zix tsik chiê chor yêz thâux muk jê trâu têx tsêr guôx; chor nôngz tsiêx zus mak tsuv pâuz tsênhz qơư; cxax yuôx vắc xin cov cxix cxuô…

Đros chor qơư tu zus lox đar tsuv uô jông khơưz kror chiê tuô lov caz moz thiêz mfông hmôngr jêz siz iz ndis têx tsêr guôx, qơư tu zus. Sêiz shuôk jông đas jos chor tsiêx tu zus hâur yênhx hnuz pov tâu nzor têx phiv liv, tsiêx cxu muôx moz chiê cêv kuôk thiêz chơưv kho; zos pov trâus moz hnhar thiêz siz cik sêiz mak tsuv heik ciês trâu canr bôv thú y ntơưv thax tsav qơư pâuz chiê xưv lik cov tâu nzor. Thâuv zuôr chor nôngz tsiêx yiêz lok tsuv muôx qơư zus txơưr tsơưs tiv zix 10-15 hnuz, thâuv pov chor tsiêx cxu nôngz muôx đas jos jông mak thiêx li muôz tso tu zus shơư đros chor tsiêx kuz…/.

Tòng Anh BT-Lik Thox cxêik nhênhv