Grê buô khênhx chuôz ndê siêz taz sik tsôngv box Yên Bái cux tsưv ziv thâuv tu zus

Hâur têx hnuz đhâu, grê buô khênhx tưz tax 68- 70 cxênhz đeiv iz cir, chuôz ndê 4-5% pir đros tsêz no. No zos phênhv siêz tiv zix hâur ntâu shông đhâu. Taz sik, phênhv ntâu tsôngv box tu zus cux tsưv ziv thâuv tror huôv tsar tu zus viv cxơưx moz huôv xênhz thiêz grê krâur chuôz ndê siêz.

          Zơưv Lại Văn Toàn chuôz zis nhoz jos Bản Lốm, xã Hạnh Sơn, thị xã Nghĩa Lộ, tỉnh Yên Bái muôx chênhz zênhv tu zus buô tâu 20 shông đhâu, niêx shông thâuv tưs cux tu zus txix 30-35 tul.

          Nhiv no grê buô chuôz ndê siêz tưz paz zơưv chuôz zis muôx cxaz phênhv sâu, txu grês têx phêv liv lok nhiêx txiêx thiêz chuôz cxaz đas jos tror huôv tsar tu zus. Taz sik, zơưv chuôz zis cux lok six tsưv ziv thâuv tror huôv tsar tu zus, viv cxơưx cxuô lênhx nênhs zuôr sik đros huôv tsar tu zus ntâu, uô grê krâur chuôz ndê siêz… “Nhiv kruôr đhâu cur chuôz zis muố 30 tul buô zuổ greix, cur cux xar tror huôv tsar tu zus ntâu taz sik ho cxơưx moz huôv xênhz viv li tsuôk tu zus li kuz, buô sha hor ntâu mak zus bâuv co. Krâur tu zus cux siêz, xar tu zus ntâu taz sik cux cxơưx”.

          Niêv lâuk Hà Thị Khởi chuôz zis, nhoz jos Đoàn Kết, xã Sơn A, thị xã Nghĩa Lộ đhâu iz ntu ntêr tsi tu zus mak nhiv no cux tror yưv pênhr huôv tsar tu zus, hâur co muôx 10 tul niêv buô thiêz 40 tul buô zuôr greix.

          Niêv lâuk Khởi puz pâuz, đros grê buô khênhx nhiv no, niêv lâuk chuôz zis xav tu zus mak zuôr sâu tâu liv. Taz sik, chuôz zis zuôr chiv chir huôv tsar nôngz buô chiê tu zus thiêz tsi zus ntâu, chiê taz por thiêz muôx chêx cuk phax tar moz trâu buô: “Hâur shông no cur chuôz is pov buô huôv tsar jông. Taz sik tror huôv tsar tu zus mak cux phêv liv, tsuôk xar njôngr grê muôs six fênhx jông li no xưz”

          Nhiv no, thị xã Nghĩa Lộ muôx tas nro 30 cxênhz ntâu tul, greix buô tax zuôr xar 1 cxênhz 147 tênhr. Grê buô khênhx chuôz ndê chox lok liv zix ntâu trâu tsôngv box tu zus. Pos Hoàng Thị Liên, Phưv Chủ tịch UB xã Sơn A, thị xã Nghĩa Lộ puz pâuz: “Grê buô chuôz ndê siêz taz sik tsôngv box cux tsi tso siêz chiê tror huôv tsar tu zus viv nyei muôx moz huôv xênhz. Pêz xã cux tưz uô jông côngz xưv yax mông, vênhv tôngv chiê tsôngv box huôv tsar tu zus, chuôz cxaz phênhv sâu trâu chuôz zis”.

          Grê buô khênhx chuôz ndê tsi taz zos jiês chiê tsôngv box chuôz cxaz phênhv sâu mak tsênhv tso pov kinh têr tror hôx phưx đhâu jiês moz huôv xênhz. Zos tâu bax uô jông, tu zus huv đros, pox nhuôk nôngx mênhx zuôr tror huôv tsar tu zus truôx vênhs đuô./.

Đinh Tuấn-Txâur Vax cxeik nhênhv

Đoanx Đại biểu Côx hội têz cử tri tox siêz ntus đriv Sơn La têx luk nus

Cử tri chor xã ntus đriv Lóng Phiêng, Phiêng Khoài, Chiềng Tương, Tú Nang, huyện Yên Châu, tỉnh Sơn La tưz heik têz qơưk chuôz tsar yưv pênhr uô têx côngz trênhx nhoz têz qơưk tsaz yênhx huôv tsar kinh tế xã hội thax tsav tsôngv box heir nênhs tsơưs thiêz tox siêz, tsaz yênhx cxiv tsa jêx jok yiêz.

Hâur co, moz siêz yưv pênhr, cxiv kho cêr muk lol jê ntus đriv Phiêng Khoài, buôk huyện Xiềng Khọ, tỉnh Hủa Phăn, têz qơưk Lol Tsuôk; cxiv kho cêr muk lol jêx jok, têx qox hla đhâu đêx, côngz trênhx đêx xênhz huôx; tsêr vênhx huôv, tsêr cơưv ntơưr.... Iz chas ntơư, heik cxuô cấp moz siêz txos thiêz muôx tsưr ziv paz sâu zuôr pêx xênhv têx kôngz uô tâu, txar jav tâu cheix, tsi tâu gri: “Cur zos Nguyễn Đức Mạnh, Bí thư chi bộ, tsar jok Yên Thi, xã Lóng Phiêng. Heik trâu têz qơưk moz siêz đros zok nriêr qơư sâu zuôr pêx xênhv têx txir ntông, lok sik cxiv tsa têx tsêr meir tsiv uô chiê sâu zuôr pêx xênhv chor txir ntông. Pêz tưz lok six sir jos hlôngr yiêz zuz nôngz tsoz chos, taz sik phênhv ntâu zos chiv chir zok nriêr qơư zuôr, muôs mê njik hâur ciêz xưz, tsi muôx xí nghiệp, taz viv tưs tuôx zuôr txos..... Chênhr viv li, muôx kênh hnuz mak tâu gri, têx jiês tưz muôs tsi pôngz”.

Lok sâuv têx cêr paz, tsênhv chei, cử tri heik cov paz max trâu canr bôv tsi lês car uô đreiv têx nuv hâur xã tsuv so hâux lưv lơưr Bộ Chính trị suô luk 137-KL/TW hnuz 28/3/2025 lok Đêx anr phênhz thiêz muôz iz ciê cơ quan, taz viv, thax tsav qơư lok uô cê thiêz cxiv tsa tsưr tsix hâu nov ntơưv qơư lơưr 2 cấp; muôx fuô kriê tsênhv tsênhz trâu sơưr đơưk: “Cur zos Bùi (Mùi) Văn Thuần, Phưv Chủ tịch Mặt trận Tổ quốc xã Tú Nang, zos lênhx tsi lês car uô đreiv têx hâux lưv hâur xã, cur cux xar cov tâu đros têz qơưk lês uô cxuô luôs hâux lưv uz no, taz sik cur thâuv tưs tưz jông siêz, thôngx ziv đros Đảng, têz qơưk tsưr ziv. Cur xar cov muôz jông six hơưv thiêz fuô kriê tsênhz mênhx trâu chor nênhs uô hâux lưv li pêz tror tâu cxaz chuôz gôngr bảo hiểm xã hội; thiêz xar cov têz qơưk muôx tsênhv chei xeir zuôr têx lênhx nênhs li co uô hâux lưv; têz qơưk muôx chei paz zok nriêr hâux lưv uô trâu têx lênhx tsi lês car uô đreiv iz zav hâux lưv tưs ntơưv têx doanh nghiệp, chiê taz por truôx tuk luz nênhx trâu sơưr đơưk”.

Ntâu luk heik, thix ziv têz qơưk moz siêz thiêz paz yưv pênhr cxiv kho têx côngz trênhx jông phưx vưv hâux lưv hlôngr yiêz sôr; muôx qơư gra nhiêx tsênhv qơư xã phưx vưv tsôngv pêx xênhv sơưr đơưk..... Zơưv Nguyễn Văn Toàn, Chủ tịch Ủy ban xã Phiêng Khoài, huyện Yên Châu, Sơn La heik: “Heik têz qơưk moz siêz thiêz paz trâu iz jok 1-2 luz meir tính, meir niêk uô ntơưr... Nhiv no, tưz muôx mạng Internet txos trâu cxuô luz tsêr vênhx huôv jok, muôz jông six hơưv li heik sâuv chiê uô hâux lưv trơưk têx hlôngr yiêz; đros trâu têx li heik co, zos uô trơưk tsưr ziv txo grêk tsơưs lênhx nênhs uô hâux lưv (Bí thư, cê zos tsar jok) canr bôv jok tsuv muôx chuôz zênhx phưx vưv uô hâux lưv jông đuô”.

Cử tri têx luk heik, thix ziv, siêz xar tưz tâu cxuô cấp sâu jênhv, têz thiêz phênhz tsênhz mênhx. Zơưv Nguyễn Đình Việt, Chủ tịch Ủy ban tỉnh, Tsar Đoanx Đại biểu  Côx hội tỉnh Sơn La heik mênhx: “Lok sâuv phênhz thiêz xeir chor nênhs tsi lês car uô truôx iz zav hâux lưv tưs ntơư zos hâu nov ntơưv qơư hâux lưv, quyết định, iz zav li tso lok lês uô têx hâux lưv hâur jok; zos tiêk tsi tso lok hâur jok, tsi nhoz hâur jok mak zuôr tâu uô trơưk têx cui tinhv, chei paz xưk li Nghị định 29. Têx thix ziv, luk heik lol sâuv yưv pênhr uô têx côngz trênhx, pêz seiz chor côngz trênhx dưv anr no puôr lênhx lok six zov chênhr, huv đros tsênhv tsênhz; taz sik tỉnh muôx tsi txâuk pênhr jos, cxuô zav chiê fuô uô, chênhr viv li, thâuv cxiv tsa tsuv seiz kror tưs zov chênhr mak uô dưv anr, côngz trênhx co uô ntêx”.

Ntơưv jiês chuôs njiz cử tri, Đoanx Đại biểu Côx hội tỉnh Sơn La tưz heik trâu cử tri pâuz lok njuôk xav tsênhv njiêz, tsaz yênhx jiês cơưv tiv 9, Côx hội khóa 15, heik cử tri pâuz txos Đoanx Đại biểu Côx hội têx hâux lưv uô tâu hâur Côx hội 2 jiês cơưv.

Ndax six hơưv no, Đoanx Đại biểu Côx hội tỉnh Sơn La tưz muôz huv puz trâu 18 chuôz zis muôx côngz têz qơưk ntơưv 4 xã ntus đriv, huyện Yên Châu./.

Lê Hạnh-Riê Lâux cxeik, nhênhv